ഇസ്‌ലാമിക് സെന്ററില്‍ പെരുന്നാള്‍ നിലാവ്

August 19th, 2012

kannur-shereef-in-perunnal-nilav-2012-ePathram
അബുദാബി : മാപ്പിളപ്പാട്ട് ഗാനശാഖ യിലെ മുന്‍ നിര ഗായകരായ കണ്ണൂര്‍ ഷെരീഫ്, സിന്ധു പ്രേംകുമാര്‍, കൈരളി സിംഗ് & വിന്‍ ഫെയിം പ്രശസ്ത ഗായിക സുമി അരവിന്ദ്‌, മൈലാഞ്ചി റിയാലിറ്റി ഷോ യിലൂടെ ശ്രദ്ധേയരായ നസീം നിലമ്പൂര്‍, ഫസീല ബാനു എന്നിവരും പങ്കെടുക്കുന്ന സംഗീത പരിപാടി “പെരുന്നാള്‍ നിലാവ് ” മൂന്നാം പെരുന്നാള്‍ ദിനമായ ആഗസ്റ്റ്‌ 21 ചൊവ്വാഴ്ച അബുദാബി ഇന്ത്യന്‍ ഇസ്‌ലാമിക് സെന്ററില്‍ അരങ്ങേറും. പ്രവേശനം പാസ്സു മൂലം നിയന്ത്രിക്കും.

വിവരങ്ങള്‍ക്ക് വിളിക്കുക : ഗഫൂര്‍ ഇടപ്പാള്‍ – 050 81 66 868
റഷീദ്‌ അയിരൂര്‍ – 050 491 52 41

- കറസ്പോണ്ടന്‍റ്

വായിക്കുക: ,

Comments Off on ഇസ്‌ലാമിക് സെന്ററില്‍ പെരുന്നാള്‍ നിലാവ്

ഒമാനിലും ഞായറാഴ്ച പെരുന്നാള്‍

August 19th, 2012

മസ്കത്ത് : ഒമാനിലെ വിവിധ പ്രദേശങ്ങളില്‍ ശനിയാഴ്ച വൈകുന്നേരം ശവ്വാല്‍ മാസ പ്പിറവി ദൃശ്യമായതിന്റെ അടിസ്ഥാന ത്തില്‍ ഞായറാഴ്ച ചെറിയ പെരുന്നാള്‍ ആയിരിക്കും എന്ന് മത കാര്യ വകുപ്പിന് കീഴിലെ മാസ പ്പിറവി നിരീക്ഷണ സമിതി അറിയിച്ചു.

മറ്റു ഗള്‍ഫ് രാജ്യ ങ്ങളില്‍ നിന്ന് വ്യത്യസ്തമായി ഒരു ദിവസം വൈകിയാണ് ഒമാനില്‍ റമദാന്‍ വ്രതം ആരംഭിച്ചത്. മറ്റ് ഗള്‍ഫ് രാജ്യങ്ങളില്‍ 30 ദിവസത്തെ വ്രതാനുഷ്ഠാന ത്തിന് അവസരം ലഭിച്ച പ്പോള്‍ കേരളത്തിലെന്ന പോലെ 29 ദിവസത്തെ വ്രതം പൂര്‍ത്തിയാക്കി യാണ് ഒമാനിലും പെരുന്നാള്‍ ആഘോഷിക്കുന്നത്.

- കറസ്പോണ്ടന്‍റ്

വായിക്കുക: , ,

Comments Off on ഒമാനിലും ഞായറാഴ്ച പെരുന്നാള്‍

ഗള്‍ഫില്‍ ഈദുല്‍ ഫിത്വര്‍ ഞായറാഴ്ച

August 18th, 2012

shaikh-zayed-masjid-ePathram
അബുദാബി : ഗള്‍ഫ്‌ രാജ്യങ്ങളില്‍ എങ്ങും വെള്ളിയാഴ്ച മാസപ്പിറവി ദൃശ്യമായ തായി വിശ്വാസ യോഗ്യമായ വിവരം ലഭിക്കാത്ത തിനാല്‍ ശനിയാഴ്ച റമദാന്‍ മുപ്പത് പൂര്‍ത്തിയാക്കി ഗള്‍ഫ് രാഷ്ട്രങ്ങള്‍ ആഗസ്റ്റ് 19 ഞായറാഴ്ച ഈദുല്‍ ഫിത്വര്‍ ആഘോഷിക്കും.

- കറസ്പോണ്ടന്‍റ്

വായിക്കുക: ,

Comments Off on ഗള്‍ഫില്‍ ഈദുല്‍ ഫിത്വര്‍ ഞായറാഴ്ച

സ്വാതന്ത്ര്യ ദിനം ആഘോഷിച്ചു

August 17th, 2012

indipendence-day-celebrations-in-indian-embassy-ePathram

അബുദാബി : യു. എ. ഇ. യിലെ ഇന്ത്യന്‍ സ്ഥാനപതി കാര്യാലയത്തിലും കോണ്‍സുലേറ്റിലും വിവിധ ഇന്ത്യന്‍ സംഘടന കളിലും വൈവിധ്യം നിറഞ്ഞ പരിപാടി കളോടെ സ്വാതന്ത്ര്യ ദിനം ആഘോഷിച്ചു.

indipendence-day-in-indian-embassy-2012-ePathram

അബുദാബി ഇന്ത്യന്‍ എംബസിയില്‍ അംബാസഡര്‍ എം. കെ. ലോകേഷ് ത്രിവര്‍ണ പതാക ഉയര്‍ത്തി. എംബസി ഓഡിറ്റോറിയ ത്തില്‍ നടന്ന സാംസ്‌കാരിക സമ്മേളന ത്തില്‍ എം. കെ. ലോകേഷ്, രാഷ്ട്രപതി പ്രണബ് കുമാര്‍ മുഖര്‍ജിയുടെ സ്വാതന്ത്ര്യ ദിന സന്ദേശം വായിച്ചു. തുടര്‍ന്ന് അബുദാബി ഇന്ത്യന്‍ സ്‌കൂള്‍, സെന്റ് ജോസഫ് സ്‌കൂള്‍ എന്നീ വിദ്യാലയ ങ്ങളിലെ കുട്ടികള്‍ ദേശഭക്തി ഗാനങ്ങളും നൃത്ത രൂപങ്ങളും അവതരിപ്പിച്ചു. പരിപാടി യില്‍ അബുദാബി യിലെ ഇന്ത്യന്‍ സമൂഹം പങ്കെടുത്തു.

- കറസ്പോണ്ടന്‍റ്

വായിക്കുക: , , ,

Comments Off on സ്വാതന്ത്ര്യ ദിനം ആഘോഷിച്ചു

ഇന്ത്യന്‍ ഇസ്‌ലാമിക് സെന്റര്‍ നാല്പതാം വാര്‍ഷികം ആഘോഷിക്കുന്നു

August 9th, 2012

indian-islamic-centre-40th-anniversary-logo-ePathramഅബുദാബി : മത സാമൂഹിക സാംസ്‌കാരിക രംഗത്ത് നാലു പതിറ്റാണ്ടായി പ്രവര്‍ത്തിക്കുന്ന അബുദാബി ഇന്ത്യന്‍ ഇസ്‌ലാമിക് സെന്റര്‍ അതി വിപുലമായ പരിപാടി കളോടെ നാല്പതാം വാര്‍ഷികം ആഘോഷിക്കുന്നു.

ഒരു വര്‍ഷം നീണ്ടു നില്‍ക്കുന്ന പരിപാടി കളുടെ ഉദ്ഘാടനം സപ്തംബര്‍ 7 വെള്ളിയാഴ്ച മലപ്പുറം ജില്ല യിലെ കോട്ടക്കല്‍ പി. എം. ഓഡിറ്റോറിയ ത്തില്‍ നടക്കും.

മുഖ്യമന്ത്രി ഉമ്മന്‍ചാണ്ടി, സയ്യിദ് ഹൈദരലി ശിഹാബ് തങ്ങള്‍, കേന്ദ്ര മന്ത്രി ഇ. അഹമ്മദ്, സംസ്ഥാന മന്ത്രിമാരായ പി. കെ. കുഞ്ഞാലിക്കുട്ടി, പി. കെ. അബ്ദുറബ്, എ. പി. അനില്‍ കുമാര്‍, എം. കെ. മുനീര്‍, മഞ്ഞാളം കുഴി അലി, പത്മശ്രീ എം. എ. യൂസുഫലി, ഇ. ടി. മുഹമ്മദ്ബഷീര്‍ എം. പി, അബ്ദുസമദ് സമദാനി എം. എല്‍. എ., അബ്ദു സമദ് പൂക്കോട്ടൂര്‍ തുടങ്ങിയവരും സാമൂഹിക സാംസ്‌കാരിക നായകരും പങ്കെടുക്കും.

ഉദ്ഘാടന സമ്മേളന ത്തില്‍ കഴിഞ്ഞ നാല്പതാണ്ടിനിടയ്ക്ക് വിവിധ ഘട്ടങ്ങളി ലായി സംഘടന യുടെ പ്രവര്‍ത്തന രംഗത്ത് നിസ്വാര്‍ത്ഥ സേവനം അനുഷ്ഠിച്ച് നാട്ടിലേക്ക് മടങ്ങിയ നൂറു കണക്കിന് പേര്‍ ഒത്തു കൂടും.

ഉദ്ഘാടന സമ്മേളന ത്തിനു പുറമേ നാട്ടിലും അബുദാബി യിലുമായി വൈവിധ്യ ങ്ങളായ പരിപാടി കളും സംഘടിപ്പിക്കും. ഇന്ത്യ യിലെയും അറബ് രാജ്യങ്ങളിലെയും ഉന്നതര്‍ പങ്കെടുക്കുന്ന ഇന്തോ – അറബ് സാംസ്‌കാരിക സംഗമം, മെമ്പേഴ്‌സ് മീറ്റ്, മഹല്ല് സംഗമം, അംഗ ങ്ങള്‍ക്കായി പ്രത്യേക സുരക്ഷാ പദ്ധതി തുടങ്ങിയ വിപുല മായ പരിപാടി കളാണ് നാല്പതാം വാര്‍ഷിക ത്തോട് അനുബന്ധിച്ച് ആസൂത്രണം ചെയ്തിട്ടുള്ളത്.

സാമ്പത്തി കമായി ഏറെ ബുദ്ധിമുട്ട് അനുഭവിക്കുന്ന 40 കുടുംബങ്ങളെ കണ്ടെത്തി അവര്‍ക്ക് നിത്യ വരുമാന മാര്‍ഗ്ഗ ത്തിനുള്ള പ്രത്യേക പദ്ധതി ഇസ്‌ലാമിക് സെന്റര്‍ ഇതിന്റെ ഭാഗമായി തയ്യാറാക്കുന്നുണ്ട്.

കാലിക്കറ്റ് യൂണിവേഴ്‌സിറ്റി യുടെ കീഴിലുള്ള വിദൂര വിദ്യാഭ്യാസ സെന്ററിന്റെ അംഗീകാര ത്തോടെ ബി. എ., ബി. കോം., എം. ബി. എ. എന്നീ ഡിഗ്രി – പി. ജി. കോഴ്‌സുകള്‍ ഈ കാലയളവില്‍ ഇസ്‌ലാമിക് സെന്ററില്‍ ആരംഭിക്കുന്നതാണ്.

ഇതിന്റെ അനുമതി കേരള വിദ്യാഭ്യാസ മന്ത്രിയില്‍ നിന്ന് ലഭിച്ചതായി ഇസ്‌ലാമിക് സെന്റര്‍ പ്രസിഡന്റ് പി. ബാവ ഹാജി വാര്‍ത്താ സമ്മേളന ത്തില്‍ പറഞ്ഞു.

രാജ്യത്തിന്റെ സാമൂഹിക സാംസ്‌കാരിക സേവന രംഗത്ത് മികച്ച സംഭാവന അര്‍പ്പിച്ച വ്യക്തിക്കുള്ള ഇസ്‌ലാമിക് സെന്റര്‍ അവാര്‍ഡ് നാല്പതാം വാര്‍ഷിക ആഘോഷ ത്തിന്റെ ഭാഗമായി ഏര്‍പ്പെടുത്തിയിട്ടുണ്ട്.

1972 ല്‍ വാടക കെട്ടിട ത്തില്‍ ആരംഭിച്ച അബുദാബി ഇന്ത്യന്‍ ഇസ്‌ലാമിക് സെന്റര്‍ ഇന്ന് പ്രവാസി സംഘടനാ രംഗത്തെ ഏറ്റവും ശ്രദ്ധേയമായ പ്രസ്ഥാന ങ്ങളില്‍ ഒന്നാണ്.

യു. എ. ഇ. യുടെ രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്‌യാന്‍ സൗജന്യ ഭൂമി നല്കുകയും 1981 മെയ് 12 ന് അന്നത്തെ ഇന്ത്യന്‍ പ്രധാനമന്ത്രി ഇന്ദിരാ ഗാന്ധി തറക്കല്ലിടുകയും മുന്‍ രാഷ്ട്രപതി പ്രതിഭാ പാട്ടീല്‍ ഉദ്ഘാടന കര്‍മം നിര്‍വ്വഹിക്കുകയും ചെയ്ത സംഘടന യുടെ ആസ്ഥാന മന്ദിര ചരിത്രം അബുദാബി ഇന്ത്യന്‍ ഇസ്‌ലാമിക് സെന്ററിനു മാത്രം അവകാശപ്പെട്ടതാണ്.

islamic-center-40th-anniversary-press-meet-ePathram

പൊതു രംഗത്ത് സെന്റര്‍ നടത്തി ക്കൊണ്ടിരിക്കുന്ന സേവനങ്ങള്‍ നിരവധി കുടുംബ ങ്ങള്‍ക്ക് ജീവിത സാഫല്യത്തിന് തുണയായി മാറിയിട്ടുണ്ട്. സാമ്പത്തിക പരാധീനത മൂലം വിദ്യാഭ്യാസം തടസ്സപ്പെട്ട നിരവധി വിദ്യാര്‍ത്ഥി കളെ സെന്ററിന്റെ സാമ്പത്തിക സഹായം കൊണ്ട് ഉന്നത പ്രൊഫഷണ ലുകള്‍ ആക്കി വളര്‍ത്തി എടുക്കുവാന്‍ കഴിഞ്ഞിട്ടുണ്ട് എന്നുള്ളതും ശ്രദ്ധേയമായ നേട്ടമാണെന്ന് ഭാരവാഹികളായ പി. ബാവഹാജി, എം. പി. എം. റഷീദ്, ശുക്കുറലി കല്ലുങ്ങല്‍, ശാദുലി വളക്കൈ, മൊയ്തു ഹാജി കടന്നപ്പള്ളി, വി. ഉസ്മാന്‍ ഹാജി, സയ്യിദ്‌ അബ്ദു റഹിമാന്‍ തങ്ങള്‍ എന്നിവര്‍ വാര്‍ത്താ സമ്മേളന ത്തില്‍ പറഞ്ഞു.

- കറസ്പോണ്ടന്‍റ്

വായിക്കുക: , , , , , ,

Comments Off on ഇന്ത്യന്‍ ഇസ്‌ലാമിക് സെന്റര്‍ നാല്പതാം വാര്‍ഷികം ആഘോഷിക്കുന്നു

Page 123 of 124« First...102030...120121122123124

« Previous Page« Previous « അബുദാബിയില്‍ ആന്റിക് മ്യൂസിയം : ഉദ്ഘാടനം വെള്ളിയാഴ്​ച
Next »Next Page » നായകന്റെ സ്മരണയില്‍ രാജ്യം »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha