ഏതു റോളും അഭിനയിക്കാൻ തയ്യാർ : സുരാജ് വെഞ്ഞാറമൂട്

June 17th, 2014

indian-media-abudhabi-suraj-pma-rahiman-ePathram
അബുദാബി : ഏതു തരം റോളുകളും ചെയ്യാനുള്ള ആർജ്ജവം തനിക്കുണ്ടായത് ജീവിത അനുഭവ ങ്ങളും മിമിക്രി ജീവിത ത്തിലെ നിരീക്ഷണ ങ്ങളും ആണെന്ന് ദേശീയ അവാർഡ് ജേതാവ് സുരാജ് വെഞ്ഞാറമൂട്.

മിമിക്രി എന്ന കല തന്റെ കയ്യിലുള്ളതു കൊണ്ടു തന്നെ യാണ് ഇന്ത്യന്‍ സിനിമ യില്‍ തനിക്കും എന്തെങ്കിലും നേടാനായത്.

ചെയ്തു ഫലിപ്പിക്കാൻ ഏറെ പ്രയാസം ഹാസ്യാഭിനയ മാണ്. അത് കൊണ്ട് തന്നെ മികച്ച ഹാസ്യ നടൻ എന്ന സംസ്ഥാന അവാർഡ്, ദേശീയ അവാർഡിനോ ടൊപ്പം തന്നെ ഏറെ വിലപ്പെട്ട താണ്‌ എന്ന് ഇന്ത്യാ സോഷ്യല്‍ സെന്ററില്‍ ഇന്ത്യന്‍ മീഡിയ അബുദാബി (ഇമ) നടത്തിയ മുഖാമുഖം പരിപാടി യിൽ സുരാജ് പറഞ്ഞു.

suraj-venjaramoodu-with-ima-2014-ePathram

‘പേരറിയാത്തവര്‍’ എന്ന സിനിമക്ക് ശേഷം ഡോ. ബിജു സംവിധാനം ചെയ്യുന്ന ‘’വലിയ ചിറകുള്ള പക്ഷികള്‍” എന്ന സിനിമ, കാസര്‍കോട്ടെ എന്‍ഡോസള്‍ഫാന്‍ ദുരിത ബാധിതരുടെ വിഷയം അവതരിപ്പിക്കുന്നു.

ഈ ചിത്ര ത്തില്‍ ഒരു മന്ത്രി യുടെ വേഷത്തില്‍ അഭിനയി ക്കുന്നുണ്ട്. ആ മേഖല യിലെ വീടു കളിൽ സന്ദർശിച്ച പ്പോൾ വലിയ വേദന തോന്നി. പ്രവാസ ലോകത്തെ ജീവ കാരുണ്യ പ്രവർത്ത കരുടെയും സംഘടന കളുടെയും ശ്രദ്ധയും സഹായവും അവിടത്തെ ജനങ്ങളിൽ എത്തണ മെന്നും സുരാജ് സൂചിപ്പിച്ചു.

സിനിമ യിൽ ചെറുതെന്നോ വലുതെന്നോ വ്യത്യാസ മില്ലാതെ ഏതു റോളുകളും സ്വീകരിക്കും. എന്നാൽ തനിക്കു അതിൽ എന്തെങ്കിലും ചെയ്യാൻ സാധി ക്കണം.

മലയാള ത്തിലെ എല്ലാ നടന്‍മാരുമായും വിവിധ റോളു കളിലും ഭാവ ങ്ങളിലും അഭിനയി ക്കാന്‍ അവസരം ലഭിച്ചതും വലിയ നേട്ടമായി കാണുന്നു.

ഇപ്പോഴും മിമിക്രി വേദി കളിൽ സജീവമാണ്. ദേശീയ അവാര്‍ഡ് ജേതാവെന്ന നിലയിലും ഈ നിലപാടില്‍ മാറ്റമില്ല. സിനിമ യിൽ ഏതു തരം റോളുകളും ചെയ്യാ നുള്ള ആർജ്ജവം തനിക്കു ണ്ടായത് ജീവിത അനുഭവ ങ്ങളും മിമിക്രി ജീവിത ത്തിലെ നിരീക്ഷണ ങ്ങളും തന്നെ യാണ്.

കഴിഞ്ഞ ഒന്‍പതു വര്‍ഷ ത്തിനകം 190 പടത്തിലാണ് അഭിനയിച്ചത്. ഇന്ത്യ യിലെ മികച്ച സംവി ധായക രോടൊപ്പം പ്രവർത്തി ക്കാൻ കഴിഞ്ഞതും വലിയ ഭാഗ്യ മാണ്.

ഇന്ത്യന്‍ മീഡിയ പ്രസിഡന്റ് ടി. എ. അബ്ദുല്‍ സമദ് ബൊക്കെ നല്‍കി സുരാജിനെ സ്വീകരിച്ചു. ജനറല്‍ സെക്രട്ടറി ആഗിന്‍ കീപ്പുറം, ടി. പി. ഗംഗാധരന്‍, മുഹമ്മദ്‌ റഫീഖ്, പി. എം. അബ്ദുൽ റഹിമാൻ, ജോണി ഫൈൻ ആർട്സ് എന്നിവര്‍ പ്രസംഗിച്ചു.

- pma

വായിക്കുക: , , , ,

Comments Off on ഏതു റോളും അഭിനയിക്കാൻ തയ്യാർ : സുരാജ് വെഞ്ഞാറമൂട്

ടി. പി. സീതാറാം ഇന്ത്യന്‍ മീഡിയ അബുദാബി യുടെ രക്ഷാധികാരി

June 14th, 2014

indian-media-abudhabi-activities-inaugurations-ePathram
അബുദാബി : ഇന്ത്യൻ മീഡിയ അബുദാബിയുടെ പ്രവർത്തന ഉത്ഘാടനം ഇന്ത്യൻ അംബാസഡർ ടി. പി. സീതാറാം നിർവ്വഹിച്ചു. മലയാളീ സമാജത്തിൽ സംഘടിപ്പിച്ച ചടങ്ങിൽ ഇമ യുടെ പ്രവർത്തന ഉത്ഘാടനം നിർവ്വഹിച്ച് ഇന്ത്യന്‍ മീഡിയ അബുദാബിയുടെ രക്ഷാധികാരി സ്ഥാനം ഇന്ത്യന്‍ അംബാസഡർ ടി. പി. സീതാറാം ഏറ്റടുത്തു.

സമൂഹത്തില്‍ മാധ്യമങ്ങളുടെ ഉത്തരവാദിത്വം ഗൗരവമേറിയതാണ്. എല്ലായിടത്തും മാധ്യമ ങ്ങള്‍ക്ക് പ്രധാനപ്പെട്ട പങ്കാണ് ഉള്ളത്. ഇത്രയധികം ഇന്ത്യക്കാര്‍ ഉള്ള യു. എ. ഇ. യില്‍ ഇന്ത്യന്‍ മാധ്യമ ങ്ങള്‍ എങ്ങനെ പ്രവര്‍ത്തിക്കുന്നു എന്നതും പ്രാധാന്യമുള്ള കാര്യമാണ്. എംബസി യുടെ പ്രവര്‍ത്തന ങ്ങള്‍ക്ക് മീഡിയ യുടെ സഹായം ആവശ്യമാണ്. മാധ്യമ ങ്ങള്‍ വഴിയാണ് പല കാര്യങ്ങളും ഉദ്യോഗസ്ഥ തലത്തിലും ജനങ്ങള്‍ക്കുമിടയിലും ആശയ വിനിമയം ചെയ്യുന്നത്. മാധ്യമ ങ്ങളുടെ സഹായമില്ലാതെ എംബസിക്കു പല കാര്യങ്ങളും ചെയ്യാന്‍ കഴിയില്ല എന്നും അംബാസഡർ പറഞ്ഞു.

സിവില്‍ സര്‍വീസില്‍ ചേരുന്നതിനു മുന്‍പു പത്ര പ്രവര്‍ത്തകനാകാന്‍ ആഗ്രഹി ച്ചിരുന്ന ആളാണു താന്‍. രാഷ്ട്രപതി കെ. ആര്‍. നാരായണന്റെ പ്രസ് സെക്രട്ടറി എന്ന നില യില്‍ മാധ്യമ പ്രവര്‍ത്ത കരുമായി നല്ല ബന്ധം നിലനിര്‍ത്താന്‍ സാധിച്ചിരുന്നു എന്നും അദ്ദേഹം പറഞ്ഞു.

യു എ ഇ യിൽ വന്നപ്പോൾ മുതൽ വളരെ നലല സഹകരണമാണ് ഇന്ത്യൻ മീഡിയ അബുദാബിയും ദുബായ് മീഡിയാ ഫോറവും ഇന്ത്യൻ എംബസിക്കു നൽകുന്നത് എന്നും സീതാറാം ചൂണ്ടിക്കാട്ടി.

ഇന്ത്യാ സോഷ്യല്‍ ആന്‍ഡ് കള്‍ചറല്‍ സെന്റര്‍ പ്രസിഡന്റ് ഡി. നടരാജന്‍, ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവ ഹാജി, കേരള സോഷ്യല്‍ സെന്റര്‍ പ്രസിഡന്റ് എം. യു. വാസു, മലയാളി സമാജം പ്രസിഡന്റ് ഷിബു വര്‍ഗീസ് എന്നിവര്‍ പ്രസംഗിച്ചു.

ഇമ, മലയാളി സമാജവുമായി സഹകരിച്ചു നടത്തിയ ചൈല്‍ഡ് ഒാണ്‍ലൈന്‍ പ്രൊട്ടക്ഷന്‍ ബോധവല്‍ക്കരണ പരിപാടി സമാജം പ്രസിഡന്റ് ഷിബു വര്‍ഗീസ് ഉദ്ഘാടനം ചെയ്തു. ഡിസ്ക് ഫൗണ്ടേഷന്‍ സി. ഇ. ഒ. മുഹമ്മദ് മുസ്തഫ കുട്ടികള്‍ക്കും മുതിര്‍ന്നവര്‍ക്കും പ്രത്യേക ക്ളാസ് നടത്തി.

പ്രൊജക്ട് കോ-ഓര്‍ഡിനേറ്റര്‍മാരായ പി. എം. അബ്ദുല്‍ റഹ്മാന്‍, ടി. പി. ഗംഗാധരന്‍, ജോയിന്റ് സെക്രട്ടറി മുനീര്‍ പാണ്ട്യാല, എക്സിക്യൂട്ടീവ് മെംബര്‍മാരായ ജോണി തോമസ്, അഹ്മദ് കുട്ടി, ജിസ് ജോസഫ് എന്നിവരും സംബന്ധിച്ചു. പ്രസിഡന്റ് ടി.എ. അബ്ദുല്‍ സമദ് അധ്യക്ഷത വഹിച്ചു. ജനറൽ സെക്രടറി ആഗിൻ കീപ്പുറം സ്വാഗതവും ട്രഷറർ അനിൽ സി. ഇടിക്കുള നന്ദിയും പറഞ്ഞു.

- pma

വായിക്കുക: , , , ,

Comments Off on ടി. പി. സീതാറാം ഇന്ത്യന്‍ മീഡിയ അബുദാബി യുടെ രക്ഷാധികാരി

ഇമ പ്രവര്‍ത്തനോല്‍ഘാടനം വ്യാഴാഴ്ച

June 10th, 2014

indian-media-abudhabi-ima-new-logo-2014-ePathram
അബുദാബി : മാധ്യമ പ്രവര്‍ത്തകരുടെ കൂട്ടായ്മയായ ഇന്ത്യന്‍ മീഡിയ അബുദാബി (ഇമ) യുടെ 2014 – 2015 വര്‍ഷത്തെ പ്രവര്‍ത്തന ഉദ്ഘാടനം ഇന്ത്യന്‍ സ്ഥാനപതി ടി. പി. സീതാറാം അബു ദാബി മലയാളി സമാജം ഒാഡിറ്റോറിയ ത്തില്‍ നിര്‍വഹിക്കും.

ജൂണ്‍ 12 വ്യാഴാഴ്ച വൈകിട്ട് 7 മണിക്ക് നടക്കുന്ന പരിപാടി യില്‍ ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവ ഹാജി, ഇന്ത്യാ സോഷ്യല്‍ ആന്‍ഡ് കള്‍ചറല്‍ സെന്റര്‍ പ്രസിഡന്റ് ഡി. നടരാജന്‍, കേരള സോഷ്യല്‍ സെന്റര്‍ പ്രസിഡന്റ് എം. യു. വാസു, മലയാളി സമാജം പ്രസിഡന്റ് ഷിബു വര്‍ഗീസ് എന്നിവര്‍ ആശംസാ പ്രസംഗം നടത്തും.

മലയാളി സമാജ ത്തിന്റെ സഹകരണ ത്തോടെ നടക്കുന്ന ഒാണ്‍ ലൈന്‍ ചൈല്‍ഡ് പ്രൊട്ടക്ഷന്‍ ബോധ വല്‍ക്കരണ പരിപാടി സ്കൂള്‍ വിദ്യാര്‍ഥി കള്‍ക്കായി വൈകിട്ട് ആറിനും രക്ഷിതാക്കള്‍ക്കായി രാത്രി എട്ടിനും നടക്കും.

ഡിസ്ക്  ഫൌണ്ടേഷന്‍ സി.  ഇ. ഒ. മുഹമ്മദ് മുസ്തഫ, ചൈല്‍ഡ് ഒാണ്‍ലൈന്‍ പ്രൊട്ടക്ഷന്‍ ബോധ വല്‍ക്കരണ ക്ളാസ്  നടത്തും.

ലോകമെമ്പാടും പടർന്നു പിടിക്കുന്ന, എന്നാൽ നാം ആരും തന്നെ അധികം ശ്രദ്ധിക്കാതെ പോകുന്ന അതി മാരകമായ ഒരു വിപത്തിനെ പറ്റി കൂടുതൽ അറിയുവാനും ആ അറിവ് മറ്റുള്ള വരിലേക്ക് പകർന്നു നല്കുവാനും ഈ വിപത്തിന് എതിരെ പട പൊരുതി സമൂഹത്തെ ഇതു മൂലമുണ്ടാകുന്ന പ്രശ്ന ങ്ങളിൽ നിന്നും സംരക്ഷിച്ചു നിർത്തുവാനും വേണ്ടി പ്രവർത്തി ക്കുന ഒരു പ്രസ്ഥാന മാണ് ഡിസ്ക് ഫൗണ്ടെഷൻ.

- pma

വായിക്കുക: , , , , , , ,

Comments Off on ഇമ പ്രവര്‍ത്തനോല്‍ഘാടനം വ്യാഴാഴ്ച

ജൂണ്‍ 15 മുതല്‍ നിര്‍ബന്ധിത മധ്യാഹ്ന ഇടവേള

June 4th, 2014

uae-labour-in-summer-ePathram
അബുദാബി : യു എ ഇ യില്‍ ജൂണ്‍ 15 മുതല്‍ ഉച്ച വിശ്രമ നിയമം നിലവില്‍ വരും. നേരിട്ട്‌ സൂര്യതാപം ഏല്‍ക്കും വിധം തുറസ്സായ സ്ഥലങ്ങളില്‍ ജോലികളില്‍ ഏര്‍പ്പെടുന്ന തൊഴിലാളി കള്‍ക്കുള്ള നിര്‍ബന്ധിത മധ്യാഹ്ന ഇടവേള ജൂണ്‍ 15 മുതല്‍ നടപ്പാക്കാന്‍ തൊഴില്‍ മന്ത്രാലയം തീരുമാനിച്ചു.

ദിവസവും ഉച്ചക്ക് 12.30 മുതല്‍ മൂന്ന് മണി വരെ രണ്ടര മണിക്കൂര്‍ ഈ വിശ്രമ വേള ലഭിക്കുക. നിയമം ‌ജൂണ്‍ 15 മുതല്‍ പ്രാബല്യ ത്തില്‍ വരും. സെപ്റ്റംബര്‍ 15 വരെ യാണ് തൊഴിലാളി കള്‍ക്ക്‌ ഈ സൗകര്യം ലഭിക്കുക. തുടര്‍ച്ചയായി പത്താം വര്‍ഷമാണ് യു. എ. ഇ. യില്‍ ഉച്ചവിശ്രമ നിയമം നടപ്പാക്കുന്നത്.

ഈ സമയത്ത് തുറന്ന സ്ഥലങ്ങളില്‍ ജോലി ചെയ്യിക്കുന്നത് നിയമ വിരുദ്ധമാണ്. ഇത് ലംഘിക്കുന്ന സ്ഥാപന ങ്ങള്‍ക്ക് എതിരെ മന്ത്രാലയം കര്‍ശന നടപടി സ്വീകരിക്കും.

എന്നാൽ നിര്‍ത്തി വയ്ക്കാന്‍ കഴിയാത്ത തൊഴില്‍ മേഖല കളില്‍ ജോലിക്കാരുടെ സുരക്ഷയ്ക്കായി മുന്നൊരുക്കങ്ങള്‍ നടത്തണ മെന്നാണ് മന്ത്രാലയ നിര്‍ദേശം. ശീതീകരണ സംവിധാനവും നേരിട്ടു സൂര്യതാപം ഏല്‍ക്കാതി രിക്കാനുള്ള മുന്‍കരുതലും തൊഴിലുടമ സ്വീകരി ച്ചിരിക്കണം.

തൊഴിലാളികള്ക്ക് ആവശ്യമായ കുടിവെള്ളം തൊഴില്‍ സ്ഥലത്തു ണ്ടായിരിക്കണം. പ്രാഥമിക ചികില്‍സാ സംവി ധാന ങ്ങളും സജ്ജീകരിക്കണം. തൊഴിലാളികളുടെ ആരോഗ്യ പരിരക്ഷയും സുരക്ഷയും ഉറപ്പ് വരുത്തുന്ന സംവിധാന ങ്ങള്‍ തൊഴിലുടമ ഏര്‍പ്പെടുത്തി യിരിക്കണം.

നിര്‍ദേശങ്ങള്‍ നടപ്പാക്കുന്നുണ്ടോ എന്ന് ഉറപ്പു വരുത്താന്‍ മന്ത്രാലയം തൊഴില്‍ സ്ഥല ങ്ങളില്‍ കര്‍ശനമായ പരിശോധനകള്‍ നടത്തും. അപകടം, അഗ്നിബാധ എന്നിവ പ്രതിരോധിക്കാനാവശ്യമായ സുരക്ഷാ മാര്‍ഗങ്ങള്‍ ഒരുക്കിയാണ് ജോലി സ്ഥലങ്ങൾ പ്രവര്‍ത്തിക്കേണ്ടത്. നിയമ ലംഘനം നടത്തുന്നവര്‍ക്ക് 15,000 ദിര്‍ഹം പിഴ ചുമത്തും.

- pma

വായിക്കുക: , , , ,

Comments Off on ജൂണ്‍ 15 മുതല്‍ നിര്‍ബന്ധിത മധ്യാഹ്ന ഇടവേള

ഇത്തിസലാത്ത് പ്രീപെയ്ഡ് വരിക്കാര്‍ക്ക് ആനുകൂല്യങ്ങള്‍

June 3rd, 2014

etisalat-logo-epathram അബുദാബി : ഇത്തിസലാത്ത് വാസല്‍ പ്രീപെയ്ഡ് വരിക്കാര്‍ ക്കായി കൂടുതല്‍ ആനുകൂല്യ ങ്ങള്‍ പ്രഖ്യാപിച്ചു.

ഒരു ദിര്‍ഹ ത്തിന് അഞ്ചു മിനിറ്റും രണ്ടു ദിര്‍ഹത്തിനു പത്തു മിനിറ്റും നാലു ദിര്‍ഹ ത്തിനു 30 മിനിറ്റും സംസാരിക്കാം.

യു. എ. ഇ. യില്‍ മൊബൈൽ ഫോണി ലേക്കും ലാന്‍ഡ് ഫോണി ലേക്കും വിളിക്കാം. നിശ്ചിത സമയ ത്തില്‍ കൂടുതല്‍ വിളിച്ചാല്‍ സെക്കന്‍ഡിന് 0.6 ഫില്‍സ് വീതം ഈടാക്കും.

*111 # എന്നു ഡയല്‍ ചെയ്താല്‍ ഇതിൽ വരിക്കാരനാകാം.

- pma

വായിക്കുക: , ,

Comments Off on ഇത്തിസലാത്ത് പ്രീപെയ്ഡ് വരിക്കാര്‍ക്ക് ആനുകൂല്യങ്ങള്‍

Page 127 of 128« First...102030...124125126127128

« Previous Page« Previous « പാം പുസ്തകപ്പുരക്ക് പുതിയ സാരഥികള്‍
Next »Next Page » മികച്ച വിജയം നേടിയ വിദ്യാര്‍ത്ഥികളെ ആദരിക്കുന്നു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha