ദല കേരളോത്സവം : ബലിപെരുന്നാള്‍ ഒന്ന് രണ്ട് ദിനങ്ങളില്‍

October 24th, 2012

dala-dubai-keralolsavam-ePathram
ദുബായ് : യു. എ. ഇ. എക്സ്ചേഞ്ച് സമര്‍പ്പിക്കുന്ന ദല കേരളോത്സവം ബലി പെരുന്നാള്‍ ഒന്ന് രണ്ട് ദിനങ്ങളില്‍ അരങ്ങേറുന്നു (ഒക്ടോബര്‍ 26, 27) മംസാര്‍ അല്‍ മുല്ല പ്ലാസയ്ക്ക് സമീപമുള്ള ദുബായ് ഫോക് ലോര്‍ തീയേറ്റര്‍ ഗ്രൌണ്ടില്‍ കൊടിയേറുന്ന

കേരളീയ കലാ പൈതൃക ത്തിന്റെ അകം പൊരുളു കളെയും സമ്പന്നമായ സാംസ്കാരിക പാരമ്പര്യത്തെയും വിളിച്ചറിയിക്കുന്ന ഒരു ഗ്രാമോത്സവത്തെ അതിന്റെ ചാരുത ഒട്ടും ചോര്‍ന്ന് പോകാതെ പ്രവാസ മണ്ണിലും പുനരാവിഷ്കരി ക്കുന്നതാണ് ദല കേരളോത്സവം. നാടിന്റെ ഈ സാംസ്കാരിക പൈതൃകം അതിന്റെ നിറപ്പകിട്ടോടെ മനസ്സില്‍ സൂക്ഷിക്കുന്ന മുതിര്‍ന്ന വര്‍ക്കും നാടന്‍ കലകളും നാട്ടുത്സവ ങ്ങളും കാണാത്ത ഇളം തലമുറക്കും ഒരേ പോലെ ഇതൊക്കെ കാണാനും ആസ്വദിക്കാനും ലഭിക്കുന്ന അപൂര്‍‌വ്വ അവസരമാണിത്.

dala-keralolsavam-epathram

ഒരു നാട്ടുത്സവ ത്തിന്റെ സമസ്ത വൈവിധ്യങ്ങളും പകര്‍ന്നു നല്‍കുന്ന വില്പന സ്റ്റാളുകള്‍, ഭക്ഷണ ശാലകള്‍, സൈക്കിള്‍ യജ്ഞം, ആയോധന കലകള്‍, വിനോദ കേളികള്‍ മുതലായവയ്ക്ക് പുറമേ പഞ്ചവാദ്യം, തായമ്പക, ആന, കാവടിയാട്ടം, തെയ്യം, തിറ, കാളി, കാളകളി, പരിചമുട്ടു കളി തുടങി നിരവധി നാടന്‍ കലാരൂപങ്ങള്‍ അണി നിരത്തി ക്കൊണ്ടൂള്ള അതി വിപുലമായ സാംസ്കാരിക ഘോഷയാത്രയും നാടന്‍ കലകള്‍, പെണ്‍കുട്ടികള്‍ അണീ നിരക്കുന്ന ദലയുടെ ശിങ്കാരി മേളം, ഒപ്പന, മാര്‍ഗ്ഗം കളി, തിരുവാതിര, മാപ്പിളപ്പാട്ട്, നാടന്‍ പാട്ടുകള്‍ ഗ്രൂപ്പ് ഡാന്‍സുകള്‍, കോല്‍ക്കളി, ദഫ് മുട്ട്, ഓട്ടം തുള്ളല്‍, തുടങ്ങി കേരള ത്തിന്റെ കലാ മഹിമ വിളിച്ചറിയിക്കുന്ന നിരവധി കലാ പരിപാടികളും ഉണ്ടായിരിക്കും.

കേരളോത്സവ ത്തിന്റെ മറ്റൊരു പ്രത്യേകത, അവയവ ദാനത്തിനു ആഗ്രഹിക്കുന്നവര്‍ക്ക് അവരുടെ പേര്‍ രജിസ്റ്റര്‍ ചെയ്യുന്നതിന് പ്രത്യേക കൌണ്ടര്‍ ഉത്സവ നഗരി യില്‍ ഉണ്ടായിരിക്കും.

കൂടാതെ കേരള ത്തിന്റെ ചരിത്രവും പോരാട്ട ത്തിന്റെ നാള്‍ വഴികളും പുതു തലമുറയ്ക്കും പകര്‍ന്നു നല്‍കാന്‍ ഉതകുന്ന തരത്തില്‍ ആവിഷ്കരിച്ചിട്ടുള്ള ചിത്ര പ്രദര്‍ശനവും ഈ വര്‍ഷത്തെ സവിശേഷതയാണ്.

യു. എ. ഇ. എക്സ്ചേഞ്ച് – ദല കേരളോത്സവം അരങ്ങേറുന്ന ഉത്സവ പറമ്പിലേക്ക് പ്രവേശനം സൗജന്യമാണ്‌.

-അയച്ചു തന്നത് : നാരായണന്‍ വെളിയംകോട്

- കറസ്പോണ്ടന്‍റ്

വായിക്കുക: , , ,

Comments Off on ദല കേരളോത്സവം : ബലിപെരുന്നാള്‍ ഒന്ന് രണ്ട് ദിനങ്ങളില്‍

ഈദ്‌ ഇശല്‍ നൈറ്റ്‌ : മൂന്നാം പെരുന്നാളിന്

October 24th, 2012

ishal-emirates-eid-ishal -2012-poster-release-ePathram
അബുദാബി : ബലി പെരുന്നാള്‍ ആഘോഷങ്ങളുടെ ഭാഗമായി അബുദാബി ഇശല്‍ എമിറേറ്റ്സ് അവതരിപ്പിക്കുന്ന ‘ഈദ്‌ ഇശല്‍ നൈറ്റ്‌’ മൂന്നാം പെരുന്നാള്‍ ദിനമായ ഒക്ടോബര്‍ 28 ഞായറാഴ്ച ഇന്ത്യന്‍ ഇസ്ലാമിക്‌ സെന്ററില്‍ അരങ്ങേറും.

ഇശല്‍ മര്‍ഹബ എന്ന സ്റ്റേജ് ഷോ യുടെ വിജയ ത്തിന് ശേഷം ഇശല്‍ എമിറേറ്റ്സ് ഒരുക്കുന്ന ഈ പരിപാടി യില്‍ പ്രശസ്ത പിന്നണി ഗായകരായ അന്‍വര്‍ സാദത്ത്‌, ദുര്‍ഗ്ഗ വിശ്വനാഥ്, മാപ്പിളപ്പാട്ടു ഗായകരായ കണ്ണൂര്‍ സീനത്ത്‌, അഷ്‌റഫ്‌ പയ്യന്നൂര്‍, യുവ ഫെയിം മന്‍സൂര്‍ എന്നിവരും പ്രവാസി ഗായകനായ ബഷീര്‍ തിക്കോടിയും പങ്കെടുക്കും.

eid-ishal-night-2012-by-ishal-emirates-ePathram

വോഡാഫോണ്‍ കോമഡി ഷോ യിലൂടെ ശ്രദ്ധേയരായ ടീം ഫോര്‍ സ്റ്റാര്‍സ് കലാകാരന്‍മാര്‍ അവതരിപ്പിക്കുന്ന മിമിക്സ് പരേഡ്‌, നൃത്ത നൃത്ത്യങ്ങള്‍, സിനിമാറ്റിക് ഡാന്‍സ്‌, ഒപ്പന എന്നിവയും അരങ്ങിലെത്തും. പ്രവേശനം പാസ്സ് മൂലം നിയന്ത്രിക്കും.

വിവരങ്ങള്‍ക്ക് വിളിക്കുക : നവാസ്‌ കുറ്റ്യാടി : 055 561 88 44 – 050 268 79 57

- കറസ്പോണ്ടന്‍റ്

വായിക്കുക: ,

Comments Off on ഈദ്‌ ഇശല്‍ നൈറ്റ്‌ : മൂന്നാം പെരുന്നാളിന്

പുല്ലൂറ്റ് അസോസിയേഷന്‍ ഈദ് – ഓണം സംഗമം ദുബായില്‍

October 22nd, 2012

ദുബായ് : കൊടുങ്ങല്ലൂര്‍ പുല്ലുറ്റ് ഗ്രാമ പ്രവാസികളുടെ കൂട്ടായ്മ യു. എ. ഇ. പുല്ലുറ്റ് അസോസിയേഷന്‍ ഈദ് – ഓണം സംഗമം, നവംബര്‍ 2 വെള്ളിയാഴ്ച കാലത്ത് 9 മണി മുതല്‍ വൈകീട്ട് 5 വരെ ദുബായ് ഗര്‍ഹൂദ് ഈറ്റ് ആന്‍ഡ്‌ ഡ്രിങ്ക് പാര്‍ട്ടി ഹാളില്‍ നടക്കും.

ഓണ സദ്യ, സൌഹാര്‍ദ്ദ സമ്മേളനം, വിവിധ കലാ പരിപാടികള്‍ എന്നിവ ഉണ്ടായിരിക്കും.

കൂടുതല്‍ വിവരങ്ങള്‍ക്ക് : അഷ്‌റഫ്‌ കൊടുങ്ങല്ലൂര്‍ – 050 37 67 871

- കറസ്പോണ്ടന്‍റ്

വായിക്കുക: , ,

Comments Off on പുല്ലൂറ്റ് അസോസിയേഷന്‍ ഈദ് – ഓണം സംഗമം ദുബായില്‍

മത സൗഹാര്‍ദ്ദത്തിനു യു എ ഇ മലയാളി സമൂഹം മാതൃക : വെള്ളാപ്പള്ളി നടേശന്‍

October 21st, 2012

ma-yousuf-ali-at-sevanolsavam-2012-ePathram
ദുബായ് : ഭൂരിപക്ഷ – ന്യൂനപക്ഷ വ്യത്യാസ മില്ലാതെ സമുദായ സൗഹാര്‍ദ്ദം കാത്തു സൂക്ഷിക്കുന്നതിന് യു എ ഇ യിലെ മലയാളി സമൂഹം മാതൃക യാണെന്ന് എസ് എന്‍ ഡി പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ അഭിപ്രായപ്പെട്ടു.

പദ്മശ്രി. എം എ യൂസുഫലി നേതൃത്വം നല്‍കുന്ന യു എ ഇ യി യിലെ പ്രവാസി സമൂഹത്തെ അദ്ദേഹം അഭിനന്ദിച്ചു. സേവനം ദുബായ് യുണിറ്റിന്റെ ആഭിമുഖ്യ ത്തില്‍ നടന്ന ഓണം – ഈദ്‌ ആഘോഷങ്ങള്‍ ഉത്ഘാടനം ചെയ്തു സംസാരിക്കുക യായിരുന്നു വെള്ളാപ്പള്ളി നടേശന്‍. കേരള ത്തില്‍ ഇപ്പോള്‍ ഉടലെടുത്തിരിക്കുന്ന സാമുദായിക പ്രശ്ന ങ്ങളില്‍ സാമൂഹിക നീതി ഉറപ്പാക്കുക എന്ന നിലപാടാണ്‌ എസ് എന്‍ ഡി പി യോഗ ത്തിന്റെത് എന്നു വെള്ളാപ്പള്ളി കൂട്ടി ചേര്‍ത്തു.

പദ്മശ്രി. എം എ യൂസുഫ‌ലി ചടങ്ങില്‍ മുഖ്യ പ്രഭാഷണം നടത്തി. നോര്‍ക്ക റൂട്സ് ഡയറക്ടര്‍ ഇസ്മില്‍ റാവുത്തര്‍, കോവൂര്‍ കുഞ്ഞുമോന്‍ എം എല്‍ എ, എം. കെ. രാജന്‍, വാചസ്പതി എന്നിവര്‍ ആശംസ പ്രസംഗം നടത്തി.

സേവനം ദുബായ് യുണിയന്‍ പ്രസിഡന്റ് പി. ജി. രാജേന്ദ്രന്‍ അധ്യക്ഷത വഹിച്ച ചടങ്ങില്‍ സേവനം ദുബായ് യുണിയന്‍ സെക്രട്ടറി കായിക്കര റെജി സ്വാഗതവും വൈസ് പ്രസിഡന്റ് ദിലീപ് കൃതജ്ഞതയും രേഖപ്പെടുത്തി.

sevanam-dubai-sevanolsavam-2012-ePathram

2012 ലെ ഗുരുദേവ ബിസിനസ്‌ എക്സെലന്‍സി അവാര്‍ഡ്‌ നേടിയ നൂര്‍ ആലം ചൌധരി, സാമൂഹിക സേവന ത്തിനുള്ള ഈ വര്‍ഷത്തെ സേവനരത്ന അവാര്‍ഡ്‌ നേടിയ മുരളീധര പണിക്കര്‍, എന്ജിനീയറിംഗില്‍ ഗോള്‍ഡ്‌ മെഡല്‍ നേടിയ യു. എ യി യില്‍ നിന്നുള്ള വിദ്യാര്‍‍ത്ഥി കിരണ്‍ പ്രേം എന്നിവരെ സേവനോത്സവം വേദിയില്‍ ആദരിച്ചു.

പൊതു സമ്മേളന ത്തിന് മുന്നോടിയായി അത്തപൂക്കളം, താലപ്പൊലി, ചെണ്ടമേളം എന്നിവയോടെ യാണ് വിശിഷ്ട അതിഥി കളെ വേദിയിലേക്ക് ആനയിച്ചത്. വിഭവ സമൃദ്ധമായ ഓണസദ്യയും സംഗീത സംവിധായകന്‍ ശരത് നയിച്ച സംഗീത സദ്യയും സേവനോല്‍സവ ത്തെ ആകര്‍ഷകമാക്കി.

ഗാനമേള യില്‍ വിദ്യാശങ്കര്‍, അഭിരാമി, ലേഖ, മിഥുന്‍ എന്നിവര്‍ പങ്കെടുത്തു. രമേശ്‌ പിഷാരടിയും ധര്‍മജനും നടത്തിയ കോമഡി ഷോയും സേവനം കുടുംബംഗങ്ങള്‍ നടത്തിയ വിവിധ കലാപരിപാടി കളും വേറിട്ട അനുഭവമായി.

- കറസ്പോണ്ടന്‍റ്

വായിക്കുക: , , ,

Comments Off on മത സൗഹാര്‍ദ്ദത്തിനു യു എ ഇ മലയാളി സമൂഹം മാതൃക : വെള്ളാപ്പള്ളി നടേശന്‍

അബുദാബി ശക്തി അവാര്‍ഡ് സമര്‍പ്പണം വ്യാഴാഴ്ച

October 18th, 2012

26th-shakthi-thayat-award-night-ePathram
അബുദാബി : ശക്തി തിയ്യേറ്റേഴ്‌സിന്റെ ഇരുപത്തിയാറാമത് അവാര്‍ഡ് സമര്‍പ്പണ പരിപാടി ഒക്ടോബര്‍ 18 വ്യാഴാഴ്ച രാത്രി 8 മണിക്ക് അബുദാബി കേരള സോഷ്യല്‍ സെന്ററില്‍ നടക്കും.

പിണറായി വിജയന്‍ ഉദ്ഘാടനം ചെയ്യും. അവാര്‍ഡ് കമ്മിറ്റി ചെയര്‍മാന്‍ പി. കരുണാകരന്‍ എം. പി. അദ്ധ്യക്ഷത വഹിക്കും. പ്രൊഫ. എരുമേലി പരമേശ്വരന്‍ പിള്ള അവാര്‍ഡ് കൃതികളെ പരിചയപ്പെടുത്തും.

winners-of-26th-shakthi-thayatt-award-ePathram

ഈ വര്‍ഷത്തെ ജേതാക്കളായ വിപിന്‍ (നോവല്‍), മേലൂര്‍ വാസുദേവന്‍ (കവിത), എ. ശാന്തകുമാര്‍ (നാടകം), ടി. പി. വേണു ഗോപാല്‍ (ചെറുകഥ), ഡോ. ആരിഫ് ആലി കൊളത്തെക്കാട് (വിജ്ഞാന സാഹിത്യം), പ്രൊഫ. എം. കെ. സാനു (ഇതര സാഹിത്യം – സമഗ്ര സംഭാവന), പ്രൊഫ. കെ. പാപ്പുട്ടി, ഡോ. ബി. സന്ധ്യ ഐ. പി. എസ്. (ബാല സാഹിത്യം) എന്നിവര്‍ ശക്തി അവാര്‍ഡുകള്‍ സ്വീകരിക്കും.

തായാട്ട് അവാര്‍ഡ്‌ പി. എസ്. രാധാകൃഷ്ണനും (സാഹിത്യ നിരൂപണം), ടി. കെ. രാമകൃഷ്ണന്‍ പുരസ്‌കാരം കാനായി കുഞ്ഞിരാമനും സമ്മാനിക്കും.

അവാര്‍ഡ് സമര്‍പ്പണ പരിപാടി കളെ കുറിച്ച് വിശദീകരി ക്കാന്‍ വിളിച്ചു ചേര്‍ത്ത വാര്‍ത്താ സമ്മേളന ത്തില്‍ പി. കരുണാകരന്‍ എം. പി., പ്രൊഫ. എരുമേലി പരമേശ്വരന്‍ പിള്ള, മൂസ്സ മാസ്റ്റര്‍, ശക്തി പ്രസിഡന്റ് പത്മനാഭന്‍, സെക്രട്ടറി കൃഷ്ണകുമാര്‍, ശക്തി അവാര്‍ഡ് ജേതാക്കള്‍ എന്നിവരും പങ്കെടുത്തു.

- കറസ്പോണ്ടന്‍റ്

വായിക്കുക: , , , ,

Comments Off on അബുദാബി ശക്തി അവാര്‍ഡ് സമര്‍പ്പണം വ്യാഴാഴ്ച

Page 130 of 131« First...102030...127128129130131

« Previous Page« Previous « ആഗോള സദ്ഭാവനാ യാത്ര : ഡോ. ഫിലിപ്പോസ് മാര്‍ ക്രിസോസ്റ്റം അബുദാബിയില്‍
Next »Next Page » ഗള്‍ഫ് സത്യധാര : പ്രചാരണ കണ്‍വെന്‍ഷന്‍ വ്യാഴാഴ്ച്ച അബൂദാബിയില്‍ »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha