അബുദാബി « e പത്രം – ePathram.com

ഹ്രസ്വചിത്ര പ്രദര്‍ശനവും സംവാദവും ശ്രദ്ധേയമായി

April 15th, 2013

അബുദാബി : നാടക സൌഹൃദം അംഗവും പ്രവാസിയുമായ  സമീര്‍ ബാബു പേങ്ങാട്ട് സംവിധാനം ചെയ്ത ‘അവസ്ഥാനം’ എന്ന ഹ്രസ്വ ചിത്ര ത്തിന്റെ പ്രദര്‍ശനവും ‘സിനിമ യിലെ പെണ്ണവസ്ഥകള്‍’ എന്ന വിഷയ ത്തില്‍ സംവാദവും സംഘടിപ്പിച്ചു.

അബുദാബി നാടക സൗഹൃദം, പ്രസക്തി എന്നിവ യുടെ ആഭിമുഖ്യ ത്തില്‍ കേരള സോഷ്യല്‍ സെന്ററിലാണ് പരിപാടി സംഘടിപ്പിച്ചത്. ഈദ് കമല്‍ ചിത്രം പരിചയപ്പെടുത്തി.

sameer-babu-pengattu-short-film-award-ePathram
കേരള സോഷ്യല്‍ സെന്റര്‍ പ്രസിഡന്റ് കെ. ബി. മുരളി ചിത്ര ത്തിന്റെ സംവിധായകന്‍ സമീര്‍ ബാബു പേങ്ങാട്ടിനു മോമെന്റോ നല്‍കി. ഫാസില്‍ വിഷയം അവതരിപ്പിച്ചു. പ്രസക്തി വൈസ് പ്രസിഡന്റ് ഫൈസല്‍ ബാവ മോഡറേറ്റര്‍ ആയിരുന്നു.

ചര്‍ച്ച യില്‍ ആയിഷ സക്കീര്‍ ഹുസൈന്‍, പ്രസന്ന വേണു, ഖാദര്‍ ഡിംബ്രൈറ്റ്, അഷ്‌റഫ് ചമ്പാട്, ഷരീഫ് മാന്നാര്‍, ജാനിബ് ജമാല്‍ എന്നിവര്‍ പങ്കെടുത്തു.

നാടക സൗഹൃദം സെക്രട്ടറി ഷാബു സ്വാഗതവും ഷാബിര്‍ ഖാന്‍ നന്ദിയും രേഖപ്പെടുത്തി.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , , , ,

Comments Off on ഹ്രസ്വചിത്ര പ്രദര്‍ശനവും സംവാദവും ശ്രദ്ധേയമായി

ഒ. ഐ. സി. സി. ആഗോള സമ്മേളന ത്തിന് അബുദാബി യില്‍ തുടക്കം

April 11th, 2013

oicc-logo-ePathram
അബുദാബി : ഓവര്‍സീസ് ഇന്ത്യന്‍ കള്‍ചറല്‍ കോണ്‍ഗ്രസ്സ് (ഒ. ഐ. സി. സി) മൂന്നാമത് ഗ്ളോബല്‍ മീറ്റിന് വ്യാഴാഴ്ച രാവിലെ പതാക ഉയര്‍ത്ത ലോടെ തുടക്ക മാകും.

അബുദാബി ഇന്ത്യ സോഷ്യല്‍ സെന്‍ററില്‍ നടക്കുന്ന പരിപാടി യില്‍ ദേശീയ – സംസ്ഥാന നേതാക്കളും മന്ത്രിമാരും എം. പി. മാരും പങ്കെടുക്കും.

പ്രവാസി മലയാളി കളുടെ വിവിധ പ്രശ്നങ്ങള്‍ ചര്‍ച്ച ചെയ്യുന്ന സെമിനാറുകള്‍ നടക്കും. യു. എ. ഇ. മറ്റ് ജി. സി. സി. രാജ്യങ്ങള്‍, അമേരിക്ക, യൂറോപ്പ് എന്നിവിട ങ്ങളില്‍ നിന്നുമായി 1100 പ്രതിനിധികള്‍ പങ്കെടുക്കുമെന്ന് പരിപാടി കള്‍ വിശദീകരിച്ച് നടത്തിയ വാര്‍ത്താ സമ്മേളന ത്തില്‍ കെ. പി. സി. സി. ജനറല്‍ സെക്രട്ടറി എന്‍. സുബ്രഹ്മണ്യന്‍, സെക്രട്ടറി മാന്നാര്‍ അബ്ദുല്‍ ലത്തീഫ് എന്നിവര്‍ അറിയിച്ചു.

വ്യാഴാഴ്ച രാത്രി 8 മണിക്കു സാംസ്കാരിക സമ്മേളനം കേന്ദ്ര മന്ത്രി ശശി തരൂര്‍ ഉദ്ഘാടനം ചെയ്യും. ഗ്ളോബല്‍ മീറ്റ്സുവനീര്‍ എം. എ. യൂസഫലി ക്ക് നല്‍കി അദ്ദേഹം പ്രകാശനം ചെയ്യും.

വെള്ളിയാഴ്ച രാവിലെ ഒമ്പതിന് മുഖ്യമന്ത്രി ഉമ്മന്‍ചാണ്ടി പ്രതിനിധി സമ്മേളനം ഉദ്ഘാടനം ചെയ്യും. രമേശ് ചെന്നിത്തല അധ്യക്ഷത വഹിക്കും. കേന്ദ്രമന്തി വയലാര്‍ രവി മുഖ്യ പ്രഭാഷണം നടത്തും. കേന്ദ്രമന്ത്രി കെ. സി. വേണു ഗോപാല്‍, മന്ത്രി മാരായ കെ. സി. ജോസഫ്, എ. പി. അനില്‍കുമാര്‍, കെ. പി. സി. സി. വൈസ് പ്രസിഡന്‍റ് എം. എം. ഹസന്‍, എ. ഐ. സി. സി സെക്രട്ടറി ഷാനി മോന്‍ ഉസ്മാന്‍, ഗ്ളോബല്‍ മീറ്റ് സ്വാഗത സംഘം ചെയര്‍മാന്‍ എം. ജി. പുഷ്പാകരന്‍ എന്നിവര്‍ സംസാരിക്കും.

പദ്മശ്രീ ജേതാക്കളായ എം. എ. യുസഫലി, ബി. ആര്‍. ഷെട്ടി, ഡോ. ആസാദ് മൂപ്പന്‍, സി. കെ. മേനോന്‍ എന്നിവരെയും ഡോ. കെ. പി. ഹുസൈന്‍, കെ. മുരളീധരന്‍, മൂസ ഹാജി, സുധീര്‍ കുമാര്‍ ഷെട്ടി, ബാവ ഹാജി, തുടങ്ങിയവ രെയും ആദരിക്കും.

ഉച്ചക്കു ശേഷം ‘പ്രവാസികള്‍ നേരിടുന്ന വെല്ലുവിളി’ എന്ന സെമിനാര്‍ കെ. സി. വേണു ഗോപാല്‍ ഉദ്ഘാടനം ചെയ്യും. എം. എം. ഹസന്‍ മോഡറേറ്റ റായിരിക്കും. എം. ജി. പുഷ്പാകരന്‍ വിഷയം അവതരിപ്പിക്കും. കെ. സി. ജോസഫ്, വി. ഡി. സതീശന്‍ എന്നിവര്‍ പങ്കെടുക്കും.

വൈകീട്ട് 4.30ന് ‘കേരള ത്തിന്റെ വികസന ത്തില്‍ പ്രവാസി കളുടെ പങ്ക്’ എന്ന സെമിനാര്‍ മന്ത്രി പി. കെ. കുഞ്ഞാലിക്കുട്ടി ഉദ്ഘാടനം ചെയ്യും. ഡോ. കെ. പി. ഹുസൈന്‍ വിഷയം അവതരി പ്പിക്കും. ഡോ. ബി. എ. പ്രകാശ് മോഡറേറ്റ റാവും.

വൈകീട്ട് ആറു മണിക്ക് പൊതു സമ്മേളനം വയലാര്‍ രവി ഉദ്ഘാടനം ചെയ്യും. രമേശ് ചെന്നിത്തല അധ്യക്ഷത വഹിക്കും. ഉമ്മന്‍ചാണ്ടി മുഖ്യപ്രഭാഷണം നടത്തും. യു. എ. ഇ. യിലെ ഇന്ത്യന്‍ സ്ഥാനപതി എം. കെ. ലോകേഷ്, പി. കെ. കുഞ്ഞാലിക്കുട്ടി എന്നിവര്‍ പങ്കെടുക്കും.

ശനിയാഴ്ച രാവിലെ ഒമ്പതിന് സംഘടനാ ചര്‍ച്ച യില്‍ എം. ഐ. ഷാനവാസ് എം. പി, കെ. പി. സി. സി. നേതാക്കളായ ടി. സിദ്ദീഖ്, ശരത്ചന്ദ്ര പ്രസാദ്, കെ. സി. രാജന്‍ തുടങ്ങിയവര്‍ പങ്കെടുക്കും.

11.30ന് ‘സാമൂഹിക പ്രവര്‍ത്തന ങ്ങളില്‍ വനിത കളുടെ പങ്ക്’ എന്ന വിഷയ ത്തില്‍ ചര്‍ച്ച നടക്കും. കെ. പി. സി. സി. ജനറല്‍ സെക്രട്ടറി മാരായ പത്മജ വേണുഗോപാല്‍, ലതിക സുഭാഷ്, വൈസ് പ്രസിഡന്‍റ് ലാലി വിന്‍സെന്‍റ്, മഹിള കോണ്‍ഗ്രസ് പ്രസിഡന്‍റ് ബിന്ദു കൃഷ്ണ തുടങ്ങിയവര്‍ പങ്കെടുക്കും.

ഉച്ചക്കു ശേഷം രണ്ടിന് ഒ. ഐ. സി. സി. യുടെ നിര്‍ദിഷ്ട വെല്‍ഫയര്‍ ആന്‍ഡ് ചാരിറ്റി പദ്ധതി യെ സംബന്ധിച്ചുള്ള ചര്‍ച്ച നടക്കും.

4.30ന് മൂന്ന് ദിവസ ത്തെ ചര്‍ച്ച കളില്‍ നിന്ന് ഉരുത്തിരിഞ്ഞ അഭിപ്രായ ങ്ങള്‍ ഉള്‍പ്പെടുത്തി ‘അബൂദബി പ്രഖ്യാപനം’ നടത്തും. ഗ്ളോബല്‍ കമ്മിറ്റി യുടെ പ്രഖ്യാപനവും ഉണ്ടാകും.

സമാപന സമ്മേളനം വയലാര്‍ രവി ഉദ്ഘാടനം ചെയ്യും. രമേശ് ചെന്നിത്തല, കുഞ്ഞാലിക്കുട്ടി, എം. പി. വീരേന്ദ്ര കുമാര്‍ തുടങ്ങിയവര്‍ പങ്കെടുക്കും.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , , ,

Comments Off on ഒ. ഐ. സി. സി. ആഗോള സമ്മേളന ത്തിന് അബുദാബി യില്‍ തുടക്കം

ജപമാല കളുടെ പ്രദര്‍ശനം അബുദാബി യില്‍

April 5th, 2013

world-costliest-prayer-beads-exhibition-ePathram
അബുദാബി : ആനക്കൊമ്പ് മുതല്‍ ആമ ത്തോട് വരെ ഉപയോഗിച്ച് നിര്‍മിച്ചിട്ടുള്ള ജപ മാലകള്‍ സന്ദര്‍ശ കര്‍ക്കായി അപൂര്‍വ കാഴ്ച യൊരുക്കുന്നു.

വജ്രത്തിലും 14 കാരറ്റ്, 24 കാരറ്റ് സ്വര്‍ണ ത്തിലും വെള്ളി യിലും തീര്‍ത്ത അലങ്കാര പ്പണികളുള്ള 270ഓളം ജപ മാല കളുടെ പ്രദര്‍ശനം അബുദാബി എമിറേറ്റ്സ് പാലസി ലാണ് നടക്കുന്നത്.

ആനക്കൊമ്പ്, ആമത്തോട്, തിമിംഗല പ്പല്ല്, തിമിംഗല ത്തിന്റെ കഴുത്തെല്ല് തുടങ്ങിയ വയും മരതകം, മാണിക്യം, പവിഴം, അപൂര്‍വ മുത്തുകള്‍ എന്നിവ യുമടക്കം 100ഓളം വ്യത്യസ്ത വസ്തു ക്കള്‍ ഉപയോഗിച്ചുള്ള 5000 ത്തോളം മുത്തുകള്‍ കലാപര മായി കോര്‍ത്തിണ ക്കിയ ജപമാലകള്‍ ആണിവ.

ആയിരം ഡോളര്‍ മുതല്‍ 60,000 ഡോളര്‍ വരെ വില മതിക്കുന്ന ജപമാലകള്‍ പ്രദര്‍ശന ത്തില്‍ ഇടം പിടിച്ചിരി ക്കുന്നു.

ബ്ളാക്ക് ഡയ്മണ്ട്, 46.46 ഗ്രാം 14 കാരറ്റ് സ്വര്‍ണം, 275 വൈറ്റ് ഡയ്മണ്ടുകള്‍ എന്നിവ യാണ് 60,000 ഡോളറിന്റെ ജപ മാല നിര്‍മിക്കാനായി ഉപയോഗി ച്ചിരിക്കുന്നത്.

തുര്‍ക്കി യിലെ 60 കലാകാരന്മാര്‍ കൈ കൊണ്ട് നിര്‍മിച്ച ഇവ ഓട്ടോമന്‍ നാഗരികത പ്രതിഫലി പ്പിക്കുന്നതാണ്. തുര്‍ക്കി വ്യവസായി ബറാത് സര്‍ദര്‍ നസീറോലു 2007 മുതല്‍ ശേഖരിച്ച് തുടങ്ങിയ ജപമാല കളാണ് ഇവ.

സാധാരണ ജപമാല കളുടെ ശേഖരണ മായിരുന്നു അദ്ദേഹ ത്തിന്റെ ആദ്യ ഹോബി.

പിന്നീട് ഗവേഷണം നടത്തി സാധാരണ ജപമാല കളും കലാമൂല്യ മുള്ളവയും തമ്മിലുള്ള വ്യത്യാസം മനസ്സിലാക്കി. എന്നിട്ട് അവ നിര്‍മിക്കുന്ന വരെ നേരില്‍ ചെന്നു കണ്ട് ശേഖരിക്കുക യായിരുന്നു.

ഓട്ടോമന്‍ സംസ്കാര ത്തെയും കലയെയും ലോക ത്തിന് കാണിച്ച് കൊടുക്കാനാണ് ഇത്തര മൊരു വിസ്മയ കലാശേഖരം യു. എ. ഇ. യില്‍ പ്രദര്‍ശിപ്പി ക്കുന്ന തെന്നും അദ്ദേഹം പറഞ്ഞു. പ്രദര്‍ശനം ജൂണ്‍ 30ന് സമാപിക്കും.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: ,

Comments Off on ജപമാല കളുടെ പ്രദര്‍ശനം അബുദാബി യില്‍

അബുദാബി യില്‍ സ്വദേശി വല്‍ക്കരണ നീക്കം ഊര്‍ജ്ജിതം

April 5th, 2013

new-logo-abudhabi-2013-ePathram
അബുദാബി : തലസ്ഥാനത്ത് സ്വദേശി വല്‍ക്കരണം ഊര്‍ജ്ജിതം ആക്കുന്നതിന്റെ ഭാഗ മായി സര്‍ക്കാര്‍ – അര്‍ദ്ധ സര്‍ക്കാര്‍ സ്ഥാപന ങ്ങളിലും സ്വകാര്യ കമ്പനി കളി ലുമായി 6243 സ്വദേശികളെ നിയമിക്കും എന്നു സ്വദേശി വല്‍ക്കരണ കൌണ്‍സില്‍ അധികൃതര്‍ അറിയിച്ചു.

സേവന, വ്യവസായ, സാങ്കേതിക സ്ഥാപന ങ്ങളിലാകും നിയമനം ഉണ്ടാവുക.

സ്വകാര്യ മേഖലയ്ക്കു പുറമേ ആരോഗ്യ മന്ത്രാലയം, സായുധ സേന, അബുദാബി ധനകാര്യ സ്ഥാപന ങ്ങള്‍, തലസ്ഥാന പൊലീസ് എന്നിവ യിലും സ്വദേശി കളെ നിയമിക്കും എന്നറിയുന്നു.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: ,

Comments Off on അബുദാബി യില്‍ സ്വദേശി വല്‍ക്കരണ നീക്കം ഊര്‍ജ്ജിതം

കടമ്മനിട്ട, ഒ.വി. വിജയൻ എന്നിവരുടെ അനുസ്മരണം നടത്തി

April 1st, 2013

OV Vijayan-epathram

അബുദാബി: കേരള സോഷ്യൽ സെന്റർ സാഹിത്യ വിഭാഗവും, ഗ്രന്ഥശാലാ വിഭാഗവും സമുയുക്തമായി കടമ്മനിട്ട, ഒ. വി. വിജയൻ എന്നിവരുടെ അനുസ്മരണം നടത്തി. കടമ്മനിട്ട കവിതകളും,  വിജയൻ  ഓര്മ്മകളും നിറഞ്ഞ സന്ധ്യ വേറിട്ട ഒരനുഭവമായി. കടമ്മനിട്ട സമൂഹത്തിലെ ഏറ്റവും താഴെക്കിടയിൽ ജീവിക്കുന്നവന്റെ വേദനയും  ജീവിതവും തുറന്നു കാണിച്ച കവിയാണെന്നും മലയാളം ഉള്ള കാലത്തോളം കടമ്മനിട്ടയുടെ കവിതകളും നിലനില്ക്കുമെന്നും പറഞ്ഞു .  കടമ്മനിട്ട അനുസ്മരണക്കുറിപ്പ് കെ. എസ്.  സി ലൈബ്രേറിയൻ ‌ ഹര്ഷനും, ഒ. വി. വിജയൻ അനുസ്മരണക്കുറിപ്പ്‌ ഫൈസൽ ബാവയും വായിച്ചു. ഒ. വി. വിജയൻ എന്ന എഴുത്തുകാരനെ ഒരു ഇതിഹാസത്തിൽ മാത്രം ഒതുക്കേണ്ടതില്ല എന്നും, അടിയന്തിരാവസ്ഥയുടെ പശ്ചാത്തലത്തിൽ എഴുതിയ ധര്മ പുരാണവും, പ്രകൃതിയിലൂടെ വിജയന് നടത്തിയ ആത്മീയമായ ഒരു അന്വേഷണമായ  മധുരം ഗായതിയും ഇനിയും മലയാളി വേണ്ടവിധത്തിൽ  വായിച്ചിട്ടില്ലെന്നും  ഈ നോവലുകൾ ഇനിയും ഒരു പുന:വായന   നടത്തിയാണ് വിജയനെ അനുസ്മാരിക്കേണ്ടത്  എന്നും  അഭിപ്രായം ഉയര്ന്നു.  കെ. എസ്. സി   സാഹിത്യ വിഭാഗം സെക്രട്ടറി ജലീൽ  ടി. കുന്നത് അധ്യക്ഷനാ യിരുന്നു. അനന്തലക്ഷ്മി ഷരീഫ്, അമൽ കെ. ബഷീര്, ഫാസിൽ, സുരേഷ് പാടൂര്, ധനേഷ്, റഫീഖ് അലി എന്നിവര് കടമ്മനിട്ട കവിതകള ചൊല്ലി. കെ. എസ്. സി അസ്സി: ലൈബ്രേറിയൻ ടി. ഗോമസ് നന്ദി പറഞ്ഞു.

- ഫൈസല്‍ ബാവ

വായിക്കുക: ,

Comments Off on കടമ്മനിട്ട, ഒ.വി. വിജയൻ എന്നിവരുടെ അനുസ്മരണം നടത്തി

Page 124 of 132« First...102030...122123124125126...130...Last »

« Previous Page« Previous « നിഖില്‍കുമാര്‍ കേരള ഗവര്‍ണറായി സത്യപ്രതിജ്‌ഞ ചെയ്‌തു
Next »Next Page » സമാജം അത്‌ലറ്റിക് മീറ്റ് ശ്രദ്ധേയമായി »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha