രാജേഷ് ഖന്ന അന്തരിച്ചു

July 18th, 2012

RajeshKhanna-epathram

മുംബൈ: പ്രശസ്ത ബോളിവുഡ് താരം രാജേഷ് ഖന്ന(69) അന്തരിച്ചു. അര്‍ബുദ രോഗബാധിതനായിരുന്നു. ബാന്ദ്രയിലെ സ്വവസതിയില്‍ വെച്ചായിരുന്നു അന്ത്യം. ചൊവ്വാഴ്ചയാണ് അദ്ദേഹം ലീലാവതി ആസ്പത്രി വിട്ട് വീട്ടിലെത്തിയത്.

163 ചിത്രങ്ങളില്‍ അഭിനയിച്ചിട്ടുള്ള രാജേഷ് ഖന്ന ഹിന്ദി സിനിമയിലെ ആദ്യത്തെ സൂപ്പര്‍ സ്റ്റാറായിരുന്നു. അമിതാഭ് ബച്ചന്റെ സമകാലികനായിരുന്ന അദ്ദേഹം നിരവധി ഹിറ്റ് ചിത്രങ്ങളിലെ നായകനായിരുന്നു. അഭിനയിച്ച 163 ചിത്രങ്ങളില്‍ 106ലും അദ്ദേഹമായിരുന്നു നായകന്‍…. അമര്‍പ്രേം, നയേ കദം, ആരാധന തുടങ്ങി നിരവധി ശ്രദ്ധേയ ചിത്രങ്ങളില്‍ അദ്ദേഹം അഭിനയിച്ചിട്ടുണ്ട്

- ലിജി അരുണ്‍

വായിക്കുക:

Comments Off on രാജേഷ് ഖന്ന അന്തരിച്ചു

ടി. പി. ചന്ദ്രശേഖരന്‍ അനുസ്മരണം യോഗം നടത്തി

July 17th, 2012

tp-chandrashekharan-anusmaranam-ePathram
ദുബായ് : ആര്‍ എം പി നേതാവ് ടി. പി. ചന്ദ്രശേഖരന്റെ പൈശാചികമായ കൊലപാതക ത്തില്‍ യു. എ. ഇ. യിലെ മലയാളികള്‍ അനുസ്മരണം യോഗം നടത്തി. യാതൊരു തരത്തിലുള്ള പ്രചാരണ പ്രവര്‍ത്തനങ്ങളും നടത്താതെ തന്നെ ഈ കൂടി ചേരലില്‍ പങ്കു കൊള്ളാന്‍ കക്ഷി രാഷ്ട്രീയ ഭേദമന്യേ സമൂഹ ത്തിന്റെ നാനാ തുറകളില്‍ പ്രവര്‍ത്തിക്കുന്ന നേതാക്കന്മാരുടേയും പ്രവര്‍ത്ത കരുടെയും സാന്നിദ്ധ്യം തികച്ചും വേറിട്ട അനുഭവവും ഈ കൂട്ടായ്മ്മയുടെ പ്രാധാന്യം വിളിച്ചോതുന്നതു മായിരുന്നു.

ബിബിത്. കെ. കെ. യുടെ അദ്ധ്യക്ഷത യില്‍ ചേര്‍ന്ന യോഗ ത്തില്‍ ഇ. കെ. വത്സരാജ് അനുശോചന പ്രമേയം അവതരിപ്പിച്ചു കൊണ്ട് സംസാരിച്ചു.

തുടര്‍ന്ന് ചന്ദ്രശേഖരന്റെ അനുജന്‍ ടി. പി. ദിനേശന്‍ ചന്ദ്രശേഖരന്‍ അനുസ്മരണ പ്രഭാഷണം നടത്തി. രഞ്ജിത് ആലപ്പുഴ, അഡ്വ. സണ്ണിജോസഫ്‌, ഷാജി വടകര, സി. കൃഷ്ണന്‍ തുടങ്ങിയവര്‍ സംസാരിച്ചു.

- കറസ്പോണ്ടന്‍റ്

വായിക്കുക: ,

Comments Off on ടി. പി. ചന്ദ്രശേഖരന്‍ അനുസ്മരണം യോഗം നടത്തി

വായനമുറി തുറന്നു

July 16th, 2012

vayanamuri-shabu-epathram

ദുബായ് : ജനകീയ വിഷയങ്ങളിൽ ഇടപെടാൻ രാഷ്ട്രീയ നേതൃത്വങ്ങളിൽ ഫലപ്രദമായി സമ്മർദ്ദം ചെലുത്തി യു. എ. ഇ. യിലെ മാദ്ധ്യമ രംഗത്ത് തികച്ചും വ്യത്യസ്തമായ വ്യക്തി മുദ്ര പതിപ്പിച്ച ഷാബു കിളിത്തട്ടിൽ ഓൺലൈൻ മാദ്ധ്യമ രംഗത്തേയ്ക്കുള്ള ചുവടു വെപ്പ് കുറിച്ചു. ഷാബുവിന്റെ നേതൃത്വത്തിൽ ആരംഭിച്ച വായനമുറി ഡോട്ട് കോം എന്ന ഓൺലൈൻ മാസിക ശനിയാഴ്ച്ച ഇന്ത്യൻ കോൺസുൽ ജനറൽ സഞ്ജയ് വർമ്മ പ്രൌഡ ഗംഭീരമായ സദസ്സിന്റെ സാന്നിദ്ധ്യത്തിൽ ദുബായ് ഇന്ത്യൻ കോൺസുലേറ്റിൽ ഉദ്ഘാടനം ചെയ്തതോടെ നവീന മാദ്ധ്യമ സാദ്ധ്യതകൾ ദുബായിലെ മലയാളി സമൂഹത്തിന് ലഭ്യമാവും.

സൈബർ യുഗത്തിലെ ജീവിത വേഗത്തിനിടക്ക് പുതിയൊരു വായന സംസ്കാരം രൂപപ്പെടേണ്ടത് അത്യാവശ്യമാണെന്ന് മാസിക ഉദ്ഘാടനം ചെയ്തു കൊണ്ട് സഞ്ജയ് വർമ്മ അഭിപ്രായപ്പെട്ടു. നല്ല വായനയിലൂടെ മാത്രമേ നന്മയുടെ വിത്തുകൾ മുളപ്പിച്ചെടുക്കാൻ സാധിക്കൂ. എല്ലാ സമൂഹത്തിനും അവരുടെതായ സാംസ്കാരിക പൈതൃകം അവകാശപ്പെടാനുണ്ട്. സ്വന്തം സംസ്കാരം ആണ് മികച്ചത് എന്ന് വിചാരിക്കുമ്പോഴാണ് പരസ്പരം ശത്രുതയുണ്ടാകുന്നത്. അതിലുപരി സ്വന്തം സംസ്കാരത്തെ പാലിച്ചും മറ്റു സംസ്കാരങ്ങളെ അറിഞ്ഞും ബഹുമാനിച്ചും ജീവിക്കുമ്പോഴാണ് മനുഷ്യ ജീവിതം അർത്ഥ പൂർണ്ണമാകുന്നത്. ഇതിനു വായന കൊണ്ട് മാത്രമേ സാധിക്കൂ എന്നും അതിനു വായനമുറി ഡോട്ട് കോം പോലുള്ള പുതിയകാല വായനമുറികൾ ഉണ്ടാകേണ്ടത് ആവശ്യമാണെന്നും അദ്ദേഹം പറഞ്ഞു.

വായനമുറി ഡോട്ട് കോം ഡിസൈൻ ചെയ്ത് നിർമ്മിച്ച ഗ്രെഡെൻസ ഇന്റർനാഷ്ണലിന്റെ ചീഫ് സിസ്റ്റംസ് അനലിസ്റ്റ് നിഷാദ് കൈപ്പള്ളി മാസികയെ വ്യത്യസ്തമാക്കുന്ന നൂതന സങ്കേതങ്ങൾ വിശദീകരിച്ചു.

ചടങ്ങിൽ കോൺസുൽ അശോക് ബാബു, ജെ. ആർ. ജി. സി. ഇ. ഓ. സജിത്ത് കുമാർ, മായ കർത്താ, കൃഷ്ണൻ കൂനിചേരിൽ, പി. മണികണ്ഠൻ, ഭാസ്കർ രാജ്, ലീൻ ജെസ്മാസ് എന്നിവർ പങ്കെടുത്തു. തുടർന്ന് ജതിൻ സുബ്രഹ്മണ്യം, ശ്രുതി സുബ്രഹ്മണ്യം എന്നിവരുടെ നൃത്തവും, ആത്മയിലെ കലാകാരന്മാർ അവതരിപ്പിച്ച ഗസൽ സന്ധ്യയും അരങ്ങേറി. റിയാസ് ചെന്ത്രാപ്പിന്നി, ശശികുമാർ, മചിങ്ങൾ രാധാകൃഷ്ണൻ എന്നിവർ ചടങ്ങുകൾ നിയന്ത്രിച്ചു.

- ജെ.എസ്.

വായിക്കുക: ,

Comments Off on വായനമുറി തുറന്നു

ടി. പി. ചന്ദ്രശേഖരന്‍ അനുസ്മരണം വെള്ളിയാഴ്ച

July 12th, 2012

tp-chandra-shekharan-ePathram
ദുബായ് : ടി. പി. ചന്ദ്രശേഖരന്‍ അനുസ്മരണ സമ്മേളനം ജൂലായ്‌ 13 വെള്ളിയാഴ്ച വൈകിട്ട് 5 മണിക്ക് ദുബായ് കറാമ യിലെ മെട്രോ സ്റ്റേഷന് സമീപത്തെ അല്‍ മദീന വൈഡ്‌റേഞ്ച് റെസ്റ്റോരന്റില്‍ നടക്കും.

ടി. പി. യുടെ സുഹൃത്തുക്കളും സഹ പ്രവര്‍ത്തകരും ചേര്‍ന്ന് സംഘടിപ്പിക്കുന്ന അനുസ്മരണ സമ്മേളന ത്തില്‍ ചന്ദ്രശേഖരന്‍ രാഷ്ട്രീയത്തെ അനുകൂലി ക്കുന്നവരും സാമൂഹിക സാംസ്‌കാരിക രംഗത്തെ പ്രമുഖരും പങ്കെടുക്കും.

വിശദ വിവരങ്ങള്‍ക്ക് : കെ. കെ. ബിബിത്‌ – 055 33 155 69

- കറസ്പോണ്ടന്‍റ്

വായിക്കുക: ,

Comments Off on ടി. പി. ചന്ദ്രശേഖരന്‍ അനുസ്മരണം വെള്ളിയാഴ്ച

റഫീക്ക് വാണിമേലിന് യാത്രയയപ്പ് നല്കി

July 11th, 2012

swaruma-sent-off-rafeeq-vanimal-ePathram
ദുബായ്: ദുബായിലെ ശൈഖാന്‍ ഫിലിം സബ് ടൈറ്റിലിംഗ് കമ്പനി യില്‍ നിന്ന് 15 വര്‍ഷത്തെ പ്രവാസ ജീവിതം മതിയാക്കി സ്വദേശ ത്തേക്ക് മടങ്ങുന്ന സ്വരുമ കലാ സാംസ്‌കാരിക വേദി മുന്‍ ജനറല്‍ സെക്രട്ടറി റഫീക്ക് വാണി മേലിന് സ്വരുമ കുടുംബങ്ങള്‍ യാത്രയയപ്പ് നല്കി. സംഘടന യുടെ സ്ഥാപകരില്‍ ഒരാളും നീണ്ട മൂന്നു വര്‍ഷം സ്വരുമ ജനറല്‍ സെക്രട്ടറി യായും രണ്ടു വര്‍ഷം ട്രഷറര്‍ ആയും ദുബായിലെ സാംസ്‌കാരിക രംഗത്തെ നിറ സാന്നിദ്ധ്യ മായിരുന്ന റഫീക്ക്, കെ. എം. സി. സി. കോഴിക്കോട് ജില്ലാ വര്‍ക്കിംഗ് കമ്മിറ്റി മെമ്പര്‍, നാദാപുരം മണ്ഡലം സെക്രട്ടറി എന്നീ നിലകളിലും നിലവില്‍ പ്രവര്‍ത്തിക്കുന്നുണ്ട്.

പൂര്‍ണമായും യു. എ. ഇ. യില്‍ ചിത്രീകരിച്ച ടെലി സിനിമ കളായ മണല്‍ക്കാറ്റ്, മഗ്‌രിബ്, മേല്‍വിലാസങ്ങള്‍ എന്നിവ യില്‍ കലാ സംവിധായക നായും അദ്ദേഹം പ്രവര്‍ത്തിച്ചിട്ടുണ്ട്.

ദുബായ് കരാമയില്‍ ചേര്‍ന്ന യോഗം രാജന്‍ കൊളാവി പ്പാലം ഉദ്ഘാടനം ചെയ്തു. സ്വരുമ പ്രസിഡന്റ് ഹുസൈനാര്‍ പി. എടച്ചാക്കൈ അദ്ധ്യക്ഷത വഹിച്ചു. സുബൈര്‍ വെള്ളിയോട്, മുഹമ്മദാലി പഴശ്ശി, അസീസ് വടകര, സജ്ജാദ് സുബൈര്‍, അന്‍ഷാദ് വെഞ്ഞാറമൂട്, റാഷിദ് വാണിമേല്‍ എന്നിവര്‍ സംസാരിച്ചു. ജനറല്‍ സെക്രട്ടറി റീന സലിം സ്വാഗതവും ട്രഷറര്‍ എസ്. പി. മഹമൂദ് നന്ദിയും പറഞ്ഞു.

- കറസ്പോണ്ടന്‍റ്

വായിക്കുക: , ,

Comments Off on റഫീക്ക് വാണിമേലിന് യാത്രയയപ്പ് നല്കി

Page 53 of 54« First...102030...5051525354

« Previous Page« Previous « കളത്തില്‍ കസിമിനു യാത്രയയപ്പ് നല്‍കുന്നു
Next »Next Page » പ്രവാസികളുടെ പണത്തിന് സേവന നികുതി ഈടാക്കില്ല »



ശാസ്ത്രജ്ഞർ കൃത്രിമ നേത്ര...
കേരളത്തില്‍ ജനിതകമാറ്റം വ...
ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha