രണ്‍ജിത്ത്-മോഹന്‍ലാല്‍-മഞ്ജുവാര്യര്‍ ടീം വീണ്ടും

September 3rd, 2013

പതിനഞ്ച് വര്‍ഷങ്ങള്‍ക്ക് മുമ്പ് മോഹന്‍ ലാല്‍ നായകനായ സൂപ്പര്‍ ഹിറ്റ് ചിത്രം ആറാം തമ്പുരാനു ശേഷം രണ്‍ജിത്ത്-മോഹന്‍ലാല്‍-മഞ്ജുവാര്യര്‍ ടീം ഒന്നിക്കുന്നു. ഷാജികൈലാസ് സംവിധാനം ചെയ്ത ആറാം തമ്പുരാനു വേണ്ടി രണ്‍ജിത്ത് ഒരുക്കിയ അന്വശ്വര കഥാപാത്രങ്ങളായ ജഗന്നാഥനായി മോഹന്‍ ലാലും ഉണ്ണിമായയായി മഞ്ജുവും മത്സരിച്ച് അഭിനയിക്കുകയായിരുന്നു. ആ സിനിമ മലയാള സിനിമയുടെ ചരിത്രത്തില്‍ ഇടം പിടിക്കുകയും ചെയ്തു.

മോഹന്‍ലാലിനേയും മഞ്ജുവാര്യരേയും ഭാര്യാഭര്‍ത്താക്കന്മാരാകുന്ന രീതിയില്‍ ഒരു കുടുമ്പ ചിത്രമാണ് രണ്‍ജിത്ത് ഒരുക്കുന്നതെന്നാണ് റിപ്പോര്‍ട്ടുകള്‍. ആശീര്‍വാദ് സിനിമയുടെ ബാനറില്‍ ആന്റണി പെരുമ്പാവൂര്‍ ആണ് ചിത്രം നിര്‍മ്മിക്കുന്നത്. വന്‍ തുക പ്രതിഫലം പറ്റിക്കൊണ്ട് ചിത്രത്തിനായി മഞ്ജു കരാറില്‍ ഒപ്പുവച്ചു. പതിനാലു വര്‍ഷത്തെ ഇടവേളയ്ക്ക് ശേഷം അഭിനയ രംഗത്തേക്ക് തിരിച്ചു വരുന്ന മഞ്ജുവിന്റെ ആദ്യ ചിത്രവു ഇതായിരിക്കും എന്നാണ് സൂചന.നടന്‍ ദിലീപുമായുള്ള വിവാഹ ശേഷം സിനിമയില്‍ നിന്നും മഞ്ജുവാര്യര്‍ അകന്നു നില്‍ക്കുകയായിരുന്നു. അടുത്തിടെ നൃത്തത്തിലൂടെ പൊതു വേദിയിലേക്ക് തിരിച്ചു വരവ് നടത്തിയ മഞ്ജു തുടര്‍ന്ന് അമിതാഭ് ഭച്ചനൊപ്പം കല്യാണ്‍ ജ്വല്ലറിയുടെ പരസ്യത്തിലും അഭിനയിച്ചു. ഫേസ്ബുക്ക്, വെബ്സൈറ്റ് എന്നിവയിലൂടെ ഓണ്‍ലൈനിലും മഞ്ജുവാര്യര്‍ സജീവമാണ്. കഴിഞ്ഞ ദിവസം സിനിമയിലേക്കുള്ള മടങ്ങിവരവ് അറിച്ച് മഞ്ജു ഇറക്കിയ ഫേസ്ബുക്ക് കുറിപ്പ് വലിയ ഹിറ്റായിരുന്നു. തന്റെ പ്രിയപ്പെട്ടവര്‍ക്കൊപ്പം തിരിച്ചെത്തുന്നു എന്ന് അതില്‍ കുറിച്ചിരുന്നു.

അടുത്തിടെ പുറത്തിറങ്ങിയ രണ്‍ജിത്ത്-മമ്മൂട്ടി ടീമിന്റെ കടല്‍ കടന്നൊരു മാത്തുക്കുട്ടി എന്ന ചിത്രം സാറ്റ്‌ലൈറ്റ് റേറ്റില്‍ റെക്കോര്‍ഡിട്ടെങ്കിലും തീയേറ്ററില്‍ പ്രേക്ഷകര്‍ നിരസിച്ചു. മോശം പ്രകടനമാണ് നടനെന്ന നിലയില്‍ മമ്മൂട്ടിയും തിരക്കഥാകൃത്ത് -സംവിധായകന്‍ എന്ന നിലയില്‍ രണ്‍ജിത്തും ഈ ചിത്രത്തില്‍ നടത്തിയിരിക്കുന്നത്.

- എസ്. കുമാര്‍

വായിക്കുക: , , ,

Comments Off on രണ്‍ജിത്ത്-മോഹന്‍ലാല്‍-മഞ്ജുവാര്യര്‍ ടീം വീണ്ടും

കടല്‍ കടന്ന മാത്തുക്കുട്ടിയും പ്രേക്ഷകന്‍ വീണ കുഴിയും

August 11th, 2013

pullipuliyum-attinkuttyum-epathram

റോഡിലിറങ്ങിയാല്‍ കുഴിയില്‍ വീഴാതെ വീട്ടിലെത്തുക എന്നത് കേരളത്തില്‍ ജീവിക്കുന്നവര്‍ക്ക് ചിന്തിക്കാനാകത്ത കാര്യമാണ്. അതേ അവസ്ഥയാണ് തിയേറ്ററില്‍ എത്തുന്ന പ്രേക്ഷകനും. റംസാന്‍ റിലീസിനായി കടല്‍ കടന്നെത്തിയ മാത്തുക്കുട്ടിയും പുള്ളിപ്പുലികളും ആട്ടിന്‍ കുട്ടിയും നിലവാരത്തകര്‍ച്ച കൊണ്ട് പ്രേക്ഷകനെ കുഴിയില്‍ ചാടിക്കുന്നു. രഞ്ജിത്താണ് ഒരു ചിത്രത്തിന്റെ തിരക്കഥാകൃത്തും സംവിധായകനുമെങ്കില്‍ ആട്ടിന്‍ കുട്ടിയുമായി വന്നത് ലാല്‍ ജോസും. ഇരുവരും മലയാള സിനിമയുടെ പ്രതീക്ഷകളുടെ അമരക്കാർ. എന്നാല്‍ അമരക്കാര്‍ രണ്ടു പേര്‍ക്കും കാലിടറിയിരിക്കുന്നു എന്നതിന്റെ ഉത്തമ ദൃഷ്ടാന്തമാണ് അവരുടെ പുതിയ ചിത്രങ്ങൾ.

mathukutty-epathram

മനോഹരമായതും കരുത്തുറ്റതുമായ നിരവധി തിരക്കഥകള്‍ എഴുതിയിട്ടുള്ള രഞ്ജിത്തിന്റെ തൂലികയില്‍ പിറന്ന മാത്തുക്കുട്ടിയ്ക്ക് പോരായ്മകള്‍ ഏറെ.

പ്രാഞ്ച്യേട്ടനും തുടര്‍ന്ന് ബാവൂട്ടിയും. രഞ്ജിത്ത് – മമ്മൂട്ടി കൂട്ടുകെട്ടില്‍ പ്രതീക്ഷയര്‍പ്പിക്കുവാന്‍ പ്രേക്ഷകര്‍ക്ക് കൂടുതല്‍ ചിന്തിക്കേണ്ടി വന്നില്ല. ഈ പ്രതീക്ഷയെ ശരിക്കും കച്ചവടം ചെയ്യുന്നതില്‍ രഞ്ജിത്ത് വിജയിക്കുകയും ചെയ്തു. സാറ്റലൈറ്റ് റേറ്റില്‍ മാത്തൂട്ടിച്ചായന്‍ ഇന്നേ വരെ ഉള്ള റിക്കോര്‍ഡുകളെ മുഴുവന്‍ അട്ടിമറിച്ചു കളഞ്ഞു. കനത്ത മഴയിലും തിയേറ്ററില്‍ എത്തുന്ന പ്രേക്ഷകനെ തൃപ്തിപ്പെടുത്തുവാന്‍ രഞ്ജിത്തിന്റെ മാത്തൂട്ടിച്ചായനാകുന്നില്ല. ബ്ലാക്ക്, റോക്ക് ആന്റ് റോള്‍ തുടങ്ങിയ ചിത്രങ്ങള്‍ ഒരുക്കിയ രഞ്ജിത്തിന്റെ കയ്യൊപ്പാണ് മാത്തൂട്ടിച്ചായനില്‍ പതിഞ്ഞിരിക്കുന്നത്. ദരിദ്രനായ ഒരു പ്രതിഭയുടെ മുഖമാണ് ഈ ചിത്രത്തിന്. ലാളിത്യം നല്ലതാണ്. എന്നാല്‍ ലളിതവല്‍ക്കരിച്ച് ലളിതവല്‍ക്കരിച്ച് അവസാനം കഥയും തിരക്കഥയും സംവിധാനവുമെല്ലാം ഒന്നുമില്ലായ്മയിലേക്ക് എത്തിയാലോ? അത്തരം ഒരു അവസ്ഥയാണ് മാത്തൂട്ടിച്ചായനുണ്ടായത്. ഇഴഞ്ഞു നീങ്ങുന്ന ആദ്യ പകുതി. കടല്‍ കടന്നു വരുന്ന മാത്തൂട്ടിച്ചായന്റെ കഥയ്ക്ക് ഒപ്പം സമകാ‍ലിക കേരളത്തിന്റെ അവസ്ഥയെ പറ്റി എന്തൊക്കെയൊ പറയുവാൻ ശ്രമിക്കുന്നത് എങ്ങും എത്തുന്നുമില്ല.

എം. സിന്ധുരാജിന്റെ തിരക്കഥകളുടെ ദൌര്‍ബല്യം ആവോളം അനുഭവിച്ചതാണ് മലയാള സിനിമ. ജലോത്സവവും, താപ്പാനയുമടക്കം പരാജയപ്പെട്ട സിനിമകളുടെ ലിസ്റ്റിന്റെ നീളം വളരെ വലുതാണ്. എന്നിട്ടും അദ്ദേഹത്തിനെ വിശ്വസിച്ച് ലാല്‍ജോസിനെ പോലുള്ള മികച്ച സംവിധായകര്‍ മുന്നോട്ട് വരുന്നു എന്നതാണ് അല്‍ഭുതം!! നാടന്‍ പശ്ചാത്തലത്തില്‍ 25 വര്‍ഷമായി മലയാളത്തില്‍ കുടുംബ ചിത്രങ്ങള്‍ ഒരുക്കുന്ന പ്രശസ്തനായ പേരിനൊപ്പം നാടിന്റെ പേരുമുള്ള സംവിധായകന്‍ പറഞ്ഞു താന്‍ പുറത്ത് നിന്ന് കഥകള്‍ എടുക്കുന്നില്ലാന്ന്. അദ്ദേഹം സ്വയം എഴുതി സംവിധാനം ചെയ്ത ചിത്രങ്ങള്‍ കണ്ട പലരും പറഞ്ഞത് ഇതിലും ഭേദം സിന്ധുരാജിനെ കൊണ്ട് എഴുതിക്കുകയാണെന്നാണ്‍. എന്നാല്‍ സിന്ധുരാജിന്റെ ആട്ടിൻ കുട്ടിയെ കണ്ടവര്‍ ഇതിലും ഭേദം ഉപദേശി സംവിധായകനെ കൊണ്ട് തിരക്കഥ എഴുതിക്കാമായിരുന്നു എന്ന് മറിച്ചു പറയുവാന്‍ ഇടയുണ്ട്. അപ്പോള്‍ സിന്ധുരാജിന്റെയും ആ സംവിധായക തിരക്കഥാകൃത്തിന്റേയും നിലവാരം ഊഹിക്കാവുന്നതല്ലേ ഉള്ളൂ. ഷാഫി സംവിധാനം ചെയ്ത മേരിക്കുണ്ടൊരു കുഞ്ഞാട് എന്ന ചിത്രത്തില്‍ ദിലീപിന്റെ കഥാപാത്രമായ കുഞ്ഞാടിന്റെ അനുകരണമുള്ള കുഞ്ഞനുജനായി വരുന്നു ഈ ചിത്രത്തിലെ കുഞ്ചാക്കോ ബോബന്റെ ആട്ടിന്‍ കുട്ടി. മുട്ടനാടുകള്‍ ബോറടിപ്പിച്ചാലും കുട്ടനാടിന്റെ ദൃശ്യഭംഗി പ്രേക്ഷകനെ ബോറടിപ്പിക്കുന്നില്ല. അതിന്റെ ക്രെഡിറ്റ് ക്യാമറമാന്‍ എസ്. കുമാറിനുള്ളതാണ്.

ഇതു വരെ അഭിനയിച്ച ചിത്രങ്ങളിലെ പോലെ തന്നെ തനിക്കിതിലും കാര്യമായൊന്നും ചെയ്യാനില്ല എന്ന് നമിത പ്രമോദ് എന്ന അഭിനേത്രി ഒരിക്കല്‍ കൂടെ തെളിയിച്ചിരിക്കുന്നു. ഒരു മികച്ച അഭിനേത്രിക്ക് വേണ്ട ഭാവപ്രകടനങ്ങള്‍ ഒന്നും തന്നെ ഇവരില്‍ ഇല്ലെന്ന് മാത്രമല്ല വിദൂര ഭാവിയില്‍ പോലും അതുണ്ടാകും എന്നതിന്റെ സൂചനകള്‍ കാണുവാനും ഇല്ല. മറ്റ് അഭിനേതാക്കള്‍ തങ്ങള്‍ക്ക് കിട്ടിയ കഥാപാത്രങ്ങളെ മികച്ചതാക്കിയിട്ടുണ്ട്. കഥയും കഥാപാത്രങ്ങളും ദുര്‍ബലമായത് അവരുടെ കുഴപ്പം കൊണ്ടല്ലല്ലോ.

വെറുതെ ഒരു ഭാര്യ എന്ന് പറയുന്നതു പോലെ വെറുതെ ഒരു സിനിമ എന്നതിനപ്പുറം ആട്ടിന്‍ കുട്ടിയെ പറ്റി കാര്യമായൊന്നും പറയുവാന്‍ ഇല്ല. മീശമാധവന്‍ പോലുള്ള ചിത്രങ്ങള്‍ ഒരുക്കിയ ഒരു സംവിധായകന് ഈ ചിത്രം തന്റെ മൂന്നാമത്തെയോ നാലമത്തെയോ അസിസ്റ്റന്റിനെ കൊണ്ടു ചെയ്യിച്ചിരുന്നെങ്കിലും ഇതിലും നിലവാരം ഉണ്ടാകുമായിരുന്നു എന്ന് പ്രേക്ഷകനു തോന്നിയാല്‍ അവരെ കുറ്റം പറയുവാന്‍ ആകില്ല. ഡയമണ്ട് നെക്‍ലസ്, അയാളും ഞാനും തമ്മില്‍ തുടങ്ങിയ ചിത്രങ്ങളുടെ ഏഴയലത്ത് വരില്ല ഈ പുള്ളിപ്പുലി. എന്തിന് എത്സമ്മ എന്ന ആണ്‍കുട്ടി യുടെ പോലും അടുത്തെങ്ങും എത്തില്ല ഈ ചിത്രം.

കുട്ടനാടിന്റെ ഭംഗിയും ഭാഷയും ആമേനിലൂടെ പ്രേക്ഷകന്‍ അനുഭവിച്ചത് ഇപ്പോളും അവരുടെ മനസ്സിലുണ്ട്. എന്നാല്‍ ഈ ചിത്രത്തില്‍ കുട്ടനാടിന്റെ പശ്ചാത്തലം എന്നതിനപ്പുറം അവരുടെ ജീവിതവുമായോ ഭാഷയുമായോ കാര്യമായ ബന്ധം ഒന്നും ഇല്ല.

രഞ്ജിത്ത്, ലാല്‍ ജോസ് തുടങ്ങിയ പ്രതിഭകളുടെ സ്പര്‍ശം ലവലേശം തൊട്ടു തീണ്ടാത്ത ചിത്രങ്ങളാണ് രണ്ടും. തിരക്കഥയുടെ പോരായ്മ രണ്ടു ചിത്രങ്ങള്‍ക്കും പ്രതിസന്ധി തീര്‍ക്കുന്നു. ഗാനങ്ങളും നിലവാരത്തിനൊത്ത് ഉയര്‍ന്നിട്ടില്ല. മറ്റൊന്നും ഫലിച്ചില്ലെങ്കില്‍ കാളന്‍ നെല്ലായി എന്ന് പറയുന്നതു പോലെ മറ്റു ചിത്രങ്ങള്‍ ഒന്നും ഇല്ലാത്ത സ്ഥിതിക്ക് റംസാന്‍ റിലീസെന്ന പേരില്‍ ചിത്രങ്ങള്‍ ഒരു പക്ഷെ വിജയിച്ചേക്കാം. എന്തായാലും “ന്യൂ ജനറേഷന്‍” കമ്പി വര്‍ത്തമാന സിനിമയല്ല എന്നതിനാല്‍ തന്നെ കുടുംബ സമേതം തിയേറ്ററില്‍ പോയി കാണാം എന്നൊരു ആശ്വാസം മാത്രം!!

ഓഫ്: ഈ ചിത്രത്തിന്റെ പ്രമോയുടെ ഭാഗമായോ മറ്റൊ ബുദ്ധിജീവികള്‍ക്ക് തീയേറ്ററിലേക്ക് പ്രവേശനം ഇല്ലെന്ന് പറഞ്ഞ ലാല്‍ ജോസിന് സിന്ധുരാജിനെ വച്ചാണ് തിരക്കഥ ഒരുക്കുന്നതെങ്കില്‍ അടുത്ത ചിത്രത്തിന്റെ ക്യാപ്ഷനായി “സാമാന്യ ബുദ്ധിയുള്ളവര്‍ക്ക് തിയേറ്ററിലേക്ക് പ്രവേശനമില്ല” എന്ന് പരിഗണിക്കാവുന്നതാണ്.

ആസ്വാദകന്‍

- ന്യൂസ് ഡെസ്ക്

വായിക്കുക: ,

Comments Off on കടല്‍ കടന്ന മാത്തുക്കുട്ടിയും പ്രേക്ഷകന്‍ വീണ കുഴിയും

പ്രവാസ ലോകത്തെ ആത്മ ബന്ധങ്ങളെ കുറിച്ചുള്ള സിനിമ യുമായി സലാം ബാപ്പു

June 29th, 2013

red-wine-film-director-salam-bappu-ePathram

അബുദാബി : പ്രവാസി മലയാളി കളുടെ കൂട്ടായ്മക ളേയും ആത്മ ബന്ധ ങ്ങളേ യും പ്രതിപാദിക്കുന്ന സിനിമ ക്കുള്ള ചര്‍ച്ചകള്‍ നടന്നു വരുന്നു എന്ന്‍ ചലച്ചിത്ര സംവി ധായകന്‍ സലാം ബാപ്പു അബുദാബി യില്‍ പറഞ്ഞു.

തന്റെ നിരവധി സുഹൃത്തുക്കളും സഹോദരന്‍ അടക്കമുള്ള ബന്ധുക്കളും പ്രവാസി കളാണ്. പിതാവ് ദീര്‍ഘ കാലം അബുദാബി യില്‍ ഉണ്ടാ യിരുന്നു. പ്രവര്‍ത്തിച്ച മൂന്നു സിനിമ കള്‍ ഗള്‍ഫില്‍ ചിത്രീകരിച്ച തായിരുന്നു. അത് കൊണ്ട് തന്നെ പ്രവാസ ജീവിതത്തെ അടുത്തറിയാനും പ്രവാസി കളുടെ സ്നേഹവും അനുഭവിച്ച റിയാനും കഴിഞ്ഞിട്ടുണ്ട്. ഗള്‍ഫിലെ കലാ സാംസ്കാരിക രംഗത്ത്‌ പ്രവര്‍ത്തിച്ചിരുന്ന തിരക്കഥാ കൃത്ത് മാമ്മന്‍ കെ. രാജന്‍ രചന യുടെ പണിപ്പുര യിലാണ് എന്നും സലാം ബാപ്പു പറഞ്ഞു.

നല്ല സിനിമ കളെ സ്വീകരിക്കുന്ന പ്രവാസി കള്‍ തന്റെ ആദ്യചിത്ര ത്തിനു തന്ന പിന്തുണയും സത്യസന്ധമായ അഭിപ്രായ ങ്ങളും പ്രതികരണ ങ്ങളും താന്‍ നന്ദി യോടെ ഓര്‍ക്കുന്നു എന്നും സലാം പറഞ്ഞു.

salam-bappu-face-to-face-talk-with-ima-members-ePathram

പുതുമുഖ സം വിധാകരുടെ ആഗ്രഹമാണ് മമ്മൂട്ടി – മോഹന്‍ലാല്‍ എന്നീ നടന്മാരെ വെച്ചു സിനിമ ചെയ്യുക എന്നത്. ഭാഗ്യവശാല്‍ തന്റെ ആദ്യ ചിത്ര മായ റെഡ് വൈനില്‍ മോഹന്‍ ലാലിനെ നായകനാക്കാന്‍ സാധിച്ചു. തുടര്‍ന്നുള്ള സിനിമ മമ്മൂട്ടിയെ നായക നാക്കിയാവും എന്നും അതിന്റെ തിരക്കഥ തയ്യാറാക്കുന്നത് നാടക രചയിതാവും അവാര്‍ഡു ജേതാവു മായ റിയാസ് മാറഞ്ചേരി ആയിരിക്കും എന്നും സിനിമ യുടെ നിര്‍മ്മാതാവ് പ്രവാസി മലയാളി യാണ് എന്നും അദ്ദേഹം പറഞ്ഞു.

മലയാള ത്തില്‍ നിരവധി പുതിയ നടന്മാര്‍ വരുന്നുണ്ട്. എന്നാലും സിനിമാ നിര്‍മ്മാണ മേഖലയില്‍ ഒഴിച്ചു കൂട്ടാനാവാത്ത അഭിനേതാ ക്കളാണ് മമ്മൂട്ടിയും മോഹന്‍ ലാലും. ന്യൂ ജനറേഷന്‍ എന്ന പേരില്‍ പുറത്തിറങ്ങുന്ന ചിത്ര ങ്ങളുടെ അവതരണ രീതി യില്‍ യോജിക്കാനാവില്ല. സ്വന്തം കുടുംബ ത്തോടൊപ്പം കാണാവുന്ന സിനിമ മാത്രമേ ഒരുക്കുക യുള്ളൂ എന്നും സലാം ബാപ്പു കൂട്ടിച്ചേര്‍ത്തു.

film-director-salam-bappu-in-abudhabi-ePathram

പൊന്നാനി എം. ഇ. എസ്. കോളേജ് അലുംനി യുടെ പ്രവര്‍ത്തന ഉദ്ഘാടന ത്തിനായി എത്തിയ തായിരുന്നു എം. ഇ. എസ്. പൂര്‍വ്വ വിദ്യാര്‍ഥി കൂടി യായ പാലപ്പെട്ടി സ്വദേശി യായ സലാം. തീര ദേശത്ത് ജനിച്ചു വളര്‍ന്ന തനിക്കു കടല്‍ അടങ്ങാത്ത ആവേശമാണ് എന്നും കടലിന്റെ യും കടപ്പുറ ത്തിന്റെയും പശ്ചാത്തല ത്തില്‍ ഒരു സിനിമ തന്റെ പ്രോജക്ടുകളില്‍ ഉണ്ടെന്നും ഇന്ത്യന്‍ മീഡിയ അബുദാബി യുടെ അംഗ ങ്ങളുടെ ചോദ്യ ങ്ങള്‍ക്കുള്ള മറുപടി യായി അദ്ദേഹം പറഞ്ഞു.

മെസ്പോ പ്രസിഡന്‍റ് അബുബക്കര്‍ ഒരുമനയൂര്‍, സെക്രട്ടറി സക്കീര്‍ ഹുസൈന്‍ കുമരനെല്ലൂര്‍, സഫറുള്ള പാലപ്പെട്ടി, നൌഷാദ്, അഷ്‌റഫ്‌ പന്താവൂര്‍ എന്നിവര്‍ വാര്‍ത്താ സമ്മേളന ത്തില്‍ സന്നിഹിതരായി.

- കറസ്പോണ്ടന്റ്

വായിക്കുക: , ,

Comments Off on പ്രവാസ ലോകത്തെ ആത്മ ബന്ധങ്ങളെ കുറിച്ചുള്ള സിനിമ യുമായി സലാം ബാപ്പു

Page 13 of 13« First...910111213

« Previous Page « അബുദാബിയില്‍ ‘ലുലു കോട്ടണ്‍ കൌച്ചര്‍’
Next » റമദാനില്‍ ഗ്രാന്‍ഡ് മസ്ജിദ് സന്ദര്‍ശന ത്തിന് സമയ ക്രമം »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha