സുരക്ഷാ ബോധവത്കരണം: ക്രിക്കറ്റ് മാച്ച് സംഘടിപ്പിക്കുന്നു

February 20th, 2014

അബുദാബി : പൊതു ജനങ്ങളിലേക്ക് സുരക്ഷാ സന്ദേശങ്ങള്‍ എളുപ്പ ത്തില്‍ എത്തി ക്കുന്നതി നായി അബുദാബി കമ്മ്യൂണിറ്റി പോലീസും യു. എ. ഇ. എക്സ്ചേഞ്ചും ഒരുമിക്കുന്നു.

ഇതിന്റെ ഭാഗമായി അന്താരാഷ്‌ട്ര നിലവാരമുള്ള ക്രിക്കറ്റ് മത്സരം നടത്തും.

അബുദാബി പോലീസ് ഓഫീസേഴ്സ് ക്ലബ്ബില്‍ സംഘടി പ്പിച്ച ചടങ്ങില്‍ യു. എ. ഇ. എക്സ്ചേ ഞ്ച് സി. ഒ. ഒ., വൈ.സുധീര്‍ കുമാര്‍ ഷെട്ടിയും അബുദാബി കമ്മ്യൂണിറ്റി പോലീസ് ഡയറക്ടര്‍ ലഫ്റ്റനന്റ് കേണല്‍ മുബാറക് അവാദ് ബിന്‍ മുഹൈറവും ഇതിനായുള്ള ഉടമ്പടി യില്‍ ഒപ്പു വച്ചു.

ഇന്ത്യ, ശ്രീലങ്ക, ബംഗ്ലാദേശ്, പാകിസ്ഥാന്‍‍ എന്നീ രാജ്യ ങ്ങളെ പങ്കെ ടുപ്പിച്ച്കൊണ്ടുള്ള ക്രിക്കറ്റ് മത്സരം മാര്‍ച്ച് 14 ന് നടത്തും.

നാല് രാജ്യങ്ങളുടെയും ദേശീയ ടീമിലെ പ്രമുഖനായ ഒരു കളിക്കാരനെ അതാത് രാഷ്ട്ര ങ്ങളുടെ ബ്രാന്റ് അംബാസിഡര്‍ ആയി കൊണ്ടു വരികയും ചെയ്യും.

വിവിധ രാജ്യങ്ങളിലെ ജനങ്ങള്‍ ഏറെ ബന്ധപ്പെടുന്ന പണമിടപാട് സ്ഥാപനം ആയത് കൊണ്ട് തന്നെ യു. എ. ഇ. എക്സ്ചേചേഞ്ചു മായി ചേര്‍ന്ന് പ്രവര്‍ത്തിക്കുന്നത് സുരക്ഷാ സന്ദേശങ്ങള്‍ എളുപ്പത്തില്‍ ആളു കളിലേക്ക് എത്തിക്കന്‍ സഹായകര മാകുമെന്നു പോലീസ് ഡയറക്ടര്‍ മുഹൈറം പറഞ്ഞു.

- കറസ്പോണ്ടന്റ്

വായിക്കുക: , ,

Comments Off on സുരക്ഷാ ബോധവത്കരണം: ക്രിക്കറ്റ് മാച്ച് സംഘടിപ്പിക്കുന്നു

ഇന്ത്യന്‍ എംബസി ഓപ്പണ്‍ ഫോറം സംഘടിപ്പിക്കുന്നു

February 18th, 2014

tp-seetha-ram-indian-ambassador-to-uae
അബുദാബി : ഇന്ത്യന്‍ എംബസി പൊതു ജനങ്ങള്‍ക്കായി ഓപ്പണ്‍ ഫോറം സംഘടി പ്പിക്കുന്നു. ഇന്ത്യക്കാര്‍ക്ക് വിവിധ പ്രശ്‌നങ്ങള്‍ ചര്‍ച്ച ചെയ്യാനുള്ള വേദി യായിരിക്കും ഇത്.

അബുദാബി യിലെ ഇന്ത്യന്‍ എംബസി യില്‍ നടത്തുന്ന പരിപാടി യില്‍ മുന്‍കൂട്ടി അനുവാദം വാങ്ങാതെ പങ്കെടുക്കാം. ഞായറാഴ്ച മുതല്‍ വ്യാഴാഴ്ച വരെ ദിവസ വും രാവിലെ 10 മണി മുതല്‍ 12 വരെ യാണ് കൂടിക്കാഴ്ച.

പ്രശ്‌നങ്ങളില്‍ സാധ്യമായ പരിഹാര നടപടി കള്‍ എളുപ്പം നടപ്പിലാക്കാനുള്ള എംബസി യുടെ പ്രവര്‍ത്തന ങ്ങളുടെ ഭാഗ മായാണിത്.

ഇന്ത്യന്‍ വെല്‍ഫെയര്‍ ഫണ്ടിന്റെ വിവിധ ഉപയോഗ ങ്ങളും അര്‍ഹിക്കുന്ന വര്‍ക്ക് അത് ഏതെല്ലാം വിധ ത്തില്‍ ഉപയോഗ പ്പെടുത്താം എന്നുമെല്ലാം നേരിട്ട് ചോദിച്ച് മനസ്സിലാക്കാം.

- കറസ്പോണ്ടന്റ്

വായിക്കുക: , ,

Comments Off on ഇന്ത്യന്‍ എംബസി ഓപ്പണ്‍ ഫോറം സംഘടിപ്പിക്കുന്നു

മുഗള്‍ ഗഫൂര്‍ സ്മാരക പുരസ്കാരം റസാഖ് ഒരുമനയൂരിന്

February 14th, 2014

razack-orumanayoor-epathram
അബുദാബി : യുവ കലാ സാഹിതി ഏര്‍പ്പെടുത്തിയ പ്രഥമ മുഗള്‍ ഗഫൂര്‍ സ്മാരക പുരസ്കാര ത്തിന് റസാഖ് ഒരുമനയൂര്‍ അര്‍ഹനായി.

മിഡിലീസ്റ്റ് ചന്ദ്രിക ദിനപ്പത്രത്തിന്റെ റിപ്പോര്‍ട്ടറും ഇന്ത്യന്‍ മീഡിയ അബുദാബി യുടെ എക്സിക്യൂ ട്ടീവ് മെമ്പറും സാമൂഹിക പ്രവര്‍ത്ത കനുമാണ് റസാഖ് ഒരുമനയൂര്‍

സാമൂഹിക സാംസ്കാരിക മേഖലകളിലെ പ്രവര്‍ത്തനങ്ങള്‍ കണക്കി ലെടുത്താണ് റസാഖിനെ അവാര്‍ഡിന് തെരഞ്ഞെടുത്തത്. കാഷ് അവാര്‍ഡും ഫലകവും പ്രശസ്തി പത്രവുമടങ്ങുന്ന പുരസ്കാരം പിന്നീട് സമ്മാനിക്കും എന്നു ഭാരവാഹികള്‍ അറിയിച്ചു.

- കറസ്പോണ്ടന്റ്

വായിക്കുക: , , , ,

Comments Off on മുഗള്‍ ഗഫൂര്‍ സ്മാരക പുരസ്കാരം റസാഖ് ഒരുമനയൂരിന്

തൊട്ടാവാടി ക്യാംപ് ശ്രദ്ധേയമായി

February 9th, 2014

thottavadi-epathram

അബുദാബി : കുട്ടികളിൽ പരിസ്ഥിതി ആഭിമുഖ്യം വളര്‍ത്താനും സസ്യ ങ്ങളെ കുറിച്ചു പഠിക്കാനുമായി സാംസ്കാരിക സംഘടന യായ പ്രസക്തി അബുദാബി ഖാലിദിയ പാര്‍ക്കില്‍ നടത്തിയ ‘തൊട്ടാവാടി’ പരിസ്ഥിതി പഠന ക്യാമ്പിൽ കേരള ത്തിലെ ചെടികള്‍, പഴവര്‍ഗങ്ങള്‍, ഔഷധ സസ്യങ്ങള്‍, സസ്യങ്ങളെ തിരിച്ചറിയല്‍ എന്നീ വിഷയ ങ്ങളെ ക്കുറിച്ച് കുട്ടി കൾക്ക് ക്ലാസ്സുകൾ നല്കി.

കുട്ടികളുടെയും രക്ഷിതാക്കളുടെയും സാന്നിധ്യം കൊണ്ട് ശ്രദ്ധേയമായ ക്യാമ്പിൽ പ്രവാസി മലയാളി കള്‍ക്കിടയിലെ പരിസ്ഥിതി സംസ്കാരം, കുട്ടികളിലെ സ്വഭാവ രൂപീകരണം, മലയാള ഭാഷാ പഠന ത്തിന്റെ ആവശ്യകത തുടങ്ങിയ വിഷയ ങ്ങളെക്കുറിച്ചു രക്ഷിതാക്കളുടെ ചര്‍ച്ചയും നടന്നു.

ക്യാംപില്‍ പങ്കെടുത്ത കുട്ടികള്‍ക്കു സര്‍ട്ടിഫിക്കറ്റും പരിസ്ഥിതി വിഷയ ങ്ങളുടെ വിഡിയോ സി. ഡി. യും സമ്മാനിച്ചു. രമേശ് നായര്‍, ഫൈസല്‍ ബാവ, ജാസിര്‍ എരമംഗലം, അജി രാധാകൃഷ്ണന്‍ എന്നിവര്‍ നേതൃത്വം നല്കി.

- കറസ്പോണ്ടന്റ്

വായിക്കുക: , , ,

Comments Off on തൊട്ടാവാടി ക്യാംപ് ശ്രദ്ധേയമായി

ആത്മഹത്യാ പ്രതിരോധം സാമൂഹ്യ ബാധ്യത : ഡോ. കെ. സി. ചാക്കോ

February 2nd, 2014

suicide-prevention-camp-in-qatar-ePathram
ദോഹ : ആത്മഹത്യാ പ്രതിരോധം സാമൂഹ്യ ബാധ്യത യാണ് എന്നും വ്യക്തി തല ത്തിലും സമൂഹ തല ത്തിലും ഉണ്ടാകുന്ന യുക്തമായ ഇടപെടലു കളിലൂടെ ആരോഗ്യ കര മായ മാറ്റം സാധ്യമാവും എന്നും ഡോ. കെ. സി. ചാക്കോ അഭിപ്രായപ്പെട്ടു.

അമാനുല്ല വടക്കാങ്ങര യുടെ ഏറ്റവും പുതിയ പുസ്തകമായ ‘ആത്മഹത്യാ പ്രതിരോധം എങ്ങനെ’ എന്ന ഗ്രന്ഥം പ്രകാശനം ചെയ്ത് സംസാരിക്കുക യായിരുന്നു ഖത്തർ ഹമദ് മെഡിക്കല്‍ കോര്‍പറേഷനിലെ സീനിയര്‍ സ്‌പെഷ്യലിസ്റ്റ് കൂടിയായ ഡോ. കെ. സി. ചാക്കോ.

മാനസികവും ശാരീരികവും സാമ്പത്തിക വുമായ നിരവധി കാരണ ങ്ങളാണ് ആത്മഹത്യ യുടെ വ്യാപന ത്തിന് വഴി യൊരുക്കുന്നത്. പലപ്പോഴും ആത്മഹത്യാ പ്രവണത യുള്ളവര്‍ പല തര ത്തിലുള്ള ലക്ഷണ ങ്ങളും പ്രകടിപ്പിക്കും. ഈ ഘട്ട ത്തില്‍ സഹ പ്രവര്‍ത്ത കരും കൂടെ ജീവിക്കുന്ന വരും കുടുംബാംഗ ങ്ങളു മൊക്കെ വേണ്ട രീതി യില്‍ ഇട പെടുക യാണെങ്കില്‍ ജീവനൊടുക്കുന്ന തില്‍ നിന്നും മിക്ക വരേയും തടയാനാകും. പലപ്പോഴും സ്‌നേഹിതരുടെ ഒരു ഫോണ്‍ കോളിന് കൂട്ടു കാരന്റെ ജീവന്‍ രക്ഷിക്കാന്‍ ആകും എന്ന താണ് അനുഭവം എന്നും അദ്ദേഹം പറഞ്ഞു.

സമ്മര്‍ദ്ദം, നിരാശ, ജീവിത വീക്ഷണ മില്ലായ്മ, ശാരീരി കവും മാനസിക വുമായ രോഗ ങ്ങള്‍ മുതലായ പല കാരണ ങ്ങളും ആത്മഹത്യ യിലേക്ക് എത്തിക്കാമെന്നും പ്രതിരോധ പ്രവര്‍ത്തന ങ്ങളും ബോധ വല്‍ക്കരണ പരിപാടി കളും ഏറെ പ്രസക്ത മാണ് എന്നും പുസ്തക ത്തിന്റെ ആദ്യ പ്രതി സ്വീകരിച്ച് സംസാരിച്ച ഇന്ത്യന്‍ കമ്മ്യൂണിറ്റി ബനവലന്റ് ഫോറം പ്രസിഡണ്ട് കരീം അബ്ദുല്ല പറഞ്ഞു. ജീവിത ത്തിന് വ്യക്ത മായ ലക്ഷ്യം ഉണ്ടെന്നും ലക്ഷ്യ ബോധവും ആത്മീയ ചിന്തയും ഏത് പ്രതിസന്ധി കളേയും തരണം ചെയ്യുവാന്‍ സഹായിക്കും എന്നും ഫോറ ത്തിന്റെ ബോധ വല്‍ക്കരണ പരിപാടി കളില്‍ ഈ പുസ്തകം സൗജന്യ മായി വിതരണം ചെയ്യുമെന്നും അദ്ദേഹം പറഞ്ഞു.

മിഡില്‍ ഈസ്റ്റ് ചന്ദ്രിക റസിഡന്റ് എഡിറ്റര്‍ അഷ്‌റഫ് തൂണേരി, ഇന്‍കാസ് ഉപദേശക സമിതി ചെയര്‍മാന്‍ കെ. കെ. ഉസ്മാന്‍, അക്കോണ്‍ ഗ്രൂപ്പ് മാനേജിംഗ് ഡയറക്ടര്‍ ശുക്കൂര്‍ കിനാലൂര്‍, ഇന്ത്യന്‍ മീഡിയ ഫോറം സെക്രട്ടറി സാദിഖ് ചെന്നാടന്‍, ഇന്‍കാസ് ഉപദേശക സമിതി ചെയര്‍മാന്‍ കെ. കെ. ഉസ്മാന്‍, ഫാലഹ് നാസര്‍ ഫാലഹ് ഫൗണ്ടേഷന്‍ ജനറല്‍ മാനേജര്‍ കെ. വി. അബ്ദുല്ലക്കുട്ടി, ഹ്യൂമന്‍ റിസോര്‍സസ് കണ്‍സല്‍ട്ടന്റ് ഡോ. ജസ്റ്റിന്‍ ആന്റണി, കെ. എം. സി. സി. സംസ്ഥാന സെക്രട്ടറി നിഅമതുല്ല കോട്ടക്കല്‍ എന്നിവര്‍ സംസാരിച്ചു. അമാനുല്ല വടക്കാങ്ങര നന്ദി പറഞ്ഞു.

കോഴിക്കോട് കേന്ദ്രമായി പ്രവര്‍ത്തിക്കുന്ന എഡ്യൂമാര്‍ട്ടാണ് പുസ്‌ക ത്തിന്റെ പ്രസാധകര്‍.

-കെ. വി. അബ്ദുൽ അസീസ്‌, ചാവക്കാട് – ഖത്തർ

- കറസ്പോണ്ടന്റ്

വായിക്കുക: , , ,

Comments Off on ആത്മഹത്യാ പ്രതിരോധം സാമൂഹ്യ ബാധ്യത : ഡോ. കെ. സി. ചാക്കോ

Page 66 of 74« First...102030...6465666768...Last »

« Previous Page« Previous « പരിസ്ഥിതി ക്യാമ്പ്‌ വെള്ളിയാഴ്ച
Next »Next Page » വൃക്കകള്‍ തകരാറിലായി : മലയാളി യുവാവ് കരുണ തേടുന്നു »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha