മെഡിക്കല്‍ കിറ്റ്‌ കൈമാറി

May 19th, 2013

അബുദാബി :കണ്ണൂർ ജില്ലാ എസ്. കെ. എസ്. എസ്. എഫ്. റിലീഫ്‌ സെല്ലിന്റെ കീഴില്‍ പ്രവര്‍ത്തി ക്കുന്ന ജീവ കാരുണ്യ വിഭാഗമായ കണ്ണൂര്‍ (പാപ്പിനിശേരി) ‘സഹചാരി’ ഡയാലിസിസ് സെന്ററിനു മെഡിക്കല്‍ കിറ്റ്‌ കൈമാറി.

ചടങ്ങില്‍ റിലീഫ്‌ സെല്‍ ചെയര്‍മാന്‍ സിയാദ്‌ കരിമ്പം, കണ്ണൂർ ജില്ലാ എസ്. കെ. എസ്. എസ്. എഫ്. അബുദാബി കമ്മിറ്റി അംഗങ്ങള്‍ സംബന്ധിച്ചു.

- കറസ്പോണ്ടന്‍റ്

വായിക്കുക: , ,

Comments Off on മെഡിക്കല്‍ കിറ്റ്‌ കൈമാറി

പ്രവാസ ത്തിനു വിരാമം : കെ. പി. ഇബ്രാഹിം നാട്ടിലേക്ക്

April 27th, 2013

champad-kp-ibrahim-of-npcc-kairaly-cultural-forum-ePathram
അബുദാബി : നാലു പതിറ്റാണ്ടു കാലത്തെ പ്രവാസ ജീവിതം കഴിഞ്ഞ് തലശ്ശേരി ചമ്പാട് സ്വദേശി കെ. പി. ഇബ്രാഹിം നാട്ടിലേക്ക് യാത്രയാവുന്നു.

ഇരുപത്തി രണ്ടാം വയസ്സിലാണ് കെ. പി. ഇബ്രാഹിം ഗള്‍ഫില്‍ എത്തിയത്. ഒരു വര്‍ഷം ദുബായില്‍ കമ്പനി യിലും ഹോട്ടലിലും ഒക്കെയായി ജോലി ചെയ്തതിനു ശേഷം അബുദാബി യില്‍ എത്തി. 6 മാസ ത്തോളം പോലീസ് കാന്റീനില്‍ ജോലി ചെയ്യുകയും 1974-ല്‍ നാഷണല്‍ പെട്രോളിയം കണ്‍സ്ട്രക്ഷന്‍ (എന്‍. പി. സി. സി.) കമ്പനി യില്‍ ഫിറ്റര്‍ ആയി ജോലിക്ക് ചേരുകയും ചെയ്തു.

39 വര്‍ഷം തുടര്‍ച്ച യായി ഒരേ കമ്പനി യില്‍ ജോലി ചെയ്ത ഇബ്രാഹിം, ഫേബ്രിക്കേഷന്‍ ഫോര്‍മാനായി അടുത്ത മാസം വിരമിക്കും. എന്‍. പി. സി. സി. ലേബര്‍ ക്യാമ്പില്‍ ‘സൃഷ്ടി’ എന്ന സാംസ്‌കാരിക സംഘടന യുടെ രൂപീകരണ ത്തില്‍ മുഖ്യ പങ്കു വഹിച്ചു. പിന്നീട് കൈരളി കള്‍ച്ചറല്‍ ഫോറം എന്ന സംഘടന രൂപീകരിച്ച് പ്രവര്‍ത്തിച്ചു. ഇപ്പോള്‍ ഫോറത്തിന്റെ ഉപദേശക സമിതി അംഗമായി പ്രവര്‍ത്തിച്ചു വരുന്നു.

ജീവിത ത്തിന്റെ സിംഹ ഭാഗവും പ്രവാസി യായി കഴിഞ്ഞ ശേഷം 60 വയസ്സില്‍ പൂര്‍ണ ആരോഗ്യ വാനായാണ് ഇബ്രാഹിം ഗള്‍ഫിനോട് വിട പറയുന്നത്.

പാത്തിപ്പാല ത്തുള്ള സക്കിന ഹജ്ജുമ്മ യാണ് ഭാര്യ. അഞ്ചു മക്കളുണ്ട്. കുടുംബ ത്തെയും മക്കളെയും നല്ല നിലയില്‍ എത്തിക്കാനായി. നാലു പതിറ്റാണ്ടിന്റെ പ്രവാസം തനിക്ക് നിറഞ്ഞ സംതൃപ്തി യാണ് നല്‍കി യത് എന്ന്‍ കെ. പി. ഇബ്രാഹിം വ്യക്തമാക്കി.

- കറസ്പോണ്ടന്‍റ്

വായിക്കുക: , , ,

Comments Off on പ്രവാസ ത്തിനു വിരാമം : കെ. പി. ഇബ്രാഹിം നാട്ടിലേക്ക്

ചാവക്കാട് പ്രവാസി ഫോറം ‘വിഷൻ 2013’

April 11th, 2013

dubai-chavakkad-pravasi-forum-ePathram
ദുബായ് : ജീവ കാരുണ്യ പ്രവർത്തന ങ്ങൾക്കായി രൂപീകരിച്ച ചാവക്കാട് നിവാസി കളുടെ യു. എ. ഇ. യിലെ കൂട്ടായ്മ യാ‍യ ചാവക്കാട് പ്രവാസി ഫോറം അവതരിപ്പിക്കുന്ന  ”വിഷൻ 2013” ഏപ്രില്‍ 12 വെള്ളിയാഴ്ച വൈകുന്നേരം 4 മണിക്ക് ദുബായ് ഖിസൈസ് ആപ്പിൾ ഇന്റ്റർനാഷണൽ സ്കൂള്‍ അങ്കണ ത്തില്‍ നടക്കും.

ചാവക്കാടും പരിസര പ്രദേശങ്ങളി ലേയും സാമൂഹ്യ-സാംസ്കാരിക രംഗത്തെ പ്രമുഖര്‍ പങ്കെടുക്കുന്ന സാംസ്കാരിക സദസ്സോടെ ‘വിഷൻ 2013′ ആരംഭിക്കും.

chavakkad-pravasi-forum-vision-2013-ePathram

സംഗീത സംവിധായകന്‍ നൌഷാദ് ചാവക്കാടിന്റെ നേതൃത്വ ത്തില്‍ ചലചിത്ര പിന്നണി ഗായകൻ കബീറും സംഘവും അവതരി പ്പിക്കുന്ന ഗാനമേള  പരിപാടി യുടെ മുഖ്യ ആകര്‍ഷക ഘടകം ആയിരിക്കും.

യെർബലും സംഘവും അവതരിപ്പിക്കുന്ന ഖസാക്കിസ്ഥാൻ നൃത്തം, മുഹമ്മദ് ഇബ്രാഹിം മുസ്തഫ അവതരി പ്പിക്കുന്ന തനൂറ ഈജിപ്ഷ്യൻ നൃത്തം, കുട്ടികളുടെ വിവിധ കലാ പരിപാടി കൾ എന്നിവയും ‘വിഷൻ 2013′ യിൽ ഉണ്ടായിരിക്കും.

പ്രവേശനം സൌജന്യം. വിവരങ്ങള്‍ക്ക് : 052 97 17 366, 050 78 56 310

- കറസ്പോണ്ടന്‍റ്

വായിക്കുക: , , , ,

Comments Off on ചാവക്കാട് പ്രവാസി ഫോറം ‘വിഷൻ 2013’

എജ്യുക്കേഷന്‍ ഓറിയന്റേഷന്‍ ക്യാമ്പ് ഏപ്രില്‍ 19 ന്

April 8th, 2013

personality-development-class-ePathram
അബുദാബി: എമിറേറ്റ് ഇന്ത്യ ഫ്രറ്റേണിറ്റി ഫോറ ത്തിന്റെ ആഭിമുഖ്യ ത്തില്‍ അബുദാബി മുസഫ യിലെ എമിറേറ്റ് ഫ്യൂച്ചര്‍ അക്കാദമി യില്‍ ഏപ്രില്‍ 19 വെള്ളിയാഴ്ച രാവിലെ 9.30 മുതല്‍ വൈകിട്ട് 6 വരെ എജ്യുക്കേഷന്‍ ഓറിയന്റേഷന്‍ ക്ലാസ് സംഘടിപ്പിക്കുന്നു.

പഠന ത്തിലെ വൈവിധ്യ വത്കരണം, അക്കാദമി ഗ്രേഡിലെ പുരോഗതി, ഫോസ്റ്റര്‍ മള്‍ട്ടിപ്പിള്‍ ഇന്റലിജന്‍സ്, വ്യക്തി ഗത ബന്ധ ങ്ങളെ ശക്തി പ്പെടുത്തല്‍, ഉന്മേഷം നിറഞ്ഞ സമീപന ങ്ങളുടെ നിര്‍മാണം, യാഥാര്‍ഥ്യ ബോധ ത്തോടെ യുള്ള തൊഴില്‍വഴി കള്‍, പഠന സമ്പ്രദായ ങ്ങളുടെ ചലനാത്മകത, ബുദ്ധി വികാസം തുടങ്ങിയ വിഷയ ങ്ങളിലാണ് ക്ലാസുകള്‍ ഉണ്ടാവുക.

ആക്‌സസ് ഗൈഡന്‍സ് ഡയറക്ടര്‍ സി. ടി. സുലൈമാന്‍, അബ്ദുള്‍റഷീദ്. കെ. വി. (അസി. ഹെഡ്മാസ്റ്റര്‍ അബുദാബി മോഡല്‍ സ്‌കൂള്‍), ഇബ്രാഹിം എ. എം. (ആക്‌സസ് ഗൈഡന്‍സ്) എന്നിവര്‍ ക്ലാസുകള്‍ നയിക്കും.

രജിസ്‌ട്രേഷനു വേണ്ടി ബന്ധപ്പെടേണ്ട നമ്പര്‍: 050 511 95 86, 050 580 57 57.

- കറസ്പോണ്ടന്‍റ്

വായിക്കുക: , ,

Comments Off on എജ്യുക്കേഷന്‍ ഓറിയന്റേഷന്‍ ക്യാമ്പ് ഏപ്രില്‍ 19 ന്

ചിറയിന്‍കീഴ് അന്‍സാര്‍ സ്മാരക അവാര്‍ഡ്‌ എം. ആര്‍. സി. എച്ചിന്

March 29th, 2013

chirayinkeezh-ansar-epathram- അബുദാബി : മലയാളി സമാജം പ്രസിഡന്റും യു. എ. ഇ. യിലെ സാംസ്‌കാരിക രംഗത്ത് നിറ സാന്നിദ്ധ്യ വുമായിരുന്ന ചിറയിന്‍കീഴ് അന്‍സാറിന്റെ സ്മരണ യ്ക്കു വേണ്ടി ”ഫ്രണ്ട്‌സ് ഓഫ് അബുദാബി മലയാളി സമാജം” ഏര്‍പ്പെടുത്തിയ ‘ചിറയിന്‍കീഴ് അന്‍സാര്‍ സ്മാരക അവാര്‍ഡ്’ ഈ വര്‍ഷം പയ്യന്നൂരില ‘മലബാര്‍ റിഹാബിലിറ്റേഷന്‍ സെന്റര്‍ ഫോര്‍ ഹാന്‍ഡികാപ്ഡി’ന് ലഭിക്കും.

അംഗ വൈകല്യവും ബുദ്ധി മാന്ദ്യവുമുള്ള 124 കുട്ടികളെ പഠിപ്പിക്കുന്ന പയ്യന്നൂരിലെ ഈ സെന്റര്‍ സമൂഹ ത്തിലെ ഒറ്റപ്പെട്ടു പോകുന്ന നിരാലംബരായ കുട്ടികള്‍ക്ക് അത്താണി യായി പ്രവര്‍ത്തിക്കുന്ന മഹത്സ്ഥാപനമാണ്.

പാലോട് രവി എം. എല്‍. എ., കേരള സാഹിത്യ അക്കാദമി പ്രസിഡന്റ് പെരുമ്പടവം ശ്രീധരന്‍, കേരള ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് ഡയറക്ടര്‍ എ. ഫിറോസ്, അബുദാബി മലയാളി സമാജം മുന്‍ ജനറല്‍ സെക്രട്ടറി കണിയാപുരം സൈനുദ്ദീന്‍ എന്നിവര്‍ അടങ്ങിയ ജഡ്ജിങ് കമ്മിറ്റി യാണ് അവാര്‍ഡ് നല്കാന്‍ തീരുമാനിച്ചത്.

പയ്യന്നൂരിലെയും ഗള്‍ഫിലെയും സുമനസ്സു കളായ സാമൂഹിക പ്രവര്‍ത്ത കരാണ് ഈ സ്ഥാപന ത്തിന്റെ പ്രവര്‍ത്തന ങ്ങള്‍ക്ക് നേതൃത്വം നല്കുന്നത്.

ഒരു ലക്ഷം രൂപയും ശില്പവും പ്രശംസാ പത്രവും അടങ്ങുന്ന അവാര്‍ഡ് 2013 മെയ്മാസം അബുദാബി യില്‍ നടക്കുന്ന ചടങ്ങില്‍വെച്ച് സമ്മാനിക്കും.

- കറസ്പോണ്ടന്‍റ്

വായിക്കുക: , , , ,

Comments Off on ചിറയിന്‍കീഴ് അന്‍സാര്‍ സ്മാരക അവാര്‍ഡ്‌ എം. ആര്‍. സി. എച്ചിന്

Page 61 of 65« First...102030...5960616263...Last »

« Previous Page« Previous « ദോഹ യില്‍ ‘ഉദിത് നാരായണ്‍ ലൈവ് ഇന്‍ കണ്‍‍സെര്‍ട്ട്-2013’
Next »Next Page » മെസ്പോ യാത്രയയപ്പ് നല്‍കി »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha