സിനിമ « e പത്രം – ePathram.com

പ്രിയദര്‍ശന്‍ തറപടങ്ങളുടെ സംവിധായകന്‍: പി.സി.ജോര്‍ജ്ജ്

May 28th, 2013

തിരുവനന്തപുരം: സംവിധായകന്‍ പ്രിയദര്‍ശന്‍ തറപടങ്ങളുടെ സംവിധായകന്‍ ആണെന്ന് ചീഫ് വിപ്പ് പി.സി.ജോര്‍ജ്ജ്. മുഖ്യമന്ത്രിയെ അപമാനിച്ച പ്രിയദര്‍ശനെ ചലച്ചിത്ര അക്കാദമി ചെയര്‍മാന്‍ സ്ഥാനത്തു നിന്നും നീക്കണമെന്നും ജോര്‍ജ്ജ് ആവശ്യപ്പെട്ടു. ഗണേശ് കുമാറിനെ മന്ത്രിസ്ഥാനത്തു നിന്നും നീക്കിയ ശേഷം സിനിമാ വകുപ്പ് നാഥനില്ലാത്ത കളരിയാണെന്ന പ്രിയദര്‍ശന്റെ പ്രസ്ഥാവനയാണ് പി.സി ജോര്‍ജ്ജിനെ ചൊടിപ്പിച്ചത്. പ്രിയദര്‍ശന്റെ പ്രസ്ഥാന മുഖ്യമന്തിയെ അവഹേളിക്കുന്നതാണെന്നും ഗണേശിനെ മന്ത്രിയാക്കുന്നത് കായം കുളം കൊച്ചുണ്ണിയെ മന്ത്രിയാക്കുന്നതിനു തുല്യമാണെന്ന് പി.സി.ജോര്‍ജ്ജ് പറഞ്ഞു. .സംസ്ഥാന ചലച്ചിത്ര അവാര്‍ഡുകള്‍ വിതരണം ചെയ്യുന്ന ചടങ്ങില്‍ ഗണേശനെ അനുകൂലിച്ച് പ്രിയദര്‍ശനും, ഐ.വി.ശശിയും ഉള്‍പ്പെടെ പലരും സംസാരിച്ചിരുന്നു. സിനിമാപ്രവര്‍ത്തകരുടെ ആവശ്യത്തിനെതിരെ കെ.മുരളീധരനും രംഗത്തെത്തിയിരുന്നു.

- എസ്. കുമാര്‍

വായിക്കുക: , ,

Comments Off on പ്രിയദര്‍ശന്‍ തറപടങ്ങളുടെ സംവിധായകന്‍: പി.സി.ജോര്‍ജ്ജ്

വ്യാജ സി.ഡി. റെയ്ഡ്: നാലു പേര്‍ അറസ്റ്റില്‍; 20000 സിഡികള്‍ പിടിച്ചെടുത്തു

May 21st, 2013

തിരുവനന്തപുരം: ആന്റി പൈറസി സെല്ലിന്റെ നേതൃത്വത്തില്‍ സംസ്ഥാനത്തെ വിവിധ ഭാഗങ്ങളില്‍ നടത്തിയ റെയ്ഡില്‍ 20000- ല്‍ പരം വ്യാജ സിഡികള്‍ പിടിച്ചെടുത്തു. നാലു പേരെ അറസ്റ്റു ചെയ്യുകയും ചെയ്തു. കൊട്ടാരക്കരയില്‍ അറസ്റ്റിലായ പള്ളിക്കല്‍ നവാസ് നിവാസില്‍ സെയ്‌ദലവിയില്‍ നിന്നും അറുന്നൂറില്‍പരം വ്യാജ സി.ഡികള്‍ പിടിച്ചെടുത്തിട്ടുണ്ട്. നാനൂറിലധികം വ്യാജ സിഡികളുമായാണ് പത്തനംതിട്ട സ്വദേശി ഷിബുവിനെ അറസ്റ്റു ചെയ്തത്. ഇവരെ കൂടാതെ അറസ്റ്റിലായ രഞ്ജിത് കുമാറില്‍ നിന്നും 2800ഉം ഗുണശേഖരനില്‍ നിന്നും 2300 ഉം വ്യാജ സിഡികള്‍ പിടികൂടിയിട്ടുണ്ട്. ചിലയിടങ്ങളില്‍ നിന്നും വ്യാജസിഡികള്‍ കണ്ടെടുത്തെങ്കിലും ഉടമകളെ കണ്ടെത്തുവാന്‍ ആയില്ല. അടുത്തിടെ റിലീസ് ചെയ്ത ലേഡീസ് ആന്റ് ജന്റില്‍മാന്‍, ലോക്‍പാല്‍, കര്‍മ്മയോദ്ധ തുടങ്ങി നിരവധി മലയാള ചലചിത്രങ്ങളുടെ വ്യാജ സിഡികള്‍ പിടിച്ചെടുത്തവയില്‍ ഉള്‍പ്പെടുന്നു. മലയാളത്തെ കൂടാതെ ഇംഗ്ലീഷ്, ഹിന്ദി, തമിഴ്, തെലുങ്ക് തുടങ്ങിയ ഭാഷകളിലെ സിനിമകളുടേയും വ്യാജ സിഡികള്‍ ഇതില്‍ ഉണ്ട്.

- എസ്. കുമാര്‍

വായിക്കുക: , ,

Comments Off on വ്യാജ സി.ഡി. റെയ്ഡ്: നാലു പേര്‍ അറസ്റ്റില്‍; 20000 സിഡികള്‍ പിടിച്ചെടുത്തു

‘കാണാന്‍ ഒരു സിനിമ’ ലോഗോ പ്രകാശനം ചെയ്തു

May 3rd, 2013

pt-kunju-muhammed-with-kdpa-cinema-logo-ePathram
ദുബായ് : ഇന്ത്യന്‍ സിനിമ യുടെ നൂറാം വാര്‍ഷിക ആഘോഷ ത്തിന്റെ ഭാഗ മായി കോഴിക്കോട് ജില്ലാ പ്രവാസി അസോസിയേഷന്‍ വുമണ്‍സ് വിങ്ങിന്റെ ആഭിമുഖ്യ ത്തില്‍ ജൂണ്‍ 14 ന് ദുബായില്‍ വെച്ച് ‘കാണാന്‍ ഒരു സിനിമ’ എന്ന പേരില്‍ ദൃശ്യ-ശ്രാവ്യ സംഗീത ആവിഷ്‌കരണ പരിപാടി സംഘടിപ്പിക്കുന്നു. ഇതിന്റെ ലോഗോ പ്രകാശനം ദുബായില്‍ നടന്ന ചടങ്ങില്‍ പി. ടി. കുഞ്ഞു മുഹമ്മദ് നിര്‍വഹിച്ചു.

കോഴിക്കോട് ജില്ലാ പ്രവാസി അസോസിയേഷന്‍ വിമന്‍സ് വിംഗ് ചെയര്‍പേഴ്‌സണ്‍ ദീപാ സൂരജ്, കണ്‍വീനര്‍ റാബിയ ഹുസൈന്‍, അനുപമ, സബിത, ജമീലാ ലത്തീഫ്, ശബ്‌ന സലാം എന്നിവരും സംഘാടകരായ മോഹന്‍ എസ്. വെങ്കിട്ട്, രാജന്‍ കൊളാവിപ്പാലം, അഡ്വ. മുഹമ്മദ് സാജിദ്, യാസിര്‍ ഹമീദ് എന്നിവര്‍ പങ്കെടുത്തു

ദുബായ് ഖിസൈസ് മില്ലേനിയം സ്‌കൂളില്‍ ജൂണ്‍ 14 നു ഒരുക്കുന്ന ‘കാണാന്‍ ഒരു സിനിമ’ യില്‍ ഇന്ത്യന്‍ സിനിമാ ചരിത്ര ത്തിന് മഹത്തായ സംഭാവന കള്‍ നല്‍കിയ മലയാള സിനിമ കളും സിനിമാ ചരിത്രവും കലാ കാരന്മാരും രംഗ – സംഗീത ആവിഷ്‌കരണ ത്തിലൂടെയും ഡോക്യുമെന്ററി കളിലൂടെയും അനാവരണം ചെയ്യപ്പെടും.

നടീ നടന്മാരും ഗായകന്മാരും നര്‍ത്തകി കളും ചേര്‍ന്ന് അവതരി പ്പിക്കുന്ന പരിപാടി യോട് അനുബന്ധിച്ച് വിവിധ കാലഘട്ട ങ്ങളില്‍ മലയാള സിനിമ യില്‍ സജീവ മായിരുന്ന നായിക മാരായ ഷീല, സീമ, നവ്യാ നായര്‍ എന്നിവരെ ആദരിക്കും.

വിവരങ്ങള്‍ക്ക് : 050 69 46 112

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , ,

Comments Off on ‘കാണാന്‍ ഒരു സിനിമ’ ലോഗോ പ്രകാശനം ചെയ്തു

ഹ്രസ്വചിത്ര പ്രദര്‍ശനവും സംവാദവും ശ്രദ്ധേയമായി

April 15th, 2013

അബുദാബി : നാടക സൌഹൃദം അംഗവും പ്രവാസിയുമായ  സമീര്‍ ബാബു പേങ്ങാട്ട് സംവിധാനം ചെയ്ത ‘അവസ്ഥാനം’ എന്ന ഹ്രസ്വ ചിത്ര ത്തിന്റെ പ്രദര്‍ശനവും ‘സിനിമ യിലെ പെണ്ണവസ്ഥകള്‍’ എന്ന വിഷയ ത്തില്‍ സംവാദവും സംഘടിപ്പിച്ചു.

അബുദാബി നാടക സൗഹൃദം, പ്രസക്തി എന്നിവ യുടെ ആഭിമുഖ്യ ത്തില്‍ കേരള സോഷ്യല്‍ സെന്ററിലാണ് പരിപാടി സംഘടിപ്പിച്ചത്. ഈദ് കമല്‍ ചിത്രം പരിചയപ്പെടുത്തി.

sameer-babu-pengattu-short-film-award-ePathram
കേരള സോഷ്യല്‍ സെന്റര്‍ പ്രസിഡന്റ് കെ. ബി. മുരളി ചിത്ര ത്തിന്റെ സംവിധായകന്‍ സമീര്‍ ബാബു പേങ്ങാട്ടിനു മോമെന്റോ നല്‍കി. ഫാസില്‍ വിഷയം അവതരിപ്പിച്ചു. പ്രസക്തി വൈസ് പ്രസിഡന്റ് ഫൈസല്‍ ബാവ മോഡറേറ്റര്‍ ആയിരുന്നു.

ചര്‍ച്ച യില്‍ ആയിഷ സക്കീര്‍ ഹുസൈന്‍, പ്രസന്ന വേണു, ഖാദര്‍ ഡിംബ്രൈറ്റ്, അഷ്‌റഫ് ചമ്പാട്, ഷരീഫ് മാന്നാര്‍, ജാനിബ് ജമാല്‍ എന്നിവര്‍ പങ്കെടുത്തു.

നാടക സൗഹൃദം സെക്രട്ടറി ഷാബു സ്വാഗതവും ഷാബിര്‍ ഖാന്‍ നന്ദിയും രേഖപ്പെടുത്തി.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , , , ,

Comments Off on ഹ്രസ്വചിത്ര പ്രദര്‍ശനവും സംവാദവും ശ്രദ്ധേയമായി

റൂത്ത് പ്രവീര്‍ ജാബ്‌വാല (85) അന്തരിച്ചു

April 10th, 2013

ruth-prawer-jhabvala-epathram

ന്യുയോര്‍ക്ക്: പ്രശസ്ത എഴുത്തുകാരിയും ഓസ്‌കർ, ബുക്കര്‍ പ്രൈസ് ജേതാവുമായ റൂത്ത് പ്രവീര്‍ ജാബ്‌വാല (85) അന്തരിച്ചു. 1975 ല്‍ ബുക്കര്‍ പുരസ്‌കാരം ലഭിച്ച ഇന്ത്യന്‍ പശ്ചാത്തലത്തിലുള്ള ‘ഹീറ്റ് ആന്റ് ഡസ്റ്റ്’ അടക്കം 19 നോവലുകളും, നിരവധി ചെറുകഥകളും ഇവരുടെതായി ഉണ്ട്. എ റൂം വിത്ത് എ വ്യൂ, ഹവാര്‍ഡ്‌സ് എന്‍ഡ് എന്നീ ചിത്രങ്ങള്‍ക്ക് ഓസ്‌കാര്‍ പുരസ്‌കാരം ലഭിച്ചിരുന്നു.

ദീര്‍ഘകാലമായുള്ള രോഗത്തെ തുടര്‍ന്ന് യു.എസിലെ മാന്‍ഹാട്ടണിലെ വസതിയിലായിരുന്നു അന്ത്യം.

- ന്യൂസ് ഡെസ്ക്

വായിക്കുക: , , , ,

Comments Off on റൂത്ത് പ്രവീര്‍ ജാബ്‌വാല (85) അന്തരിച്ചു

Page 25 of 27« First...1020...2324252627

« Previous Page« Previous « പാബ്ലോ നെരൂദ കൊല്ലപ്പെട്ടതോ?
Next »Next Page » ഇന്ദിരാ ഗാന്ധി പാക്കിസ്ഥാന് ആണവ രഹസ്യം കൈമാറാൻ തയ്യാറായെന്ന് വിക്കിലീക്ക്സ് »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha