തുമ്പപ്പൂ പെയ്യണ പൂ നിലാവ് ഷാര്‍ജയില്‍

September 25th, 2013

yuvakalasahithy-epathram

ഷാർജ : യുവ കലാ സാഹിതിയുടെ വാർഷിക ആഘോഷങ്ങളൂടെ ഭാഗമായി നടത്തുന്ന “തുമ്പപ്പൂ പെയ്യണ പൂനിലാവ്” എന്ന സംഗീത നിശ സെപ്റ്റംബർ 26 വ്യാഴാഴ്ച ഏഴു മണിക്ക് ഷാർജ ഇന്ത്യൻ അസോസി യേഷൻ മെയിൻ ഹാളിൽ നടക്കും.

2012ലെ സംസ്ഥാന അവാർഡ് ജേതാവായ സിതാരയും പ്രസിദ്ധ പിന്നണി ഗായകൻ ദേവാനന്ദും നേതൃത്വം നല്കുന്ന പരിപാടി യിൽ ലേഖ അജയ്, സുമി അരവിന്ദ്, മനോജ്, സുഹാന സുബൈര്‍ തുടങ്ങിയവർ ഗാനങ്ങള്‍ ആലപിക്കും. പ്രവേശനം പാസ്സുമൂലം നിയന്ത്രിക്കും.

വിവരങ്ങള്‍ക്ക് : 050 86 30 603, 056 24 10 791.

- കറസ്പോണ്ടന്റ്

വായിക്കുക: ,

Comments Off on തുമ്പപ്പൂ പെയ്യണ പൂ നിലാവ് ഷാര്‍ജയില്‍

ഗാന്ധി ജയന്തി : സ്‌കൂൾ വിദ്യാര്‍ത്ഥികൾക്കായി ചിത്ര രചനാ മല്‍സരങ്ങള്‍

September 22nd, 2013

mahathma-gandhi-father-of-the-nation-ePathram
അബുദാബി : ഗാന്ധി ജയന്തിയോട് അനുബന്ധിച്ച് ഇന്ത്യൻ മീഡിയ അബുദാബി യുടെ ആഭിമുഖ്യ ത്തിൽ ഇന്ത്യൻ സ്ഥാനപതി കാര്യാലയം കൾചറൽ വിഭാഗം, ഇന്ത്യൻ ഇസ്ലാമിക് സെന്റർ, ഗാന്ധി സാഹിത്യ വേദി എന്നിവ യുടെ സഹകരണ ത്തോടെ യു. എ. ഇ. തലത്തിൽ സ്‌കൂൾ വിദ്യാര്‍ത്ഥിക ൾക്കായി ഡ്രോയിംഗ് – പെയിന്റിംഗ്, ക്വിസ് മൽസരം നടത്തുന്നു.

ഒക്ടോബര്‍ 4 വെള്ളിയാഴ്ച അബുദാബി ഇന്ത്യൻ ഇസ്ലാമിക് സെന്ററിൽ രാവിലെ 9 മുതൽ രാത്രി പത്തു വരെയാണ് ഗാന്ധിജയന്തി ആഘോഷം നടക്കുക.

രാവിലെ 9 മുതൽ ഡ്രോയിംഗ് – പെയിന്റിംഗ് മൽസരങ്ങളും വൈകീട്ട് മൂന്നു മുതൽ അഞ്ചര വരെ ഇന്റർ സ്‌കൂൾ ക്വിസ് മൽസരവും നടക്കും. വിജയി കൾക്ക് ക്യാഷ് അവാർഡും വിജയി കൾക്കും പങ്കെടുക്കുന്ന വർക്കും എംബസി യുടെ സർട്ടിഫിക്കറ്റുകളും സമ്മാനിക്കും.

വൈകീട്ട് ഏഴിന് നടക്കുന്ന സാംസ്‌ക്കാരിക സമ്മേളന ത്തിൽ കേരള നിയമസഭാ സ്പീക്കർ ജി. കാർത്തികേയൻ, ഇന്ത്യൻ സ്ഥാനപതി എം. കെ. ലോകേഷ്, പ്രവാസി ഭാരതീയ സമ്മാൻ ജേതാവും ഇന്ത്യൻ ഇസ്ലാമിക് സെന്റർ പ്രസിഡന്റുമായ പി. ബാവ ഹാജി, യൂണിവേഴ്‌സൽ ആശുപത്രി എം. ഡി. ഡോ.ഷെബീർ നെല്ലിക്കോട് എന്നിവരാണ് വിജയി കൾക്ക് അവാർഡുകളും സർട്ടിഫിക്കറ്റുകളും സമ്മാനിക്കുക.

മൽസരത്തിൽ പങ്കെടുക്കാനാഗ്രഹിക്കുന്നവർ 056 19 84 694, 050 74 29 438 എന്നീ നമ്പറു കളിലോ, ima dot abudhabi at gmail dot com എന്ന ഇ-മെയിലിലോ ഈ മാസം 30നു മുമ്പായി പേർ റജിസ്റ്റർ ചെയ്യണം.

അബുദാബി യൂണിവേഴ്‌സൽ ആശുപത്രിയിലെ റിസപ്ഷൻ കൗണ്ടറിലും പേരു റജിസ്റ്റർ ചെയ്യാം.

- കറസ്പോണ്ടന്റ്

വായിക്കുക: , , ,

Comments Off on ഗാന്ധി ജയന്തി : സ്‌കൂൾ വിദ്യാര്‍ത്ഥികൾക്കായി ചിത്ര രചനാ മല്‍സരങ്ങള്‍

മാര്‍ത്തോമാ യുവ ജന സഖ്യം എഡ്യുഫെസ്റ്റ് : ബി. എസ്. വാരിയര്‍ നേതൃത്വം നല്‍കും

September 22nd, 2013

educational-personality-development-class-ePathram
അബുദാബി : വിദ്യാര്‍ത്ഥികള്‍ക്കും രക്ഷിതാക്കള്‍ക്കുമായി മാര്‍ത്തോമാ യുവ ജന സഖ്യം സംഘടിപ്പിക്കുന്ന എഡ്യുഫെസ്റ്റ്, സെപ്തംബര്‍ 27, 28 തിയ്യതി കളില്‍ മുസ്സഫ യിലെ മാര്‍ത്തോമാ ദേവാലയ ത്തില്‍ നടക്കും.

കരിയര്‍ ഗൈഡന്‍സ് രംഗത്തെ പ്രമുഖനായ ബി.എസ്. വാരിയര്‍ നേതൃത്വം നല്‍കും.

സപ്തംബര്‍ 27 വെള്ളിയാഴ്ച ഉച്ചയ്ക്ക് 12.15 ന് ഉദ്ഘാടന സമ്മേളനം നടക്കും. രണ്ടു മണി മുതല്‍ അഞ്ചു മണി വരെ പേരന്റിംഗ് ആന്‍ഡ് ലേണിംഗ് സ്ട്രാറ്റജീസ് എന്ന വിഷയ ത്തില്‍ ക്ലാസുകള്‍ നടക്കും.

പഠന ത്തില്‍ സ്വീകരിക്കാവുന്ന വിജയ കരമായ രീതികള്‍, പരീക്ഷകളെ അഭിമുഖീകരി ക്കുമ്പോള്‍ എങ്ങനെ തയ്യാറെടുപ്പുകള്‍ നടത്തണം, ടെന്‍ഷന്‍ ഒഴിവാക്കേണ്ട രീതികള്‍, ടൈംടേബിള്‍ തയ്യാറാക്കുക തുടങ്ങിയ വിഷയ ങ്ങളെ അധികരിച്ചാണ് ക്ലാസ്സുകള്‍.

സപ്തംബര്‍ 28 ശനിയാഴ്ച ന് രാവിലെ 9.30 മുതല്‍ വിവിധ കോഴ്‌സുകള്‍ പരിചയ പ്പെടുത്തുന്ന കരിയര്‍ ഗൈഡന്‍സ് ക്ലാസ്സുകള്‍ നടക്കും. എങ്ങനെ ഉപരി പഠന വിഷയ ങ്ങള്‍ തെരഞ്ഞെടുക്കണം, ജോലി രംഗത്തെ സാധ്യത കള്‍, വിദ്യാഭ്യാസ സ്ഥാപന ങ്ങള്‍ തുടങ്ങിയ വിഷയ ങ്ങള്‍ പ്രതിപാദിക്കും.

രണ്ടു മണി മുതല്‍ വിദ്യാര്‍ഥികള്‍ക്കും രക്ഷിതാക്കള്‍ക്കും ബി. എസ്. വാരിയരുമായി നേരില്‍ സംസാരിക്കാനുള്ള അവസരമൊരുക്കും.

വിവര ങ്ങള്‍ക്ക് ഫോണ്‍: 055 32 18 246, 050 81 87 861.

- കറസ്പോണ്ടന്റ്

വായിക്കുക: , ,

Comments Off on മാര്‍ത്തോമാ യുവ ജന സഖ്യം എഡ്യുഫെസ്റ്റ് : ബി. എസ്. വാരിയര്‍ നേതൃത്വം നല്‍കും

കുട്ടികള്‍ക്കായി ‘സമ്മര്‍ ഐസ് ‘

September 18th, 2013

അബുദാബി : രിസാല സ്റ്റഡി സർക്കിൾ കുട്ടികള്‍ക്കായി സമ്മര്‍ ഐസ് എന്ന പേരില്‍ ഏകദിന ക്യാമ്പ് സംഘടിപ്പിക്കുന്നു. സെപ്റ്റംബര്‍ 20 വെള്ളിയാഴ്ച നടക്കുന്ന ക്യാമ്പില്‍ മുന്‍കൂട്ടി പേര്‍ രജിസ്ടര്‍ ചെയ്യുന്ന വര്‍ക്ക് പങ്കെടുക്കാം.

നാലാം ക്ലാസ്സ്‌ മുതല്‍ പ്ളസ് ടു വരെ യുള്ള വിദ്യാര്‍ത്ഥി കള്‍ക്കായിട്ടാണ് സമ്മര്‍ ഐസ് സംഘടിപ്പിക്കുന്നത്.

വിശദ വിവരങ്ങള്‍ക്ക് 050 93 78 362 (യാസിര്‍)

- കറസ്പോണ്ടന്റ്

വായിക്കുക: , ,

Comments Off on കുട്ടികള്‍ക്കായി ‘സമ്മര്‍ ഐസ് ‘

അബുദാബിയിലെ ഇന്ത്യന്‍ ഇസ്‌ലാഹി സ്‌കൂള്‍ അടച്ചു പൂട്ടുന്നു

September 18th, 2013

abudabi-indian-islahi-islamic-school-closing-ePathram
അബുദാബി : തലസ്ഥാന നഗരിയില്‍ പ്രവര്‍ത്തിച്ചു വരുന്ന ഇന്ത്യന്‍ ഇസ്‌ലാഹി ഇസ്‌ലാമിക് സ്‌കൂള്‍ അടച്ചു പൂട്ടാന്‍ അബുദാബി എജുക്കേഷന്‍ കൗണ്‍സില്‍ ഉത്തരവിട്ടു. ഇതോടെ ആയിരത്തി നാനൂറോളം വിദ്യാര്‍ത്ഥികളുടെ ഭാവി അനിശ്ചിതത്വത്തിലായി.

നഗരത്തിലെ വില്ലകളില്‍ പ്രവര്‍ത്തിക്കുന്ന സ്കൂളുകള്‍ ഇവിടെ നിന്നും മുസ്സഫ യിലെ സ്കൂള്‍ സോണി ലേക്ക് മാറ്റി സ്ഥാപിക്കണം എന്ന് അബൂദാബി എജുക്കേഷന്‍ കൗണ്‍സില്‍ (ADEC) രണ്ടു വര്‍ഷം മുമ്പു തന്നെ നഗര ത്തിലെ സ്‌കൂളുകള്‍ക്ക് നിര്‍ദ്ദേശം നല്‍കി യിരുന്നു.

ഇതിന്റെ അടിസ്ഥാന ത്തില്‍ പല സ്‌കൂളുകളും മുസഫയിലേക്ക് മാറ്റി സ്ഥാപിച്ചിരുന്നു. നഴ്സറി ക്ലാസ്സ് മുതല്‍ പ്ലസ്സ് ടു വരെയുള്ള ഇന്ത്യന്‍ ഇസ്ലാഹി ഇസ്ലാമിക്‌ സ്കൂളില്‍ മാത്രം മലയാളികള്‍ അടക്കം 1400 ഓളം കുട്ടികള്‍ പഠിക്കുന്നുണ്ട്. സ്കൂളിന് മുന്നില്‍ അടച്ചു പൂട്ടല്‍ നോട്ടിസും അഡെക് പതിച്ചിട്ടുണ്ട്. രക്ഷിതാ ക്കള്‍ക്കും കഴിഞ്ഞ ദിവസം ഇതു സംബന്ധിച്ച മുന്നറിയിപ്പ് കിട്ടിയിരുന്നു.

ഇതോടെ എല്ലാവരും ആശങ്ക യിലാണ്. 2014 ഏപ്രില്‍ ഒന്നു വരെ മാത്രമേ സ്‌കൂളിന് അബുദാബി നഗര ത്തില്‍ പ്രവര്‍ത്തിക്കാന്‍ കൗണ്‍സി ലിന്റെ അനുമതി യുള്ളൂ. ഏപ്രില്‍ മാസ ത്തിനുള്ളില്‍ പുതിയ കെട്ടിടം തയ്യാറാവുമെന്നു പ്രതീക്ഷയുമില്ല. ഏപ്രില്‍ ആദ്യ വാരം തന്നെയാണ് അബുദാബി യില്‍ പുതിയ അധ്യയന വര്‍ഷം ആരംഭിക്കുക. ഈ അവസ്ഥ യില്‍ 9, 11 ക്ലാസ്സുകാരുടെയും തുടര്‍ പഠനം അവതാളത്തിലാവും. അടുത്ത വര്‍ഷം പത്താം ക്ലാസ്സിലും പന്ത്രണ്ടാം ക്ലാസ്സിലും അബുദാബി യിലെ മറ്റു സ്‌കൂളുകളില്‍ അഡ്മിഷന്‍ ലഭിക്കുമെന്ന് രക്ഷിതാക്കള്‍ക്ക് യാതൊരു പ്രതീക്ഷയുമില്ല.

ഏത് ക്ലാസ്സിലായാലും ഇപ്പോള്‍ത്തന്നെ അഡ്മിഷന്‍ ദുഷ്‌കരമാണ്. സ്കൂള്‍ പൂട്ടാന്‍ നോട്ടിസ് ലഭിച്ചതോടെ പ്രശ്ന പരിഹാര ത്തിനായി എജുക്കേഷന്‍ കൗണ്‍സിലുമായി ബന്ധപ്പെട്ടിട്ടുണ്ട് എന്നും ഇന്ത്യന്‍ അംബാസഡര്‍ എം. കെ. ലോകേഷു മായി അടുത്ത ദിവസം തന്നെ ഈ വിഷയം ചര്‍ച്ച ചെയ്യാന്‍ കൂടിക്കാഴ്ച നടത്തും എന്നും കുട്ടികളുടെ കാര്യ ത്തില്‍ രക്ഷിതാക്കളെ പോലെ തന്നെ തങ്ങളും ഉത്കണ്ഠാ കുലരാണെന്നും ഇന്ത്യന്‍ ഇസ്ലാഹി ഇസ്ലാമിക് സ്കൂള്‍ മാനേജ്മെന്‍റ് പറയുന്നു.

- കറസ്പോണ്ടന്റ്

വായിക്കുക: , , ,

Comments Off on അബുദാബിയിലെ ഇന്ത്യന്‍ ഇസ്‌ലാഹി സ്‌കൂള്‍ അടച്ചു പൂട്ടുന്നു

Page 56 of 58« First...102030...5455565758

« Previous Page« Previous « ജെ.എന്‍.യു തിരഞ്ഞെടുപ്പ്; എസ്.എഫ്.ഐക്ക് സമ്പൂര്‍ണ്ണ പരാജയം
Next »Next Page » കുട്ടികള്‍ക്കായി ‘സമ്മര്‍ ഐസ് ‘ »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha