മാര്‍ത്തോമാ യുവ ജന സഖ്യം എഡ്യുഫെസ്റ്റ് : ബി. എസ്. വാരിയര്‍ നേതൃത്വം നല്‍കും

September 22nd, 2013

educational-personality-development-class-ePathram
അബുദാബി : വിദ്യാര്‍ത്ഥികള്‍ക്കും രക്ഷിതാക്കള്‍ക്കുമായി മാര്‍ത്തോമാ യുവ ജന സഖ്യം സംഘടിപ്പിക്കുന്ന എഡ്യുഫെസ്റ്റ്, സെപ്തംബര്‍ 27, 28 തിയ്യതി കളില്‍ മുസ്സഫ യിലെ മാര്‍ത്തോമാ ദേവാലയ ത്തില്‍ നടക്കും.

കരിയര്‍ ഗൈഡന്‍സ് രംഗത്തെ പ്രമുഖനായ ബി.എസ്. വാരിയര്‍ നേതൃത്വം നല്‍കും.

സപ്തംബര്‍ 27 വെള്ളിയാഴ്ച ഉച്ചയ്ക്ക് 12.15 ന് ഉദ്ഘാടന സമ്മേളനം നടക്കും. രണ്ടു മണി മുതല്‍ അഞ്ചു മണി വരെ പേരന്റിംഗ് ആന്‍ഡ് ലേണിംഗ് സ്ട്രാറ്റജീസ് എന്ന വിഷയ ത്തില്‍ ക്ലാസുകള്‍ നടക്കും.

പഠന ത്തില്‍ സ്വീകരിക്കാവുന്ന വിജയ കരമായ രീതികള്‍, പരീക്ഷകളെ അഭിമുഖീകരി ക്കുമ്പോള്‍ എങ്ങനെ തയ്യാറെടുപ്പുകള്‍ നടത്തണം, ടെന്‍ഷന്‍ ഒഴിവാക്കേണ്ട രീതികള്‍, ടൈംടേബിള്‍ തയ്യാറാക്കുക തുടങ്ങിയ വിഷയ ങ്ങളെ അധികരിച്ചാണ് ക്ലാസ്സുകള്‍.

സപ്തംബര്‍ 28 ശനിയാഴ്ച ന് രാവിലെ 9.30 മുതല്‍ വിവിധ കോഴ്‌സുകള്‍ പരിചയ പ്പെടുത്തുന്ന കരിയര്‍ ഗൈഡന്‍സ് ക്ലാസ്സുകള്‍ നടക്കും. എങ്ങനെ ഉപരി പഠന വിഷയ ങ്ങള്‍ തെരഞ്ഞെടുക്കണം, ജോലി രംഗത്തെ സാധ്യത കള്‍, വിദ്യാഭ്യാസ സ്ഥാപന ങ്ങള്‍ തുടങ്ങിയ വിഷയ ങ്ങള്‍ പ്രതിപാദിക്കും.

രണ്ടു മണി മുതല്‍ വിദ്യാര്‍ഥികള്‍ക്കും രക്ഷിതാക്കള്‍ക്കും ബി. എസ്. വാരിയരുമായി നേരില്‍ സംസാരിക്കാനുള്ള അവസരമൊരുക്കും.

വിവര ങ്ങള്‍ക്ക് ഫോണ്‍: 055 32 18 246, 050 81 87 861.

- കറസ്പോണ്ടന്റ്

വായിക്കുക: , ,

Comments Off on മാര്‍ത്തോമാ യുവ ജന സഖ്യം എഡ്യുഫെസ്റ്റ് : ബി. എസ്. വാരിയര്‍ നേതൃത്വം നല്‍കും

കുട്ടികള്‍ക്കായി ‘സമ്മര്‍ ഐസ് ‘

September 18th, 2013

അബുദാബി : രിസാല സ്റ്റഡി സർക്കിൾ കുട്ടികള്‍ക്കായി സമ്മര്‍ ഐസ് എന്ന പേരില്‍ ഏകദിന ക്യാമ്പ് സംഘടിപ്പിക്കുന്നു. സെപ്റ്റംബര്‍ 20 വെള്ളിയാഴ്ച നടക്കുന്ന ക്യാമ്പില്‍ മുന്‍കൂട്ടി പേര്‍ രജിസ്ടര്‍ ചെയ്യുന്ന വര്‍ക്ക് പങ്കെടുക്കാം.

നാലാം ക്ലാസ്സ്‌ മുതല്‍ പ്ളസ് ടു വരെ യുള്ള വിദ്യാര്‍ത്ഥി കള്‍ക്കായിട്ടാണ് സമ്മര്‍ ഐസ് സംഘടിപ്പിക്കുന്നത്.

വിശദ വിവരങ്ങള്‍ക്ക് 050 93 78 362 (യാസിര്‍)

- കറസ്പോണ്ടന്റ്

വായിക്കുക: , ,

Comments Off on കുട്ടികള്‍ക്കായി ‘സമ്മര്‍ ഐസ് ‘

അബുദാബിയിലെ ഇന്ത്യന്‍ ഇസ്‌ലാഹി സ്‌കൂള്‍ അടച്ചു പൂട്ടുന്നു

September 18th, 2013

abudabi-indian-islahi-islamic-school-closing-ePathram
അബുദാബി : തലസ്ഥാന നഗരിയില്‍ പ്രവര്‍ത്തിച്ചു വരുന്ന ഇന്ത്യന്‍ ഇസ്‌ലാഹി ഇസ്‌ലാമിക് സ്‌കൂള്‍ അടച്ചു പൂട്ടാന്‍ അബുദാബി എജുക്കേഷന്‍ കൗണ്‍സില്‍ ഉത്തരവിട്ടു. ഇതോടെ ആയിരത്തി നാനൂറോളം വിദ്യാര്‍ത്ഥികളുടെ ഭാവി അനിശ്ചിതത്വത്തിലായി.

നഗരത്തിലെ വില്ലകളില്‍ പ്രവര്‍ത്തിക്കുന്ന സ്കൂളുകള്‍ ഇവിടെ നിന്നും മുസ്സഫ യിലെ സ്കൂള്‍ സോണി ലേക്ക് മാറ്റി സ്ഥാപിക്കണം എന്ന് അബൂദാബി എജുക്കേഷന്‍ കൗണ്‍സില്‍ (ADEC) രണ്ടു വര്‍ഷം മുമ്പു തന്നെ നഗര ത്തിലെ സ്‌കൂളുകള്‍ക്ക് നിര്‍ദ്ദേശം നല്‍കി യിരുന്നു.

ഇതിന്റെ അടിസ്ഥാന ത്തില്‍ പല സ്‌കൂളുകളും മുസഫയിലേക്ക് മാറ്റി സ്ഥാപിച്ചിരുന്നു. നഴ്സറി ക്ലാസ്സ് മുതല്‍ പ്ലസ്സ് ടു വരെയുള്ള ഇന്ത്യന്‍ ഇസ്ലാഹി ഇസ്ലാമിക്‌ സ്കൂളില്‍ മാത്രം മലയാളികള്‍ അടക്കം 1400 ഓളം കുട്ടികള്‍ പഠിക്കുന്നുണ്ട്. സ്കൂളിന് മുന്നില്‍ അടച്ചു പൂട്ടല്‍ നോട്ടിസും അഡെക് പതിച്ചിട്ടുണ്ട്. രക്ഷിതാ ക്കള്‍ക്കും കഴിഞ്ഞ ദിവസം ഇതു സംബന്ധിച്ച മുന്നറിയിപ്പ് കിട്ടിയിരുന്നു.

ഇതോടെ എല്ലാവരും ആശങ്ക യിലാണ്. 2014 ഏപ്രില്‍ ഒന്നു വരെ മാത്രമേ സ്‌കൂളിന് അബുദാബി നഗര ത്തില്‍ പ്രവര്‍ത്തിക്കാന്‍ കൗണ്‍സി ലിന്റെ അനുമതി യുള്ളൂ. ഏപ്രില്‍ മാസ ത്തിനുള്ളില്‍ പുതിയ കെട്ടിടം തയ്യാറാവുമെന്നു പ്രതീക്ഷയുമില്ല. ഏപ്രില്‍ ആദ്യ വാരം തന്നെയാണ് അബുദാബി യില്‍ പുതിയ അധ്യയന വര്‍ഷം ആരംഭിക്കുക. ഈ അവസ്ഥ യില്‍ 9, 11 ക്ലാസ്സുകാരുടെയും തുടര്‍ പഠനം അവതാളത്തിലാവും. അടുത്ത വര്‍ഷം പത്താം ക്ലാസ്സിലും പന്ത്രണ്ടാം ക്ലാസ്സിലും അബുദാബി യിലെ മറ്റു സ്‌കൂളുകളില്‍ അഡ്മിഷന്‍ ലഭിക്കുമെന്ന് രക്ഷിതാക്കള്‍ക്ക് യാതൊരു പ്രതീക്ഷയുമില്ല.

ഏത് ക്ലാസ്സിലായാലും ഇപ്പോള്‍ത്തന്നെ അഡ്മിഷന്‍ ദുഷ്‌കരമാണ്. സ്കൂള്‍ പൂട്ടാന്‍ നോട്ടിസ് ലഭിച്ചതോടെ പ്രശ്ന പരിഹാര ത്തിനായി എജുക്കേഷന്‍ കൗണ്‍സിലുമായി ബന്ധപ്പെട്ടിട്ടുണ്ട് എന്നും ഇന്ത്യന്‍ അംബാസഡര്‍ എം. കെ. ലോകേഷു മായി അടുത്ത ദിവസം തന്നെ ഈ വിഷയം ചര്‍ച്ച ചെയ്യാന്‍ കൂടിക്കാഴ്ച നടത്തും എന്നും കുട്ടികളുടെ കാര്യ ത്തില്‍ രക്ഷിതാക്കളെ പോലെ തന്നെ തങ്ങളും ഉത്കണ്ഠാ കുലരാണെന്നും ഇന്ത്യന്‍ ഇസ്ലാഹി ഇസ്ലാമിക് സ്കൂള്‍ മാനേജ്മെന്‍റ് പറയുന്നു.

- കറസ്പോണ്ടന്റ്

വായിക്കുക: , , ,

Comments Off on അബുദാബിയിലെ ഇന്ത്യന്‍ ഇസ്‌ലാഹി സ്‌കൂള്‍ അടച്ചു പൂട്ടുന്നു

ജെ.എന്‍.യു തിരഞ്ഞെടുപ്പ്; എസ്.എഫ്.ഐക്ക് സമ്പൂര്‍ണ്ണ പരാജയം

September 18th, 2013

ന്യൂഡെല്‍ഹി: ജെ.എന്‍.യു.വില്‍ ശാനിയാഴ്ച നടന്ന യൂണിയന്‍ തിരഞ്ഞെടുപ്പില്‍ എസ്.എഫ്.ഐക്ക് സമ്പൂ‍ര്‍ണ്ണ പരാജയം. ഒറ്റ സീറ്റു പോലും നേടുവാനാകാതെ എസ്.എഫ്.ഐ ചരിത്രത്തില്‍ ആദ്യമായി ജെ.എന്‍.യു തിരഞ്ഞെടുപ്പില്‍ പുറം തള്ളപ്പെട്ടു. തീവ്ര ഇടതുപക്ഷ സംഘടനയായ ഐസയാണ് വന്‍ വിജയം നേടി യൂണിയന്‍ ഭരണം പിടിച്ചടക്കിയത്. ഇത് തുടര്‍ച്ചയായി മൂന്നാം തവണയാണ് ഐസ യൂണിയന്‍ ഭരണം കരസ്ഥമാക്കുന്നത്. പ്രസിഡണ്ട്, വൈസ് പ്രസിഡണ്ട്, ജനറല്‍ സെക്രട്ടറി, ജോയന്റ് സെക്രട്ടറി സ്ഥാനങ്ങളിലേക്ക് ഐസയുടെ സ്ഥാനാര്‍ഥികള്‍ ജയിച്ചപ്പോള്‍ ഈ സ്ഥാനങ്ങളിലേക്ക് മത്സരിച്ച എസ്.എഫ്.ഐ സ്ഥാനാര്‍ഥികള്‍ മൂന്നാം സ്ഥാനത്തേക്ക് പിന്തള്ളപ്പെട്ടു. എ.ബി.വി.പിയും,എ.ഐ.എസ്.എഫും,എന്‍.എസ്.യുവും, ഡി.എസ്.എഫും ഓരോ സീറ്റ് കരസ്ഥമാക്കി.

പ്രാദേശിക വിഷയങ്ങളും അന്താരാഷ്ട്ര വിഷയങ്ങളും ചര്‍ച്ചയാകുന്നതാണ് ജെ.എന്‍.യു തിരഞ്ഞെടുപ്പ്. എസ്.എഫ്.ഐ നേരിടുന്ന ആശയ പരവും സംഘടനാപരവുമായ പ്രതിസന്ധികള്‍ അവരെ വിദ്യാര്‍ഥികളില്‍ നിന്നും അകറ്റി. 2006 വരെ എസ്.എഫ്.ഐയുടെ കുത്തകയായിരുന്നു ജെ.എന്‍.യു യൂണിയന്‍. എന്നാല്‍ എസ്.എഫ്.ഐയുടെ നിലപാടുകളില്‍ വന്ന മാറ്റം തീവ്ര ഇടതു പക്ഷ സംഘടനയായ ഐസയ്ക്ക് പുറകില്‍ വിദ്യാര്‍ഥികള്‍ അണി നിരക്കുവാന്‍ ഇടയാക്കി. നിരവധി നേതാക്കന്മാരും പ്രവര്‍ത്തകരും അടുത്തിടെ എസ്.എഫ്.ഐ വിട്ടു. ഇവര്‍ രൂപീകരിച്ച ഡി.എസ്.എഫ്‌ന് ജെ.എന്‍.യുവില്‍ എസ്.എഫ്.ഐയേക്കാള്‍ പിന്തുണ നേടുവാനായി. തുടക്ക കാലം മുതല്‍ ശക്തമായ ഇടതു സാന്നിധ്യം നിലനില്‍ക്കുന്ന ജെ.എന്‍.യുലെ തിരഞ്ഞെടുപ്പില്‍ എസ്.എഫ്.ഐ തുടച്ച് നീക്കപ്പെട്ടു എന്നത് മുന്‍ കാല ജെ.എന്‍.യു വിദ്യാര്‍ഥികള്‍ കൂടെയായ സി.പി.എം നേതാക്കളേയും അസ്വസ്ഥരാക്കിയിട്ടുണ്ട്.

- എസ്. കുമാര്‍

വായിക്കുക: , ,

Comments Off on ജെ.എന്‍.യു തിരഞ്ഞെടുപ്പ്; എസ്.എഫ്.ഐക്ക് സമ്പൂര്‍ണ്ണ പരാജയം

പത്താം തരം തുല്യതാ കോഴ്‌സ് രജിസ്‌ട്രേഷന്‍ നീട്ടി

September 5th, 2013

അബുദാബി : പൊതു വിദ്യാഭ്യാസ വകുപ്പിന്റെയും സംസ്ഥാന സാക്ഷരതാ വകുപ്പിന്റെയും ആഭിമുഖ്യ ത്തില്‍ നടത്തുന്ന പത്താം തരം തുല്യതാ കോഴ്‌സിന്റെ രണ്ടാംബാച്ചി ലേക്കുള്ള രജിസ്‌ട്രേഷന്‍ സപ്തംബര്‍ 13 വരെ നീട്ടിയതായി സാക്ഷരതാ മിഷന്‍ അസിസ്റ്റന്‍റ് ഡയരക്ടര്‍ അറിയിച്ചു.

പൂരിപ്പിച്ച അപേക്ഷാ ഫോറം സപ്തംബര്‍ 13 ന് മുമ്പായി അബുദാബി ഇന്ത്യന്‍ ഇസ്‌ലാമിക് സെന്‍ററില്‍ സമര്‍പ്പിക്കണം. ഏഴാംക്ലാസ് യോഗ്യത തെളിയിക്കുന്ന സര്‍ട്ടിഫിക്കറ്റു ഉള്ളവര്‍ക്ക് എസ്. എസ്. എല്‍. സി. ക്ക് തുല്യമായ സര്‍ട്ടിഫിക്കറ്റ് നേടാന്‍ പറ്റുന്ന ഈ പാഠ്യ പദ്ധതി യില്‍ രജിസ്റ്റര്‍ ചെയ്യാം.

കൂടുതല്‍ വിവരങ്ങള്‍ക്ക് 02 642 44 88, 056 31 77 987 എന്നീ നമ്പറുകളില്‍ ബന്ധപ്പെടാം.

- കറസ്പോണ്ടന്റ്

വായിക്കുക: , ,

Comments Off on പത്താം തരം തുല്യതാ കോഴ്‌സ് രജിസ്‌ട്രേഷന്‍ നീട്ടി

Page 57 of 59« First...102030...5556575859

« Previous Page« Previous « മൂര്‍ഷിങ്ങാനകത്ത് കുഞ്ഞി ബാവ
Next »Next Page » ഇന്‍റര്‍നാഷനല്‍ ഹണ്ടിംഗ് ആന്‍റ് ഇക്വസ്ട്രിയന്‍ എക്സിബിഷന്‍ »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha