ദുബായ് : പ്രവാസ ജീവിതം മതിയാക്കി നാട്ടിലേക്കു മടങ്ങുന്ന പെരുമ പയ്യോളിയുടെ സീനിയർ മെമ്പറും ഭാരവാഹിയുമായ കരീം വടക്കയിലിനു യാത്രയയപ്പ് നൽകി. ഇരുപത്തഞ്ചു വർഷത്തെ സ്തുത്യർഹമായ സേവനത്തിനു ശേഷം ദുബായ് മുനിസിപ്പാലിറ്റി പബ്ലിക് ഹെൽത്ത് സർവ്വീസിൽ നിന്നും വിരമിച്ച് നാട്ടിലേക്ക് യാത്ര തിരിക്കുകയാണ് കരീം.
ആരോഗ്യ മേഖലയിലെ പ്രവര്‍ത്തനങ്ങള്‍ക്ക് ദുബായ് സർക്കാരിന്‍റെ ഗുഡ് സർവ്വീസ് അംഗീകാരങ്ങളും പ്രൈസുകളും നേടിയിട്ടുണ്ട്.
പകർച്ച വ്യാധികളെക്കുറിച്ചും ജീവിത ശൈലീ രോഗങ്ങളെ കുറിച്ചും പൊതുജന ആരോഗ്യ ബോധ വത്കരണ ക്ലാസ്സുകളും നടത്തിയിട്ടുണ്ട്. കൊവിഡ് വ്യാപന കാലത്തെ ഇദ്ദേഹത്തിന്‍റെ ഇടപെടലുകൾ പ്രശംസനീയമാണ് എന്നുള്ളത് യാത്രയയപ്പ് യോഗ ത്തില്‍ ഭാരവാഹികള്‍ എടുത്തു പറഞ്ഞു.
പ്രസിഡണ്ട് സാജിദ് പുറത്തൂട്ട് അദ്ധ്യക്ഷത വഹിച്ചു. മുഖ്യ രക്ഷാധികാരി രാജൻ കൊളാവിപ്പാലം ചടങ്ങ് ഉദ്ഘാടനം ചെയ്തു. ബിജു പണ്ടാരപ്പറമ്പിൽ ഉപഹാരം നൽകി. പ്രമോദൻ തിക്കോടി പൊന്നാട അണിയിച്ചു
അഡ്വ. മുഹമ്മദ്‌ സാജിദ്, വേണു പുതുക്കൂടി, സത്യൻ പള്ളിക്കര, മൊയ്‌ദീൻ പട്ടായി, സതീശൻ പള്ളിക്കര, ഷാജി ഇരിങ്ങൽ, ഷാമിൽ മൊയ്‌ദീൻ, റിയാസ് കാട്ടടി, ഷാജി പള്ളിക്കര, ജ്യോതിഷ് കുമാർ, കനകൻ എന്നിവർ സംസാരിച്ചു. സെക്രട്ടറി സുനിൽ പാറേമ്മൽ സ്വാഗതവും ട്രഷറർ ഷമീർ കാട്ടടി നന്ദിയും പറഞ്ഞു.
