ഗാന്ധിയന്‍ ദര്‍ശനം ലോകം മുഴുവന്‍ വ്യാപിക്കും : ജി. കാര്‍ത്തികേയന്‍

October 7th, 2013

karthikeyan-speaker-of-kerala-in-abudhabi-ePathram
അബുദാബി : സത്യ ത്തിലും അഹിംസ യിലും അധിഷ്ഠിത മായ സാമൂഹിക വ്യവസ്ഥിതി നിലവില്‍ വരുത്തുക യായിരുന്നു മഹാത്മാ ഗാന്ധിയുടെ ജീവിത ദൌത്യം എന്ന്‍ കേരള നിയമ സഭാ സ്പീക്കര്‍ ജി. കാര്‍ത്തികേയന്‍ പറഞ്ഞു.

ഇന്ത്യന്‍ മീഡിയ അബുദാബി യുടെ ആഭിമുഖ്യ ത്തില്‍ ഗാന്ധി ജയന്തിയോട് അനുബന്ധിച്ച് നടന്ന അന്താരാഷ്ട്ര സമാധാന ദിന പരിപാടികളുടെ സമാപന സമ്മേളന ത്തില്‍ സംസാരിക്കുക യായിരുന്നു അദ്ദേഹം.

ഗാന്ധി വിഭാവനം ചെയ്ത വ്യവസ്ഥിതി ഹിംസാ ശക്തിയിലൂടെയോ അധികാര ശക്തി യിലൂടെയോ സാധ്യമാകുകയില്ല. മൂന്നാം ശക്തി യായ ജനശക്തിക്ക് മാത്രമാണ് ഗാന്ധി യുടെ വ്യവസ്ഥിതി പ്രാവര്‍ത്തിക മാക്കാന്‍ കഴിയുകയുള്ളൂ വെന്നും അദ്ദേഹം പറഞ്ഞു.

ഗാന്ധിയന്‍ ആദര്‍ശ ത്തിന് ഓരോ തലമുറകള്‍ പിന്നിടുമ്പോഴും പ്രസക്തി കൂടിക്കൂടി വരികയാണ്. അക്രമങ്ങളും അരാജക വാദവും അരങ്ങു വാഴുന്ന ഇന്നത്തെ സാമൂഹിക അവസ്ഥയില്‍ ഗാന്ധിയന്‍ സിദ്ധാന്തം എത്രമാത്രം പ്രസക്ത മായതാണെന്ന് ഏവര്‍ക്കും മനസ്സിലാകും. അതിലേക്ക് ഒരു മടങ്ങിപ്പോക്ക് ആവശ്യമായി വരുന്നു.

മജ്ജയും മാംസവുംകൊണ്ട് നിര്‍മിത മായ ഒരു ശരീര ത്തില്‍ ഇത്തരമൊരു മനസ്സും മനുഷ്യനും ജീവിച്ചിരുന്നു എന്ന് വരും തലമുറ കളോട് പറഞ്ഞാല്‍ അവര്‍ക്ക് അത് അംഗീകരിക്കാന്‍ പോലുമാവില്ല എന്ന പ്രസക്ത വാചകം ഗാന്ധി എന്ന വ്യക്തിയുടെ അതിമാനുഷിക മായ അന്തര്‍ലീന മായ ശക്തി വെളിപ്പെടുത്തുന്ന വയാണ്.

നെല്‍സണ്‍ മണ്ടേല എന്ന ലോകം കണ്ട വ്യക്തിത്വം തന്റെ ഗുരുനാഥനായി കണക്കാക്കുന്ന നമ്മുടെ രാഷ്ട്ര പിതാവിന്റെ ആദര്‍ശങ്ങളും ചിന്തകളും ലോകം മുഴുവന്‍ വരുംകാല ങ്ങളില്‍ വ്യാപിക്കും എന്നതിന് ഒരു സംശയവുമില്ല എന്നും ജി. കാര്‍ത്തികേയന്‍ പറഞ്ഞു.

ടി. എ. അബ്ദുള്‍ സമദ്, അനില്‍ സി. ഇടിക്കുള, ഡോ. ഷബീര്‍ നെല്ലിക്കോട്, വി. ടി. വി. ദാമോദരന്‍, മൊയ്തു ഹാജി കടന്നപ്പള്ളി, ഷിബു വര്‍ഗീസ് തുടങ്ങിയവര്‍ പങ്കെടുത്തു.

indian-media-abu-dhabi-gandhi-jayanthi-celebration-epathram

തുടര്‍ന്ന് അബുദാബി യിലെ ഇന്ത്യന്‍ സ്‌കൂളുകളിലെ വിദ്യാര്‍ഥികളുടെ വിവിധ കലാ പരിപാടികളും അബുദാബി ഗാന്ധി സാഹിത്യ വേദി അവതരി പ്പിച്ച മഹാത്മ എന്ന ചിത്രീകരണവും അരങ്ങേറി.

- കറസ്പോണ്ടന്റ്

വായിക്കുക: , ,

Comments Off on ഗാന്ധിയന്‍ ദര്‍ശനം ലോകം മുഴുവന്‍ വ്യാപിക്കും : ജി. കാര്‍ത്തികേയന്‍

സമാധാന പൂര്‍ണമായ ലോകം സാദ്ധ്യമാകും എന്ന്‍ ഗാന്ധിജി യുടെ ജീവിതം പഠിപ്പിച്ചു : ശൈഖ് നഹ്യാന്‍

October 5th, 2013

sheikh-nahyan-bin-mubarak-al-nehyan-inaugurate-international-day-of-non-violence-ePathram
അബുദാബി : സമാധാന പൂര്‍ണ മായ ലോകം സാദ്ധ്യമാകും എന്ന്‍ മഹാത്മാ ഗാന്ധിയുടെ ജീവിതം നമ്മെ പഠിപ്പി ച്ചതായി യു. എ. ഇ. സാംസ്‌കാരിക യുവ ജന സാമൂഹിക വികസന മന്ത്രി ശൈഖ് നഹ്യാന്‍ ബിന്‍ മുബാറക് ആല്‍ നഹ്യാന്‍ പറഞ്ഞു. അക്രമ രഹിത മായ ലോക ത്തിനായാണ് ഗാന്ധി പ്രയത്നിച്ചത്. വിജയിച്ച സമൂഹ ങ്ങളെ സംഭാവന ചെയ്ത മഹത് വ്യക്തിത്വമാണ് ഗാന്ധിജി.

അക്രമ രാഹിത്യം എന്ന പ്രത്യയ ശാസ്ത്രവും ഗാന്ധിജി യാണ് ലോക ത്തിന് സമ്മാനിച്ചത് എന്ന് അദ്ദേഹം പറഞ്ഞു. അബുദാബി ഇന്ത്യന്‍ ഇസ്ലാമിക് സെന്‍ററില്‍ ഇന്ത്യന്‍ മീഡിയ അബൂദബി ഗാന്ധി ജയന്തി യുടെ ഭാഗമായി സംഘടിപ്പിച്ച അന്താരാഷ്ട്ര സമാധാന ദിന ആഘോഷ ങ്ങള്‍ ഉദ്ഘാടനം ചെയ്യുക യായിരുന്നു ശൈഖ് നഹ്യാന്‍.

അന്താരാഷ്ട്ര സമാധാന ദിനം നാം ആഘോഷിക്കു മ്പോഴും യഥാര്‍ഥ ത്തില്‍ ലോകത്ത് സമാധാനം അനുഭവപ്പെടുന്നില്ല എന്നു നമുക്കറിയാം. ഐക്യ രാഷ്ട്ര സഭയും നമ്മളെല്ലാവരും സമാധാനം നിറഞ്ഞ ലോകം സ്വപ്നം കണ്ടു കൊണ്ടിരിക്കുക യാണ്. ഖദര്‍ധാരിയായ ഒരു മനുഷ്യന്‍ സ്വപ്നങ്ങള്‍ യാഥാര്‍ഥ്യ മാകുമെന്ന് നമ്മെ പഠിപ്പിച്ചിട്ടുണ്ട്. അദ്ദേഹ ത്തിന്‍െറ ജന്‍മദിന ത്തിന്‍െറ ഭാഗ മായാണ് നാമെല്ലാം അന്താ രാഷ്ട്ര സമാധാന ദിനം ആചരിക്കുന്നത്. അക്രമ രാഹിത്യ ലോക ത്തിനായുള്ള പ്രവര്‍ത്തന ങ്ങള്‍ ഇപ്പോഴും താന്‍ ബാക്കി വെച്ചു പോയ ജീവിത ത്തിലൂടെ ഗാന്ധിജി തുടര്‍ന്നു കൊണ്ടിരിക്കുക യാണെന്നും ശൈഖ് നഹ്യാന്‍ പറഞ്ഞു.

ഓരോ ഇന്ത്യ ക്കാരനെയും ഇംഗ്ളീഷു കാരനെയും ലോക ത്തെ മുഴുവനായും അക്രമ രാഹിത്യ ത്തിലേക്ക് പരി വര്‍ത്തനം ചെയ്യിക്ക ലാണ് തന്‍െറ ദൗത്യമെന്ന ഗാന്ധി യുടെ വാക്കുകള്‍ ഉദ്ധരിച്ചുള്ള ശൈഖ് നഹ്യാന്‍െറ പ്രസംഗം തിങ്ങി നിറഞ്ഞ സദസ്സ് കൈയടി യോടെയാണ് സ്വീകരിച്ചത്. സത്യ സന്ധതയും മനുഷ്യത്വവും ക്ഷമയും സ്നേഹവും നിറഞ്ഞ ലോക ത്തിന് വേണ്ടി യായിരുന്നു ഗാന്ധി പ്രവര്‍ത്തിച്ചത്.

യു. എ. ഇ. യില്‍ നമ്മളെല്ലാം സുരക്ഷിത രാണ്. ലോക ത്തിന്‍െറ പല ഭാഗ ങ്ങളിലും അക്രമങ്ങള്‍ അരങ്ങേറുമ്പോഴും യു. എ. ഇ. യില്‍ അവക്ക് സ്ഥാനമില്ല. അക്രമ രാഹിത്യ സമൂഹം ഒരു നിധി യായാണ് നാമെല്ലാം മനസ്സി ലാക്കുന്നത്. യു. എ. ഇ. യുടെ രാഷ്ട്ര പിതാവായ ശൈഖ് സായിദ് ബിന്‍ സുല്‍ത്താന്‍ ആല്‍ നഹ്യാന്‍ സമാധാന പൂര്‍ണമായ ലോക ത്തിനായാണ് പ്രവര്‍ത്തിച്ചിരുന്നത്. സംഘട്ടന ങ്ങള്‍ക്കും യുദ്ധ ങ്ങള്‍ക്കും നശീകരണ ത്തിനും ബദലായി ക്ഷമയും ആര്‍ദ്രതയും സംഭാഷണ വുമാണ് ഓരോ രാജ്യ നേതാവും പാലിക്കേണ്ട ത് എന്നായിരുന്നു ശൈഖ് സായിദ് പറഞ്ഞി രുന്നത്.

സത്യ സന്ധതയും വിനയവും ക്ഷമയും സ്‌നേഹവും നിറഞ്ഞ സമൂഹത്തെ നിലനിര്‍ത്താനും പരി പോഷിപ്പി ക്കാനും വേണ്ടി യു. എ. ഇ. പ്രസിഡന്‍റ് ശൈഖ് ഖലീഫ ബിന്‍ സായിദ് ആല്‍ നഹ്യാന്‍, വൈസ് പ്രസിഡന്റും പ്രധാന മന്ത്രിയും ദുബായ് ഭരണാധി കാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം, അബുദാബി കിരീടാവ കാശിയും യു. എ. ഇ. സായുധ സേനാ ഡെപ്യൂട്ടി സുപ്രീം കമാന്‍ഡറുമായ ജനറല്‍ ശൈഖ് മുഹമ്മദ് ബിന്‍ സായിദ് ആല്‍ നഹ്യാന്‍ എന്നിവരുടെ നേതൃത്വ ത്തില്‍ ശക്തമായ പ്രവര്‍ത്ത നങ്ങളോടെ മുന്നോട്ടു പോകുക യാണെന്നും അദ്ദേഹം പറഞ്ഞു.

ഗാന്ധി ജയന്തി യോട് അനുബന്ധിച്ച് അന്താരാഷ്ട്ര സമാധാന ദിനാ ചരണ ചടങ്ങ് സംഘടിപ്പിച്ച ഇന്ത്യന്‍ മീഡിയ അബുദാബി, ഇസ്ലാമിക് സെന്റര്‍, ഗാന്ധി സാഹിത്യ വേദി, ഇന്ത്യന്‍ എംബസി കള്‍ച്ചറല്‍ വിഭാഗം എന്നിവ യെയും അദ്ദേഹം അഭിനന്ദിച്ചു.

കേരള നിയമ സഭാ സ്പീക്കര്‍ ജി. കാര്‍ത്തികേയന്‍ ചടങ്ങില്‍ സംബന്ധിച്ചു.

- കറസ്പോണ്ടന്റ്

വായിക്കുക: , , , ,

Comments Off on സമാധാന പൂര്‍ണമായ ലോകം സാദ്ധ്യമാകും എന്ന്‍ ഗാന്ധിജി യുടെ ജീവിതം പഠിപ്പിച്ചു : ശൈഖ് നഹ്യാന്‍

ഗാന്ധി ജയന്തി ആഘോഷങ്ങള്‍ ശ്രദ്ധേയമായി

October 3rd, 2013

gandhi-jayanti-celebrations-in-model-school-ePathram
അബുദാബി : ഭാരത ത്തിന്റെ രാഷ്ട്ര പിതാവായ മഹാത്മാ ഗാന്ധി യുടെ ജന്മ ദിനം അബുദാബി മുസ്സഫ യിലെ മോഡല്‍ സ്കൂളില്‍ വിവിധ പരിപാടി കളോടെ ആഘോഷിച്ചു.

ദിശാ ബോധം നഷ്ടപ്പെട്ട ആധുനിക ജനതയ്ക്ക് ഗാന്ധിജി യുടെ ജീവിതവും ആദര്‍ശ ങ്ങളും മാതൃക ആവേണ്ടതാണ് എന്ന് പരിപാടികള്‍ ഉല്‍ഘാടനം ചെയ്ത സ്കൂള്‍ പ്രിന്‍സിപ്പല്‍ ഡോ. വി. വി. അബ്ദുല്‍ ഖാദര്‍ പറഞ്ഞു.

കുട്ടി കളില്‍ ദേശീയ ബോധവും രാഷ്ട്ര സ്നേഹവും വളര്‍ ത്തു വാനും ഭാരത ത്തിന്റെ മാത്രം പ്രത്യേകത യായ നാനാത്വത്തില്‍ ഏകത്വം എന്ന സന്ദേശം വളര്‍ന്നു വരുന്ന തലമുറ യിലേക്ക് പകര്‍ന്നു നല്‍കു വാനും ഉതകുന്ന രീതി യിലാണ് സ്കൂള്‍ അധികൃതര്‍ ഗാന്ധി ജയന്തി ദിനാഘോഷം ഒരുക്കിയത്.

ഗാന്ധി സ്മൃതി, ഗാന്ധി യുടെ ജീവിതം ഒറ്റ നോട്ടത്തില്‍ എന്നീ ശീര്‍ഷക ങ്ങളിലായി ചിത്രീകരണങ്ങള്‍, ദേശ ഭക്തി ഗാനങ്ങള്‍, സംഘ നൃത്തം, ഗാന്ധിജി യുടെ ജീവിത വുമായി ബന്ധപ്പെട്ട ക്വിസ്‌ മല്‍സര ങ്ങള്‍ തുടങ്ങിയവയും കുട്ടി കളുടെ നേതൃത്വ ത്തില്‍ അവതരിപ്പിച്ചു.

വൈസ്‌ പ്രിന്‍സിപ്പല്‍ മുഹമ്മദ്‌ ശരീഫ്‌, ഹെഡ്‌ മാസ്റ്റര്‍ ഐ. ജെ. നസാരി, അസിസ്റ്റന്റ്‌ ഹെഡ്‌ മാസ്റ്റര്‍ കെ. വി. റഷീദ്‌ എന്നിവര്‍ സംസാരിച്ചു.

- കറസ്പോണ്ടന്റ്

വായിക്കുക: ,

Comments Off on ഗാന്ധി ജയന്തി ആഘോഷങ്ങള്‍ ശ്രദ്ധേയമായി

രാജ്യാന്തര അഹിംസാ ദിന ആചരണം : ശൈഖ് നഹ്യാന്‍ ബിന്‍ മുബാറക്‌ അല്‍ നഹ്യാന്‍ ഉല്‍ഘാടനം ചെയ്യും

September 30th, 2013

indian-media-celebration-of-non-violence-day-in-abudhabi-ePathram
അബുദാബി : മഹാത്മാ ഗാന്ധിയുടെ ജന്മദിനം രാജ്യാന്തര അഹിംസാ ദിനമായി ആചരിക്കുന്നതിന്റെ ഭാഗമായി ഇന്ത്യന്‍ മീഡിയ അബുദാബി യുടെ നേതൃത്വ ത്തില്‍ സംഘടി പ്പിക്കുന്ന പരിപാടികള്‍ യു. എ. ഇ. യുവജന സാമൂഹിക കാര്യ മന്ത്രി ശൈഖ് നഹ്യാന്‍ ബിന്‍ മുബാറക്‌ അല്‍ നഹ്യാന്‍ ഉല്‍ഘാടനം ചെയ്യും.

ഇന്ത്യന്‍ എംബസി സാംസ്കാരിക വിഭാഗം, ഇന്ത്യന്‍ ഇസ്ലാമിക് സെന്റര്‍, ഗാന്ധി സാഹിത്യവേദി എന്നിവ യുമായി സഹകരിച്ചു ഇന്ത്യന്‍ മീഡിയ അബുദാബി ഒക്ടോബര്‍ നാലിന് ഇന്ത്യന്‍ ഇസ്ലാമിക് സെന്ററിലാണ് രാജ്യാന്തര അഹിംസാ ദിനം ആചരിക്കു ന്നത് .

ശൈഖ് നഹ്യാന്‍ ബിന്‍ മുബാറഖ് അല്‍ നഹ്യാന്‍ രാവിലെ 10. 30 ന് രാജ്യാന്തര അഹിംസാ ദിന സമ്മേളനം ഉദ്ഘാടനം ചെയ്യും. തുടർന്ന് ഇന്ത്യന്‍ മീഡിയ അബുദാബി യുടെ യുടെ പുതിയ ലോഗോ പ്രകാശനവും അദ്ദേഹം നിര്‍വ്വഹിക്കും. ഇന്ത്യന്‍ സ്ഥാനപതി എം. കെ. ലോകേഷ്, കേരള നിയമസഭാ സ്പീക്കര്‍ ജി. കാര്‍ത്തികേയന്‍ എന്നിവരും ചടങ്ങില്‍ സംബന്ധിക്കും.

വിദ്യാര്‍ഥി കള്‍ക്കായി ചിത്ര രചനാ – പെയിന്റിംഗ്, ഇന്റര്‍ സ്കൂള്‍ ക്വിസ് മല്‍സരങ്ങളും, മഹാത്മാ ഗാന്ധിയുടെ പേരില്‍ വിവിധ രാജ്യങ്ങള്‍ പുറത്തിറക്കിയ സ്റ്റാമ്പു കളുടെ പ്രദര്‍ശനവും സ്വാതന്ത്ര്യ സമര വുമായി ബന്ധപ്പെട്ട ചിത്ര പ്രദര്‍ശനവും നടക്കും.

വൈകുന്നേരം 7മണിക്ക് സംഘടിപ്പിക്കുന്ന പൊതു സമ്മേളനം നിയമസഭാ സ്പീക്കര്‍ ജി. കാര്‍ത്തികേയന്‍ ഉല്‍ഘാടനം ചെയ്തു ഗാന്ധി അനുസ്മരണ പ്രഭാഷണം നടത്തും.

പരിപാടിയെ കുറിച്ചു വിശദീകരിക്കാന്‍ വിളിച്ചു ചേര്‍ത്ത വാര്‍ത്താ സമ്മേളന ത്തില്‍ ഇന്ത്യന്‍ മീഡിയ അബുദാബി പ്രസിഡന്റ് ടി. എ. അബ്ദുല്‍ സമദ്‌, ജനറല്‍ സെക്രട്ടറി അനില്‍ സി. ഇടിക്കുള, മറ്റു ഭാരവാഹികള്‍, ഇസ്ലാമിക്‌ സെന്റര്‍ പ്രസിഡന്റ് പി. ബാവാ ഹാജി, ഡോ. ഷെബീര്‍ നെല്ലിക്കോട്, വി. ടി. വി. ദാമോദരന്‍ തുടങ്ങിയവര്‍ സംബന്ധിച്ചു.

- കറസ്പോണ്ടന്റ്

വായിക്കുക: , , , ,

Comments Off on രാജ്യാന്തര അഹിംസാ ദിന ആചരണം : ശൈഖ് നഹ്യാന്‍ ബിന്‍ മുബാറക്‌ അല്‍ നഹ്യാന്‍ ഉല്‍ഘാടനം ചെയ്യും

സേവനം ഓണാഘോഷം വെള്ളിയാഴ്ച ഐ. എസ്. സി. യില്‍

September 30th, 2013

sevanam-abu-dhabi-onam-2013-press-meet-ePathram
അബുദാബി : സേവനം അബുദാബി യൂനിയന്‍ സംഘടിപ്പിക്കുന്ന ഓണാഘോഷം ഇന്ത്യ സോഷ്യല്‍ ആന്‍റ് കള്‍ച്ചറല്‍ സെന്‍ററില്‍ വെള്ളിയാഴ്ച രാവിലെ 9 മണിക്ക് നടക്കുന്ന രംഗ പൂജയോടെ ആരംഭിക്കും.

ആഘോഷ ത്തിന്‍െറ ഭാഗമായി നടക്കുന്ന സാംസ്കാരിക സമ്മേളനം കേന്ദ്ര സഹ മന്ത്രി കൊടിക്കുന്നില്‍ സുരേഷ് ഉദ്ഘാടനം ചെയ്യും. എം. എ. യൂസുഫലി മുഖ്യാതിഥി ആയിരിക്കും.

എസ്. എന്‍. ഡി. പി. യോഗം വൈസ് പ്രസിഡന്‍റ് തുഷാര്‍ വെള്ളാപ്പള്ളി മുഖ്യ പ്രഭാഷണം നടത്തും. സ്വാമി ഋതംബരാനന്ദ, ഫാദര്‍. ജോസ് ചെമ്മനം തുടങ്ങിയവര്‍ ചടങ്ങില്‍ പങ്കെടുക്കും. മാവേലി എഴുന്നള്ളത്ത്, ഘോഷയാത്ര, താലപ്പൊലി, പുലിക്കളി, തിരുവാതിര ക്കളി, വിവിധ നൃത്തങ്ങള്‍, ഗാനമേള, മിമിക്രി തുടങ്ങിയ വിവിധ പരിപാടികളും അരങ്ങേറും.

നാട്ടില്‍ നിന്ന് വരുന്ന പ്രമുഖ പാചക വിദഗ്ദന്‍ കൃഷ്ണന്‍ ഒരുക്കുന്ന ഓണ സദ്യയും ഉണ്ടാകും. 3000ഓളം പേര്‍ക്കുള്ള സദ്യയാണ് ഒരുക്കുന്ന തെന്ന് അബുദാബി യില്‍ നടത്തിയ വാര്‍ത്താ സമ്മേളന ത്തില്‍ സേവനം ഭാരവാഹികള്‍ അറിയിച്ചു.

പ്രസിഡന്‍റ് കെ. കെ. രമണന്‍, സെക്രട്ടറി ജി. കെ. മോഹനന്‍, പ്രോഗ്രാം കണ്‍വീനര്‍ യേശു ശീലന്‍, പ്രായോജ കരായ വി. എസ്. തമ്പി, ബിനീഷ് ബാബു എന്നിവര്‍ വാര്‍ത്താ സമ്മേളന ത്തില്‍ പങ്കെടുത്തു.

- കറസ്പോണ്ടന്റ്

വായിക്കുക: , ,

Comments Off on സേവനം ഓണാഘോഷം വെള്ളിയാഴ്ച ഐ. എസ്. സി. യില്‍

Page 128 of 133« First...102030...126127128129130...Last »

« Previous Page« Previous « നാസര്‍ പരദേശിയെ ആദരിച്ചു
Next »Next Page » രാജ്യാന്തര അഹിംസാ ദിന ആചരണം : ശൈഖ് നഹ്യാന്‍ ബിന്‍ മുബാറക്‌ അല്‍ നഹ്യാന്‍ ഉല്‍ഘാടനം ചെയ്യും »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha