മൂക്കിലൂടെ നല്‍കുന്ന ആദ്യ കൊവിഡ് മരുന്നുമായി ഇന്ത്യ

January 30th, 2023

incovacc-nasal-covid-vaccine-by-bharat-biotech-ePathram
ന്യൂഡല്‍ഹി : കൊവിഡ് പ്രതിരോധത്തിനായി മൂക്കിലൂടെ നല്‍കുന്ന കൊവിഡ് മരുന്ന് ഭാരത് ബയോടെക്കിന്‍റെ iNCOVACC (ഇന്‍കോവാക് – ബി. ബി. വി. 154) പുറത്തിറക്കി. റിപ്പബ്ലിക് ദിനത്തില്‍ നടന്ന ചടങ്ങില്‍ ഇന്ത്യ യുടെ ആദ്യത്തെ നേസല്‍ കൊവിഡ് വാക്‌സിന്‍ കേന്ദ്ര ആരോഗ്യ വകുപ്പു മന്ത്രി ഡോ. മന്‍സുഖ് മാണ്ഡവ്യ, ശാസ്ത്ര-സാങ്കേതിക വകുപ്പു മന്ത്രിജിതേന്ദ്ര സിംഗ് എന്നിവര്‍ ചേര്‍ന്നാണ് പുറത്തിറക്കിയത്.

രണ്ട് ഡോസുകള്‍ ആയി വാക്‌സിന്‍ എടുക്കുവാനും ബൂസ്റ്റര്‍ ഡോസ് എടുക്കുന്നതിനും അനുമതി ലഭിച്ചിട്ടുണ്ട്. ആദ്യമായി മൂക്കിലൂടെ വാക്‌സിന്‍ സ്വീകരിക്കുന്നവര്‍ 28 ദിവസത്തെ ഇടവേളയിലാണ് രണ്ട് ഡോസുകള്‍ എടുക്കേണ്ടത്. മാത്രമല്ല മറ്റ് ഏത് കൊവിഡ് വാക്സിന്‍ എടുത്തിട്ടുള്ള 18 വയസ്സു പൂര്‍ത്തിയായവര്‍ക്കും ബൂസ്റ്റര്‍ ഡോസ് ആയി iNCOVACC സ്വീകരിക്കാം എന്നും ഭാരത് ബയോടെക് വൃത്തങ്ങള്‍ അറിയിച്ചു.

കുത്തിവെപ്പ് ഇല്ലാതെ മൂക്കിലൂടെ സ്വീകരിക്കാം എന്നതാണ് iNCOVACC നേസല്‍ വാക്സിന്‍റെ സവിശേഷത. വാഷിംഗ്ടണ്‍ യൂണിവേഴ്സിറ്റി സ്‌കൂള്‍ ഓഫ് മെഡിസി നുമായി സഹകരിച്ചു കൊണ്ടാണ് ഭാരത് ബയോടെക് നേസല്‍ വാക്സിന്‍ വികസിപ്പിച്ചത്.  M I B Twitter

- pma

വായിക്കുക: , , , , , , , , ,

Comments Off on മൂക്കിലൂടെ നല്‍കുന്ന ആദ്യ കൊവിഡ് മരുന്നുമായി ഇന്ത്യ

ലുലു ഇന്ത്യാ ഉത്സവ് 2023 : 60 ഭാഗ്യ ശാലികൾക്ക് 3 കിലോ സ്വർണ്ണം സമ്മാനം

January 28th, 2023

indian-ambassedor-sanjay-sudheer-inaugurate-lulu-utsav-2023-ePathram
അബുദാബി : ഇന്ത്യയുടെ വൈവിധ്യ പൂർണ്ണമായ സംസ്‌കാരവും പാരമ്പര്യവും രുചികളും ലോക ജനതക്കു കൂടുതല്‍ പരിചയ പ്പെടു ത്തുന്ന തിനായി യു. എ. ഇ. യിലെ ലുലു ഹൈപ്പർ മാർക്കറ്റുകളിൽ ‘ഇന്ത്യ ഉത്സവ്’ വൈവിധ്യമാര്‍ന്ന പരിപാടികളോടെ തുടക്കം കുറിച്ചു. ഇന്ത്യയുടെ 74 ആമത് റിപ്പബ്ലിക് ദിനത്തോട് അനുബന്ധച്ച് ഇരു രാജ്യങ്ങളും തമ്മിലുള്ള സാംസ്‌കാരിക ബന്ധം ശക്തി പ്പെടുത്തുന്നതിനുള്ള ലുലു വിന്‍റെ ശ്രമങ്ങളുടെ ഭാഗമായാണിത്.

അബുദാബി അൽ വഹ്ദ മാളിലെ ലുലു വിൽ നടന്ന ചടങ്ങിൽ ലുലു ഗ്രൂപ്പ് ഇന്‍റർ നാഷണൽ ചീഫ് എക്‌സി ക്യൂട്ടീവ് ഓഫീസർ സൈഫി രൂപവാല യുടെ സാന്നിദ്ധ്യ ത്തിൽ ഇന്ത്യൻ സ്ഥാനപതി സഞ്ജയ് സുധീർ ഉദ്ഘാടനം നിർവ്വഹിച്ചു.

ഇന്ത്യയും യു. എ. ഇ. യും തമ്മിലുള്ള ഊഷ്മള ബന്ധത്തെ വാണിജ്യം, പാചക രീതി, സംസ്കാരം എന്നിവ യിലൂടെ ലുലു ഇന്ത്യ ഉത്സവ് മനോഹരമായി രൂപപ്പെടു ത്തുന്നു എന്ന് ഇന്ത്യൻ സ്ഥാനപതി സഞ്ജയ് സുധീർ പറഞ്ഞു. ഇന്ത്യയുടെ സംസ്‌കാരം, പാചക രീതികൾ, ജീവിത ശൈലി, ഫാഷൻ, ഭക്ഷണ പാനീയ ങ്ങൾ തുടങ്ങിയവ അടുത്തറിയാനുള്ള മികച്ച അവസരമായി ‘ഇന്ത്യ ഉത്സവ്’ മാറും.

lulu-utsav-2023-win-gold-promotion-ePathram

പരിപാടിയുടെ ഭാഗമായി മികച്ച ഓഫറുകൾ ഇന്ത്യൻ ഉത്പന്നങ്ങൾക്ക് പ്രഖ്യാപിച്ചിട്ടുണ്ട്. ലോകം എങ്ങുമുള്ള ആളുകൾക്ക് ഇന്ത്യൻ കര കൗശല വസ്തുക്കൾ, ഖാദി ഉത്പ്പന്നങ്ങൾ, പ്രാദേശിക പാചക രീതികൾ, ലഘു ഭക്ഷണങ്ങൾ എന്നിവ പരിചയപ്പെടുത്തുന്ന തിനും പ്രോത്സാഹി പ്പിക്കുന്നതിനുമായി പ്രത്യേക സ്റ്റാളുകളും ലുലു വില്‍ ഒരുക്കിയിട്ടുണ്ട്.

ഇന്ത്യയിൽ നിന്നുള്ള ഉത്പ്പന്നങ്ങൾ കൂടുതല്‍ ജനങ്ങളിലേക്ക് എത്തിക്കുവാന്‍ ലുലു ഹൈപ്പർ മാർക്കറ്റ് നടപ്പാക്കിയ ‘ഇന്ത്യ ഉത്സവ്’ ഉദ്ഘാടനം ചെയ്യാൻ കഴിഞ്ഞതിൽ സന്തോഷം ഉണ്ടെന്നും ഇന്ത്യൻ സ്ഥാനപതി പറഞ്ഞു.

lwahda-mall-lulu-utsav-2023-ePathram

ഭക്ഷ്യ ഉത്പന്നങ്ങൾ, വസ്ത്രങ്ങൾ, ഗിഫ്റ്റ് സെറ്റുകൾ, പരമ്പരാഗത മധുര പലഹാരങ്ങൾ, അവശ്യ വസ്തുക്കൾ തുടങ്ങിയവ സീസണില്‍ ഉടനീളം ലഭ്യമാകും. ഉത്സവ ത്തിന്‍റെ ഭാഗമായി വൈവിധ്യമാര്‍ന്ന കലാ സാംസ്‌കാരിക പരിപാടി നടക്കും.

ഈ വർഷം ആദ്യ പാദത്തിൽ ലുലുവിൽ നിന്നും സാധനം വാങ്ങുന്ന ഉപഭോക്താകൾക്ക് ലുലു ‘വിൻ ഗോൾഡ് പ്രൊമോഷന്‍’ പദ്ധതിയില്‍ പങ്കാളികള്‍ ആകുവാന്‍ അവസരം ലഭിക്കും.

നൂറ് ദിർഹത്തിന് സാധനങ്ങള്‍ വാങ്ങിക്കുന്നവർക്ക് ഇലക്ട്രോണിക് റാഫിളിൽ പങ്കാളികള്‍ ആവാന്‍ അവസരം ലഭിക്കും. 60 ഭാഗ്യ ശാലികൾക്ക് 3 കിലോ സ്വർണ്ണം സമ്മാനം നല്‍കും.

പ്രൊമോഷൻ കാലയളവിൽ യു. എ. ഇ. യിലെ ലുലു ഹൈപ്പർ മാർക്കറ്റ് സന്ദർശിക്കുന്ന അതിഥിയോടൊപ്പം നൃത്തം ചെയ്യാനുള്ള അവസരം ലഭിക്കും. LuLu UTSAV 2023

- pma

വായിക്കുക: , , , , ,

Comments Off on ലുലു ഇന്ത്യാ ഉത്സവ് 2023 : 60 ഭാഗ്യ ശാലികൾക്ക് 3 കിലോ സ്വർണ്ണം സമ്മാനം

പ്ലാസ്റ്റിക് നിര്‍മ്മിത പൂവുകൾക്ക് നിരോധനം വരുന്നു

January 13th, 2023

plastic-made-colorful-artificial-flowers-ePathram
ന്യൂഡൽഹി: ഒറ്റത്തവണ ഉപയോഗിക്കാവുന്ന പ്ലാസ്റ്റിക് സാധനങ്ങള്‍ നിരോധിക്കുന്നതിന്‍റെ ഭാഗമായി പ്ലാസ്റ്റിക് നിര്‍മ്മിത പൂവുകള്‍, അലങ്കാര ചെടികള്‍ തുടങ്ങി യവക്ക് വിലക്ക് ഏർപ്പെടുത്തണം എന്ന് കേന്ദ്ര മലിനീകരണ നിയന്ത്രണ ബോർഡിന് (Central Pollution Control Board – CPCB) ദേശീയ ഹരിത ട്രിബ്യൂണൽ നിർദ്ദേശം നൽകി. വിഷയത്തില്‍ രണ്ടു മാസത്തിനകം സി. പി. സി. ബി. റിപ്പോർട്ട് സമർപ്പിക്കണം എന്നും ആവശ്യപ്പെട്ടു.

പ്ലാസ്റ്റിക് പൂക്കള്‍, ഇലകള്‍, ചെടികള്‍ അടക്കമുള്ള പ്ലാസ്റ്റിക് നിര്‍മ്മിത അലങ്കാര വസ്തുക്കളും പൂർണ്ണമായി നിരോധിക്കണം എന്നുള്ള ആവശ്യവുമായി പൂനെ സ്വദേശിയായ കർഷകന്‍ സമർപ്പിച്ച ഹർജിയിലാണ് നടപടി.  -Tag : Environment

- pma

വായിക്കുക: , , , , , , ,

Comments Off on പ്ലാസ്റ്റിക് നിര്‍മ്മിത പൂവുകൾക്ക് നിരോധനം വരുന്നു

പേലി മിഡിൽ ഈസ്റ്റ് ക്ലിനിക്ക് ബുർജീൽ മെഡിക്കൽ സിറ്റിയിൽ

January 11th, 2023

dr-paley-middle-east-clinic-in-burjeel-medical-city-ePathram
അബുദാബി : മിഡിൽ ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളില്‍ ഒന്നായ ബുർജീൽ ഹോൾഡിംഗ്സ്, പ്രശസ്ത അസ്ഥി രോഗ വിദഗ്ദൻ ഡോ. ഡ്രോർ പേലിയുമായി ചേർന്ന് സങ്കീർണ്ണ ശസ്ത്ര ക്രിയകളും സേവനങ്ങളും പ്രദാനം ചെയ്യുന്ന ക്ലിനിക്ക് അബുദാബിയിൽ തുറന്നു.

സങ്കീർണ മെഡിക്കൽ സേവനങ്ങളിലും ശിശു രോഗ ചികിത്സാ വിഭാഗത്തിലെ ഉപ സ്പെക്ഷ്യാലിറ്റി കളിലും ശ്രദ്ധ ചെലുത്തുന്നതിന്‍റെ ഭാഗമായാണ് ഡോ. പേലിയു മായുള്ള ബുർജീൽ ഹോൾഡിംഗ്സിന്‍റെ പുതിയ പങ്കാളിത്തം. ബുർജീൽ മെഡിക്കൽ സിറ്റിയിൽ (ബി. എം. സി.) സ്ഥാപിച്ച പേലി മിഡിൽ ഈസ്റ്റ് ക്ലിനിക്ക്, മസ്കുലോസ്കെലെറ്റൽ പ്രശ്നങ്ങളുള്ളവർക്ക് ലോകോത്തര പരിചരണം നൽകി സങ്കീർണ്ണ ചികിത്സാ കേന്ദ്രമായി മാറുവാനാണ് ലക്ഷ്യം വെക്കുന്നത്.

ഇരുപതിനായിരത്തില്‍ അധികം കാൽ നീട്ടൽ ശസ്ത്ര ക്രിയകൾ ചെയ്തിട്ടുള്ള ഡോ. പേലിയുടെ മിഡിൽ ഈസ്റ്റിലെ ആദ്യ ക്ലിനിക്ക് ആണിത്. നൂറില്‍ അധികം വ്യത്യസ്‌ത ശസ്‌ത്ര ക്രിയകൾ വികസിപ്പിച്ച ഡോ. പേലി കാൽ നീട്ടൽ ശസ്ത്രക്രിയ, അസ്ഥി പുനർനിർമ്മാണം, കുട്ടികളുടെയും മുതിർന്നവരുടെയും കാൽ സന്ധി കളുടെ സംരക്ഷണം എന്നിവ കൈകാര്യം ചെയ്യുന്ന തിൽ ആഗോള തലത്തിൽ ശ്രദ്ധേയനാണ്.

ജന്മനായുള്ള അസ്ഥി വൈകല്യങ്ങൾ, പരിക്കുകളെ തുടർന്നുള്ള അസ്ഥികളുടെ സംരക്ഷണം, കാൽ വൈകല്യങ്ങൾ, സ്കെലെറ്റൽ ഡിസ്പ്ലാസിയ എന്നിവ ഉൾപ്പെടെയുള്ള പ്രത്യേക ഓർത്തോപീഡിക് അവസ്ഥ കളുടെ രോഗ നിർണ്ണയ ത്തിലും ചികിത്സ യിലും പുതിയ ക്ലിനിക്ക് നിർണ്ണായക സേവനങ്ങൾ ലഭ്യമാക്കും.

യു. എ. ഇ. യിൽ സേവനം ആരംഭിക്കുന്നതിൽ ഏറെ സന്തോഷം ഉണ്ട് എന്നും ലോകം എമ്പാടും ഉള്ള രോഗികളെ അത്യാധുനിക ചികിത്സകൾക്കായി ആകർഷിച്ച് സങ്കീർണ്ണ അസ്ഥിരോഗ ചികിത്സാ കേന്ദ്രമായി യു. എ. ഇ. യെ മാറ്റുകയാണ് ലക്ഷ്യം വെക്കുന്നത് – ഡോ. പേലി പറഞ്ഞു.

അന്താരാഷ്ട്ര തലത്തിലെ ഏറ്റവും മികച്ച ഡോക്ടർ മാരിലൂടെ ഏറ്റവും മികച്ച ചികിത്സാ സേവനങ്ങൾ യു. എ. ഇ. യിൽ ലഭ്യമാക്കാനുള്ള ബുർജീലിന്‍റെ ശ്രമ ങ്ങളുടെ തുടർച്ചയാണ് പേലി ക്ലിനിക്ക് എന്ന് ബുർജീൽ ഹോൾഡിംഗ്‌സ് സി. ഇ. ഒ. ജോൺ സുനിൽ പറഞ്ഞു.

ബുര്‍ജീല്‍ ഹോള്‍ഡിംഗ്സ് സ്ഥാപകനും ചെയര്‍മാനുമായ ഡോ. ഷംഷീര്‍ വയലില്‍ ബുര്‍ജീല്‍ ഹോള്‍ഡിംഗ്സ് ബിസിനസ്സ് ഡെവലപ്പ് മെന്‍റ് പ്രസിഡണ്ട് ഒമ്രാന്‍ അല്‍ഖൂരി, ബുര്‍ജീല്‍ ഹോള്‍ഡിംഗ്സ് സി. ഒ. ഒ. സഫീര്‍ അഹമ്മദ് എന്നിവരും പേലി ക്ലിനിക്ക് ഉദ്ഘാടന ചടങ്ങില്‍ പങ്കെടുത്തു.

- pma

വായിക്കുക: , , ,

Comments Off on പേലി മിഡിൽ ഈസ്റ്റ് ക്ലിനിക്ക് ബുർജീൽ മെഡിക്കൽ സിറ്റിയിൽ

റീട്ടെയിൽ എം. ഇ. അവാർഡ് ലുലു ഗ്രൂപ്പിന്

January 11th, 2023

lulu-group-won-most-admired-responsible-retailer-of-the-year-awards-ePathram
ദുബായ് : മിഡില്‍ ഈസ്റ്റ് റീട്ടെയില്‍ ഫോറത്തില്‍ മികച്ച റീട്ടെയില്‍ ഓര്‍ഗനൈസേഷനുകള്‍ക്കും ബ്രാന്‍ഡുകള്‍ക്കും നല്‍കി വരുന്ന വാര്‍ഷിക റീട്ടെയില്‍ എം. ഇ. അവാര്‍ഡ് ലുലു ഗ്രൂപ്പിന് സമ്മാനിച്ചു. മോസ്റ്റ് അഡ്മിയേര്‍ഡ് റീട്ടെയില്‍ കമ്പനി എന്ന ബഹുമതിയാണ് ലുലു ഗ്രൂപ്പിന് ലഭിച്ചത്. ഇതു കൂടാതെ ഏറ്റവും ഉത്തരവാദിത്വം ഉള്ള റീട്ടെയിലര്‍, മികച്ച ഓമ്നിചാനല്‍ റീട്ടെയിലര്‍ എന്നിങ്ങനെയുള്ള രണ്ട് അവാര്‍ഡുകള്‍ കൂടി ലുലു ഗ്രൂപ്പ് കരസ്ഥമാക്കി.

റീട്ടെയിൽ വ്യവസായത്തിലെ ഏറ്റവും വലിയ കൂട്ടായ്മയായ മിഡിൽ ഈസ്റ്റ് റീട്ടെയിൽ ഫോറം, ഈ രംഗ ത്തെ പുതിയ സംരംഭങ്ങൾ ചർച്ച ചെയ്യുകയും പ്രദർശിപ്പി ക്കുകയും ചെയ്യുന്ന വേദിയാണ്. യു. എ. ഇ., സൗദി അറേബ്യ, ഒമാന്‍, കുവൈറ്റ്, ഈജിപ്ത് തുടങ്ങിയ രാജ്യങ്ങളിലെ റീട്ടെയിലര്‍മാരില്‍ നിന്ന് 135 ല്‍ അധികം നോമിനേഷനുകള്‍ ലഭിച്ചു. ഇവയില്‍ നിന്നാണ് ലുലു ഗ്രൂപ്പിന് വാര്‍ഷിക റീട്ടെയിലര്‍ എം. ഇ. അവാര്‍ഡ് സ്വന്തമായത്.

സ്റ്റോര്‍ ലേ ഔട്ടുകള്‍, ഉല്‍പ്പന്ന ശ്രേണി, പ്രവര്‍ത്തന മികവ്, ഭൂമിശാസ്ത്ര പരമായ സാന്നിദ്ധ്യം തുടങ്ങി ഏറ്റവും പുതിയ കണ്ടു പിടിത്ത ങ്ങളും വിപണനവും കണക്കിലെടുത്താണ് ലുലുവിനെ തെരഞ്ഞെടുത്തത്. യു. എ. ഇ. യുടെ ഭക്ഷ്യസുരക്ഷയിലും മേഖലയിലെ റീട്ടെയില്‍ വ്യവസായത്തിന്‍റെ വികസനത്തിലും ലുലു വഹിച്ച പങ്ക് ജൂറി പരിഗണിച്ചു. അപ്പാരല്‍ ഗ്രൂപ്പ്, സിക്‌സ് സ്ട്രീറ്റ് എന്നിവ യാണ് വിവിധ വിഭാഗങ്ങ ളിലെ മറ്റ് അവാര്‍ഡ് ജേതാക്കള്‍.

- pma

വായിക്കുക: , ,

Comments Off on റീട്ടെയിൽ എം. ഇ. അവാർഡ് ലുലു ഗ്രൂപ്പിന്

Page 9 of 71« First...7891011...203040...Last »

« Previous Page« Previous « നാൽപ്പതു കൊല്ലങ്ങൾക്കു ശേഷമുള്ള സംഗമം ശ്രദ്ധേയമായി
Next »Next Page » പ്ലാസ്റ്റിക് ബാഗുകൾക്ക് അടുത്ത വര്‍ഷം മുതല്‍ പൂർണ്ണ നിരോധനം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha