ഡീസൽ വില : കെ. എസ്. ആർ. ടി. സി. റൂട്ടുകൾ റദ്ദാക്കും

January 21st, 2013

ksrtc-bus-strike-epathram

തിരുവനന്തപുരം : ജോലിയിൽ നിന്നും വിരമിച്ച തൊഴിലാളികൾക്ക് പെൻഷൻ നൽകാൻ പോലും പണം തികയാതെ നട്ടം തിരിയുന്ന കെ. എസ്. ആർ. റ്റി. സി. ഡീസൽ വില വർദ്ധനവ് മൂലം വരുന്ന അധിക ചിലവ് താങ്ങാൻ ആവാതെ ലാഭകരമല്ലാത്ത റൂട്ടുകൾ നിർത്തലാക്കും. ഇത്തരം റൂട്ടുകൾ കണ്ടെത്താനുള്ള നടപടികൾ കോർപ്പൊറേഷൻ ആരംഭിച്ചു കഴിഞ്ഞതായാണ് സൂചന. 5300 പ്രതിദിന റൂട്ടുകളിൽ 1500 റൂട്ടുകളോളം ലാഭകരമല്ല എന്നാണ് കരുതപ്പെടുന്നത്. ഇവ നിർണ്ണയിക്കാനുള്ള നടപടികൾ ഞായറാഴ്ച്ച തന്നെ ആരംഭിച്ചു എന്നാണ് ഔദ്യോഗിക വിശദീകരണം. ബസ് ചാർജ്ജ് വർദ്ധനവ് സർക്കാർ തള്ളിക്കളഞ്ഞ സാഹചര്യത്തിൽ ചുരുങ്ങിയത് 200 കോടി രൂപയെങ്കിലും സർക്കാർ സഹായം ലഭിച്ചാലെ ഇപ്പോഴത്തെ പ്രതിസന്ധി കോർപ്പൊറേഷന് തരണം ചെയ്യാൻ കഴിയൂ.

ലാഭകരമല്ലാത്ത ഉൾപ്രദേശ റൂട്ടുകളിൽ സ്വകാര്യ ബസുകൾ സർവീസ് നടത്താത്ത സാഹചര്യത്തിൽ കെ. എസ്. ആർ. റ്റി. സി. ബസുകൾ മാത്രമാണ് ഗ്രാമീണ മേഖലയിലെ ജനങ്ങളുടെ ഏക ആശ്രയം. ഇതാണ് റൂട്ട് റദ്ദാക്കൽ മൂലം ഭീഷണിയിൽ ആകുന്നത്.

- ജെ.എസ്.

വായിക്കുക: , , ,

Comments Off on ഡീസൽ വില : കെ. എസ്. ആർ. ടി. സി. റൂട്ടുകൾ റദ്ദാക്കും

പാര്‍ക്കിംഗ് ഏരിയയില്‍ വാഹനം കഴുകിയാല്‍ 500 ദിര്‍ഹം പിഴ

January 5th, 2013

അബുദാബി : ഗതാഗത വകുപ്പിന് കീഴിലുള്ള മവാക്കിഫ് പെയ്ഡ് പാര്‍ക്കിംഗ് ഭാഗ ങ്ങളില്‍ വാഹന ങ്ങള്‍ കഴുകരുത് എന്നുള്ള നിയമം ലംഘി ക്കുന്നവ രില്‍ നിന്ന് 500 ദിര്‍ഹം പിഴ ഈടാക്കും എന്ന് മവാഖിഫ് അധികൃതര്‍ വ്യക്തമാക്കി.

പെയ്ഡ് പാര്‍ക്കിംഗ് ഏരിയയില്‍ ഹെവി ഡ്യൂട്ടി വാഹന ങ്ങള്‍ പാര്‍ക്ക് ചെയ്താലും മാലിന്യ വീപ്പക്ക് ചേര്‍ന്നും ലോഡിംഗ് ഏരിയ ക്കുള്ളിലും വാഹനം പാര്‍ക്ക് ചെയ്യുന്നവര്‍ക്കും 500 ദിര്‍ഹം പിഴ നല്‍കും.

- കറസ്പോണ്ടന്‍റ്

വായിക്കുക: , ,

Comments Off on പാര്‍ക്കിംഗ് ഏരിയയില്‍ വാഹനം കഴുകിയാല്‍ 500 ദിര്‍ഹം പിഴ

എമിറേറ്റ്സ് റോഡ് പേരു മാറ്റി : ഇനി ഷൈഖ് മുഹമ്മദ് ബിന്‍ സായിദ് റോഡ്

January 5th, 2013

ദുബായ് : എമിറേറ്റ്സ് റോഡിന്റെ പേര് ഷൈഖ് മുഹമ്മദ് ബിന്‍ സായിദ് റോഡ് എന്നാക്കി യു. എ. ഇ. വൈസ് പ്രസിഡന്റും പ്രധാന മന്ത്രിയും ദുബായ് ഭരണാധി കാരിയുമായ ഷൈഖ് മുഹമ്മദ് ബിന്‍ റാഷിദ് അല്‍ മക്തൂം ഉത്തരവു പുറപ്പെടുവിച്ചു.

വികസന പദ്ധതികള്‍ ഉള്‍പ്പെടെ രാജ്യത്തിനു നല്‍കുന്ന സേവന ങ്ങള്‍ മാനിച്ചാണ് അബുദാബി കിരീടാവ കാശി ജനറല്‍ ഷൈഖ് മുഹമ്മദിന്റെ പേരു നല്‍കുന്നത്.

അബുദാബി യില്‍ തുടങ്ങി വിവിധ എമിറേറ്റുകളെ ബന്ധിപ്പിച്ച് റാസല്‍ഖൈമ യിലാണ് എമിറേറ്റ്സ് റോഡ് അവസാനിക്കുന്നത്.

- കറസ്പോണ്ടന്‍റ്

വായിക്കുക: ,

Comments Off on എമിറേറ്റ്സ് റോഡ് പേരു മാറ്റി : ഇനി ഷൈഖ് മുഹമ്മദ് ബിന്‍ സായിദ് റോഡ്

അബുദാബി ദുബായ്‌ ബസ്സുകളില്‍ ബലി പെരുന്നാള്‍ ദിവസം യാത്ര ചെയ്തത് 14 000 പേര്‍

November 9th, 2012

abu-dhabi-bus-station-eid-day-ePathram
അബുദാബി : ബലി പെരുന്നാള്‍ ദിവസം അബുദാബി ദുബായ്‌ ബസ്സു കളില്‍ 14,000 യാത്രക്കാര്‍ യാത്ര ചെയ്തതായി ഗതാഗത വകുപ്പ് അറിയിച്ചു.

247 ട്രിപ്പുകളില്‍ ആയിട്ടാണ് ഇത്രയും യാത്രക്കാര്‍ സഞ്ചരിച്ചത്. പെരുന്നാള്‍ ദിവസ ങ്ങളിലെ തിരക്കുകള്‍ പരിഗണിച്ചു ഗതാഗത വകുപ്പ്‌ അധിക ബസ്സ് സര്‍വീസുകളും ഏര്‍പ്പെടുത്തിയിരുന്നു. അവധി ദിവസങ്ങളില്‍ അബുദാബി ബസ്സ് സ്റ്റാന്‍ഡുകളില്‍ ക്യൂവില്‍ നിരവധി മണിക്കൂറുകള്‍ ആണ് യാത്രക്കാര്‍ ബസ്സുകള്‍ക്ക്‌ കാത്തു നിന്നത്.

അബുദാബി യില്‍ നിന്നും ദുബായ്‌, ഷാര്‍ജ എമിറേറ്റു കളിലേക്ക് പോകുന്ന ബസ്സു കളിലാണ് 60 ശതമാനം വരെ നിരക്ക് വര്‍ദ്ധനവ് ഉണ്ടായിട്ടുള്ളത്. അബുദാബി യില്‍ നിന്നും ദുബായിലേക്ക് 15 ദിര്‍ഹം ടിക്കറ്റ് ചാര്‍ജ്ജ്‌ ഉണ്ടായിരുന്നത് 25 ദിര്‍ഹം ആയി ഉയര്‍ന്നു.

അബുദാബി യില്‍ നിന്നും ഷാര്‍ജ യിലേക്ക് 25 ദിര്‍ഹം ഉണ്ടായിരുന്നത് 35 ദിര്‍ഹം ആയി മാറി. നവംബര്‍ ആദ്യം മുതലാണ്‌ നിരക്കില്‍ വര്‍ദ്ധനവ്‌ ഉണ്ടായിട്ടുള്ളത്. നേരത്തെ തന്നെ ദുബായില്‍ നിന്നും അബുദാബി യിലേക്ക് വരുന്ന ആര്‍. ടി. എ. യുടെ ബസ്സുകളില്‍ 25 ദിര്‍ഹം ആയിരുന്നു.

നവംബര്‍ രണ്ടു മുതല്‍ സിറ്റിക്കുള്ളിലും മൂന്നക്ക നമ്പറുകളിലും നിരക്കില്‍ 100 ശതമാനം വര്‍ദ്ധനവ്‌ ഉണ്ടായി. അബുദാബി വിമാന ത്താവള ത്തിലേക്ക് പോകുന്ന നമ്പര്‍ A1 ബസ്സുകളില്‍ മൂന്നു ദിര്‍ഹം ചാര്‍ജ്ജ്‌ ഉണ്ടായിരുന്നത് ഒരു ദിര്‍ഹം വര്‍ദ്ധിപ്പിച്ചു നാല് ദിര്‍ഹം ആയി മാറി.

അവധി ദിവസ ങ്ങളിലെ കാത്തിരിപ്പിന് വിരാമമിടാന്‍ കൂടുതല്‍ ബസ്സുകള്‍ സര്‍വീസ്‌ നടത്തും. റോഡുകളില്‍ ചെറു വാഹനങ്ങളുടെ തിരക്ക് ഒഴിവാക്കാന്‍ കൂടുതല്‍ സര്‍വീസ്‌ നടത്താനും ഗതാഗത വകുപ്പിന് പദ്ധതിയുമുണ്ട്. ടാക്സി കളില്‍ രാത്രി പത്തു മണിക്ക് ശേഷം മിനിമം ചാര്‍ജ്ജ്‌ പത്തു ദിര്‍ഹം എന്നതിനാല്‍ ബസ്സുകളെ ആശ്രയിക്കുന്നവരുടെ എണ്ണത്തില്‍ വര്‍ദ്ധനവും വന്നിട്ടുണ്ട്.


-തയ്യാറാക്കിയത് : അബൂബക്കര്‍ പുറത്തീല്‍, ഫോട്ടോ : ഹഫ്സല്‍ ഇമ – അബുദാബി.

- കറസ്പോണ്ടന്‍റ്

വായിക്കുക: ,

Comments Off on അബുദാബി ദുബായ്‌ ബസ്സുകളില്‍ ബലി പെരുന്നാള്‍ ദിവസം യാത്ര ചെയ്തത് 14 000 പേര്‍

ട്രാഫിക്‌ ബോധവത്കരണം : അപകട മരണങ്ങള്‍ കുറഞ്ഞു

October 21st, 2012

zebra-crosing-in-abudhabi-ePathram
അബുദാബി : പോലിസ്‌ നടത്തിയ ബോധവത്കരണവും കര്‍ശനമായ പരിശോധനയും മൂലം തലസ്ഥാന നഗരിയില്‍ അനധികൃതമായി റോഡ്‌ മുറിച്ചു കടക്കുന്ന കാല്‍നട യാത്ര ക്കാരുടെ മരണ ത്തില്‍ 20.7 ശതമാനം വരെ കുറവ് വന്നതായി അബുദാബി പോലീസ് പട്രോളിംഗ് വിഭാഗം അറിയിച്ചു.

2012 ജനുവരി ആദ്യം മുതല്‍ സെപ്റ്റംബര്‍ 31 വരെ 46 പേരാണ് അബുദാബി യില്‍ മരണ പ്പെട്ടത്. കഴിഞ്ഞ വര്‍ഷം ഇതേ കാലയളവില്‍ മരണപ്പെട്ടവര്‍ 58 പേരാണെന്നും അബുദാബി പോലിസ്‌ പട്രോളിംഗ് വിഭാഗം അറിയിച്ചു.

അപകട ങ്ങളില്‍ മരണമടഞ്ഞ വരില്‍ 65 ശതമാനവും ഏഷ്യ ക്കാരാണ്. അപകട ങ്ങളില്‍ കൂടുതലും പകല്‍ സമയ ങ്ങളിലാണ്.

അബുദാബി നഗര സഭ, ഗതാഗത വകുപ്പ് എന്നിവ യുമായി യോജിച്ചു അബുദബി പോലിസ്‌ ചര്‍ച്ചകള്‍ നടത്തുന്നുമുണ്ട്. അബുദാബി സിറ്റിക്കകത്തും പുറത്തുമായി കാല്‍നട യാത്രക്കാര്‍ക്ക് വേണ്ടി 17 പുതിയ മേല്‍ പാലങ്ങള്‍ നിര്‍മിക്കും. ഇതില്‍ 10 എണ്ണം നഗരസഭ യുടെ മേല്‍നോട്ട ത്തിലും ഏഴെണ്ണം ഗതാഗത വകുപ്പിന്റെ മേല്‍നോട്ട ത്തിലും ആയിരിക്കുമെന്നും അബുദാബി പോലീസ് കേണല്‍ ഹാമിദ് മുബാറക്ക്‌ അല്‍ ഹാമിരി അറിയിച്ചു.


-അബൂബക്കര്‍ പുറത്തീല്‍

- കറസ്പോണ്ടന്‍റ്

വായിക്കുക: ,

Comments Off on ട്രാഫിക്‌ ബോധവത്കരണം : അപകട മരണങ്ങള്‍ കുറഞ്ഞു

Page 33 of 34« First...1020...3031323334

« Previous Page« Previous « 217 ഭക്ഷണ ശാലകൾക്ക് നോട്ടീസ് നൽകി
Next »Next Page » മത സൗഹാര്‍ദ്ദത്തിനു യു എ ഇ മലയാളി സമൂഹം മാതൃക : വെള്ളാപ്പള്ളി നടേശന്‍ »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha