ഫിലിപ്പൈൻസ് ഫെസ്റ്റ് അബുദാബിയില്‍

June 12th, 2013

philippines-lulu-fest-2013-ePathram
അബുദാബി : ഖാൽദിയ മാളിലെ ലുലു ഹൈപ്പർ മാര്‍ക്കറ്റില്‍ ഫിലിപ്പൈൻസ് ഫെസ്റ്റ് തുടങ്ങി. ഫിലിപ്പൈൻസിന്റെ ഭക്ഷണ വിഭവ ങ്ങള്‍ ലോക ജനത യിലേക്ക് എത്തിക്കുന്ന തിനായി ഒരുക്കുന്ന ഫിലിപ്പൈൻസ് ഫെസ്റ്റ് ഒരാഴ്ച നീണ്ടു നില്‍ക്കും.

philippines-ambassedor-at-lulu-fest-2013-ePathram
ഖാൽദിയ മാളിലെ ലുലു ഔട്ട്‌ ലെറ്റിൽ നടന്ന ചടങ്ങിൽ യു. എ. ഇ. യി ലെ ഫിലിപ്പൈൻസ് അംബാസഡർ ഗ്രേസ് റലൂസിയോ പ്രിൻസിയ ഫെസ്റ്റ് ഉല്‍ഘാടനം ചെയ്തു.

എം. കെ. ഗ്രൂപ്പ്‌ എക്സി. ഡയറക്റ്റർ അഷ്‌റഫ്‌ അലി, റീജ്യനൽ ഡയറക്റ്റർ ഓപറേഷൻസ് അബൂ ബക്കർ, മീഡിയ മാനേജർ നന്ദകുമാർ തുടങ്ങി വരും വ്യാപാര രംഗത്തെ നിരവധി പ്രമുഖരും സംബന്ധിച്ചു.

ഫിലിപ്പൈൻസിന്റെ ഭക്ഷണ വിഭവങ്ങൾ നിറഞ്ഞ വിവിധ സ്റ്റാളുകളും ഫെസ്റ്റിലിൽ ഒരുക്കിയ ഭീമന്‍ കേക്കും സന്ദര്‍ശകരെ ഏറെ ആകര്‍ഷിച്ചു. ഈ മാസം18നു ഫിലിപ്പൈൻസ് ഫെസ്റ്റ് സമാപിക്കും.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: ,

Comments Off on ഫിലിപ്പൈൻസ് ഫെസ്റ്റ് അബുദാബിയില്‍

അല്‍ നൂര്‍ ഇന്ത്യന്‍ ഇസ്‌ലാമിക് സ്‌കൂള്‍ ബാവ ഹാജിയെ ആദരിച്ചു

June 12th, 2013

അബുദാബി : പ്രവാസി ഭാരതീയ സമ്മാന്‍ അവാര്‍ഡ് നേടിയ സ്‌കൂള്‍ ചെയര്‍മാന്‍ ബാവ ഹാജിയെ അല്‍ നൂര്‍ ഇന്ത്യന്‍ ഇസ്‌ലാമിക് സ്‌കൂള്‍ സ്റ്റാഫംഗങ്ങളും വിദ്യാര്‍ഥികളും ആദരിച്ചു.

ഇന്ത്യന്‍ ഇസ്‌ലാമിക് സെന്ററില്‍ ചേര്‍ന്ന വിദ്യാഭ്യാസ സമ്മേളന ത്തില്‍ പത്താം തരം പരീക്ഷയില്‍ പതിനെട്ടാം വര്‍ഷ വും 100 ശതമാനം വിജയം നേടിയ വര്‍ക്കുള്ള സ്വര്‍ണ മെഡലുകളും സര്‍ട്ടിഫിക്കറ്റു കളും വിതരണം ചെയ്തു.

ജംഷിയ സുല്‍ത്താന, മദിയ തരന്നം എന്നീ വിദ്യാര്‍ഥിനി കള്‍ ഒന്നാം സ്ഥാനം പങ്കിട്ടെടുത്തു. ജോണ്‍ സ്റ്റീഫന്‍ രാജ്, അഫ്‌റാ മാലിക് ദാവൂദ് എന്നിവര്‍ രണ്ടും മൂന്നും സ്ഥാന ങ്ങള്‍ നേടി. ഡോ. കെ. പി. ഹുസൈന്‍ ചാരിറ്റി ട്രസ്റ്റ് ഏര്‍പ്പെടു ത്തിയ ബെസ്റ്റ് ഔട്ട് സ്റ്റാന്‍ഡിങ് സ്വര്‍ണ മെഡലിന് മദിയ തരന്നം അര്‍ഹ യായി. എം. കെ. ഗ്രൂപ്പ് എക്‌സിക്യൂട്ടീവ് ഡയറക്ടര്‍ എം. എ. അഷ്‌റഫലി വിശിഷ്ടാതിഥി ആയിരുന്നു.

ഇന്ത്യന്‍ ഇസലാമിക് സെന്റര്‍ വൈസ് പ്രസിഡന്റ് മൊയ്തു ഹാജി കടന്നപ്പള്ളി അധ്യക്ഷത വഹിച്ചു. വിജയി കള്‍ക്കുള്ള സ്വര്‍ണ മെഡലുകള്‍ സ്‌കൂള്‍ ചെയര്‍മാന്‍, പി. ബാവ ഹാജി, എം. എ. അഷ്‌റഫലി, ഡോ. കെ. പി. ഹുസൈന്‍, എന്‍ജിനീയര്‍ അബ്ദു റഹ്മാന്‍, ഇന്ത്യന്‍ ഇസലാമിക് സെന്റര്‍ ജനറല്‍ സെക്രട്ടറി എം. പി. എം. റഷീദ്, ട്രഷറര്‍ ഷുക്കൂര്‍ കല്ലുങ്ങല്‍ എഡ്യു ക്കേഷന്‍ സെക്രട്ടറി നസീര്‍ മാട്ടൂല്‍ എന്നിവര്‍ വിതരണം ചെയ്തു.

പ്രിന്‍സിപ്പല്‍ മുഹമ്മദ് ഹാരിസ് സ്വാഗതവും വൈസ് പ്രിന്‍സിപ്പല്‍ ഷാജി. കെ. സലീം നന്ദിയും പറഞ്ഞു.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , , ,

Comments Off on അല്‍ നൂര്‍ ഇന്ത്യന്‍ ഇസ്‌ലാമിക് സ്‌കൂള്‍ ബാവ ഹാജിയെ ആദരിച്ചു

ഇ-ഗേറ്റ് : റജിസ്ട്റേഷന്‍ ആരംഭിച്ചു

June 9th, 2013

abudhabi-emigration-e-gate-ePathram
അബുദാബി : വിമാന ത്താവളങ്ങളില്‍ യാത്രാ നടപടി ക്രമങ്ങൾ എളുപ്പമാക്കുന്നതിന് ആഭ്യന്തര മന്ത്രാലയം ആവിഷ്കരിച്ച ’ഇ-ഗേറ്റ് (ഇലക്ട്രോണിക്സ് ഗേറ്റ്) സേവനം ലഭ്യ മാകാന്‍ സ്വദേശി കളും വിദേശികളും അടക്കം എല്ലാവരും റജിസ്റ്റര്‍ ചെയ്യണമെന്ന് ആഭ്യന്തര മന്ത്രാലയം അഭ്യര്‍ഥിച്ചു. ഇമിഗ്രേഷന്‍ നടപടികള്‍ വേഗ ത്തിലാക്കാന്‍ സഹായിക്കുന്ന സംവിധാനമാണ് ഇലക്ട്രോണിക്സ് ഗേറ്റ്.

അബുദാബി യില്‍ റജിസ്ട്രേഷന്‍ ജൂണ്‍ 9 ഞായറാഴ്ച മുതല്‍ ആരംഭിച്ചു. ദുബായ് വിമാന ത്താവള ത്തില്‍ നിലവില്‍ ഇ -ഗേറ്റ് സംവിധാനവും സ്മാര്‍ട്ട് ഗേറ്റ് സംവിധാനവുമുണ്ട്.

അബുദാബി രാജ്യാന്തര വിമാന ത്താവള ത്തിലെ ഒന്ന്, മൂന്ന് ഗേറ്റു കളില്‍ സംവിധാനം നിലവില്‍ വന്നിട്ടുണ്ട്. അധികം വൈകാതെ തന്നെ രാജ്യത്തെ എല്ലാ വിമാന ത്താവള ങ്ങളിലും ഇ ഗേറ്റ് സംവിധാനം നിലവില്‍ വരും.

കണ്ണ്, വിരലടയാളം, മുഖം എന്നിവ സ്കാന്‍ ചെയ്ത് പെട്ടെന്നു തന്നെ ഇമിഗ്രേഷന്‍ നടപടി കള്‍ പൂര്‍ത്തീകരിക്കാന്‍ ഇ-ഗേറ്റ് സംവിധാനം സഹായിക്കും. വിവിധ കേന്ദ്ര ങ്ങളില്‍ തുടങ്ങുന്ന രജിസ്ട്രേഷന്‍ സെന്‍ററു കളിലെ സൗകര്യം പ്രയോജന പ്പെടുത്തണം എന്ന് ആഭ്യന്തര മന്ത്രാലയം പൊതു ജന ങ്ങളോട് അഭ്യര്‍ഥിച്ചു.

ജൂണ്‍ 9 മുതല്‍ 13 വരെ രാവിലെ 10 മുതല്‍ രാത്രി 10 വരെ അബുദാബി മറീന മാള്‍, 23 മുതല്‍ 27 വരെ അബുദാബി മാള്‍, ജൂലൈ 7 മുതല്‍ 11 വരെ അല്‍ വഹ്ദ മാള്‍, ജൂലൈ 21 മുതല്‍ 25 വരെ ഖലീദിയ മാള്‍, ഓഗസ്റ്റ് 4 മുതല്‍ 8 വരെ മുഷ്രിഫ് മാള്‍, ഓഗസ്റ്റ് 18 മുതല്‍ 22 വരെ ഡെല്‍മ മാള്‍ എന്നിവിടങ്ങളി ലായിരിക്കും ഇ ഗേറ്റ് റജിസ്ട്രേഷന്‍.

അഞ്ച് വയസ്സിന് മേല്‍ പ്രായമുള്ള കുട്ടികള്‍ക്കും ഈ സൗകര്യം ഉപയോഗിക്കാം. ശാരീരിക വൈകല്യ മുള്ളവര്‍ക്ക് രജിസ്ട്രേഷന്‍ കേന്ദ്ര ങ്ങളില്‍ ആവശ്യമായ സൗകര്യ ങ്ങള്‍ ഒരുക്കി യിട്ടുണ്ട്.

ഉപ പ്രധാന മന്ത്രിയും ആഭ്യന്തര മന്ത്രി യുമായ ലഫ്. ജനറല്‍ ശൈഖ് സൈഫ് ബിന്‍ സായിദ് ആല്‍ നഹ്യാന്‍െറ നിര്‍ദേശ പ്രകാര മാണ് ഇ-ഗേറ്റ് പദ്ധതി ആവിഷ്കരിച്ചത് എന്ന് അബുദാബി പോലീസ് സെന്‍റര്‍ ഓപറേഷന്‍സ് ഡയറക്ടര്‍ ജനറല്‍ മേജര്‍ ജനറല്‍ അഹ്മദ് നാസര്‍ ആല്‍ റെയ്സി അറിയിച്ചു. ഇത്തരം പദ്ധതി നടപ്പാക്കുന്ന ലോക ത്തിലെ ആദ്യ രാജ്യവും യു. എ. ഇ. യാണ്. പദ്ധതിയെ പറ്റി ജനങ്ങൾക്ക്‌ ഇടയിൽ ബോധവല്ക്കരണം നടത്തും എന്നും അധികൃതര്‍ പറഞ്ഞു.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , ,

Comments Off on ഇ-ഗേറ്റ് : റജിസ്ട്റേഷന്‍ ആരംഭിച്ചു

തണ്ണിമത്തനില്‍ എച്ച്. ഐ. വി. വൈറസ് എന്ന പ്രചാരണം തെറ്റ് : അധികൃതര്‍

June 8th, 2013

water-melon-ePathram
അബുദാബി : യു. എ. ഇ.യിലേക്ക് ഇറക്കു മതി ചെയ്യുന്ന തണ്ണി മത്തനില്‍ എയ് ഡ്സിനു കാരണമാകുന്ന എച്ച്. ഐ. വി. വൈറസ് കുത്തി വെച്ചിട്ടുണ്ട് എന്ന രീതി യില്‍ വ്യാപക മായി നടക്കുന്ന ഊഹാ പോഹ ങ്ങളും പ്രചാരണവും തെറ്റാണ് എന്ന് അധികൃതര്‍ വ്യക്തമാക്കി.

ശാസ്ത്രീയ പരിശോധന കളില്‍ ഇതു തെളിഞ്ഞിട്ടുണ്ട്. ജനങ്ങള്‍ പരിഭ്രാന്ത രാകരുത്‌ എന്നും ഇത്തരം തട്ടിപ്പുകളില്‍ വിശ്വസിക്കരുത്‌ എന്നും അബുദാബി ഫുഡ് കണ്‍ട്രോള്‍ അതോറിറ്റി ഇറക്കിയ വാര്‍ത്താ ക്കുറിപ്പില്‍ അറിയിച്ചു.

ബ്ളാക്ക്ബറി മെസഞ്ചര്‍, സോഷ്യല്‍ മീഡിയ തുടങ്ങിയവയ യിലൂടെ യാണ് തണ്ണി മത്തനില്‍ എച്ച്. ഐ. വി. വൈറസ് കുത്തി വെച്ചിട്ടുണ്ട് എന്ന പ്രചാരണം നടന്നത്. സൗദി അറേബ്യ യിലെ പ്രമുഖ ആശുപത്രി യിലെ ഡോക്ടറെ ഉദ്ധരിച്ചായിരുന്നു വ്യാജ പ്രചാരണം. ഇതേ തുടര്‍ന്ന് ഫുഡ് കണ്‍ട്രോള്‍ അതോറിറ്റി, സൗദി ഡോക്ടറുമായി ബന്ധപ്പെട്ടി രുന്നു. തനിക്ക് ഇങ്ങനെ ഒരു സംഭവം അറിയില്ല എന്നാണ് അദ്ദേഹം വ്യക്തമാക്കിയത്.

സോഷ്യല്‍ മീഡിയ സജീവ മായതോടെ എളുപ്പത്തില്‍ ഇത്തരം കാര്യങ്ങള്‍ പ്രചരിപ്പിക്കാന്‍ കഴിയുന്നു. അപകട കരമായ രീതി യില്‍ പ്രചാര ണങ്ങള്‍ നടത്തിയാല്‍ ശക്തമായ നടപടി സ്വീകരിക്കും എന്ന്‍ ഫുഡ് കണ്‍ട്രോള്‍ അതോറിറ്റി മുന്നറിയിപ്പ് നല്‍കി.

കൂടുതല്‍ വിവരങ്ങള്‍ക്ക് അതോറിറ്റിയുടെ 800 555 എന്ന ടോള്‍ ഫ്രീ നമ്പരില്‍ വിളിച്ചാല്‍ മതി എന്നും അധികൃതര്‍ അറിയിച്ചു.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: ,

Comments Off on തണ്ണിമത്തനില്‍ എച്ച്. ഐ. വി. വൈറസ് എന്ന പ്രചാരണം തെറ്റ് : അധികൃതര്‍

വ്യക്തിഗത മികവുമായി ജോനിറ്റ ജൊസഫ്

June 7th, 2013

jonita-joseph-winner-of-cbse-2013-ePathram
അബുദാബി : ഈ വര്‍ഷത്തെ സി. ബി. എസ്. ഇ. പത്താം ക്ലാസ് പരീക്ഷ യില്‍ മലയാളം, ഇംഗ്ലീഷ് എന്നീ വിഷയങ്ങള്‍ കൂടാതെ ശാസ്ത്ര വിഷയങ്ങളിലും സോഷ്യല്‍ സയന്‍സ്, കണക്ക് എന്നിവയിലും A 1 ഗ്രേഡ് നേടിയ ജോനിറ്റ ജോസഫ് ശ്രദ്ധേയയായി.

അബുദാബി അവര്‍ ഓണ്‍ ഇംഗ്ലീഷ് ഹൈസ്കൂളിലെ വിദ്യാര്‍ത്ഥിനി യായ ജൊനിറ്റ,CGPA അഥവാ ക്യുമുലേറ്റിവ് ഗ്രേഡ് പോയിന്റ് ആവറേജ് അനുസരിച്ച് പത്തില്‍ പത്തും (PERFECT10) ലഭിച്ച ചുരുക്കം ചില കുട്ടികളില്‍ ഒരാളാണ്.

ചെറുകഥ എഴുത്ത് മല്‍സര ങ്ങളിലും സയന്‍സ് എക്സിബിഷനു കളിലും പങ്കെടുത്ത് സമ്മാന ങ്ങള്‍ കരസ്ഥമാക്കിയ ജോനിറ്റ, മികച്ച നര്‍ത്തകിയും അഭിനേത്രി യുമാണ്.

അഞ്ചാം വയസ്സു മുതല്‍ ശാസ്ത്രീയ നൃത്തം അഭ്യസിക്കാന്‍ തുടങ്ങിയ ഈ കലാകാരി ഭരത നാട്യത്തിലും മോഹിനി യാട്ടത്തിലും കുച്ചുപ്പുടിയിലും അരങ്ങേറ്റം നടത്തി. നിരവധി കലാ മല്‍സര ങ്ങളില്‍ പങ്കെടു ക്കുകയും സമ്മാന ങ്ങള്‍ നേടുകയും ചെയ്തിട്ടുണ്ട്. യു. എ. ഇ. യില്‍ ചിത്രീകരിച്ച ഇടവഴിയിലെ പൂക്കള്‍ എന്ന ടെലി സിനിമ യില്‍ പ്രധാന കഥാപാത്രത്തെ അവതരിപ്പി ക്കുകയും  മേല്‍വിലാസങ്ങള്‍ എന്ന ടെലി സിനിമ യില്‍ നൃത്ത പ്രാധാന്യമുള്ള വേഷത്തില്‍ അഭിനയിക്കുകയും ചെയ്തു.

അബുദാബി എല്‍. എല്‍. എച്ച്. ആശുപത്രി യിലെ ഹൃദ്രോഗ വിദഗ്ദന്‍ ഡോക്റ്റര്‍ ജോസഫ്‌ കുരിയന്‍ – സോണിയ ദമ്പതി കളുടെ മകളാണ് ഈ മിടുക്കി.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , , ,

Comments Off on വ്യക്തിഗത മികവുമായി ജോനിറ്റ ജൊസഫ്

Page 129 of 139« First...102030...127128129130131...Last »

« Previous Page« Previous « ഐ. എം. എഫ്. പ്രവര്‍ത്തന കലണ്ടര്‍ പ്രകാശനം ചെയ്തു
Next »Next Page » Shrouding »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha