മാപ്പിളപ്പാട്ട് അന്താക്ഷരി ശ്രദ്ധേയമായി

November 2nd, 2012

kmcc-anthakshari-winners-ePathram
അബുദാബി : കുറ്റ്യാടി മണ്ഡലം കെ. എം. സി. സി. ഇന്ത്യന്‍ ഇസ്ലാമിക്‌ സെന്‍ററില്‍ സംഘടിപ്പിച്ച മാപ്പിളപ്പാട്ട് അന്താക്ഷരി ശ്രദ്ധേയമായി. വാശിയേറിയ അന്താക്ഷരി മത്സര ത്തില്‍ ഹാഷിം, ഷെറിന്‍ സലാം എന്നിവര്‍ അവതരിപ്പിച്ച ഗ്രൂപ്പായ ഇശല്‍ ഒന്നാം സമ്മാനം നേടി.

മാപ്പിള കലയെ സ്നേഹിക്കുന്നവര്‍ക്കും ഓമനിക്കുന്നവര്‍ക്കും ആവേശമായി മാപ്പിളപ്പാട്ട് അന്താക്ഷരി. മാപ്പിളപ്പാട്ടിനെ കുറിച്ചറിയാനും പഠിക്കാനും വേണ്ടിയുള്ള ഒരു അവസര മായിരുന്നു അന്താക്ഷരി. തുടക്കം മുതല്‍ അവസാനം വരെ നിശബ്ദമായി ശ്രവിക്കുക യായിരുന്നു സദസ്സ്.

എല്ലാ വര്‍ഷവും മാപ്പിളപ്പാട്ട് അന്താക്ഷരി നടത്തുമെന്ന് സംഘാടകര്‍ അറിയിച്ചു. കലാ രംഗത്തെ പ്രമുഖരും കെ. എം. സി. സി. നേതാക്കളും സംബന്ധിച്ചു.

-അബൂബക്കര്‍ പുറത്തീല്‍ – അബുദാബി

- കറസ്പോണ്ടന്‍റ്

വായിക്കുക: ,

Comments Off on മാപ്പിളപ്പാട്ട് അന്താക്ഷരി ശ്രദ്ധേയമായി

കൗല കുപ്പിവള അബുദാബി നാഷണല്‍ തിയേറ്ററില്‍

November 1st, 2012

changatham-stage-show-kuppivala-ePathram
അബുദാബി : മലപ്പുറം ജില്ലയിലെ ചങ്ങരംകുളം സ്വദേശികളുടെ കൂട്ടായ്മയായ ചങ്ങാത്തം ചങ്ങരംകുളം ഒരുക്കുന്ന കൗല കുപ്പിവള 2012 നവംബര്‍ രണ്ടിന് വെള്ളിയാഴ്ച രാത്രി 8 മണിക്ക് അബുദാബി നാഷണല്‍ തിയേറ്ററില്‍ അരങ്ങേറും.

പിന്നണി ഗായകന്‍ അഫ്‌സലിന്റെ നേതൃത്വ ത്തില്‍ അന്‍സാര്‍, കണ്ണൂര്‍ സീനത്ത്, നിമ്മി, ലിജി ഫ്രാന്‍സിസ് തുടങ്ങിയവര്‍ സംഗീത പരിപാടിയില്‍ പങ്കെടുക്കും. യു. എ. ഇ. യിലെ കലാകാരന്മാരും കലാകാരികളും പങ്കെടുക്കുന്ന നൃത്ത നൃത്യങ്ങളും ഒപ്പനയും കോല്‍ക്കളിയും ‘കൗല കുപ്പിവള’ യില്‍ ഉണ്ടാവും.

ചങ്ങരംകുളം പഞ്ചായത്തിലെ മൂക്കുതല, കോക്കൂര്‍ ഹൈസ്‌കൂളു കളിലെ പഠിക്കാന്‍ മിടുക്കാരായ വിദ്യാര്‍ത്ഥികളെ സഹായിക്കാന്‍ ചങ്ങാത്തം ചങ്ങരംകുളം സംഘടിപ്പിക്കുന്ന സാമ്പത്തിക സമാഹരണ പദ്ധതിയുടെ ഭാഗമായാണു കൗല കുപ്പിവള അരങ്ങിലെത്തുന്നത്.

ദരിദ്രരായ രോഗികള്‍ക്ക് ചികിത്സാ സഹായം, നിര്‍ധന യുവതി കളുടെ വിവാഹം എന്നിവയും ചങ്ങാത്തത്തിന്റെ പദ്ധതി കളില്‍ പെടും.

പരിപാടിയെ ക്കുറിച്ച് വിശദീകരിക്കാന്‍ അബുദാബി ഇന്ത്യന്‍ ഇസ്‌ലാമിക് സെന്ററില്‍ ചേര്‍ന്ന പത്ര സമ്മേളന ത്തില്‍ ചങ്ങാത്തം ചങ്ങരംകുള ത്തിന്റെ മുഖ്യരക്ഷാധികാരി പി. ബാവ ഹാജി, രക്ഷാധികാരി രാമകൃഷ്ണന്‍, പ്രസിഡന്റ് ജബാര്‍ ആലംകോട്, ജനറല്‍ സെക്രട്ടറി ജമാല്‍ മൂക്കുതല, സെക്രട്ടറി അസ്‌ലം മാന്തടം, ട്രഷറര്‍ ഫൈസല്‍ മരയ്ക്കാര്‍, പ്രോഗ്രാം ചെയര്‍മാന്‍, അസീസ് പറപ്പൂര്‍, പ്രോഗ്രാം ഡയരക്ടര്‍ ബഷീര്‍ ചങ്ങരംകുളം, പ്രോഗ്രാം കോ-ഓര്‍ഡിനേറ്റര്‍ നൗഷാദ് യൂസഫ്, അല്‍ത്താഫ്, മുഹമ്മദ് അഷറഫ് എന്നിവര്‍ പങ്കെടുത്തു.

- കറസ്പോണ്ടന്‍റ്

വായിക്കുക: , ,

Comments Off on കൗല കുപ്പിവള അബുദാബി നാഷണല്‍ തിയേറ്ററില്‍

വെണ്മ ഓണം ഈദ് സംഗമം

November 1st, 2012

venma-onam-eid-logo-2012-ePathram
ദുബായ് : യു. എ. ഇ. യിലെ വെഞ്ഞാറമൂട് നിവാസി കളുടെ പ്രവാസി കൂട്ടായ്മ വെണ്മ യുടെ ഈ വര്‍ഷത്തെ ഓണം ഈദ് സംഗമം നവംബര്‍ 2 വെള്ളിയാഴ്ച ദുബായ് മംസാര്‍ പാര്‍ക്കില്‍ വെച്ച് നടത്തും.

രാവിലെ 8 മണി മുതല്‍ വൈകുന്നേരം 5 മണിവരെ നടക്കുന്ന ആഘോഷ ത്തില്‍ ഓണസദ്യയും അംഗങ്ങളുടെ വിവിധ കലാ കായിക മത്സരങ്ങളും ഉണ്ടായിരിക്കും.

ഈ സംഗമ ത്തിന്റെ വിജയത്തിന് എല്ലാ അംഗ ങ്ങളുടേയും പങ്കാളിത്തം പ്രതീക്ഷിക്കുന്നതായി സംഘാടകര്‍ അറിയിക്കുന്നു.

വിശദ വിവരങ്ങള്‍ക്ക് ബന്ധപ്പെടുക. 050 58 38 207 – 050 85 43 563

- കറസ്പോണ്ടന്‍റ്

വായിക്കുക: ,

Comments Off on വെണ്മ ഓണം ഈദ് സംഗമം

സമാജം കേരളപ്പിറവി ദിനാഘോഷം

November 1st, 2012

അബുദാബി : മലയാളീ സമാജം കേരളപ്പിറവി ദിനം ആഘോഷിക്കുന്നു. നവംബര്‍ 1 വ്യാഴാഴ്ച 7.30 മുതല്‍ മുസ്സഫ സമാജം ഹാളില്‍ തുടങ്ങുന്ന പരിപാടി യില്‍ കേരള ത്തിന്റെ തനത് കലാരൂപങ്ങള്‍ അരങ്ങേറും.

കലാ വാസനകളെ പ്രോത്സാഹി പ്പിക്കുന്നതിനും പുതിയ പ്രതിഭ കളെ കണ്ടെത്തുന്ന തിനുമായി സമാജം കലാ വിഭാഗ ത്തിന്റെ കീഴില്‍ പുതുതായി രൂപികരിച്ച ആര്‍ട്സ് ക്ലബ്ബിന്റെ ഉത്ഘാടനവും തദവസരത്തില്‍ നടക്കും. കൂടുതല്‍ വിവരങ്ങള്‍ക്ക് 050 66 67 315.

- കറസ്പോണ്ടന്‍റ്

വായിക്കുക: , ,

Comments Off on സമാജം കേരളപ്പിറവി ദിനാഘോഷം

ഐ. എം. സി. സി. സ്റ്റാള്‍ ജന ശ്രദ്ധ നേടി

October 31st, 2012

അബുദാബി : കേരള സോഷ്യല്‍ സെന്ററില്‍ നടന്ന ‘ഈദ് ഫെസ്റ്റ് 2012’-ല്‍ ഐ. എം. സി. സി. ഒരുക്കിയ സ്റ്റാള്‍ ജന ശ്രദ്ധ നേടി. പുത്തന്‍ തലമുറയ്ക്ക് കൃഷിയെ പരിചയ പ്പെടുത്താനും പ്രോല്‍സാഹനം നല്‍കുന്നതിനും മുന്‍തൂക്കം നല്‍കി യായിരുന്നു നാടന്‍ കാര്‍ഷിക വിഭവങ്ങള്‍ അണിനിരത്തി ക്കൊണ്ട് ഐ. എം. സി. സി. നാടന്‍ ചന്ത ഒരുക്കിയിരുന്നത്.

വയനാടന്‍ കുരുമുളക്, കസ്തൂരി മഞ്ഞള്‍, ചെങ്കദളി, വിവിധയിനം അച്ചാറുകള്‍, ഉപ്പിലിട്ട നെല്ലിക്ക, മാങ്ങ, കൈതച്ചക്ക എന്നിവ സന്ദര്‍ശകര്‍ക്ക് നാടന്‍ അനുഭൂതി പകര്‍ന്നു. കുട്ടികള്‍ക്കായി കളിക്കോപ്പുകളും ഒരുക്കിയിരുന്നു.

മൂന്നു ദിവസം നീണ്ടു നിന്ന മേളയില്‍ നിരവധിപ്പേര്‍ സന്ദര്‍ശകരായെത്തി. കെ. എസ്. സി. പ്രസിഡന്റ് കെ. ബി. മുരളി സ്റ്റാളിന്റെ ഉദ്ഘാടനം നിര്‍വഹിച്ചു. ഷമീം ബേക്കല്‍, ഷമീര്‍ ശ്രീകണ്ഠപുരം, റിയാസ് കൊടുവള്ളി തുടങ്ങിയവരുടെ മേല്‍നോട്ടത്തില്‍ ആയിരുന്നു സ്റ്റാള്‍ ഒരുക്കിയിരുന്നത്.

- കറസ്പോണ്ടന്‍റ്

വായിക്കുക: ,

Comments Off on ഐ. എം. സി. സി. സ്റ്റാള്‍ ജന ശ്രദ്ധ നേടി

Page 187 of 192« First...102030...185186187188189...Last »

« Previous Page« Previous « എസ്.ഐ.ക്ക് കെ. സുധാകരന്‍ എം. പി. യുടെ അസഭ്യ വര്‍ഷം
Next »Next Page » മാപ്പിളപ്പാട്ട് അന്താക്ഷരി അബുദാബിയില്‍ »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha