നടൻ കുഞ്ചാക്കോ ബോബന് കുഞ്ഞ് പിറന്നു

April 18th, 2019

kunchakko_epathram

നടൻ കുഞ്ചാക്കോ ബോബൻ അച്ഛനായി. ഇന്ന് രാത്രി പതിനൊന്ന് മണിക്ക് ശേഷം താരം തന്നെയാണ് തന്റെ ഇൻസ്റ്റഗ്രാം പേജിലൂടെ ഇക്കാര്യം പങ്കുവെച്ചത്. ആണ്‍ കുഞ്ഞാണ്. പോസ്റ്റിന് താഴെ ടൊവിനോ, സംയുക്ത മേനോൻ, അടക്കം നിരവധി താരങ്ങൾ ആശംസയുമായി എത്തിയിട്ടുണ്ട്.

‘ഒരു ആൺ കുഞ്ഞ് പിറന്നിരിക്കുന്നു. നിങ്ങളുടെ സ്‌നേഹത്തിനും, പ്രാർത്ഥനകൾക്കും, കരുതലിനും നന്ദി. ജൂനിയർ കുഞ്ചാക്കോ നിങ്ങൾക്കെല്ലാവർക്കും അവന്റെ സ്‌നേഹം നൽകുന്നു’ എന്നാണ് കുഞ്ചാക്കോ ഇന്‍സ്റ്റാഗ്രാമില്‍ കുറിച്ചത്.

2005 ലാണ് കുഞ്ചാക്കോ ബോബൻ വിവാഹിതനാകുന്നത്. നീണ്ട 14 വർഷത്തെ കാത്തിരിപ്പിനൊടുവിലാണ് കുഞ്ചാക്കോ ബോബൻ- പ്രിയ ആൻ സാമുവേൽ ദമ്പതികൾക്ക് കുഞ്ഞ് പിറന്നിരിക്കുന്നത്.

- അവ്നി

വായിക്കുക: , ,

Comments Off on നടൻ കുഞ്ചാക്കോ ബോബന് കുഞ്ഞ് പിറന്നു

തീയേറ്ററുകളിലെ വിഷു ആഘോഷമാക്കാന്‍ ‘രാജ’, ത്രില്ലടിപ്പിക്കാന്‍ ഫഹദ്

April 14th, 2019

vishu-releases_epathram

ഈ വര്‍ഷത്തെ വിഷു റിലീസുകള്‍ വെള്ളിയാഴ്ച തീയേറ്ററുകളില്‍. മമ്മൂട്ടിയെ നായകനാക്കി വൈശാഖ് ഒരുക്കുന്ന ‘മധുരരാജ’യും ഫഹദും സായ് പല്ലവിയും പ്രധാന കഥാപാത്രങ്ങളെ അവതരിപ്പിക്കുന്ന ‘അതിരനു’മാണ് ഈയാഴ്ച തീയേറ്ററുകളിലെത്തുന്ന മലയാള സിനിമകള്‍. ഈ.മ.യൗവിന് ശേഷം പി എഫ് മാത്യൂസ് തിരക്കഥയൊരുക്കിയ ചിത്രത്തിന്റെ സംവിധാനം നവാഗതനായ വിവേക് ആണ്.

മമ്മൂട്ടിയുടേതായി ഈ വര്‍ഷം തീയേറ്ററുകളിലെത്തുന്ന ആദ്യ മലയാളചിത്രമാണ് ‘മധുരരാജ’. 2010ല്‍ പുറത്തെത്തി വലിയ ബോക്‌സ്ഓഫീസ് വിജയം നേടിയ ‘പോക്കിരിരാജ’യിലെ നായകന്‍ ‘രാജ’ ഉള്‍പ്പെടെയുള്ള ചില കഥാപാത്രങ്ങള്‍ ആവര്‍ത്തിക്കുകയാണ് ‘മധുരരാജ’യില്‍. എന്നാല്‍ ‘പോക്കിരിരാജ’യുടെ രണ്ടാംഭാഗവുമല്ല ‘മധുരരാജ’. പോക്കിരിരാജയില്‍ പൃഥ്വിരാജ് ഉണ്ടായിരുന്നെങ്കില്‍ ഇത്തവണ അദ്ദേഹത്തിന്റെ കഥാപാത്രം ചിത്രത്തിലില്ല. ഉദയ്കൃഷ്ണ തിരക്കഥയൊരുക്കിയ ചിത്രത്തിന്റെ ആക്ഷന്‍ കൊറിയോഗ്രഫി പീറ്റര്‍ ഹെയ്ന്‍ ആണ്. സണ്ണി ലിയോണ്‍ ഒരു നൃത്തരംഗത്തില്‍ പ്രത്യക്ഷപ്പെടുന്നുണ്ട്.

- അവ്നി

വായിക്കുക: , ,

Comments Off on തീയേറ്ററുകളിലെ വിഷു ആഘോഷമാക്കാന്‍ ‘രാജ’, ത്രില്ലടിപ്പിക്കാന്‍ ഫഹദ്

ഡോക്ടറായി ഫഹദ്, കളരിച്ചുവടുകളില്‍ സായ് പല്ലവി; നിഗൂഢത നിറച്ച് ‘അതിരന്‍’ ട്രെയ്‌ലര്‍

April 8th, 2019

fahad-fazil-epathram

‘കുമ്പളങ്ങി നൈറ്റ്സി’ന് ശേഷം ഫഹദ് ഫാസില്‍ അഭിനയിക്കുന്ന ‘അതിരന്റെ’ ട്രെയ്‌ലര്‍ പുറത്തെത്തി. സായ് പല്ലവി നായികയാവുന്ന ചിത്രത്തിന് തിരക്കഥയൊരുക്കിയിരിക്കുന്നത് പി എഫ് മാത്യൂസ് ആണ്. നവാഗതനായ വിവേക് ആണ് സംവിധാനം. 1.45 മിനിറ്റ് ദൈര്‍ഘ്യമുള്ള ട്രെയ്‌ലറാണ് പുറത്തെത്തിയിരിക്കുന്നത്.

ഫഹദിന്റെ കഥാപാത്രം ഒരു ഡോക്ടറാണ്. ഒരു മാനസിക രോഗാശുപത്രിയും അതിന്റെ ചുറ്റുവട്ടവും പശ്ചാത്തലമാക്കുന്ന സിനിമയെന്ന് അതിരനെക്കുറിച്ച് പി എഫ് മാത്യൂസ് നേരത്തേ ഏഷ്യാനെറ്റ് ന്യൂസ് ഓണ്‍ലൈനിനോട് പറഞ്ഞിരുന്നു. റൊമാന്റിക് ത്രില്ലര്‍ വിഭാഗത്തില്‍ പെടുന്ന സിനിമയാണ് അതിരന്‍. സംവിധായകന്റേത് തന്നെയാണ് കഥ. പ്രകാശ് രാജ്, അതുല്‍ കുല്‍ക്കര്‍ണി, ലെന, രണ്‍ജി പണിക്കര്‍, ശാന്തി കൃഷ്ണ എന്നിവര്‍ മറ്റ് കഥാപാത്രങ്ങളെ അവതരിപ്പിക്കുന്നു. വിഷുവിന് തീയേറ്ററുകളിലെത്തും.

- അവ്നി

വായിക്കുക: , ,

Comments Off on ഡോക്ടറായി ഫഹദ്, കളരിച്ചുവടുകളില്‍ സായ് പല്ലവി; നിഗൂഢത നിറച്ച് ‘അതിരന്‍’ ട്രെയ്‌ലര്‍

ലൂസിഫർ ചെറിയ സിനിമയാണെന്ന് താൻ പറഞ്ഞിട്ടില്ലെന്ന് പൃഥ്വി

April 4th, 2019

prithviraj-epathram

മോഹൻലാലിനെ നായകനാക്കി നടൻ പൃഥ്വിരാജ് ആദ്യമായി സംവിധാനം ചെയ്ത ചിത്രം ലൂസിഫര്‍ കേരളക്കരയിൽ സമാനതകൾ അവകാശപ്പെടാനില്ലാത്ത തരത്തിൽ വിജയം കൊയ്യുകയാണ്. കേവലം ദിവസങ്ങൾ കൊണ്ട് 50 കോടി രൂപയാണ് ഈ ചിത്രം ഇതിനോടകം സ്വന്തമാക്കിയിരിക്കുന്നത്. ഒരു കൊച്ചു ചിത്രമാണ് ലൂസിഫര്‍ എന്ന് ചിത്രത്തിൻ്റെ പ്രൊമോഷൻ സമയത്ത് പൃഥ്വിരാജും മോഹൻലാലും നൽകിയ അഭിമുഖത്തിൽ പൃഥ്വി പറഞ്ഞിരുന്നു. എന്നാൽ ചിത്രം തീയേറ്ററിലെത്തിയപ്പോൾ വമ്പൻ ഹിറ്റ് നേടുകയാണ്.ഈ സമയത്താണ് പൃഥ്വിരാജ് മുൻപ് പറഞ്ഞ കാര്യത്തെ ട്രോളന്മാര്‍ കുത്തിപ്പൊക്കിയെടുത്ത് ട്രോളുകളാക്കി മാറ്റിയത്.

എന്നാൽ താൻ ലൂസിഫര്‍ ഒരു ചെറിയ ചിത്രമാണെന്ന് എവിടെയും പറഞ്ഞിട്ടില്ല എന്നാണ് പൃഥ്വിരാജ് ഇപ്പോൾ പറയുന്നത്. ആ സിനിമയിൽ ഉള്ള കുറച്ച് കാര്യങ്ങൾ പറയാതിരിക്കുക മാത്രമാണ് ചെയ്തതെന്നാണ് പൃഥ്വിയുടെ പക്ഷം. സിനിമ ഇറങ്ങി, ചിത്രം കാണുമ്പോൾ പ്രേക്ഷകർ അറിയട്ടെ എന്നുവിചാരിച്ചു. അല്ലാതെ ചെറിയ സിനിമയെന്നു പറഞ്ഞ ഓർമ എനിക്കില്ലെന്നും പൃഥ്വിരാജ് പറഞ്ഞു.

- അവ്നി

വായിക്കുക: , , , ,

Comments Off on ലൂസിഫർ ചെറിയ സിനിമയാണെന്ന് താൻ പറഞ്ഞിട്ടില്ലെന്ന് പൃഥ്വി

മമ്മൂട്ടിയുടെ ‘പുതിയ നിയമം’ ബോളിവുഡിലേക്ക്

April 1st, 2019

mammukka-epathram

എ.കെ സാജൻ സംവിധാനനം ചെയ്ത് നയന്‍ താരയും മമ്മൂട്ടിയും കേന്ദ്രകഥാപാത്രങ്ങളായെത്തിയ ചിത്രമായ ‘പുതിയ നിയമം’ ബോളിവുഡിലേക്ക്. 2016ല്‍ പുറത്തിറങ്ങിയ ചിത്രത്തില്‍ വാസുകിയെന്ന ശക്തയായ സ്ത്രീകഥാപാത്രമായി നയന്‍താരയും ഭര്‍ത്താവ് ലൂയിസ് പോത്തനായി മമ്മൂട്ടിയും മത്സരിച്ചഭിനയിച്ചിരുന്നു. കാലിക പ്രസക്തിയുളള വിഷയത്തെ ആസ്പദമാക്കി ഒരുക്കിയ സിനിമ ഇപ്പോള്‍ ബോളിവുഡിലേക്ക് റീമേക്ക് ചെയ്യുകയാണ്.

നസറുദ്ദീൻ ഷായെ നായകനാക്കി ഒരുക്കിയ ‘എ വെനസ്ഡേ’ എന്ന ത്രില്ലര്‍ ചിത്രത്തിലൂടെ മികച്ച നവാഗത സംവിധായകനുള്ള ദേശീയ പുരസ്‌കാരം നേടിയിട്ടുള്ള നീരജ് പാണ്ഡേയാണ് ചിത്രം റീമേക്ക് ചെയ്യുന്നതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരിക്കുകയാണ്. ‘പ്ലാന്‍ സി സ്റ്റുഡിയോസാ’ണ് ചിത്രം നിര്‍മ്മിക്കുന്നത്.

- അവ്നി

വായിക്കുക: , , , , ,

Comments Off on മമ്മൂട്ടിയുടെ ‘പുതിയ നിയമം’ ബോളിവുഡിലേക്ക്

Page 10 of 19« First...89101112...Last »

« Previous Page« Previous « വയനാട്ടില്‍ പത്രിക നല്‍കാന്‍ രാഹുല്‍ ഗാന്ധി ബുധനാഴ്ച എത്തിയേക്കും
Next »Next Page » എമിസാറ്റ്​ വിക്ഷേപണം വിജയ കരം : ചരിത്ര നേട്ടവു മായി ഐ. എസ്. ആര്‍. ഒ. »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha