ശാലു മേനോനെതിരെ കേസെടുക്കുവാന്‍ കോടതി നിര്‍ദ്ദേശം

July 4th, 2013

shalu-menon-epathram

തൃശ്ശൂര്‍: സോളാര്‍ തട്ടിപ്പ് കേസില്‍ നടി ശാലു മേനോനെതിരെ കേസെടുക്കുവാന്‍ കോടതി നിര്‍ദ്ദേശം. തൃശ്ശൂര്‍ ഒന്നാം ക്ലാസ് ജുഡീഷ്യല്‍ മജിസ്ട്രേട്ട് കോടതിയാണ് ഇതു സംബന്ധിച്ച് നിര്‍ദ്ദേശം നല്‍കിയത്. പൊതു പ്രവര്‍ത്തകനായ പി. ഡി. ജോസഫ് നല്‍കിയ ഹര്‍ജി പരിഗണിച്ചാണ് ഉത്തരവ്. സോളാര്‍ തട്ടിപ്പ് കേസിലെ പ്രതി ബിജു രാധാകൃഷ്ണനെ രക്ഷപ്പെടുവാനായി ശാലു മേനോന്‍ സഹായിച്ചതായി ഹര്‍ജിക്കാരന്‍ ആരോപിച്ചു.

ശാലു മേനോനെ പോലീസ് ചോദ്യം ചെയ്തിരുന്നു എങ്കിലും ഇതുവരെയും അറസ്റ്റ് ചെയ്തിട്ടില്ല. ശാലുവുമായി ആഭ്യന്തര മന്ത്രിയടക്കം ഉള്ള ഉന്നതര്‍ക്ക് ബന്ധമുണ്ടെന്ന് ആരോപണം ഉയര്‍ന്നിട്ടുണ്ട്. ശാലുവിന്റെ വീടിന്റെ പാലു കാച്ചല്‍ ചടങ്ങിനു ആഭ്യന്തര മന്ത്രി തിരുവഞ്ചൂര്‍ രാധാകൃഷ്ണന്‍, കേന്ദ്ര മന്ത്രി കൊടിക്കുന്നില്‍ സുരേഷ് ഉള്‍പ്പെടെ പല പ്രമുഖരും പങ്കെടുത്തിരുന്നു. ഇതിന്റെ ചിത്രങ്ങള്‍ പുറത്ത് വന്നതോടെ സംഭവം വിവാദമായി. ശാലുവുമായി മറ്റു ചില മന്ത്രിമാര്‍ക്കും ബന്ധമുള്ളതായി സൂചനയുണ്ട്. ബിജു രാധാകൃഷ്ണനുമായും, സരിത എസ്. നായരുമായും ശാലുവിന് അടുത്ത ബന്ധമാണ് ഉള്ളതെന്ന് വ്യക്തമായിട്ടുണ്ട്. ഇതിന്റെ പശ്ചാത്തലത്തില്‍ ഭരണ പക്ഷത്തെയും പ്രതിപക്ഷത്തെയും ചില നേതാക്കന്മാര്‍ ദിവസങ്ങള്‍ക്ക് മുമ്പേ ശാലുവിനെ അറസ്റ്റ് ചെയ്യണമെന്ന് ആവശ്യപ്പെട്ടിരുന്നു. എന്നാല്‍ പോലീസ് അതിനു തയ്യാറായില്ല.

കോടതി നിര്‍ദ്ദേശം വന്ന പശ്ചാത്തലത്തില്‍ പോലീസിനു ശാലുവിനെ അറസ്റ്റു ചെയ്യേണ്ടതായി വരും. കോടതി ഉത്തരവിന്റെ അടിസ്ഥനത്തില്‍ ശാലു മേനോനെതിരെ കേസെടുക്കുമെന്ന് തൃശ്ശൂര്‍ ഈസ്റ്റ് പോലീസ് അറിയിച്ചു.

- എസ്. കുമാര്‍

വായിക്കുക: , , , , ,

Comments Off on ശാലു മേനോനെതിരെ കേസെടുക്കുവാന്‍ കോടതി നിര്‍ദ്ദേശം

കേരള ത്തില്‍ നഷ്ടപ്പെടുന്ന പൊതു ഇടങ്ങള്‍ പ്രവാസി കള്‍ തിരിച്ചു പിടിക്കുന്നു : സലാം ബാപ്പു

July 2nd, 2013

salam-bappu-inaugurate-mespo-fest-2013-ePathram
അബുദാബി : കേരള ത്തില്‍ സംഘടന കള്‍ ധാരാളം ഉണ്ടെങ്കിലും എല്ലാവര്‍ക്കും ഒരുമിച്ചിരിക്കാവുന്ന പൊതു ഇടങ്ങള്‍ അന്യം വന്നു കൊണ്ടിരിക്കുക യാണെന്ന്  ചലച്ചിത്ര സംവിധായകന്‍ സലാം ബാപ്പു പറഞ്ഞു.

എന്നാല്‍ ഇത്തരം പൊതു കൂട്ടായ്മ കളുടെ ഒരു ഉത്സവ കാലം തന്നെ പ്രവാസ ലോകത്ത് കാണാന്‍ കഴിയുന്നത് വളരെ ആശ്വാസ കരവും സന്തോഷകര വുമാണെന്ന് അദ്ദേഹം പറഞ്ഞു.

പൊന്നാനി എം. ഇ. എസ്. കോളേജ് അലംനി (മെസ്‌പൊ) യുടെ 2013-14 വര്‍ഷത്തെ കമ്മിറ്റി യുടെ പ്രവര്‍ത്ത നോദ്ഘാടനവും മെസ്‌പൊ ഫെസ്റ്റ്-2013 ഉം കേരള സോഷ്യല്‍സെന്‍ററില്‍ ഉദ്ഘാടനം ചെയ്ത് സംസാരിക്കുക യായിരുന്നു പൊന്നാനി കോളേജിലെ പൂര്‍വ വിദ്യാര്‍ഥി കൂടിയായ സലാം ബാപ്പു.

മെസ്‌പൊ പ്രസിഡന്‍റ് അബൂബക്കര്‍ ഒരുമനയൂര്‍ ചടങ്ങില്‍ അധ്യക്ഷത വഹിച്ചു. ‘മെസ്‌പൊ ഫെസ്റ്റില്‍ ഒരുക്കിയ മുഹമ്മദ് ആദിലിന്റെ ചിത്ര പ്രദര്‍ശന ത്തിന്റെ ഉദ്ഘാടനവും സലാം ബാപ്പു നിര്‍വഹിച്ചു.

കെ. എസ്. സി. പ്രസിഡന്‍റ് എം. യു. വാസു, ഇന്ത്യന്‍ മീഡിയ അബുദാബി പ്രസിഡന്‍റ് ടി. എ. അബ്ദുള്‍ സമദ്, ടി. പി. ഗംഗാധരന്‍, നൗഷാദ് യൂസഫ് തുടങ്ങിയവര്‍ പ്രസംഗിച്ചു. മെസ്‌പൊ ജനറല്‍സെക്രട്ടറി സക്കീര്‍ ഹുസൈന്‍ സ്വാഗതവും ട്രഷറര്‍ കുഞ്ഞു മുഹമ്മദ് നന്ദിയും പറഞ്ഞു. വിവിധ കലാ പരിപാടി കളും അരങ്ങേറി.

- കറസ്പോണ്ടന്റ്

വായിക്കുക: , , ,

Comments Off on കേരള ത്തില്‍ നഷ്ടപ്പെടുന്ന പൊതു ഇടങ്ങള്‍ പ്രവാസി കള്‍ തിരിച്ചു പിടിക്കുന്നു : സലാം ബാപ്പു

കുതന്ത്ര ശിരോമണി ടെലി ഫിലിം ഖത്തറില്‍ പ്രകാശനം ചെയ്തു

June 23rd, 2013

kuthanthra-shiromani-tele-film-releasing-qatar-ePathram
ദോഹ : ഡോണ്‍ വിഷ്വൽ ‍ഗ്രൂപ്പിന്റെ ബാനറിൽ ‍സലാം കൊടിയത്തൂർ ‍അണിയി ച്ചൊരുക്കിയ ‘കുതന്ത്ര ശിരോമണി’ എന്ന ടെലി ഫിലിമിന്റെ ഖത്തറിലെ പ്രകാശനം സ്‌കില്‍സ് ഡവലപ്‌മെന്റ് സെന്ററിൽ ‍നടന്ന ചടങ്ങിൽ സള്‍ഫർ കെമിക്കൽ ‍മാനേജിംഗ് ഡയറക്ടർ ‍അഹമ്മദ് തൂണേരിക്ക് ആദ്യ പ്രതി നല്‍കി സിജി ഖത്തർ ‍ചാപ്റ്റർ പ്രസിഡണ്ടും എം. പി. ഗ്രൂപ്പ് മാനേജിംഗ് ഡയറക്ടറുമായ ഡോ. എം. പി. ഷാഫി ഹാജി നിര്‍വഹിച്ചു.

salam-kodiyathoor-tele-cinema-kuthanthra-siromani-ePathram

സമകാലിക സമൂഹ ത്തിൽ ‍ധാര്‍മിക മൂല്യ ങ്ങളിൽ ‍ഊന്നി നിന്നു കൊണ്ട് സലാം കൊടിയത്തൂര്‍ നിര്‍വഹിക്കുന്ന കലാപ്രവര്‍ത്തനം ശ്ലാഘനീയ മാണെന്നും നന്മയെ സ്‌നേഹി ക്കുവരെല്ലാം ഇത്തരം സംരംഭ ങ്ങളെ പിന്തുണക്കണ മെന്നും സി. ഡി. പ്രകാശനം ചെയ്തു കൊണ്ട് ഡോ. എം. പി. ഷാഫി ഹാജി പറഞ്ഞു.

സലാം കൊടിയ ത്തൂരിന്റെ എല്ലാ ചിത്രങ്ങളും പോലെ കുതന്ത്ര ശിരോമണിയും കാഴ്ച യുടെയും സന്ദേശ ത്തിന്റേയും പുതിയ സംവേദന തലങ്ങൾ ‍ആസ്വാദകര്‍ക്ക് നല്‍കും എന്നാണു പ്രതീക്ഷ എന്ന് ചടങ്ങില്‍ പങ്കെടുത്ത എം. ടി. നിലമ്പൂർ ‍ പറഞ്ഞു.

ട്രൈവാലി ഗ്രൂപ്പ് മാനേജിംഗ് ഡയറക്ടര്‍ നിസാർ ‍ചോമ യിൽ, സൗദി ഗ്രൂപ്പ് മാനേജിംഗ് ഡയറക്ടർ എൻ. കെ. എം. മുസ്തഫ സാഹിബ്, ഫാലഹ് നാസര്‍, ഫാലഹ് ഫൗണ്ടേ ഷൻ ‍ജനറല്‍ മാനേജർ ‍കെ. വി. അബ്ദുല്ല ക്കുട്ടി, അക്കോ ഗ്രൂപ്പ് മാനേജിംഗ് ഡയറക്ടർ ‍ശുക്കൂർ ‍കിനാലൂർ, ടെക്മാര്‍ക് എഞ്ചിനീയറിംഗ് മാനേജിംഗ് ഡയറക്ടർ ‍മുഹമ്മദ് അഷ്‌റഫ്, ഡോ. ജസ്റ്റിന്‍ ആന്റണി, സൂപ്പർ ‍സ്റ്റാർ ‍അസീസ് തുടങ്ങി നിരവധി പ്രമുഖർ പരിപാടി യിൽ ‍സംബന്ധിച്ചു.

കുതന്ത്ര ശിരോമണി എന്ന സിനിമ യുടെ ഖത്തറിലെ വിതരണ ക്കാരായ മീഡിയാ പ്ലസ് സി. ഇ. ഒ. അമാനുല്ല വടക്കാങ്ങര പരിപാടി നിയന്ത്രിച്ചു. സീനിയർ ‍ മാര്‍ക്കറ്റിംഗ് എക്‌സിക്യൂ ട്ടീവ് അബ്ദുൽ ‍ഫത്താഹ് നിലമ്പൂർ ‍നന്ദി പറഞ്ഞു.

കോപ്പി കള്‍ക്ക് ഖത്തറില്‍ 44 32 48 53, 55 01 96 26 എന്നീ നമ്പറു കളിൽ ബന്ധപ്പെടുക.

തയാറാക്കിയത് :  കെ. വി. അബ്ദുൽ അസീസ്‌, ചാവക്കാട് – ഖത്തർ

- കറസ്പോണ്ടന്റ്

വായിക്കുക: , , , ,

Comments Off on കുതന്ത്ര ശിരോമണി ടെലി ഫിലിം ഖത്തറില്‍ പ്രകാശനം ചെയ്തു

സോളാര്‍ പാനല്‍ തട്ടിപ്പ്: രക്ഷപ്പെട്ട ദിവസം ബിജുവിനൊപ്പം നടി ശാലുമേനോനും അമ്മയും?

June 16th, 2013

തൃശ്ശൂര്‍: സോളാര്‍ പാനലിന്റെ പേരില്‍ കോടികള്‍ തട്ടിച്ച കേസിലെ പ്രതി ബിജു രാധാകൃഷ്ണന്‍ തൃശ്ശൂരില്‍ നിന്നും രക്ഷപ്പെട്ട ദിവസം നടി ശാലു മേനോനും അമ്മയും ഒപ്പമുണ്ടായിരുന്നതായി പോലീസ്. മകള്‍ ശാലുമേനോനും താനും തൃശ്ശൂരിലേക്ക് പോകും വഴി തന്നെ കൂടെ കൂട്ടാമോ എന്ന് ചോദിച്ചപ്പോള്‍ എറണാകുളത്തുനിന്നും കാറില്‍ കയറ്റിയതാണെന്നും, യാത്രാ മധ്യേ ശാലുവിന്റെ ഫോണാണ് ബിജു ഉപയോഗിച്ചിരുന്നതെന്നുമാണ് സംഭവത്തെ കുറിച്ച് ശാലുവിന്റെ അമ്മ പറയുന്നത്. നേരത്തെ പരിചയക്കാരായ ബിജുവും സരിതയും ശാലു മേനോന്റെ നൃത്ത വിദ്യാലയത്തില്‍ സന്ദര്‍ശകരായിരുന്നു.

സരിത എസ്.നായര്‍ അറസ്റ്റിലായ വിവരം ബിജു അറിയുന്നത് തൃശ്ശൂരിലെ ഒരു ഹോട്ടലില്‍ വച്ചായിരുന്നു എന്നും തുടര്‍ന്ന് ഇയാള്‍ രക്ഷപ്പെടുകയായിരുന്നു എന്നും പറയുന്നു. തൃശ്ശൂരിലെ ഹോട്ടലില്‍ ഡോ.ബിജു എന്ന പേരിലാണ് ഇയാള്‍ മുറിയെടുത്തിരുന്നത്. തിരുവനന്തപുരത്തുനിന്നും വിവരം ലഭിച്ചതിനെ തുടര്‍ന്ന് ക്രൈംബ്രാഞ്ച് എസ്.പി ഉണ്ണിരാജയും സംഘവും ഹോട്ടലില്‍ പരിശോധനയ്ക്ക് എത്തിയത്.അപ്പോഴേക്കും പ്രതി ഹോട്ടലില്‍ നിന്നും മുങ്ങിയിരുന്നു. തൃശ്ശൂരില്‍ ബിജുവിനൊപ്പം സീരിയല്‍ നടിയും അമ്മയും ഉള്ളതായി പോലീസിനു വിവരം ലഭിച്ചിരുന്നു.

സോളാര്‍ തട്ടിപ്പ് കേസില്‍ പ്രതികളായ സരിത എസ്.നായര്‍ക്കും, ബിജു രാധാകൃഷ്ണനും കോണ്‍ഗ്രസ്സിലെ മന്ത്രിമാരും എം.പിമാരുമായും ബന്ധപ്പെട്ടിരുന്നു എന്ന് വാര്‍ത്തകള്‍ പുറത്തു വരുന്നു. താനാണ് ബിജുവിന് മുഖ്യമന്ത്രിയുടെ അപ്പോയ്‌മെന്റ് എടുത്ത് നല്‍കിയതെന്ന് കോണ്‍ഗ്രസ്സ് നേതാവും വയനാട്ടില്‍ നിന്നുമുള്ള എം.പിയുമായ എം.ഐ ഷാനവാസ് വ്യക്തമാക്കിയിരുന്നു. ഒരു മണിക്കൂ‍റോളം താന്‍ മുഖ്യമന്ത്രിയുമായി ചര്‍ച്ച നടത്തിയതായി ബിജു ചാനലുകളിലൂടെ പറഞ്ഞിരുന്നു. സരിത തങ്ങളേയും ഫോണില്‍ വിളിച്ചിരുന്നതായി സര്‍ക്കാര്‍ ചീഫ് വിപ്പ് പി.സി.ജോര്‍ജ്ജ്, കേന്ദ്രമന്ത്രി കെ.സി.വേണുഗോപാല്‍ എന്നിവരും സമ്മതിച്ചിട്ടുണ്ട്.സരിത എസ്.നായരുമായുള്ള ബന്ധത്തെതുടര്‍ന്ന് മുഖ്യമന്ത്രിയുടെ പേസണല്‍ സ്റ്റാഫിലെ ടെന്നി ജോപ്പനേയും ഗണ്മാനേയും സസ്പെന്റ് ചെയ്തിട്ടുണ്ട്.

- എസ്. കുമാര്‍

വായിക്കുക: , , ,

Comments Off on സോളാര്‍ പാനല്‍ തട്ടിപ്പ്: രക്ഷപ്പെട്ട ദിവസം ബിജുവിനൊപ്പം നടി ശാലുമേനോനും അമ്മയും?

ബോളിവുഡ് നടി ജിയാ ഖാന്‍ തൂങ്ങി മരിച്ച നിലയില്‍

June 4th, 2013

jiah-khan-epathram

മുംബൈ: ബോളിവുഡ് നടി ജിയാ ഖാനെ (25) തൂങ്ങി മരിച്ച നിലയില്‍ മുംബൈയിലെ ജൂഹുവിലെ ഫ്ലാറ്റില്‍ കണ്ടെത്തി. തിങ്കളാഴ്ച രാത്രിയാണ് മൃതദേഹം കണ്ടെത്തിയത്. ആത്മഹത്യയാണോ എന്ന് സ്ഥിരീകരിച്ചിട്ടില്ല. ലണ്ടനില്‍ ജനിച്ച ജിയാ ഖാന്‍ 2007ല്‍ അമിതാഭ് ബച്ചനൊപ്പം നിശബ്ദ് എന്ന ചിത്രത്തിലൂടെ ആണ് ബോളിവുഡില്‍ അരങ്ങേറ്റം കുറിച്ചത്. അല്പം സെക്സിയായിട്ട് അവര്‍ ഈ ചിത്രത്തില്‍ അഭിനയിച്ചു. ആ വര്‍ഷത്തെ പുതുമുഖ നടിയ്ക്കുള്ള ഫിലിം ഫെയര്‍ നോമിനേഷനും നിശ്ബ്ദിലെ പ്രകടനത്തിലൂടെ ജിയ നേടി. രാം ഗോപാല്‍ വര്‍മ്മായായിരുന്നു ചിത്രത്തിന്റെ സംവിധായകന്‍. അമീര്‍ഖാന്‍ – അസിന്‍ ജോഡിക്കൊപ്പം ഗജനിയുടെ ഹിന്ദി റീമേക്കില്‍ അഭിനയിച്ചു. അക്ഷയ് കുമാര്‍ ചിത്രമായ ഹ്സ്‌ഫുള്‍ ഉള്‍പ്പെടെ നിരവധി ചിത്രങ്ങളില്‍ ജിയാ ഖാന്‍ നായികയായി അഭിനയിച്ചിട്ടുണ്ട്.

നഫീസ ഖാന്‍ എന്നാണ് ജിയയുടെ യഥാര്‍ത്ഥ പേര്‍. അടുത്ത കാലത്താണ് അവര്‍ അമ്മയോടൊപ്പം മുംബൈയില്‍ സ്ഥിര താമസമാക്കിയത്. ജിയയുടെ മരണ വാര്‍ത്ത സത്യമാണോ എന്നാണ് അമിതാഭ് ബച്ചന്‍ ട്വിറ്ററില്‍ കുറിച്ചത്.

- എസ്. കുമാര്‍

വായിക്കുക: , ,

Comments Off on ബോളിവുഡ് നടി ജിയാ ഖാന്‍ തൂങ്ങി മരിച്ച നിലയില്‍

Page 25 of 27« First...1020...2324252627

« Previous Page« Previous « അഗ്നി ബാധയില്‍ മൂന്നു പേര്‍ മരിച്ചു
Next »Next Page » നെല്‍സന്‍ മണ്ടേലയെ കുറിച്ചുള്ള പുസ്തകം പ്രകാശനം ചെയ്തു »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha