പാം അക്ഷര തൂലിക കവിതാ പുരസ്കാരങ്ങൾ പ്രഖ്യാപിച്ചു.

October 12th, 2022

logo-palm-pusthakappura-palm-books-ePathram
ഷാർജ : പതിനാലാമത് പാം അക്ഷര തൂലിക കവിതാ പുരസ്കാരങ്ങൾ പ്രഖ്യാപിച്ചു. രാജേശ്വരി പുതുശ്ശേരി (കവിത – പെണ്ണ് തനിച്ചാകുമ്പോൾ), സാജിർ കരിയാടൻ (പൂവൻ കോഴി) പി. സി. പ്രദീഷ് (കുരുക്ക്) എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. രാജേഷ് ചിത്തിര ചെയർമാനും കെ. പി. റസീന, പ്രവീൺ പാലക്കീൽ എന്നിവർ അംഗങ്ങളുമായ സമിതിയാണ് ജേതാക്കളെ തെരഞ്ഞെടുത്തത്.

palm-books-14-th-akshara-thoolika-poetry-award-winners-ePathram

ഗുരുവായൂരിനടുത്ത് കോട്ടപ്പടി സ്വദേശിനിയായ രാജേശ്വരി പുതുശ്ശേരി, അജ്മാനിലെ ഇന്‍റർനാഷണൽ ഇന്ത്യൻ സ്കൂളിലെ മലയാളം അദ്ധ്യാപികയാണ്. വയനാട് മാനന്തവാടി സ്വദേശിയായ സാജിർ കരിയാടൻ ദുബായില്‍ സ്വകാര്യ സ്ഥാപനത്തിൽ ജോലി ചെയ്യുന്നു. മഞ്ചേരി സ്വദേശിയായ പി. സി. പ്രദീഷ്, മെക്കാനിക്കൽ എഞ്ചിനീയര്‍ ആയി അബു ദാബിയിലെ സ്വകാര്യ സ്ഥാപനത്തിൽ ജോലി ചെയ്യുന്നു.

2022 നവംബറിൽ ഷാർജയിൽ നടക്കുന്ന പാം സർഗ്ഗ സംഗമത്തിൽ അവാർഡുകൾ വിതരണം ചെയ്യും എന്ന് പ്രസിഡണ്ട് സലീം അയ്യനത്ത്, സെക്രട്ടറി വിജു. സി. പരവൂർ എന്നിവര്‍ അറിയിച്ചു.

- pma

വായിക്കുക: , , , ,

Comments Off on പാം അക്ഷര തൂലിക കവിതാ പുരസ്കാരങ്ങൾ പ്രഖ്യാപിച്ചു.

ഷാര്‍ജ അന്താരാഷ്ട്ര പുസ്തകോത്സവം നവംബർ രണ്ട് മുതൽ

September 22nd, 2022

sharjah-book-fair-2014-epathram
ഷാർജ : നാല്‍പ്പത്തി ഒന്നാമത് ഷാര്‍ജ അന്താരാഷ്ട്ര പുസ്തകോത്സവം 2022 നവംബർ രണ്ടിനു തുടക്കം കുറിക്കും. ഷാർജ എക്‌സ്‌പോ സെന്‍ററിൽ നവംബർ 13 വരെ നടക്കുന്ന ഈ വര്‍ഷത്തെ പുസ്തകോത്സവത്തില്‍ ഇറ്റലിയാണ് അതിഥി രാജ്യം.

Spread The Word എന്ന പ്രമേയത്തിൽ എമിറേറ്റിന്‍റെ സാംസ്‌കാരിക പദ്ധതികളെ ഉയർത്തിക്കാണിച്ചു കൊണ്ടുള്ള പരിപാടികള്‍ അരങ്ങേറും.

എഴുതപ്പെട്ട വാക്കിന്‍റെ ശക്തിയെക്കുറിച്ച് ചർച്ച നടക്കും. ശോഭനവും സുസ്ഥിരവുമായ ഭാവി കെട്ടിപ്പടുക്കുന്നതിന്‍റെ പ്രാധാന്യത്തെക്കുറിച്ച് പ്രഭാഷണങ്ങള്‍ ഉണ്ടാകും.

സമൂഹത്തിൽ സുസ്ഥിരതയുടെ അവബോധം ഉയർത്തുന്നതിനുള്ള ദൗത്യത്തെ ഈ സാംസ്‌കാരിക ഉല്‍സവം കൂടുതല്‍ മുന്നോട്ടു കൊണ്ടു പോകും എന്നും സംഘാടകരായ ഷാർജ ബുക്ക് അഥോറിറ്റി അവകാശപ്പെട്ടു.

- pma

വായിക്കുക: , ,

Comments Off on ഷാര്‍ജ അന്താരാഷ്ട്ര പുസ്തകോത്സവം നവംബർ രണ്ട് മുതൽ

പാം അക്ഷര തൂലിക പുരസ്കാരം : സാഹിത്യ സൃഷ്ടികൾ ക്ഷണിക്കുന്നു

August 25th, 2022

logo-palm-pusthakappura-palm-books-ePathram
ഷാർജ : സാംസ്കാരിക – സാഹിത്യ കൂട്ടായ്മ പാം പുസ്തക പ്പുരയുടെ പതിനാലാം  അക്ഷര തൂലിക കഥ – കവിത പുരസ്കാരങ്ങൾക്ക് യു. എ. ഇ. യിൽ നിന്നുള്ള മലയാള എഴുത്തുകാരിൽ നിന്നും കഥകളും കവിതകളും ക്ഷണിക്കുന്നു. സൃഷ്ടികൾ ലഭിക്കേണ്ട അവസാന തിയ്യതി 2022 സെപ്തംബർ 15. അയക്കേണ്ട വിലാസം awardpalm @ gmail. com.

ഓൺ ലൈൻ – സമൂഹ മാധ്യമങ്ങളിലും ദൃശ്യ – ശ്രവ്യ മാധ്യമങ്ങളിലും അച്ചടിച്ച് പ്രസിദ്ധപ്പെടുത്താത്തും മലയാളത്തിൽ രചിച്ചതുമായ മൗലിക രചനകള്‍ ആയിരിക്കണം പുരസ്കാരത്തിനായി സമര്‍പ്പിക്കേണ്ടത്.

വിവരങ്ങൾക്ക് : 050 414 6105, 050 515 2068, 055 199 4072.

- pma

വായിക്കുക: , , , ,

Comments Off on പാം അക്ഷര തൂലിക പുരസ്കാരം : സാഹിത്യ സൃഷ്ടികൾ ക്ഷണിക്കുന്നു

ചിരന്തന പുരസ്കാരങ്ങൾ പ്രഖ്യാപിച്ചു

August 1st, 2022

singer-muhammed-rafi-the legend-ePathram
ഷാർജ : അനശ്വര ഗായകന്‍ മുഹമ്മദ് റഫി യുടെ പേരിൽ ചിരന്തന സാംസ്കാരികവേദി നൽകി വരുന്ന ചിരന്തന – മുഹമ്മദ് റഫി പുരസ്കാരം പ്രഖ്യാപിച്ചു. ഷാർജ ഇന്ത്യൻ അസ്സോസിയേഷനിൽ നടക്കുന്ന റഫി നെറ്റിൽ വെച്ച് മാധ്യമ പ്രവർത്തകൻ രാജു മാത്യു, സാംസ്കാരിക- ജീവ കാരുണ്യ പ്രവർത്തകൻ എ. വി. സയിദ് എന്നിവര്‍ക്ക് ഈ വര്‍ഷത്തെ പുരസ്കാരം സമ്മാനിക്കും എന്ന് ചിരന്തന പ്രസിഡണ്ട് പുന്നക്കൻ മുഹമ്മദലി അറിയിച്ചു.

- pma

വായിക്കുക: , , , , ,

Comments Off on ചിരന്തന പുരസ്കാരങ്ങൾ പ്രഖ്യാപിച്ചു

പൊതു മാപ്പ് വാര്‍ത്ത : വ്യാജ പ്രചരണങ്ങള്‍ക്ക് എതിരെ മുന്നറിയിപ്പ്

January 4th, 2022

ഷാർജ : വിസാ നിയമങ്ങള്‍ ലംഘിച്ച് അനധികൃതമായി രാജ്യത്ത് തങ്ങുന്നവർക്ക് പൊതു മാപ്പ് നൽകും എന്ന രീതിയില്‍ സാമൂഹിക മാധ്യമങ്ങൾ വഴി പ്രചരിക്കുന്ന വാർത്തകൾ വ്യാജം ആണെന്നും ഇത്തരം അഭ്യൂഹങ്ങള്‍ പ്രചരിപ്പിക്കുന്നവര്‍ക്ക് എതിരെ നിയമ നടപടികള്‍ കൈകൊള്ളും എന്നും ഷാർജ പോലീസ്.

അനധികൃതമായി രാജ്യത്ത് തങ്ങുന്നവർക്ക് താമസം നിയമ വിധേയമാക്കി നൽകും എന്നും ഇതിനായി ചെറിയ തുക ഫീസ് അടക്കണം എന്നും സർവ്വീസ് സെന്‍റർ സന്ദർശിച്ച് അപേക്ഷ നൽകണം എന്നും വാർത്ത പ്രചരിച്ചിരുന്നു.

എന്നാൽ ഇത് വസ്തുതാ വിരുദ്ധമാണ് എന്നും വ്യാജ വാര്‍ത്തകളേയും കുപ്രചരണങ്ങളെയും കരുതി ഇരിക്കണം എന്നും മുന്നറിയിപ്പു നല്‍കി. സാമൂഹിക മാധ്യമങ്ങള്‍ വഴി വരുന്ന വ്യാജ സന്ദേശങ്ങളിൽ വഞ്ചിക്കപ്പെടരുത് എന്നും ഔദ്യോഗിക വാർത്താ സ്രോതസ്സുകളെ ആശ്രയിക്കണം എന്നും ഷാർജ പോലീസ് ഓര്‍മ്മിപ്പിച്ചു.

അഭ്യൂഹങ്ങളും വ്യാജ വാര്‍ത്തകളും പ്രചരിപ്പിക്കുന്ന കുറ്റത്തിന് ചുരുങ്ങിയത് ഒരു വർഷം തടവും ഒരു ലക്ഷം ദിർഹം പിഴയുമാണ് ശിക്ഷ എന്ന് യു. എ. ഇ. പബ്ലിക് പ്രൊസിക്യൂഷൻ കഴിഞ്ഞ ദിവസം അറിയിച്ചിരുന്നു.

- pma

വായിക്കുക: , , ,

Comments Off on പൊതു മാപ്പ് വാര്‍ത്ത : വ്യാജ പ്രചരണങ്ങള്‍ക്ക് എതിരെ മുന്നറിയിപ്പ്

Page 2 of 41234

« Previous Page« Previous « ഇടവ സൈഫ് മെമ്മോറിയല്‍ പ്രഥമ അവാര്‍ഡ് ലൂയിസ് കുര്യാക്കോസിന്
Next »Next Page » നേസല്‍ വാക്സിന് പരീക്ഷണാനുമതി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha