ജീവിത ഗന്ധിയായ കഥപറഞ്ഞ് ‘ട്വിങ്കിൾ റോസയും പന്ത്രണ്ട് കാമുകന്മാരും’

January 15th, 2024

twinkle-rosa-isc-alain-drama-in-ksc-drama-fest-2024-ePatrham

അബുദാബി : പന്ത്രണ്ടാമത് ഭരത് മുരളി നാടകോത്സവം ഏഴാം ദിവസം ഇന്ത്യൻ സോഷ്യൽ സെൻ്റർ അൽഐൻ അവതരിപ്പിച്ച ‘ട്വിങ്കിൾ റോസയും 12 കാമുകന്മാരും’ എന്ന നാടകം ശ്രദ്ധേയമായി. ജി. ആർ. ഇന്ദു ഗോപൻ എഴുതിയ നോവലൈറ്റിനെ നാടക രൂപാന്തരം നൽകി ഒരുക്കിയത് പ്രശസ്ത സംവിധായകൻ ഷൈജു അന്തിക്കാട്. ലളിതമായ സംവിധാനവും ദൃശ്യ ചാരുതയും നാടകത്തെ മികവുറ്റതാക്കി.

പുരുഷത്വം എന്നതു കൊണ്ട് അർത്ഥമാക്കുന്നത് അധികാര മണ്ഡലം അരക്കിട്ടുറപ്പിക്കുക എന്നതോ സ്ത്രീയെ തൻ്റെ ചൊൽപ്പടിക്ക് നിർത്തുക എന്നതോ ഒന്നുമല്ല. മറിച്ച് അവളുടെ സ്നേഹത്തിൻ്റെ ആഴവും അർത്ഥവും ഒക്കെ അറിഞ്ഞ് ആദരിക്കുക എന്നതാണ്.

സ്ത്രീയുടെ സ്വാതന്ത്ര്യവും സ്വപ്‌നങ്ങളും സ്വാഭാവികതയും സ്നേഹത്തിൻ്റെ മനോഹരമായ ആവിഷ്കാരങ്ങൾ ആയി കാണുക എന്നത് പുരുഷത്വത്തിൻ്റെ പൂർണ്ണതയാണ്. സ്വന്തം മനോ സാമ്രാജ്യത്തെ വിപുലപ്പെടുത്താൻ ഒരു സ്ത്രീ തീരുമാനിച്ചാൽ പിന്നെ ഒരു ശക്തിക്കും തടയാൻ കഴിയില്ല എന്നും നാടകം പറയുന്നു.

ആദിത്യ പ്രകാശ്, നൗഷാദ് വളാഞ്ചേരി, ബൈജു പട്ടാളി, ഉല്ലാസ് തറയിൽ, ബാബൂസ് ചന്ദനക്കാവ്, ശ്രീകുമാർ തുടങ്ങിയവർ പ്രധാന കഥാപാത്രങ്ങളെ അവതരിപ്പിച്ചു.

ജോസ്‌ കോശി (പ്രകാശ വിതാനം) ക്ലിൻറ് പവിത്രൻ (ചമയം) മിഥുൻ മലയാളം (സംഗീതം) ജിനേഷ് അമ്പല്ലൂർ (രംഗ സജ്ജീകരണം) എന്നിവരാണ് അണിയറക്കാർ. K S C , ISC AlAin

- pma

വായിക്കുക: , , , , ,

Comments Off on ജീവിത ഗന്ധിയായ കഥപറഞ്ഞ് ‘ട്വിങ്കിൾ റോസയും പന്ത്രണ്ട് കാമുകന്മാരും’

ഐ. എസ്. സി. – യു. എ. ഇ. ഓപ്പണ്‍ യൂത്ത് ഫെസ്റ്റിവെൽ വെള്ളിയാഴ്ച തുടക്കമാവും

January 10th, 2024

isc-youth-festival-2023-24-ePathram
അബുദാബി : ഇന്ത്യ സോഷ്യല്‍ ആന്‍ഡ് കള്‍ച്ചറല്‍ സെൻറർ സംഘടിപ്പിക്കുന്ന ഐ. എസ്. സി. – യു. എ. ഇ. ഓപ്പണ്‍ യൂത്ത് ഫെസ്റ്റിവെൽ ജനുവരി 12, 13, 14 (വെള്ളി, ശനി, ഞായർ) ദിവസങ്ങളിൽ ഐ. എസ്. സി. യിലെ വിവിധ വേദികളിലായി നടക്കും.

യു. എ. ഇ. യിലെ 35 സ്‌കൂളുകളില്‍ നിന്നുള്ള 3 മുതല്‍ 18 വയസ്സ് വരെയുള്ള അഞ്ഞൂറോളം വിദ്യാര്‍ത്ഥികള്‍ നാല് വിഭാഗ ങ്ങളിലായി യൂത്ത് ഫെസ്റ്റിവെലിൽ മാറ്റുരക്കും എന്ന് ഭാരവാഹികൾ വാർത്താ സമ്മേളന ത്തിൽ അറിയിച്ചു.

press-meet-isc-youth-festival-2023-24-ePathram

നൃത്ത വിഭാഗങ്ങളിൽ ഇന്ത്യന്‍ ക്ലാസിക്കല്‍, സെമി ക്ലാസിക്കല്‍, ഫോക് ഡാന്‍സ് എന്നിവയും സംഗീത വിഭാഗത്തിൽ കര്‍ണാടിക്, ഹിന്ദുസ്ഥാനി, സിനിമാ ഗാനങ്ങള്‍, ലളിത ഗാനങ്ങള്‍ എന്നിവയും മൂന്നാമത് വിഭാഗത്തിൽ ഉപകരണ സംഗീതം (ഈസ്റ്റേൺ & വെസ്റ്റേൺ), നാലാമത് വിഭാഗത്തിൽ മോണോ ആക്ട്, ഡ്രോയിങ്, പെയിന്റിങ്, കളറിംഗ്, ഫാന്‍സി ഡ്രസ്സ് എന്നിങ്ങനെ 26 ഇനങ്ങളിലാണ് മത്സരങ്ങൾ നടക്കുക.

ഏറ്റവും കൂടുതൽ പോയിൻറുകൾ  നേടുന്ന ആൺ കുട്ടിക്ക് ‘ഐ. എസ്. സി. പ്രതിഭ 2023-24’ പുരസ്കാരവും പെൺ കുട്ടിക്ക് ‘ഐ. എസ്. സി. തിലക് 2023-24’ പുരസ്കാരവും മൊത്തം പോയിന്റു നേടിയതിന്റെ അടിസ്ഥാനത്തിൽ സ്കൂളിന് ‘ബെസ്റ്റ് ഇന്ത്യന്‍ ആര്‍ട്ട് ആന്‍ഡ് കള്‍ച്ചറല്‍ സ്‌കൂള്‍ 2023-24’ പുരസ്കാരവും സമ്മാനിക്കും.

ഐ. എസ്‌. സി. അംഗം റോബിന്‍സണ്‍ മൈക്കിളിൻ്റെ മകന്‍ ഹാരോള്‍ഡ് റോബിന്‍സൻ്റെ സ്മരണാര്‍ത്ഥം ഏര്‍പ്പെടുത്തിയ പ്രത്യേക അവാർഡ്, യൂത്ത് ഫെസ്റ്റിവെലിലെ മികച്ച ഗായകനും നര്‍ത്തകനും സമ്മാനിക്കും.

സമാപന സമ്മേളനത്തില്‍ ഇന്ത്യന്‍ എംബസി കൗണ്‍സിലര്‍ ഡോ. ബാലാജി രാമസ്വാമി മുഖ്യ അതിഥി ആയിരിക്കും.

ഐ. എസ്. സി. പ്രസിഡണ്ട് ജോണ്‍ പി. വര്‍ഗ്ഗീസ്, ജനറല്‍ സെക്രട്ടറി വി. പ്രദീപ് കുമാര്‍, ട്രഷറര്‍ ദിലീപ് കുമാര്‍, സാഹിത്യ വിഭാഗം സെക്രട്ടറി ഗോപാല്‍ സിഡ്ഡുല, യൂത്ത് ഫെസ്റ്റിവെല്‍ കണ്‍വീനര്‍ രാജ ശ്രീനിവാസ റാവു ഐത, ഭവന്‍സ് സ്‌കൂള്‍ പ്രിന്‍സിപ്പല്‍ സുരേഷ് വി. ബാലകൃഷ്ണന്‍, അഡ്മിനിസ്‌ട്രേഷന്‍ മാനേജര്‍ പ്രശാന്ത് ബാലചന്ദ്രന്‍, റിക്കു വര്‍ഗീസ് എന്നിവർ വാര്‍ത്താ സമ്മേളനത്തില്‍ സംബന്ധിച്ചു.

- pma

വായിക്കുക: , , , , , , , , , , , ,

Comments Off on ഐ. എസ്. സി. – യു. എ. ഇ. ഓപ്പണ്‍ യൂത്ത് ഫെസ്റ്റിവെൽ വെള്ളിയാഴ്ച തുടക്കമാവും

ഐ. എസ്. സി. അപെക്സ് ബാഡ് മിന്റൺ ഗോൾഡ് ചാംപ്യൻ ഷിപ്പ് വെള്ളിയാഴ്ച മുതൽ

December 30th, 2023

isc-apex-46-th-badminton-championship-ePathram
അബുദാബി : ഇന്ത്യാ സോഷ്യൽ സെൻറർ സംഘടി പ്പിക്കുന്ന 46ാമത് ഐ. എസ്. സി.- അപെക്സ് ബാഡ് മിന്റൺ ഗോൾഡ് ചാംപ്യൻ ഷിപ്പ് 2024 ജനുവരി 5 വെള്ളിയാഴ്ച മുതൽ ഐ. എസ്. സി. സ്റ്റേഡിയത്തിൽ ആരംഭിക്കും. ജൂനിയർ, സീനിയർ, എലീറ്റ് വിഭാഗങ്ങളി ലായി ഇന്ത്യ ഉൾപ്പെടെ വിവിധ രാജ്യങ്ങളിൽ നിന്നുള്ള മുപ്പത്ത് രാജ്യാന്തര താരങ്ങൾ മത്സരങ്ങളിൽ മാറ്റുരക്കും.

press-meet-isc-apex-46-th-badminton-championship-ePathram

യു. എ. ഇ. ബാഡ്മിന്റൺ ഫെഡറേഷന്റെ സഹകരണത്തോടെ ഗോൾഡ് കാറ്റഗറി വിഭാഗം മത്സരവും ഇതോടനു ബന്ധിച്ച് നടക്കും എന്ന് പ്രസി‍ഡണ്ട് ജോൺ പി. വർഗീസ് പറഞ്ഞു. 20 വിഭാഗങ്ങളിലായി ജൂനിയർ താരങ്ങളും 15 ഇന ങ്ങളിലായി സീനിയർ താരങ്ങളും മാറ്റുരയ്ക്കും.

വാർത്താ സമ്മേളനത്തിൽ ഐ. എസ്. സി. പ്രസിഡണ്ട് ജോൺ പി. വർഗീസ്, ജനറൽ സെക്രട്ടറി വി. പ്രദീപ് കുമാർ, ട്രഷറർ ദിലീപ് കുമാർ, സ്പോർട്സ് സെക്രട്ടറി അനീഷ് ജോൺ, ബാഡ്മിന്റൺ സെക്രട്ടറി നൗഷാദ് അബൂബക്കർ, പ്രായോജകരായ അപെക്സ് ട്രേഡിംഗ്  മാനേജിംഗ് ഡയറക്ടർ പി. എ. ഹിഷാം, ‍അദീപ്  ഗ്രൂപ്പ് ചീഫ് എക്സിക്യൂട്ടീവ്  ഓഫീസർ ഡോ. അൻസാരി വാഹിദ്, എം. പി. രാജേന്ദ്രൻ എന്നിവർ  സംബന്ധിച്ചു.

FB PAGE

- pma

വായിക്കുക: , , ,

Comments Off on ഐ. എസ്. സി. അപെക്സ് ബാഡ് മിന്റൺ ഗോൾഡ് ചാംപ്യൻ ഷിപ്പ് വെള്ളിയാഴ്ച മുതൽ

ജ്യോതി ശാസ്ത്ര ക്ലാസ്സ് ‘ശാസ്ത്ര നിലാവ്’ ശ്രദ്ധേയമായി

December 12th, 2023

astronomy-center-ePathram
അജ്മാൻ : ഇന്ത്യൻ സോഷ്യൽ സെൻ്റർ, ഫ്രണ്ട്സ് ഓഫ് കെ. എസ്. എസ്. പി., മലയാളം മിഷൻ ഷാർജ ചാപ്ടർ എന്നിവർ വിദ്യാർത്ഥികൾക്കായി ഒരുക്കിയ ‘ശാസ്ത്ര നിലാവ്’ എന്ന ജ്യോതി ശാസ്ത്ര ക്ലാസ്സ്  ശ്രദ്ധേയമായി. അജ്മാൻ ഇന്ത്യൻ സോഷ്യൽ സെൻ്റർ ഹാളിൽ നടന്ന ക്ലാസ്സിന് പ്രശസ്ത ജ്യോതി ശാസ്ത്ര വിദഗ്ദനും അദ്ധ്യാപകനുമായ ശരത് പ്രഭാവു നേതൃത്വം നൽകി.
shasthra-nilav-kssp-astrology-class-in-ajman-isc-ePathram

ഭൂമിയിൽ നിന്ന് കൊണ്ട് നക്ഷത്രങ്ങളെയും ഗ്രഹ ങ്ങളെയും നിരീക്ഷിക്കുവാനുള്ള വിവിധ മാർഗ്ഗ ങ്ങൾ പരിചയപ്പെടുത്തി. നക്ഷത്ര നിരീക്ഷണ ത്തിൻ്റെ ആദ്യ പാഠങ്ങൾ കുട്ടികളെയും മുതിർന്നവരെയും ഒരു പോലെ ആവേശം കൊള്ളിച്ചു.

അമ്പതോളം കുട്ടികളും രക്ഷിതാക്കളും പങ്കെടുത്ത ‘ശാസ്ത്ര നിലാവ്’ പരിപാടിയിൽ അജ്മാൻ ഐ. എസ്‌. സി. ആക്ടിംഗ് പ്രസിഡണ്ട് കെ. ജി. ഗിരീഷ് അദ്ധ്യക്ഷത വഹിച്ചു. സന്തോഷ് ബാബു, ശ്രീകുമാരി ആൻ്റണി, അഫ്സൽ ഹുസൈൻ, പ്രജിത് എന്നിവർ സംസാരിച്ചു.

- pma

വായിക്കുക: , , , , ,

Comments Off on ജ്യോതി ശാസ്ത്ര ക്ലാസ്സ് ‘ശാസ്ത്ര നിലാവ്’ ശ്രദ്ധേയമായി

ജനസാഗരമായി കെ. എസ്. സി. കേരളോത്സവം

December 1st, 2023

ksc-keralotsav-2023-ePathram

അബുദാബി : മൂന്നു ദിവസങ്ങളിൽ കേരളാ സോഷ്യല്‍ സെന്‍റർ (കെ. എസ്. സി.) അങ്കണത്തിൽ നടത്തി വന്ന കേരളോത്സവം മികച്ച ജന പിന്തുണയോടെ സമാപിച്ചു. വിവിധ നാട്ടുകാരായ സാന്നിദ്ധ്യത്തിൽ നാട്ടു തനിമ യോടെ സംഘടിപ്പിച്ച കേരളോത്സവ ത്തിൽ കേരള ഗ്രാമാന്തരീക്ഷത്തിൽ ഉത്സവ പ്പറമ്പിലെ കാഴ്ചകൾ പുനരാവിഷ്കരിച്ചു. ഗൃഹാതുരത്വ ഓര്‍മ കളിലേക്ക് കടന്നു ചെല്ലുവാനും കേരളോത്സവം ഒരു നിമിത്തമായി.

കെ. എസ്. സി. വനിതാ വിഭാഗം, ശക്തി തിയേറ്റേഴ്‌സ് അബുദാബി, യുവ കലാ സാഹിതി, ഫ്രണ്ട്സ് എ. ഡി. എം. എസ്. എന്നിവർ ചേർന്നാണ് കേരളോത്സവ ത്തിലെ നാടൻ തട്ടുകടകൾ ഒരുക്കിയത്.

മെഡിക്കൽ ക്യാമ്പ്, മലയാളം മിഷൻ ഭാഷാ പ്രചാരണം, കേരള ശാസ്ത്ര സാഹിത്യ പരിഷത്തിത്ത് സ്റ്റാളിൽ ഉപയോഗിച്ച ഉത്‌പന്നങ്ങളുടെ പുനർ വിപണനം, പുസ്തകമേള എന്നിവയും ഏറെ ജനശ്രദ്ധ പിടിച്ചുപറ്റി.

പ്രധാന പ്രയോജകരായ അൽമസൂദ്‌ നൽകിയ നിസാൻ സണ്ണി കാർ ഫിലിപ്പൈൻ സ്വദേശി ഇമ്മാനുവലിനു ആൽ മസൂദ്‌ പ്രതിനിധി പ്രകാശ് പല്ലിക്കാട്ടിൽ സമ്മാനിച്ചു. മൂന്നു ദിവസങ്ങളിലായി നടന്ന പരിപാടി യില്‍ വിവിധ കലാ പരിപാടികൾ അരങ്ങേറി. ആയിരങ്ങള്‍ സന്ദര്‍ശകരായി എത്തി. FB PAGE

- pma

വായിക്കുക: , , ,

Comments Off on ജനസാഗരമായി കെ. എസ്. സി. കേരളോത്സവം

Page 1 of 2312345...1020...Last »

« Previous « ദേശീയ ദിനാഘോഷം : മൂന്നു ദിവസം അവധി
Next Page » യു. എ. ഇ. യൂണിയൻ ഡേ : കെ. എം. സി. സി. യുടെ വൻ ജനകീയ റാലി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha