ലേബര്‍ ക്യാമ്പില്‍ കല വനിതാ വിഭാഗം ഇഫ്താര്‍ സംഘടിപ്പിച്ചു

July 2nd, 2016

kala-abudhabi-logo-epathram അബുദാബി : സാംസ്കാരിക കൂട്ടായ്മയായ കല അബു ദാബി യുടെ വനിതാ വിഭാഗ ത്തിന്റെ നേതൃത്വ ത്തില്‍ മുസഫ യിലെ അൽ റിയാമി ലേബർ ക്യാമ്പില്‍ കല യുടെ കുടുംബാംഗ ങ്ങളും തൊഴി ലാളി കളും ഒത്ത് ചേർന്ന് ഇഫ്താർ വിരുന്ന് ഒരുക്കി.

അബുദാബി മലയാളി സമാജം പ്രസിഡന്റ് ബി. യേശു ശീലൻ, ജനറൽ സെക്രട്ടറി സതീഷ് കുമാർ തുടങ്ങീ സാമൂഹ്യ സാംസ്കാരിക രംഗത്തെ പ്രമുഖരും ഇഫ്താർ വിരുന്നിൽ പങ്കെടുത്തു.

കല അബുദാബി പ്രസിഡന്റ് സുരേഷ് പയ്യന്നൂർ, ജനറൽ സെക്രട്ടറി അനിൽ കർത്ത, വനിതാ വിഭാഗം ജോയിന്റ് കൺവീനർ സോമിയ സജീവൻ തുടങ്ങിയവർ ഇഫ്താർ സംഗമ ത്തിന് നേതൃത്വം നൽകി.

- കറസ്പോണ്ടന്റ്

വായിക്കുക: , ,

Comments Off on ലേബര്‍ ക്യാമ്പില്‍ കല വനിതാ വിഭാഗം ഇഫ്താര്‍ സംഘടിപ്പിച്ചു

രവീന്ദ്ര സ്മൃതി : രവീന്ദ്രൻ മാസ്റ്റർക്ക് ശ്രദ്ധാഞ്ജലി

September 22nd, 2015
kala-abudhabi-logo-epathram അബുദാബി : മലയാള ത്തിന്റെ പ്രിയ സംഗീത സംവിധായ കൻ രവീന്ദ്രൻ മാസ്റ്റർക്ക് ‘രവീന്ദ്ര സ്മൃതി’ യിലൂടെ കല അബുദാബി യുടെ ശ്രദ്ധാഞ്ജലി. രവീന്ദ്രൻ മാസ്റ്റർ ഈണം നൽകിയ മുപ്പതോളം ഗാന ങ്ങളും ഈ ഗാന ങ്ങൾ പിറന്ന സന്ദർഭത്തെ ക്കുറിച്ചുള്ള മലയാള സിനിമ യിലെ പ്രമുഖരുടെ അഭിപ്രായ ങ്ങളും അവയുടെ ആലാപനവും ഉൾപ്പെടുത്തി അവതരിപ്പിച്ച  ‘രവീന്ദ്ര സ്മൃതി’ ക്ക് പ്രമുഖ സംഗീത സംവിധായകൻ വിദ്യാധരൻ മാസ്റ്ററും പിന്നണി ഗായകൻ മധു ബാലകൃഷ്ണനു മാണ് നേതൃത്വം നൽകിയത്. അബുദാബി ഇന്ത്യാ സോഷ്യൽ സെന്ററിൽ സംഘടിപ്പിച്ച പരിപാടിയിൽ യു. എ. ഇ. യിലെ പ്രശസ്തരായ നിരവധി ഗായകരും രവീന്ദ്രൻ മാസ്റ്റ റുടെ ഗാനങ്ങൾ ആലപിച്ചു. താഹിർ ഇസ്മയിൽ ചങ്ങരംകുളം പരിപാടി യുടെ സംവിധാനവും കെ. കെ. മൊയ്തീൻ കോയ അവതരണവും നിർവ്വ ഹിച്ചു. കല അബുദാബി പ്രസിഡന്റ് സുരേഷ് പയ്യന്നൂർ അദ്ധ്യക്ഷത വഹിച്ചു.  കലാ വിഭാഗം സെക്രട്ടറി മഹേഷ്‌ ശുകപുരം, പ്രോഗ്രാം കോഡിനേറ്റര്‍ ബിജു കിഴക്കനേല, ട്രഷറര്‍ മധു വാര്യർ, വനിതാ വിഭാഗം കണ്‍വീനർ സന്ധ്യ ഷാജു, അബുദാബി യിലെ കലാ സാംസ്കാരിക രംഗത്തെ പ്രമുഖരും ചടങ്ങില്‍ സംബന്ധിച്ചു.

- കറസ്പോണ്ടന്റ്

വായിക്കുക: , , ,

Comments Off on രവീന്ദ്ര സ്മൃതി : രവീന്ദ്രൻ മാസ്റ്റർക്ക് ശ്രദ്ധാഞ്ജലി

അബുദാബിയിൽ ചാക്യാർ കൂത്ത് അരങ്ങേറുന്നു

June 5th, 2015

kala-abudhabi-logo-epathram അബുദാബി : കല അബുദാബി യുടെ ഈ വര്‍ഷത്തെ പ്രവര്‍ത്തന ഉദ്ഘാടന ത്തോട് അനുബന്ധിച്ച് ജൂണ്‍12 വെള്ളിയാഴ്ച അബുദാബി ഇന്ത്യാ സോഷ്യല്‍ സെന്ററില്‍ വൈകുന്നേരം 7 മണിക്ക് നടക്കുന്ന ‘കേരളീയം 2015’ എന്ന പേരിൽ നടക്കുന്ന പരിപാടി യിൽ ചാക്യാര്‍ കൂത്ത് അരങ്ങേറും. ചാക്യാർ കൂത്തിലെ പ്രമുഖ കലാകാരൻ അമ്മന്നൂർ കുട്ടൻ ചാക്യാർ കൂത്തുമായി അരങ്ങില്‍ എത്തും.

മഹേഷ്‌ ശുകപുരം (അഷ്ടപദി), കിഷോര്‍ (മിഴാവ്), മീനാക്ഷി ജയകുമാര്‍ (ആലാപനം) എന്നിവര്‍ പിന്നണിയില്‍ അണിനിരക്കും.

കല യുവജനോത്സവ വിജയി കള്‍ക്ക് കലാ തിലകവും സർട്ടിഫിക്കറ്റു കളും ചടങ്ങില്‍ വെച്ച് സര്‍ട്ടിഫിക്കറ്റു കള്‍ വിതരണം ചെയ്യും. പുതിയ ഭാരവാഹികളെ പ്രഖ്യാപിക്കും.

- കറസ്പോണ്ടന്റ്

വായിക്കുക: , , ,

Comments Off on അബുദാബിയിൽ ചാക്യാർ കൂത്ത് അരങ്ങേറുന്നു

കല യുവജനോത്സവം : അനുഷ്‌കാ വിജു കലാതിലകം

May 18th, 2015

kala-thilakam-anushka-viju-ePathram
അബുദാബി : മലയാളി സമാജത്തില്‍ സംഘടിപ്പിച്ച കല അബുദാബി യുടെ യുവജനോത്സവ ത്തില്‍ ഏറ്റവും കൂടുതല്‍ പോയന്‍റു കള്‍ കരസ്ഥമാക്കി അനുഷ്‌കാ വിജു കലാ തിലക പട്ട ത്തിന് അര്‍ഹയായി.

ഭരതനാട്യം, മോഹിനിയാട്ടം, കുച്ചുപ്പുടി, ഫാന്‍സി ഡ്രസ്സ്, നാടോടി നൃത്തം എന്നീ ഇന ങ്ങളില്‍ ഒന്നാം സ്ഥാനം നേടി യാണ് 500-ഓളം മത്സരാര്‍ത്ഥികളെ പിന്നിലാക്കി അനുഷ്‌ക വിജു കലാ തിലക പട്ടം നേടിയത്. തൃശ്ശൂര്‍ കൂര്‍ക്കഞ്ചേരി സ്വദേശി കളായ വിജു – ഡാലിയ ദമ്പതിമാരുടെ മകളാണ്. അബുദാബി പ്രൈവറ്റ് ഇന്‍റര്‍നാഷണല്‍ സ്‌കൂള്‍ ആറാം ക്ലാസ് വിദ്യാര്‍ത്ഥിനി യായ അനുഷ്‌ക.

യുവ ജനോത്സവ ത്തില്‍ വിവിധ വിഭാഗ ങ്ങളില്‍ ആറ് വയസ്സില്‍ താഴെയുള്ള വരില്‍ ഐശ്വര്യ ഷിജിത്ത്, സുര്യ മഹാദേവന്‍ (6 മുതല്‍ 9 വയസ്സ്), അനുഷ്‌ക വിജു (9 മുതല്‍ 12 വയസ്സ്), വൃന്ദാ മോഹന്‍ (12 മുതല്‍ 15 വയസ്സ്) എന്നിവര്‍ ഗ്രൂപ്പ് വിജയി കളുമായി. ഇവര്‍ക്കിടയില്‍ നിന്ന് 25 പോയന്‍റുകള്‍ നേടി അനുഷ്‌ക വിജു കലാതിലക പട്ടത്തിന് അര്‍ഹ യായത്.

kalamandalam-kshemavathi-with-kala-youth-fest-winners-ePathram

കലോത്സവത്തിന്റെ സമാപന ച്ചടങ്ങില്‍ വിധി കര്‍ത്താക്കളായ കലാമണ്ഡലം ക്ഷേമാ വതിയും കലാമണ്ഡലം വയലാ രാജേന്ദ്രനും പങ്കെടുത്ത സംവാദ സദസ്സും നടന്നു. മത്സരിച്ച കുട്ടി കളു ടെയും രക്ഷിതാ ക്കളുടെയും നിരവധി ചോദ്യ ങ്ങള്‍ക്കും സംശയ ങ്ങള്‍ക്കും അവര്‍ മറുപടി നല്കി. ഗള്‍ഫിലെ കുട്ടി കളുടെ നൃത്ത വൈഭവം തന്നെ അത്ഭുത പ്പെടുത്തുന്ന തായി ക്ഷേമാ വതി ടീച്ചര്‍ പറഞ്ഞു.

കേരളത്തിലെ ടെലിവിഷന്‍ ചാനലുകളിലെ റിയാലിറ്റി ഷോ കളില്‍ വിജയി കളാകുന്ന വരേക്കാള്‍ സംഗീത സിദ്ധി യുള്ള വരാണ് ഗള്‍ഫിലെ കുട്ടികള്‍ എന്ന്‍ കലാ മണ്ഡലം വയലാ രാജേന്ദ്രനും പറഞ്ഞു.

സമാപനച്ചടങ്ങില്‍ കലാമണ്ഡലം ക്ഷേമാവതിക്ക് കല അബുദാബി യുടെ കലാ വിഭാഗം കണ്‍വീനര്‍ മധു വാര്യരും കലാമണ്ഡലം രാജേന്ദ്രന് കല വൈസ് പ്രസിഡന്‍റ് ടി. പി. ഗംഗാ ധരനും മെമൊന്റൊകള്‍ സമ്മാനിച്ചു. കല ജനറല്‍ സെക്രട്ടറി ബിജു കിഴക്ക നേല നന്ദി പറഞ്ഞു.

- കറസ്പോണ്ടന്റ്

വായിക്കുക: , , , , , , ,

Comments Off on കല യുവജനോത്സവം : അനുഷ്‌കാ വിജു കലാതിലകം

കലാഞ്ജലി 2015 : ‘കൃഷ്ണ’ അരങ്ങേറി

March 2nd, 2015

krishna-dance-by-shobhana-ePathram
അബുദാബി : കല അബുദാബി സംഘടിപ്പിച്ച കലാഞ്ജലി 2015 ന്റെ ഭാഗമായി ശോഭന അവതരിപ്പിച്ച നൃത്ത നാടകമായ ‘കൃഷ്ണ’ അബുദാബി ഇന്ത്യാ സോഷ്യല്‍ സെന്ററില്‍ അരങ്ങേറി.

കൃഷ്ണന്റെ ജനനം മുതല്‍ മരണം വരെ യുള്ള കാല ഘട്ടവും സംഭവ വികാസ ങ്ങളും മഹാ ഭാരത യുദ്ധവുമെല്ലാം രണ്ടര മണിക്കൂറു കൊണ്ട് എല്‍. ഇ. ഡി. ദൃശ്യ ങ്ങളുടെ സഹായ ത്തോടെ ശോഭനയും സംഘ വും ചേർന്ന് അവതരിപ്പിച്ചു.

ഇന്ത്യന്‍ അംബാസഡര്‍ ടി. പി. സീതാറാം കലാഞ്ജലി 2015 ഉദ്ഘാടനം ചെയ്തു. കല പ്രസിഡന്റ് വേണു ഗോപാല്‍ അധ്യക്ഷത വഹിച്ചു.

ഐ. എസ്. സി., സമാജം, കെ. എസ്. സി. പ്രതിനിധികള്‍ ചടങ്ങില്‍ സംബന്ധിച്ചു. ഐ. എസ്. സി. യുടെ നിയുക്ത പ്രസിഡന്റ് രമേശ് പണിക്കര്‍ ആശംസാ പ്രസംഗം നടത്തി. കല യുടെ ഉപഹാരം ഷഫീന യൂസഫലി ശോഭന യ്ക്ക് സമ്മാനിച്ചു. സമാജം കലാ തിലക പ്പട്ടം ചൂടിയ ഗോപിക ദിനേശിന് ശോഭന മൊമെന്റൊ സമ്മാനിച്ചു.

കല ജനറല്‍ സെക്രട്ടറി ബിജു കിഴക്കനേല സ്വാഗതവും ട്രഷറര്‍ പ്രശാന്ത് മാസ്റ്റര്‍ നന്ദിയും പറഞ്ഞു.

- കറസ്പോണ്ടന്റ്

വായിക്കുക: , ,

Comments Off on കലാഞ്ജലി 2015 : ‘കൃഷ്ണ’ അരങ്ങേറി

Page 2 of 41234

« Previous Page« Previous « കാനം രാജേന്ദ്രന്‍ സി.പി.ഐ സംസ്ഥാന സെക്രട്ടറി
Next »Next Page » കൈരളി ഹ്രസ്വ ചലച്ചിത്ര മത്സരം : പതിര് മികച്ച ചിത്രം »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha