സമാജം യുവജനോത്സവം 2013 : വൃന്ദാ മോഹന്‍ കലാതിലകം

February 11th, 2013

samajam-kala-thilakam-2013-vrinda-mohan-in-bharatha-natyam-ePathram
അബുദാബി : മലയാളീ സമാജം ശ്രീദേവി മെമ്മോറിയല്‍ യൂത്ത് ഫെസ്റ്റിവലില്‍ കലാതിലകമായി വൃന്ദാ മോഹന്‍ തെരഞ്ഞെടുക്കപ്പെട്ടു.

അബുദാബി യിലെയും മറ്റ് എമിറേറ്റു കളിലെയും 600-ല്‍ അധികം മത്സരാര്‍ത്ഥികള്‍ ഭരതനാട്യം, മോഹിനിയാട്ടം, കുച്ചുപ്പുടി, ലളിത സംഗീതം, ശാസ്ത്രീയ സംഗീതം, നാടോടി നൃത്തം, ഉപകരണ സംഗീതം, പ്രച്ഛന്ന വേഷം, ഏകാഭിനയം തുടങ്ങി നിരവധി മത്സര ഇനങ്ങളില്‍ മാറ്റുരച്ചു.

samajam-kala-thilakam-2013-vrindha-mohan-ePathram

ഭാരത നാട്യം, കുച്ചു പ്പുടി, മോഹിനിയാട്ടം, മോണോ ആക്റ്റ് എന്നിവ യില്‍ മികവു തെളിയിച്ചാണ് കലാ തിലകപ്പട്ടം വൃന്ദാ മോഹന്‍ കരസ്ഥമാക്കിയത്.

2009-ലും സമാജം കലാതിലകം ആയിരുന്ന വൃന്ദാ മോഹന്‍., ദല (2009), ഐ. എസ്. സി. (2011), കെ. എസ്. സി. (2011-12), കല അബുദാബി (2012) എന്നിവ യുടെ കലാ തിലക പ്പട്ടവും നേടിയിട്ടുണ്ട്.

കൂടാതെ 2011 ലെ ശൈഖ് ഹംദാന്‍ അവാര്‍ഡ് ജേതാവ് കൂടിയാണ്. ഷാര്‍ജ അവര്‍ ഓണ്‍ ഇംഗ്ലീഷ് സ്കൂളിലെ ഏഴാം ക്ലാസ് വിദ്യാര്‍ത്ഥിനി യാണ് ഈ കൊച്ചു മിടുക്കി.

മലപ്പുറം ജില്ലയിലെ ചങ്ങരം കുളം ആലങ്കോട് സ്വദേശി പി. മോഹനന്റെയും അജിത യുടെയും മകളാണ്.

- കറസ്പോണ്ടന്‍റ്

വായിക്കുക: , , ,

Comments Off on സമാജം യുവജനോത്സവം 2013 : വൃന്ദാ മോഹന്‍ കലാതിലകം

മുഗള്‍ ഗഫൂറിന്റെ സ്മരണാര്‍ത്ഥം തലസ്ഥാനത്ത് പ്രവാസി ഭവന്‍

February 11th, 2013

mugal-gafoor-ePathram
അബുദാബി : പ്രമുഖ സാമൂഹ്യ പ്രവര്‍ത്തകനും യുവ കലാ സാഹിതി യുടെ രക്ഷാധികാരി യുമായിരുന്ന മുഗള്‍ ഗഫൂറിന്റെ സ്മരണാര്‍ത്ഥം പ്രവാസി കള്‍ക്ക് വിശ്രമിക്കാനും സമ്മേളിക്കാനും ഉതകും വിധം തിരുവനന്ത പുരത്ത് പ്രവാസി ഭവന്‍ നിര്‍മ്മിക്കും എന്ന് മുഗള്‍ ഗഫൂറിന്റെ ഒന്നാം ചരമ വാര്‍ഷിക ത്തോട് അനുബന്ധിച്ച് യുവ കലാ സാഹിതിയും ഫ്രണ്ട്സ് എ. ഡി. എം. എസ്സും സംയുക്ത മായി അബുദാബി യില്‍ സംഘടിപ്പിച്ച അനുസ്മരണ സമ്മേളനത്തില്‍ പ്രഖ്യാപിച്ചു.

കൂടാതെ, സാമൂഹ്യ സാംസ്കാരിക ജീവ കാരുണ്യ രംഗത്ത് മികച്ച പ്രവര്‍ത്തനം കാഴ്ച വെക്കുന്ന യു. എ. ഇ. യിലെ മികച്ച സംഘടന യേയും സാംസ്കാരിക പ്രവര്‍ത്തക നേയും കണ്ടെത്തി വര്‍ഷം തോറും പുരസ്കാരം നല്‍കി ആദരിക്കും എന്നും സംഘാടകര്‍ അറിയിച്ചു. ഫ്രണ്ട്സ് എ. ഡി. എം. എസ്. വൈസ് പ്രസിഡന്റും യുവ കലാ സാഹിതി മുന്‍ പ്രസിഡന്റുമായ ബാബു വടകരയാണ് ഇക്കാര്യം അറിയിച്ചത്.

ഫ്രണ്ട്സ് എ. ഡി. എം. എസ്. പ്രസിഡന്റ് ടി. എ. നാസറിന്റെ അദ്ധ്യക്ഷത യില്‍ ചേര്‍ന്ന സമ്മേളന ത്തില്‍ കെ. ബി. മുരളി, ഇ. ആര്‍. ജോഷി, പി. പദ്മനാഭന്‍, ടി. പി. ഗംഗാധരന്‍, യു. അബ്ദുള്ള ഫാറൂഖി, പി. കെ. റഫീഖ്, ബഷീര്‍ ഇബ്രാഹിം, സി. എം. അബ്ദുല്‍ കരീം, വി. ടി. വി. ദാമോദരന്‍, പള്ളിക്കല്‍ ഷുജാഹി, ഇ. എ. ഹക്കീം, രവി മേനോന്‍, സഫറുള്ള പാലപ്പെട്ടി, എം. അബ്ദുല്‍ സലാം, എ. എം. അന്‍സാര്‍, ബി. യേശുശീലന്‍, വക്കം ജയലാല്‍, അഡ്വ. ഐഷ ഷക്കീര്‍, സെബാസ്റ്റ്യന്‍ സിറിള്‍, എന്‍. ആന്റണി, കണ്ണു ബക്കര്‍, സഗീര്‍ ചെന്ത്രാപ്പിന്നി എന്നിവര്‍ ഗഫൂറിനെ അനുസ്മരിച്ചു കൊണ്ട് സംസാരിച്ചു.

യുവ കലാ സാഹിതി പ്രസിഡന്റ് പ്രേംലാല്‍ സ്വാഗതവും ഫ്രണ്ട്സ് എ. ഡി. എം. എസ്. സെക്രട്ടറി റജീദ് പട്ടോളി നന്ദിയും പറഞ്ഞു.

- കറസ്പോണ്ടന്‍റ്

വായിക്കുക: , , , , ,

Comments Off on മുഗള്‍ ഗഫൂറിന്റെ സ്മരണാര്‍ത്ഥം തലസ്ഥാനത്ത് പ്രവാസി ഭവന്‍

പി. ബാവാ ഹാജിക്ക് പ്രവാസ ലോകത്തിന്റെ സ്നേഹാദരം

February 9th, 2013

indian-associations-felicitate--bava-haji-ePathram
അബുദാബി : ഭാരത സര്‍ക്കാരിന്റെ പ്രവാസി ഭാരതീയ സമ്മാന്‍ പുരസ്കാര ജേതാവ് പി. ബാവാ ഹാജിയെ അബുദാബി യിലെ ഇന്ത്യന്‍ സമൂഹം ആദരിച്ചു.

ഇന്ത്യന്‍ ഇസ്ലാമിക് സെന്റര്‍, ഇന്ത്യാ സോഷ്യല്‍ സെന്റര്‍, അബുദാബി മലയാളീ സമാജം, കേരളാ സോഷ്യല്‍ സെന്റര്‍, ഇന്ത്യന്‍ ലേഡീസ് അസോസി യേഷന്‍ എന്നീ സംഘടന കളുടെ സംയുക്താഭി മുഖ്യ ത്തിലാണ് ‘ആദരം 2013′ സംഘടിപ്പിച്ചത്.

ചടങ്ങില്‍ പത്മശ്രീ എം എ. യൂസുഫലി, പത്മശ്രീ ഡോക്ടര്‍ ബി. ആര്‍ ഷെട്ടി, അഡ്വ. വി. ടി. ബല്‍റാം എം. എല്‍. എ., ഇന്ത്യന്‍ എംബസ്സി കമ്മ്യൂണിറ്റി വെല്‍ഫയര്‍ സെക്രട്ടറി ആനന്ദ് ബര്‍ദന്‍ തുടങ്ങി യവരും വിവിധ സംഘടനാ നേതാക്കളും സാംസ്കാരിക പ്രവര്‍ത്ത കരും സംബന്ധിച്ചു.

പ്രവാസി സമൂഹ ത്തിന്റെ ഉപഹാരം പി. ബാവാ ഹാജിക്കു സമ്മാനിച്ചു. ഇസ്ലാമിക് സെന്റര്‍ വൈസ് പ്രസിഡന്റ് ഒളവട്ടൂര്‍ അബ്ദുല്‍ റഹിമാന്‍ മൗലവി അദ്ധ്യക്ഷത വഹിച്ചു. ജനറല്‍ സെക്രട്ടറി എം. പി. എം. റഷീദ് സ്വാഗതം പറഞ്ഞു.

തുടര്‍ന്നു അബുദാബി യിലെ വിവിധ അമേച്വര്‍ സംഘടനാ നേതാക്കളും പ്രാദേശിക സംഘടന കളുടെ പ്രതി നിധികളും ഉപഹാരങ്ങള്‍ സമര്‍പ്പിച്ചു.

സെന്റര്‍ ബാല വേദി അവതരിപ്പിച്ച വിവിധ കലാ പരിപാടി കളും ഗാനമേള യും അരങ്ങേറി.

- കറസ്പോണ്ടന്‍റ്

വായിക്കുക: , , , ,

Comments Off on പി. ബാവാ ഹാജിക്ക് പ്രവാസ ലോകത്തിന്റെ സ്നേഹാദരം

ട്രേസ് ധ്വനി2013 ശ്രദ്ധേയമായി

February 9th, 2013

thrissur-engineering-collage-alumni-trace-annual-day-ePathram
അബുദാബി : തൃശൂര്‍ ഗവണ്‍മെന്റ് എഞ്ചിനീയറിംഗ് കോളേജ് പൂര്‍വ വിദ്യാര്‍ത്ഥി കളുടെ യു. എ. ഇ. കൂട്ടായ്മ യായ ട്രേസ് (TRACE )പതിനേഴാം വാര്‍ഷികാഘോഷം “ധ്വനി 2013” അബുദാബി ഇന്ത്യ സോഷ്യല്‍ സെന്റെറില്‍ നടന്നു.

തൃശൂര്‍ എഞ്ചിനീയറിംഗ് കോളേജ് പൂര്‍വ വിദ്യാര്‍ഥി കൂടിയായ അഡ്വക്കേറ്റ് വി ടി ബാലറാം എം എല്‍ എ ദീപം തെളിയിച്ച് പരിപാടി ഉദ്ഘാടനം ചെയ്തു.

ട്രേസ് പ്രസിഡണ്ട്‌ ഷൈജു കാരോത്ത് കുഴി, സെക്രട്ടറി അനൂപ്‌ നായര്‍, ഈവന്റ് കണ്‍വീനര്‍ ജോണി മാത്യു, ഈവന്റ് കോഡിനേറ്റര്‌ സജിത്ത് തുടങ്ങിയവരും ട്രേസ് സീനിയര്‍ മെമ്പര്‍മാരും ചടങ്ങില്‍ സംബന്ധിച്ചു. തുടര്‍ന്നു അംഗങ്ങളുടെയും കുട്ടികളുടെയും വിവിധ കലാ പരിപാടികള്‍ അരങ്ങേറി.

- കറസ്പോണ്ടന്‍റ്

വായിക്കുക: , , ,

Comments Off on ട്രേസ് ധ്വനി2013 ശ്രദ്ധേയമായി

ശ്രുതി ലയ താള ങ്ങളില്‍ നിറഞ്ഞ് സമാജം യുവജനോത്സവം

February 9th, 2013

malayalee-samajam-youth-fest-2013-opening-ePathram
അബൂദാബി : മലയാളീ സമാജം ശ്രീദേവി മെമ്മോറിയല്‍ യുവജനോത്സവ ത്തിന് പ്രൌഡ ഗംഭീര തുടക്കം. ശ്രുതി, ലയം താളം തുടങ്ങി മൂന്നു വേദി കളിലായി വിവിധ എമിറേറ്റുകളില്‍ നിന്നുമെത്തിയ നിരവധി പ്രതിഭകള്‍ ആണ് മാറ്റുരക്കുന്നത്.

മൂന്നു ദിവസം നീണ്ടു നില്‍ക്കുന്ന മത്സര ങ്ങള്‍ക്ക് ‍അഹല്യ എക്സ്ചേഞ്ച് ജനറല്‍ മാനേജര്‍ വി. എസ്. തമ്പി ദീപം തെളിയിച്ചു കൊണ്ട്‌ ഉദ്ഘാടനം ചെയ്തു. സമാജം പ്രസിഡന്റ്‌ ഡോ. മനോജ്‌ പുഷ്കര്‍ അധ്യക്ഷത വഹിച്ചു. ജനറല്‍ സെക്രട്ടറി സതീഷ്‌ കുമാര്‍, എന്‍. പി. മുഹമ്മദലി, പള്ളിക്കല്‍ ഷുജാഹി എന്നിവര്‍ സംസാരിച്ചു.

മുഖ്യ വിധി കര്‍ത്താക്കളായ ശ്രീലക്ഷ്മി ടീച്ചര്‍, അക്ഷര മോഹന്‍ദാസ്‌ എന്നിവരും പങ്കെടുത്തു.

ജോയിന്റ് സെക്രട്ടറി സുരേഷ് പയ്യന്നൂര്‍ സ്വാഗതവും സമാജം ആര്‍ട്സ് സെക്രട്ടറി പി. ടി. റഫീക്ക് സ്വാഗതവും ട്രഷറര്‍ അബൂബക്കര്‍ മേലേതില്‍ നന്ദിയും പറഞ്ഞു.

- കറസ്പോണ്ടന്‍റ്

വായിക്കുക: , , ,

Comments Off on ശ്രുതി ലയ താള ങ്ങളില്‍ നിറഞ്ഞ് സമാജം യുവജനോത്സവം

Page 187 of 197« First...102030...185186187188189...Last »

« Previous Page« Previous « ഇശല്‍ അറേബ്യ : പോസ്റ്റര്‍ പ്രകാശനം ചെയ്തു
Next »Next Page » ട്രേസ് ധ്വനി2013 ശ്രദ്ധേയമായി »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha