എയര്‍ കേരള വിഷുവിന്‌

October 9th, 2012

air-kerala-epathram
തിരുവന്തപുരം : കേരള ത്തിന്റെ സ്വന്തം വിമാന ക്കമ്പനിയായ എയര്‍ കേരള 2013 ഏപ്രില്‍ 14 വിഷുവിന് ആദ്യ ടേക്ഓഫ് ചെയ്യുമെന്ന് മുഖ്യമന്ത്രി ഉമ്മന്‍ ചാണ്ടി അറിയിച്ചു. ആഭ്യന്തര സര്‍വീസാണോ അതോ രാജ്യാന്തര ഫ്ലൈറ്റാണോ ആദ്യം പറന്നുയരുക എന്ന ചോദ്യം മാത്രമാണ് ഇനി അവശേഷിക്കുന്നത് എന്നും അദ്ദേഹം പറഞ്ഞു. വാര്‍ത്താ ഏജന്‍സിയായ ഐ. എ. എന്‍. എസിന് നല്‍കിയ അഭിമുഖ ത്തിലാണ് മുഖ്യമന്ത്രി ഇക്കാര്യം അറിയിച്ചത്‌.

100 കോടി പ്രാഥമിക മൂലധനവു മായി സിവില്‍ വ്യോമയാന ഡയറക്ടര്‍ ജനറല്‍ മുമ്പാകെ എയര്‍ കേരള അടുത്ത മാസം അപേക്ഷ നല്‍കും. നിലവിലെ നിയമം അനുസരിച്ച് അഞ്ച് വര്‍ഷം ആഭ്യന്തര സര്‍വീസ് പൂര്‍ത്തിയാക്കിയാല്‍ മാത്രമേ രാജ്യാന്തര സര്‍വീസുകള്‍ക്ക് അനുമതി ലഭിക്കൂ. കൂടാതെ ഇരുപതു വിമാന ങ്ങളുമാണ് രാജ്യാന്തര സര്‍വ്വീസിന് അനുമതി ലഭിക്കാന്‍ ആവശ്യം. എന്നാല്‍ എയര്‍ ഇന്ത്യ എക്‌സ്പ്രസ് തുടങ്ങിയപ്പോള്‍ രാജ്യാന്തര സര്‍വീസ് നടത്തു ന്നതിന് നിയമ ത്തില്‍ കേന്ദ്രം ഇളവ് നല്‍കി. എയര്‍ ഇന്ത്യ യുടെ ഉപ കമ്പനി എന്ന പേരിലാണ് അന്ന് നിയമ ത്തില്‍ ഇളവ് നല്‍കിയത്. എയര്‍ ഇന്ത്യ എക്‌സ്പ്രസിന് നല്‍കിയ അതേ ഇളവ് എയര്‍ കേരളയ്ക്കും അനുവദിക്കണം എന്നാണ് കേരളവും ആവശ്യപ്പെടുന്നത് എന്നും മുഖ്യമന്ത്രി അറിയിച്ചു.

മലയാളി കളായ പ്രവാസി വ്യവസായികള്‍ പലരും എയര്‍ കേരള യുമായി സഹകരിക്കാനുള്ള താത്പര്യം അറിയിച്ചു കഴിഞ്ഞു. ആയിര ക്കണക്കിന് തൊഴിലാളി കളാണ് പ്രവാസി വ്യവസായി കളായ മലയാളി കളുടെ കമ്പനി കളില്‍ ജോലി ചെയ്യുന്നത്. അവിടങ്ങളിലെ ജീവനക്കാരെ ക്കൊണ്ട് ഓഹരി എടുപ്പിക്കാം എന്ന നിര്‍ദേശവും അവര്‍ മുന്നോട്ട് വെച്ചിട്ടുണ്ട്. അതു കൊണ്ട് തന്നെ 500 കോടി രൂപ മൂലധനമായി സമാഹരിക്കുക ബുദ്ധിമുട്ടാവില്ല എന്നും അദ്ദേഹം പറഞ്ഞു. 10,000 രൂപയാണ് ഓഹരിത്തുക യായി നിശ്ചയിച്ചിട്ടുള്ളത്.

തിരുവനന്തപുരം വിമാനത്താവള ത്തോട് അനുബന്ധിച്ച് എയര്‍ ഇന്ത്യ അടുത്തിടെ പുതിയ ഹാങ്ങര്‍ സ്ഥാപിച്ചിരുന്നു. എയര്‍ ഇന്ത്യ യുമായി കരാറില്‍ ഏര്‍പ്പെട്ടു കൊണ്ട് അറ്റകുറ്റപ്പണിയുടെ നിരക്ക് നല്‍കി എയര്‍ കേരളയ്ക്ക് ഇവിടത്തെ ഹാങ്ങര്‍ സൗകര്യം ഉപയോഗിക്കാന്‍ കഴിയു മെന്നാണ് കരുതുന്നതെന്ന് മുഖ്യമന്ത്രി പറഞ്ഞു. കേരള സര്‍ക്കാര്‍ സൗജന്യമായി നല്‍കിയ സ്ഥലത്താണ് എയര്‍ ഇന്ത്യ ഹാങ്ങര്‍ സ്ഥാപിച്ചത്.

- കറസ്പോണ്ടന്‍റ്

വായിക്കുക: ,

Comments Off on എയര്‍ കേരള വിഷുവിന്‌

ദുബായ് ആനപ്രേമി സംഘം ഓണം ഈദ് ആഘോഷിച്ചു

October 6th, 2012
ദുബായ്: യു.എ.ഈയിലെ ആനപ്രേമികളുടെ സംഘടനയായ ദുബായ് ആനപ്രേമി സംഘത്തിന്റെ ആഭിമുഖ്യത്തില്‍  ഓണം ഈദ് ആഘോഷിച്ചു.  മണ്‍കൂള്‍ മാന്‍‌ഹട്ടന്‍ ഹോട്ടലില്‍ വച്ച് നടന്ന ചടങ്ങ് പ്രമുഖ വ്യവസായിയും ആനയുടമയുമായ ശ്രീ സുന്ദര്‍മേനോന്‍ നിര്‍വ്വഹിച്ചു. പ്രമുഖ വ്യവാസായിയും ആനപ്രേമി സംഘത്തിന്റെ മുതിര്‍ന്ന അംഗവുമായ അയ്യപ്പനെ  ചടങ്ങില്‍ മുരളി പറാടത്ത് പൊന്നാടയണിച്ച് ആദരിച്ചു. പൊന്നാടയണിച്ച് ആദരിച്ചു.  യുവ വ്യവസായിയും ആനയുടമയുമായ അര്‍ജ്ജുന്‍ മേനോന്‍ ചടങ്ങില്‍ മുഖ്യ അതിഥിയായിരുന്നു. ദുബായ് ആനപ്രേമി സംഘം പ്രസിഡണ്ട് ശിവകുമാര്‍ പോലിയത്ത് അധ്യക്ഷനായിരുന്നു. യോഗത്തിന് സംഘടനയുടെ സെക്രട്ടറി പി.ജി ഗോവിന്ദ് മേനോണ്‍ സ്വാഗതം പറഞ്ഞു. രക്ഷാധികാരി വേണുഗോപാല്‍, ശ്രീകുമാര്‍ എന്നിവര്‍ പ്രസംഗിച്ചു. പ്രോഗ്രാം കമ്മറ്റി കണ്‍‌വീനര്‍ അനീഷ് തലേക്കര നന്ദി പറഞ്ഞു.
ആനപ്രേമി സംഘം എന്ന പേരില്‍ ചില സംഘടനകള്‍ നാട്ടിലുണ്ടെന്നും എന്നാല്‍ ആനകളുടെയും അവയെ വഴിനടത്തുന്നവരുടേയും കാര്യങ്ങള്‍ മനസ്സിലാക്കുകയും അതുമായി ബന്ധപ്പെട്ട പ്രവര്‍ത്തനങ്ങളില്‍ സജീവമായി പങ്കാളിത്തം വഹിക്കുന്നത് ദുബായ് ആനപ്രേമി സംഘമാണെന്ന് സുന്ദര്‍ മേനോന്‍ പറഞ്ഞു. തൃശ്ശൂരില്‍ കഴിഞ്ഞ മാസം സംഘടിടിപ്പിച്ച ചടങ്ങില്‍ ആനയുടെ കുത്തേറ്റ് കൊല്ലപ്പെട്ട പാപ്പാന്റെ അമ്മയ്ക്ക് ദുബായ് ആനപ്രേമി സംഘം  സഹായ ധനം നല്‍കിയത് അദ്ദേഹം എടുത്തു പറഞ്ഞു.
വ്യത്യസ്ഥ മേഘലകളില്‍ ചാരിറ്റി പ്രവര്‍ത്തനങ്ങള്‍ നടത്തുന്ന നിരവധി സംഘടനകള്‍ ഉണ്ടെങ്കിലും ദുബായ് ആനപ്രേമി സംഘം നടത്തുന്ന ചാരിറ്റി പ്രവര്‍ത്തനങ്ങള്‍ വേറിട്ടു നില്‍ക്കുന്നതായി അയ്യപ്പന്‍ പറഞ്ഞു.  യദാര്‍ഥ പ്രവര്‍ത്തനങ്ങള്‍ ആനകളെ കാണുന്നതും പാപ്പാന്മാര്‍ക്കൊപ്പം സൌഹൃദം പങ്കിടുന്നതും മാത്രമല്ല അതിനപ്പുറം അവയുടെ നിലനില്പിനും അവയെ പരിചരിക്കുന്ന പാപ്പാന്മാര്‍ക്ക് വേണ്ട സഹായങ്ങള്‍ എത്തിക്കുന്നതിലുമാണ് യദാര്‍ഥ ആനസ്നേഹം ഉള്ളതെന്ന് സംഘടനയുടെ പ്രസിഡണ്ട് ശിവകുമാര്‍ പോലിയത്ത് പറഞ്ഞു.
രാവിലെ പതിനൊന്നു മണിയോടെ ആനകളെ കുറിച്ചുള്ള ഒരു ഡോക്യുമെന്ററിയുടെ പ്രദര്‍ശനത്തോടെ ആയിരുന്നു ചടങ്ങുകള്‍ ആരംഭിച്ചത്. തുടര്‍ന്ന് അംഗങ്ങള്‍ തങ്ങളുടെ ആനയനുഭവങ്ങള്‍ പങ്കുവെച്ചു. ആനകളുടെ ലക്ഷണങ്ങളെ കുറിച്ച് ഗോവിന്ദ് മേനോന്‍ ക്ലാസെടുത്തു. ആനകള്‍ ഇടഞ്ഞോടി ആക്രമണം നടത്തുന്ന ദൃശ്യങ്ങള്‍ ഫേസ് ബുക്ക് ഉള്‍പ്പെടെ ഉള്ള സോഷ്യല്‍ നെറ്റ്‌വര്‍ക്കുകളിലും മറ്റും പങ്കുവെക്കുന്നത് നിരുത്സാഹപ്പെടുത്തണമെന്ന് മാധ്യമ പ്രവര്‍ത്തകന്‍ സതീഷ് കുമാര്‍ പറഞ്ഞു.  ആനകളെ സംബന്ധിച്ചുള്ള ക്വിസ് പരിപാടിയും ഉണ്ടായിരുന്നു. ഉച്ചക്ക് 2 മണിക്ക് ഷാര്‍ജ ഭരതം കലാകേന്ദ്രത്തിലെ കലാകാരന്മാരുടെ ചെണ്ടമേളം ഉണ്ടായിരുന്നു. തുടര്‍ന്ന് നടന്ന  വൈകീട്ട് വിവിധ കലാപരിപാടികള്‍ക്ക് ശേഷം അഞ്ചു മണിയോടെ ആഘോഷങ്ങള്‍ക്ക് പരിസമാപ്തിയായി.

- എസ്. കുമാര്‍

വായിക്കുക: , , , , ,

Comments Off on ദുബായ് ആനപ്രേമി സംഘം ഓണം ഈദ് ആഘോഷിച്ചു

വിശ്വ മലയാളി മഹോത്സവം 2012

October 6th, 2012
കേരള സര്‍ക്കാരിന്റെയും നോക്കയുടെയും ആഭിമുഖ്യത്തില്‍ കേരള പിറവി ദിനത്തോട് അനുബന്ധിച്ച് 2012
ഒക്ടോബര്‍ 30, 31, നവംബർ 1 തീയതികളിൽ തിരുവനന്തപുരം ചന്ദ്രശേഖരന്‍ നായര്‍ സ്റ്റേഡിയത്തില്‍ വെച്ച് വിശ്വ മലയാളി മഹോത്സവം സംഖടിപ്പിക്കുന്നു ബഹു: രാഷ്ട്രപതി പ്രണബ് മുഖര്ജീ ഉദ്ഘാടനം ചെയ്യുന്ന ഈ മഹോല്സവവത്ത്തിന്റെ രണ്ടാം ദിനമായ ഒക്ടോബര്‍ 31 ŗപവാസി മലയാളികള്‍ക്കായി സമര്‍പ്പിച്ചിരിക്കുന്നു. അന്നേ ദിവസത്തെ എല്ലാ പരിപാടികളും സ്പോണ്സര്‍ ചെയ്തിരിക്കുന്നത്. വേള്‍ഡ് മലയാളി കൌണ്‍സിലും   (W.M.C) ദുബായ് ആസ്ഥാനമായ ആര്‍ട്സ് & ലിറ്റററി അക്കാദമി  (ഗാല)യും സംയുക്തമായാണ്.
മുഖ്യമന്ത്രി ഉമ്മന്‍ചാണ്ടിയുടെ സാന്നിധ്യത്തില്‍ ഒരു ദിവസം മുഴുവന്‍ നീളുന്ന സാഹിത്യ കലാ ചര്‍ച്ചകള്‍, പ്രവാസി മലയാളികളെ സംബന്ധിക്കുന്ന കാതലായ വിഷയത്തെ സംബന്ധിച്ച ക്രിയാത്മകമായ ചര്‍ച്ചകള്‍, ഗാന ഗന്ധര്‍വന്‍ യേശുദാസിന്റെ സംഗീതമേള തുടങ്ങിയവയും ഉണ്ടായിരിക്കും എന്ന് വേള്‍ഡ് മലയാളി കൌണ്‍സിലിന്റെയും, ഗാലയുടെയും  ചെയര്‍മാനായ ഐസക് ജോണ് പട്ടാണിപറമ്പില്‍ അറിയിച്ചു.
ഈ മഹോത്സവത്തില്‍ വേള്‍ഡ് മലയാളി കൌണ്സിലിന്റെയും ഗാലയുടെയും അതിഥിയായി പങ്കെടുക്കാന്‍ ആഗ്രഹമുള്ള കലാ സാഹിത്യ വിഷയങ്ങളില്‍ തല്‍പരരായ പ്രവാസി മലയാളികള്‍ തങ്ങളുടെ വിശദ വിവിഅരങ്ങളും പാസ്പോര്‍ട്ട് കോപ്പിയും അടക്കം താഴയുള്ള ഇമെയില്‍ വഴി ഉടന്‍ ബന്ധപ്പെടുക തെരെഞ്ഞെടുക്കപ്പെടുന്നവര്‍ക്കുള്ള താമസ സൌകര്യവും ഭക്ഷണവും സംഘാടകര്‍ ഏര്‍പ്പെടുത്തുന്നതായിരിക്കും
വിശദ വിവരങ്ങള്‍ക്ക് ബന്ധപ്പെടുക
അനില്‍കുമാര്‍ സി. പി
ഇമെയില്‍ : anilcp.gala@gmail.com,  ഫോണ്‍ : 050 6212325 (യു എ ഇ)
മത്തായി സി. യു
ഇമെയില്: dubaiworldmalayaleecouncil@gmail.com,  ഫോണ്: 055 9957664

- എസ്. കുമാര്‍

വായിക്കുക: , ,

Comments Off on വിശ്വ മലയാളി മഹോത്സവം 2012

യൂത്ത്‌ ഇന്ത്യ ക്ലബ്ബ്‌ ഉദ്ഘാടനവും കലാ സന്ധ്യയും ദുബായില്‍

October 4th, 2012

ദുബായ് : യൂത്ത്‌ ഇന്ത്യ ക്ലബ്ബ്‌ ബര്‍ ദുബായ് ചാപ്റ്റര്‍ ഉദ്ഘാടനവും കലാ സന്ധ്യയും ഒക്ടോബര്‍ 5 വെള്ളിയാഴ്ച വൈകുന്നേരം 6.30ന് കരാമ സെന്‍റര്‍ ഓഡിറ്റോറിയ ത്തില്‍ നടക്കും.

പ്രവാസ ജീവിത ത്തിനിടയിലും കലാ കായിക വാസന കളെ പ്രോല്‍സാഹി പ്പിക്കുകയും അതിനുള്ള അവസരങ്ങള്‍ ഒരുക്കുകയും ചെയ്യുക എന്നുള്ളതാണ് യൂത്ത്‌ ഇന്ത്യ ലക്ഷ്യമിടുന്നത് എന്ന് ഭാരവാഹികള്‍ അറിയിച്ചു.

ഹിറ്റ്‌ എഫ്. എം. റേഡിയോ ജോക്കി അറ്ഫാസ് ഉദ്ഘാടനം ചെയ്യുന്ന പരിപാടി യില്‍ ക്ലബ്ബ്‌ അംഗങ്ങള്‍ അവതരിപ്പിക്കുന്ന നാടകം, നാടന്‍ പാട്ടുകള്‍, മൈം, നിത്യ ഹരിത ഗാനങ്ങള്‍ എന്നിവ ഉണ്ടായിരിക്കും.

കൂടുതല്‍ വിവരങ്ങള്‍ക്ക് : 050 155 05 40

- കറസ്പോണ്ടന്‍റ്

വായിക്കുക: ,

Comments Off on യൂത്ത്‌ ഇന്ത്യ ക്ലബ്ബ്‌ ഉദ്ഘാടനവും കലാ സന്ധ്യയും ദുബായില്‍

അക്ഷര സദസ്സിന്റെ പ്രഥമ മാധ്യമ പുരസ്‌കാരം കെ. എ. ജബ്ബാരിക്ക് സമ്മാനിച്ചു

October 2nd, 2012

akshara-sadassu-media-award-for-jabbari-ePathram
ഷാര്‍ജ : തിരുവിതാംകൂര്‍ മലയാളി കൗണ്‍സില്‍ അക്ഷര സദസ്സിന്റെ പ്രഥമ മാധ്യമ പുരസ്‌കാരം മുതിര്‍ന്ന മാധ്യമ പ്രവര്‍ത്തകന്‍ കെ. എ. ജബ്ബാരിക്ക് കവടിയാര്‍ കൊട്ടാരത്തിലെ അശ്വതി തിരുനാള്‍ ഗൌരി ലക്ഷ്മി ഭായ്‌ സമ്മാനിച്ചു.

ഷാര്‍ജ ഇന്ത്യന്‍ അസോസിയേഷന്‍ പ്രസിഡന്റ് അഡ്വ. വൈ. എ. റഹീം, കെ. ബാലകൃഷ്ണന്‍, ഡയസ് ഇടിക്കുള, സലീം മുഹമ്മദ്, ബഷീര്‍ തിക്കോടി, ജി. ശ്രീകുമാര്‍, ടി. വി. ബാലചന്ദ്രന്‍, രാജീവ് കുമാര്‍, ഹരി എം, സലീം അയ്യനേത്ത് തുടങ്ങിയര്‍ സംബന്ധിച്ചു.

- കറസ്പോണ്ടന്‍റ്

വായിക്കുക: , , ,

Comments Off on അക്ഷര സദസ്സിന്റെ പ്രഥമ മാധ്യമ പുരസ്‌കാരം കെ. എ. ജബ്ബാരിക്ക് സമ്മാനിച്ചു

Page 211 of 219« First...102030...209210211212213...Last »

« Previous Page« Previous « ഐ. എം. സി. സി. വാര്‍ഷികം നവംബറില്‍
Next »Next Page » അബുദാബി വനിതാ കെ. എം. സി. സി. രൂപീകരിച്ചു »



ശാസ്ത്രജ്ഞർ കൃത്രിമ നേത്ര...
കേരളത്തില്‍ ജനിതകമാറ്റം വ...
ന്യൂട്ടന് വെല്ലുവിളിയുമായ...
ജപ്പാൻ ആണവ നിലയങ്ങൾ വീണ്ട...
ഇന്ത്യ പ്രവര്‍ത്തിക്കുന്ന...
സ്പെയിനിലെ ബാങ്കുകള്‍ നഷ്...
അതിരപ്പിള്ളി പദ്ധതിക്കായി...
ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മായാവതി ഉത്തര്‍പ്രദേശ്‌ വ...
ന്യൂമോണിയ : ശിശു മരണങ്ങള്...
മൈക്കള്‍ ജാക്സന്‍റെ മരണത്...
162 എം.പിമാര്‍ ക്രിമിനല്‍...
ഭക്ഷ്യവില കുതിക്കുന്നു, ജ...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha