ഫാതിമ റഹ്മ ക്കു ശൈഖ് ഹംദാന്‍ അവാര്‍ഡ്

May 1st, 2013

dubai-sheikh-hamdan-award-2013-winner-fathma-rahma-ePathram
അബുദാബി : പഠന ത്തോടൊപ്പം പാഠ്യേതര വിഷയ ങ്ങളിലും മികവ് പുലര്‍ത്തുന്ന വിദ്യാര്‍ത്ഥി കള്‍ക്കു ദുബായ് സര്‍ക്കാര്‍ നല്‍കി വരുന്ന ശൈഖ് ഹംദാന്‍ അവാര്‍ഡ് അബുദാബി യിലെ മുഹമ്മദ് നസീറിന്റെ വീട്ടിലേക്ക് രണ്ടാം വര്‍ഷവും എത്തിച്ചേര്‍ന്നു.

വര്‍ക്കല സ്വദേശി മുഹമ്മദ് നസീര്‍- ലിജി ദമ്പതി കളുടെ മകള്‍ ഫാതിമ റഹ്മ ക്കാണ് ഈ വര്‍ഷം അവാര്‍ഡ് ലഭിച്ചത്.

കഴിഞ്ഞ വര്‍ഷം ഇവരുടെ മകന്‍ മുഹമ്മദ് തൗഫീഖിന് അവാര്‍ഡ് ലഭിച്ചിരുന്നു. അബുദാബി സണ്‍റൈസ് ഇംഗ്ളീഷ് പ്രൈവറ്റ് സ്കൂളില്‍ പത്താം തരം വിദ്യാര്‍ത്ഥി നിയാണ് ഫാതിമ റഹ്മ. മുഹമ്മദ് തൗഫീഖ് ഇതേ സ്കൂളില്‍ പതിനൊന്നാം ക്ളാസിലാണ്.

തൗഫീഖ് ഈ വര്‍ഷം ഷാര്‍ജ അവാര്‍ഡ് ഫൊര്‍ എക്സലന്‍സ് ഇന്‍ എജുക്കേഷനും അര്‍ഹ നായിട്ടുണ്ട്. തുടര്‍ച്ച യായി മൂന്ന് വര്‍ഷം 90 ശതമാന ത്തിലധികം മാര്‍ക്ക് വാങ്ങിയതിന് പുറമേ പാഠ്യേതര വിഷയ ങ്ങളിലെ മികവു മാണ് ഇരുവരെയും പുരസ്കാര ത്തിന് അര്‍ഹരാക്കിയത്.

ചെസ്, ക്വിസ്, പ്രസംഗം, മെന്‍റല്‍ അരിത മറ്റിക്സ് തുടങ്ങി വിവിധ മേഖല കളില്‍ ഇരുവരും കഴിവ് തെളിയിച്ചിട്ടുണ്ട്.

കഴിഞ്ഞ ദിവസം നടന്ന ചടങ്ങില്‍ യു. എ. ഇ. ധന കാര്യ മന്ത്രിയും ദുബായ് ഉപ ഭരണാധി കാരിയുമായ ശൈഖ് ഹംദാന്‍ ബിന്‍ റാശിദ് ആല്‍ മക്തൂമില്‍ നിന്ന് ഫാതിമ റഹ്മ ശൈഖ് ഹംദാന്‍ അവാര്‍ഡ് ഏറ്റു വാങ്ങി.

- കറസ്പോണ്ടന്‍റ്

വായിക്കുക: , , ,

Comments Off on ഫാതിമ റഹ്മ ക്കു ശൈഖ് ഹംദാന്‍ അവാര്‍ഡ്

ഇന്ത്യന്‍ മീഡിയാ ഫോറം : എല്‍വിസ് ചുമ്മാര്‍ പുതിയ പ്രസിഡണ്ട്

April 20th, 2013

imf-president-elvis-chummar-ePathram
ദുബായ് : യു എ ഇ യിലെ ഇന്ത്യാക്കാരായ മാധ്യമ പ്രവര്‍ത്തകരുടെ കൂട്ടായ്മയായ ഇന്ത്യന്‍ മീഡിയാ ഫോറ ത്തിന്റെ പുതിയ പ്രസിഡണ്ടായി ജയ്ഹിന്ദ് ടി വി മിഡില്‍ ഈസ്റ്റ് എഡിറ്റര്‍ എല്‍വിസ് ചുമ്മാറിനെ തെരഞ്ഞെടുത്തു.

imf-committee-2013-rony-mathan-faisal-bin-ahmed-ePathram

ജനറല്‍ സെക്രട്ടറി റോണി, ട്രഷറര്‍ ഫൈസല്‍

മനോരമ ന്യൂസിലെ റോണി പണിക്കറാണ് പുതിയ ജനറല്‍ സെക്രട്ടറി. ട്രഷറര്‍ ഏഷ്യാനെറ്റ് ന്യൂസിലെ ഫൈസല്‍ ബിന്‍ അഹമ്മദ്‌.

സിറാജ് ദിനപത്ര ത്തിലെ കെ എം അബ്ബാസിനെ വൈസ് പ്രസിഡന്റായും റേഡിയോ മീ യിലെ ലിയോ രാധാകൃഷ്ണനെ ജോയിന്റ് സെക്രട്ടറിയായും തെരഞ്ഞെടുത്തു. റിപ്പോര്‍ട്ടര്‍ ടി വിയിലെ ശ്രീജിത്‌ ലാല്‍ ആണ് ജോയിന്റ് ട്രഷറര്‍.

indian-media-forum-committee-2013-ePathram

ഐ. എം. എഫ്. കമ്മിറ്റി 2013

2013-2014 വര്‍ഷ ത്തേയ്ക്കുള്ള ഏഴംഗ നിര്‍വാഹക സമിതി യെയും ഐ എം എഫ് വാര്‍ഷിക ജനറല്‍ ബോഡിയോഗം തെരഞ്ഞെടുത്തു.

പി വി വിവേകാനന്ദ് (ഗള്‍ഫ് ടുഡെ, വി എം സതീഷ് (എമിറേറ്റ്‌സ് 24-7), ബി എസ് നിസാമുദ്ദീന്‍ (ഗള്‍ഫ് മാധ്യമം), സാദിഖ് കാവില്‍ (മലയാള മനോരമ),ഐപ്പ് വള്ളിക്കാടന്‍ (മാതൃഭൂമി ടി വി), തന്‍വീര്‍ (ഏഷ്യാനെറ്റ്), സുജിത്ത് സുന്ദരേശന്‍ (ജയ്ഹിന്ദ് ടി വി) എന്നിവരാണ് കമ്മിറ്റി അംഗങ്ങള്‍.

ജനറല്‍ ബോഡി യോഗത്തില്‍ എന്‍. വിജയ്‌ മോഹന്‍ അദ്ധ്യക്ഷത വഹിച്ചു. രമേശ്‌ പയ്യന്നൂര്‍ സ്വാഗതം പറഞ്ഞു. കെ. കെ. മൊയ്തീന്‍ കോയ, നിസ്സാര്‍ സെയ്ത് എന്നിവര്‍ തെരഞ്ഞെടുപ്പ് വരണാധികാരികള്‍ ആയിരുന്നു.

- കറസ്പോണ്ടന്‍റ്

വായിക്കുക: ,

Comments Off on ഇന്ത്യന്‍ മീഡിയാ ഫോറം : എല്‍വിസ് ചുമ്മാര്‍ പുതിയ പ്രസിഡണ്ട്

ചാവക്കാട് പ്രവാസി ഫോറം ‘വിഷൻ 2013’ ശ്രദ്ധേയമായി

April 15th, 2013

chavakkad-pravasi-forum-vision-2013-ePathram
ദുബായ് : ചാവക്കാട് പ്രവാസി ഫോറം ദുബായിൽ സംഘടിപ്പിച്ച ‘വിഷൻ 2013’ പ്രമുഖരുടെ പങ്കാളിത്തം കൊണ്ട് ശ്രദ്ധേയമായി

മിനി ഗൾഫ് എന്നറിയപ്പെടുന്ന ചാവക്കാട് പ്രദേശ ങ്ങളിൽ ജാതി-മത ഭേതമന്യേ കാരുണ്യ സേവന പ്രവർത്തന ങ്ങൾക്കായി പ്രവാസി കൾക്കിടയിൽ പ്രവർത്തിച്ച് തുടങ്ങിയത് അത്യന്തം ശ്ലാഘനീയ മാണെന്ന് ചടങ്ങുകൾ ഉത്ഘാടനം ചെയ്ത ചെറു കഥാ കൃത്ത് ലത്തീഫ് മമ്മിയൂർ പറഞ്ഞു.

chavakkad-pravasi-forum-vision-2013-singers-ePathram

സംഗീത സംവിധായകന്‍ നൌഷാദ് ചാവക്കാടിന്റെ നേതൃത്വ ത്തില്‍ ചലച്ചിത്ര പിന്നണി ഗായകരായ കബീർ, ജിത്തു, നൈസി എന്നിവരുടെ ഗാനമേള യും പ്രവാസി ഫോറം പ്രവർത്തകരുടെ കലാ പരിപാടികളും അരങ്ങേറി.

ചാവക്കാടും പരിസര പ്രദേശ ങ്ങളിലുമുള്ള നിർധനരായ വിദ്യാർത്ഥികള്‍ക്ക് സ്ക്കൂൾ കിറ്റുകൾ ഈ അധ്യായന വർഷം വിതരണം ചെയ്ത് തുടങ്ങു മെന്ന് സംഘടന യുടെ ഉദ്ദേശ ലക്ഷ്യങ്ങളെ കുറിച്ച് വിശദീകരിക്കവെ വൈസ് ചെയർമാൻ ഒ. എസ്. എ. റഷീദ് അറിയിച്ചു.

പ്രമുഖ എഴുത്തുകാരൻ സൈനുദ്ദീൻ ഖുറൈഷി, സിനി ആർട്ടിസ്റ്റ് ഫൈസൽ മുഹമ്മദ് എന്നിവർ ആശംസാ പ്രസംഗങ്ങള്‍ നടത്തി.
പരിപാടി കള്‍ ഗിരീഷ് നിയന്ത്രിച്ചു. കബീര്‍ സ്വാഗതവും ഷംസുദ്ദീന്‍ നന്ദിയും പറഞ്ഞു.

- കറസ്പോണ്ടന്‍റ്

വായിക്കുക: , , , ,

Comments Off on ചാവക്കാട് പ്രവാസി ഫോറം ‘വിഷൻ 2013’ ശ്രദ്ധേയമായി

സ്മാര്‍ട്ട്‌ സിറ്റി മാസ്റ്റര്‍ പ്ലാനിന് അംഗീകാരം

April 12th, 2013

tcom-signing-oommen-chandi-sheikh-muhammed-al-makhtoom-ePathram
ദുബായ് : കൊച്ചി സ്മാര്‍ട്ട്‌ സിറ്റി യുടെ മാസ്റ്റര്‍ പ്ലാനിന് ദുബായില്‍ ചേര്‍ന്ന് ഡയറക്ടര്‍ ബോര്‍ഡ് യോഗം അംഗീകാരം നല്‍കി. 50 ഏക്കര്‍ സ്ഥലത്ത് 15 ലക്ഷം ചതുരശ്ര അടി യില്‍ കെട്ടിട സമുച്ചയങ്ങള്‍ നിര്‍മ്മി ക്കാനുള്ള പ്ളാനിനാണ് അംഗീകാരം ലഭിച്ചത്. ആദ്യഘട്ട ത്തില്‍ ആസ്ഥാന മന്ദിരമാണ് നിര്‍മ്മിക്കുക.

മുഖ്യമന്ത്രി ഉമ്മന്‍ചാണ്ടി, വ്യവസായ മന്ത്രി പി. കെ. കുഞ്ഞാലിക്കുട്ടി, വൈസ് ചെയര്‍മാന്‍ അബ്ദുള്‍ ലത്തീഫ് അല്‍മുള്ള, ഡയറക്ടര്‍ ബോര്‍ഡംഗം എം. എ. യൂസഫലി, ഐ. ടി. വകുപ്പ് പ്രിന്‍സിപ്പല്‍ സെക്രട്ടറി പി. എച്ച്. കുര്യന്‍, സ്മാര്‍ട്ട്‌ സിറ്റി എം. ഡി. ഡോ. ബാജു ജോര്‍ജ് എന്നിവരും യോഗ ത്തില്‍ സംബന്ധിച്ചു.

- കറസ്പോണ്ടന്‍റ്

വായിക്കുക: , ,

Comments Off on സ്മാര്‍ട്ട്‌ സിറ്റി മാസ്റ്റര്‍ പ്ലാനിന് അംഗീകാരം

ചാവക്കാട് പ്രവാസി ഫോറം ‘വിഷൻ 2013’

April 11th, 2013

dubai-chavakkad-pravasi-forum-ePathram
ദുബായ് : ജീവ കാരുണ്യ പ്രവർത്തന ങ്ങൾക്കായി രൂപീകരിച്ച ചാവക്കാട് നിവാസി കളുടെ യു. എ. ഇ. യിലെ കൂട്ടായ്മ യാ‍യ ചാവക്കാട് പ്രവാസി ഫോറം അവതരിപ്പിക്കുന്ന  ”വിഷൻ 2013” ഏപ്രില്‍ 12 വെള്ളിയാഴ്ച വൈകുന്നേരം 4 മണിക്ക് ദുബായ് ഖിസൈസ് ആപ്പിൾ ഇന്റ്റർനാഷണൽ സ്കൂള്‍ അങ്കണ ത്തില്‍ നടക്കും.

ചാവക്കാടും പരിസര പ്രദേശങ്ങളി ലേയും സാമൂഹ്യ-സാംസ്കാരിക രംഗത്തെ പ്രമുഖര്‍ പങ്കെടുക്കുന്ന സാംസ്കാരിക സദസ്സോടെ ‘വിഷൻ 2013′ ആരംഭിക്കും.

chavakkad-pravasi-forum-vision-2013-ePathram

സംഗീത സംവിധായകന്‍ നൌഷാദ് ചാവക്കാടിന്റെ നേതൃത്വ ത്തില്‍ ചലചിത്ര പിന്നണി ഗായകൻ കബീറും സംഘവും അവതരി പ്പിക്കുന്ന ഗാനമേള  പരിപാടി യുടെ മുഖ്യ ആകര്‍ഷക ഘടകം ആയിരിക്കും.

യെർബലും സംഘവും അവതരിപ്പിക്കുന്ന ഖസാക്കിസ്ഥാൻ നൃത്തം, മുഹമ്മദ് ഇബ്രാഹിം മുസ്തഫ അവതരി പ്പിക്കുന്ന തനൂറ ഈജിപ്ഷ്യൻ നൃത്തം, കുട്ടികളുടെ വിവിധ കലാ പരിപാടി കൾ എന്നിവയും ‘വിഷൻ 2013′ യിൽ ഉണ്ടായിരിക്കും.

പ്രവേശനം സൌജന്യം. വിവരങ്ങള്‍ക്ക് : 052 97 17 366, 050 78 56 310

- കറസ്പോണ്ടന്‍റ്

വായിക്കുക: , , , ,

Comments Off on ചാവക്കാട് പ്രവാസി ഫോറം ‘വിഷൻ 2013’

Page 40 of 43« First...102030...3839404142...Last »

« Previous Page« Previous « ഒ. ഐ. സി. സി. ആഗോള സമ്മേളന ത്തിന് അബുദാബി യില്‍ തുടക്കം
Next »Next Page » സ്മാര്‍ട്ട്‌ സിറ്റി മാസ്റ്റര്‍ പ്ലാനിന് അംഗീകാരം »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha