കൊവിഡ് ബാധിതരെ തിരിച്ചറിയാന്‍ സ്കാനറുകള്‍ സ്ഥാപിക്കുന്നു

June 17th, 2021

logo-national-emergency-crisis-disaster-management-authority-ePathram
അബുദാബി : കൊവിഡ് പോസിറ്റീവ് കേസുകൾ തിരിച്ചറി യുന്ന തിനായി അബുദാബിയി ലേക്കുള്ള പ്രവേശന കവാടങ്ങളിൽ അത്യാധുനിക സാങ്കേതിക സംവിധാനങ്ങളോടു കൂടിയ കൊവിഡ് സ്കാനറുകള്‍ സ്ഥാപിക്കുവാന്‍ അബുദാബി എമർജൻസി – ക്രൈസിസ് ആൻഡ് ഡിസാസ്റ്റർ കമ്മിറ്റി അംഗീകാരം നൽകി.

ഒരു വ്യക്തിക്ക് കൊവിഡ് ബാധ ഇല്ല എന്ന് സ്കാനർ തിരിച്ചറിഞ്ഞാൽ, അവർക്ക് അബുദാബി യിലേക്കുള്ള പ്രവേശനത്തിന്ന് അനുവാദമുണ്ട്. ഒരു വ്യക്തിയെ രോഗ ബാധിതന്‍ എന്ന് സ്കാനർ കണ്ടെത്തിയാല്‍ അവർ 24 മണിക്കൂറിനുള്ളിൽ ഒരു പി. സി. ആർ. പരിശോധന നടത്തണം. ഇതിനായി സൗജന്യ പരിശോധനാ സൗകര്യ വും ഒരുക്കു ന്നുണ്ട്.

പരിശോധനാ വിവരങ്ങള്‍ ഉടനെ തന്നെ അല്‍ ഹൊസന്‍ ആപ്പില്‍ അപ്ഡേറ്റ് ചെയ്യപ്പെടും. ഇതിലുള്ള ഗ്രീന്‍ പാസ്സ് അബുദാബി പ്രവേശന ത്തിനു ഉപയോഗിക്കാം. അല്‍ ഹൊസന്‍ ആപ്ലി ക്കേഷനുമായി ബന്ധപ്പെട്ട വിഷയ ങ്ങളിൽ അന്വേഷണങ്ങള്‍ക്കായി 800 46 76 എന്ന ഫോണ്‍ നമ്പറില്‍ വിളിക്കാം. ഇ – മെയില്‍ വിലാസം: info @ alhosnapp . ae

കൂടാതെ +971 56 3346 740 എന്ന വാട്സ് ആപ്പ് നമ്പറി ലൂടെയും ബന്ധപ്പെടാം. സാങ്കേതിക സഹായ ങ്ങള്‍ക്ക് വിളിക്കുക: 800 93 72 92.

- pma

വായിക്കുക: , , , ,

Comments Off on കൊവിഡ് ബാധിതരെ തിരിച്ചറിയാന്‍ സ്കാനറുകള്‍ സ്ഥാപിക്കുന്നു

പൊതു സ്ഥലങ്ങളിലേക്ക് പ്രവേശനം ഇനി ‘ഗ്രീൻ പാസ്സ്’ വഴി

June 17th, 2021

al-hosn-app-green-pass-for-entry-to-public-places-ePathram
അബുദാബി : തലസ്ഥന നഗരിയിലെ പൊതു സ്ഥലങ്ങ ളിലും വ്യാപാര, വാണിജ്യ കേന്ദ്രങ്ങ ളിലും പ്രവേശനം ഇനി ‘ഗ്രീൻ പാസ്സ്’ വഴി. കൊവിഡ് വൈറസ് വ്യാപനം നിയന്ത്രിക്കുന്ന തിന്റെ ഭാഗമായി ഏര്‍പ്പെടുത്തിയ ഗ്രീൻ പാസ്സ് 2021 ജൂണ്‍ 15 ചൊവ്വാഴ്ച മുതല്‍ പ്രാബല്ല്യത്തില്‍ വന്നു.

സ്മാര്‍ട്ട് ഫോണില്‍ ഡൗണ്‍ ലോഡ് ചെയ്തിട്ടുള്ള അല്‍ ഹൊസന്‍ ആപ്ലിക്കേഷനിലെ ‘ഗ്രീൻ പാസ്സ്’ കാണിച്ചു കൊണ്ടു മാത്രമേ ഷോപ്പിംഗ് മാളുകള്‍, സൂപ്പർ – ഹൈപ്പര്‍ മാർക്കറ്റുകൾ, റസ്റ്റോറന്റു കൾ, ബേക്കറികള്‍ തുടങ്ങി വ്യാപാര സ്ഥാപന ങ്ങളിലും മറ്റു പൊതു സ്ഥല ങ്ങളിലും പ്രവേശനം അനുവദിക്കൂ.

booster-doze-covid-vaccine-ePathram

രണ്ടു ഡോസ് വാക്സിന്‍ എടുത്ത വർക്കും കൊവിഡ് പരിശോധന നടത്തി (പി. സി. ആര്‍) നെഗറ്റീവ് റിസള്‍ട്ട് ഉള്ളവര്‍ക്കും അല്‍ ഹൊസന്‍ ആപ്പില്‍ ഗ്രീന്‍ പാസ്സ് ഉണ്ടാവും.

alhosn-app-vaccine-dose-updates-ePathram

സിനോഫാം ബൂസ്റ്റര്‍ വാക്സിന്‍ വിവരങ്ങള്‍ : അല്‍ ഹൊസന്‍ ആപ്പ്

പാർക്കുകള്‍, ബീച്ച്, സ്വിമ്മിംഗ് പൂൾ, ജിംനേഷ്യം, തിയ്യേറ്റർ, മ്യൂസിയം, വിനോദ കേന്ദ്ര ങ്ങൾ എന്നിവിട ങ്ങളിലും എത്തുന്നവര്‍ ഗ്രീന്‍ പാസ്സ് കാണിക്കണം. പൊതു ജനങ്ങളുടെ സുരക്ഷിതത്വത്തിനു വേണ്ടി യാണ് ഗ്രീൻ പാസ്സ് സംവിധാനം ഏര്‍പ്പെടുത്തി യിരി ക്കുന്നത് എന്ന് ദുരന്ത നിവാരണ സമിതി അറിയിച്ചു.

- pma

വായിക്കുക: , , , , , , ,

Comments Off on പൊതു സ്ഥലങ്ങളിലേക്ക് പ്രവേശനം ഇനി ‘ഗ്രീൻ പാസ്സ്’ വഴി

വാക്സിന്‍ വീടുകളിലേക്ക് : കേരളം മാതൃക എന്ന് മുംബൈ ഹൈക്കോടതി

June 13th, 2021

bombay-high-court-ePathram
മുംബൈ : മുതിര്‍ന്ന പൗരന്മാര്‍ക്കും കിടപ്പു രോഗി കൾക്കും ശാരീരിക ബുദ്ധി മുട്ടുകൾ അനുഭവിക്കുന്ന ആളുകള്‍ക്കും കൊവിഡ് വാക്സിന്‍ വീടുകളിൽ എത്തിക്കുന്നതില്‍ കേരളത്തെ മാതൃകയാക്കണം എന്ന് കേന്ദ്ര സർക്കാരിനോട് മുംബൈ ഹൈക്കോടതി. വാക്സിന്‍ വീടുകളിൽ എത്തിച്ച് നൽകണം എന്ന് ആവശ്യപ്പെട്ടുള്ള പൊതു താൽപര്യ ഹർജി പരിഗണി ക്കുക യായിരുന്നു കോടതി.

വീടുകളിൽ എത്തി വാക്സിന്‍ നൽകുന്ന പദ്ധതി രാജ്യത്തു നടപ്പിലാക്കാൻ തടസ്സം എന്തെങ്കിലും ഉണ്ടോ എന്നും കോടതി ചോദിച്ചു. കേരള മാതൃക ചൂണ്ടിക്കാട്ടി യായിരുന്നു കോടതി യുടെ പരാമർശം.

കൊവിഡ് വാക്സിന്‍ വീടുകളിൽ എത്തിക്കുക എന്നത് സാദ്ധ്യമല്ല എന്നുള്ള കേന്ദ്ര സർക്കാര്‍ പരാമർശത്തെ കോടതി രൂക്ഷമായി വിമർശിച്ചു.

കേരളവും ജമ്മു കശ്മീരും ഇതു വിജയ കരമായി നടപ്പാക്കുന്നുണ്ട് എന്നും മറ്റു സംസ്ഥാന ങ്ങളിൽ നടപ്പിലാക്കുവാന്‍ എന്താണ് തടസ്സം എന്നും കോടതി ചോദിച്ചു.

വീടുകളില്‍ വാക്സിന്‍ എത്തിക്കുന്നതിൽ ഈ സംസ്ഥാനങ്ങള്‍ വിജയം വരിച്ചത് എങ്ങനെയാണ്? കേരള – ജമ്മു കശ്മീർ മാതൃകയോട് കേന്ദ്ര ത്തിന്റെ പ്രതികരണം എന്താണ്? കേന്ദ്രത്തിന്റെ പ്രശ്നം എന്താണ് എന്ന് മനസ്സിലാകുന്നില്ല. നിങ്ങള്‍ എന്തു കൊണ്ടാണ് ഈ സംസ്ഥാനങ്ങളോട് ആശയ വിനിമയം നടത്താത്തത്?. ഇതു പ്രാവർത്തികം ആക്കുവാൻ കഴിയുന്നത്‌ എങ്കില്‍ എന്തു കൊണ്ടാണ് മറ്റു സംസ്ഥാന ങ്ങളിലും ഇത് ആവിഷ്കരിക്കാത്തത്? എന്നും കോടതി ചോദിച്ചു.

- pma

വായിക്കുക: , , , , , , , ,

Comments Off on വാക്സിന്‍ വീടുകളിലേക്ക് : കേരളം മാതൃക എന്ന് മുംബൈ ഹൈക്കോടതി

കൊവിഡ് വാക്സിന്‍ ഇനി മുതല്‍ സൗജന്യം  

June 8th, 2021

covid-19-vaccine-available-india-on-july-2021-to-cover-25-crore-people-ePathram
ന്യൂഡൽഹി : രാജ്യത്തെ വാക്സിന്‍ നയം പരിഷ്‍കരിച്ചു എന്നു പ്രധാന മന്ത്രി നരേന്ദ്ര മോഡി. 18 വയസ്സു കഴിഞ്ഞ എല്ലാവർക്കും ജൂണ്‍ 21 മുതൽ സൗജന്യമായി കൊവിഡ് വാക്സിന്‍ നല്‍കും. ഇതിനായി വിദേശ രാജ്യങ്ങളില്‍ നിന്നും കേന്ദ്ര സര്‍ക്കാര്‍ നേരിട്ട് വാക്സിന്‍ സ്വീകരിച്ച് സംസ്ഥാനങ്ങള്‍ക്ക് സൗജന്യമായി വിതരണം ചെയ്യും എന്നും പ്രധാന മന്ത്രി പ്രഖ്യാപിച്ചു.

നൂറ് വര്‍ഷത്തിനിടയില്‍ രാജ്യം നേരിടുന്ന വലിയ മഹാമാരിയാണ് കൊവിഡ്. ഇതിനെ നേരിടുവാനുള്ള ഏറ്റവും വലിയ ആയുധം കൊവിഡ് പ്രോട്ടോക്കോള്‍ പാലിക്കുക എന്നതാണ്. ഇതിന് എതിരെയുള്ള സുരക്ഷാ കവചമാണ് വാക്‌സിന്‍.

രാജ്യം രണ്ട് വാക്‌സിനുകള്‍ വികസിപ്പിച്ചു. 23 കോടി വാക്‌സിന്‍ ഇതുവരെ രാജ്യത്ത് വിതരണം ചെയ്തു. വരും ദിവസങ്ങളില്‍ വാക്‌സിന്‍ വിതരണം അധികരി പ്പിക്കും. രാജ്യ ത്ത് ഏഴു കമ്പനികള്‍ വാക്സി നുകള്‍ ഉത്പാദി പ്പിക്കുന്നു. മൂന്നു വാക്‌സിനു കള്‍ ക്ലിനിക്കല്‍ ട്രയലില്‍ എന്നും അദ്ദേഹം പറഞ്ഞു.

കഴിഞ്ഞ ഒന്നര വര്‍ഷത്തിനിടയില്‍ രാജ്യത്തെ ആരോഗ്യ രംഗത്തുള്ള അടിസ്ഥാന സൗകര്യ ങ്ങള്‍ വികസിച്ചു. കൊവിഡ് രണ്ടാം തരംഗത്തില്‍ മെഡിക്കല്‍ ഓക്‌സിജ ന്റെ ആവശ്യം വര്‍ദ്ധിച്ചു. ഓക്‌സിജന്‍ എത്തിക്കാന്‍ അടിയന്തര നടപടികള്‍ സ്വീകരിക്കുകയും രാജ്യത്തെ ഓക്‌സിജന്‍ ഉത്പാദനം പത്തിരട്ടി ആയി വര്‍ദ്ധി പ്പിക്കു കയും ചെയ്തു എന്നും പ്രധാന മന്ത്രി പറഞ്ഞു.

- pma

വായിക്കുക: , , , , , ,

Comments Off on കൊവിഡ് വാക്സിന്‍ ഇനി മുതല്‍ സൗജന്യം  

വിദേശത്ത് പോകുന്നവർക്ക് രണ്ടാം ഡോസ് വാക്‌സിൻ നേരത്തെ നൽകും

May 30th, 2021

covid-vaccine-available-kerala-on-2021-january-16-ePathram
തിരുവനന്തപുരം : വിദേശ രാജ്യങ്ങളിലേക്ക് പോകുന്ന വർക്ക് കോവിഷീൽഡ് രണ്ടാം ഡോസ് വാക്‌സിൻ 4 മുതൽ 6 ആഴ്ചക്ക് ഉള്ളില്‍ നൽകാനും പ്രത്യേക വാക്‌സിനേഷൻ സർട്ടിഫിക്കറ്റ് നൽകാനും ആരോഗ്യ വകുപ്പ് മാർഗ്ഗ നിർദ്ദേശ ങ്ങൾ പുറത്തിറക്കി എന്ന് ആരോഗ്യ വകുപ്പ് മന്ത്രി വീണ ജോർജ്ജ്. പല വിദേശ രാജ്യങ്ങളിലും വാക്‌സി നേഷൻ സർട്ടി ഫിക്കറ്റും സർട്ടിഫി ക്കറ്റിൽ പാസ്‌ പോർട്ട് നമ്പറും രേഖ പ്പെടുത്തണം എന്നതും നിർബ്ബന്ധം ആക്കിയിട്ടുണ്ട്.

നിലവിൽ കൊവിഡ് വാക്സിന്‍ കുത്തി വെപ്പി നുള്ള രജിസ്‌ട്രേഷനായി ആധാർ കാർഡ്, മറ്റ് തിരിച്ചറിയൽ രേഖകൾ എന്നിവ നൽകിയിട്ടുള്ളവരുടെ സർട്ടിഫിക്ക റ്റിൽ അവയാണ് രേഖപ്പെടുത്തുക.

അതു പോലെ തന്നെ കേന്ദ്ര ആരോഗ്യ കുടുംബ ക്ഷേമ മന്ത്രാലയ ത്തിന്റെ മാർഗ്ഗ നിർദ്ദേശ പ്രകാരം രണ്ടാം ഡോസ് കോവിഷീൽഡ് വാക്‌സിൻ 12 മുതൽ 16 ആഴ്ചക്ക് ഉള്ളിലാണ് എടുക്കാൻ സാധിക്കുക.

ഇത് വിദേശത്തേക്ക് ജോലിക്കും പഠന ത്തിനുമായി പോകുന്നവർക്ക് വളരെ യധികം ബുദ്ധിമുട്ട് ഉണ്ടാക്കി യിട്ടുണ്ട്. ഇതിന്റെ അടിസ്ഥാനത്തിലാണ് സംസ്ഥാന സർക്കാർ പുതിയ മാർഗ്ഗ നിർദ്ദേശങ്ങള്‍ പുറത്തിറ ക്കിയത് എന്നും ആരോഗ്യ വകുപ്പു മന്ത്രി വ്യക്തമാക്കി. (പബ്ലിക്ക് റിലേഷന്‍ വകുപ്പ്)

- pma

വായിക്കുക: , , ,

Comments Off on വിദേശത്ത് പോകുന്നവർക്ക് രണ്ടാം ഡോസ് വാക്‌സിൻ നേരത്തെ നൽകും

Page 18 of 58« First...10...1617181920...304050...Last »

« Previous Page« Previous « സിനോഫാം വാക്‌സിന്‍ ബൂസ്റ്റര്‍ ഡോസ്  
Next »Next Page » ക്യാപ്പിറ്റൽ സെന്ററിൽ ലുലു എക്സ് പ്രസ്സ് ഫ്രഷ് മാർക്കറ്റ് തുറന്നു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha