യാത്രക്കാരുടെ ആശങ്ക അകറ്റണം : കെ. എം. സി. സി.

May 4th, 2023

go-first-sudden-flight-cancellation-ePathram
അബുദാബി : വിമാന സര്‍വ്വീസുകള്‍ പലതും നിര്‍ത്തല്‍ ചെയ്തു യാത്രക്കാരെ ആശങ്കയില്‍ ആക്കുന്ന ഗോ ഫസ്റ്റ് എയര്‍ ലൈന്‍ നടപടി പ്രതിഷേധാര്‍ഹം എന്ന് അബുദാബി സംസ്ഥാന കെ. എം. സി. സി. കേന്ദ്ര-സംസ്ഥാന സര്‍ക്കാറുകള്‍ ഇക്കാര്യത്തില്‍ അടിയന്തിര ഇടപെടല്‍ നടത്തി യാത്രക്കാരുടെ ആശങ്ക അകറ്റണം എന്നും കെ. എം. സി. സി. വാര്‍ത്താ കുറിപ്പില്‍ അറിയിച്ചു.

യാത്രയുടെ മണിക്കൂറുകള്‍ക്ക് മുമ്പ് മാത്രം സര്‍വ്വീസ് റദ്ദ് ചെയ്യുന്നതായി അറിയിക്കുന്നതു കാരണം പ്രവാസികള്‍ക്ക് കടുത്ത മാനസിക പ്രയാസവും വലിയ സാമ്പത്തിക ബാദ്ധ്യതയും വരുത്തി വെക്കുന്നു. നേരെത്തെ തന്നെ ഗോ ഫസ്റ്റ് എയര്‍ ലൈന്‍ ടിക്കറ്റ് എടുത്തവര്‍ ഇപ്പോള്‍ മറ്റൊരു കമ്പനിയുടെ ടിക്കറ്റ് എടുക്കുന്നതിന് ഇരട്ടിയില്‍ അധികം പണം നല്‍കേണ്ടതായ അവസ്ഥയാണ്.

സാങ്കേതിക കാരണങ്ങള്‍ പറഞ്ഞു കൊണ്ട് ഗോ ഫസ്റ്റ് എയര്‍ ലൈന്‍ കഴിഞ്ഞ രണ്ടു ദിവസങ്ങളിലായി ഗള്‍ഫ് നാടുകളിലേക്കുള്ള സര്‍വ്വീസ് റദ്ദാക്കി. വരും ദിവസ ങ്ങളിലും ഇത് തുടരും എന്നു തന്നെയാണ് പ്രവാസി സമൂഹം ആശങ്കപ്പെടുന്നത്.

അവധിക്കാലം എത്തുന്നതോടെ നാട്ടിലേക്ക് യാത്ര ചെയ്യുന്നവരുടെ അവസ്ഥ കൂടുതല്‍ ദുരിത പൂര്‍ണ്ണമായിമാറും. അതു കൊണ്ടു തന്നെ പ്രശ്‌ന പരിഹാരത്തിനായി കേന്ദ്ര – കേരള സര്‍ക്കാറുകള്‍ അടിയന്തിരമായി ഇടപെടണം എന്നും വിദേശ വിമാന കമ്പനികള്‍ക്ക് അധിക സര്‍വ്വീസ് നടത്തുവാന്‍ ഉടന്‍ അനുമതി നല്‍കണം എന്നും വാര്‍ത്താ കുറിപ്പില്‍ ആവശ്യപ്പെട്ടു.

അവധിക്കാലത്ത് വിമാന ടിക്കറ്റ് നിരക്ക് നാലും അഞ്ചും ഇരട്ടിയാക്കി വര്‍ദ്ധിപ്പിക്കുന്ന പ്രവണതക്ക് അറുതി വരുത്തണം. പ്രവാസികളോടുള്ള ചിറ്റമ്മ നയം അവസാനിപ്പിക്കണം എന്നും അബുദാബി സംസ്ഥാന കെ. എം. സി. സി. ആവശ്യപ്പെട്ടു. Image Credit : Twitter

- pma

വായിക്കുക: , , , , , ,

Comments Off on യാത്രക്കാരുടെ ആശങ്ക അകറ്റണം : കെ. എം. സി. സി.

ആഘോഷ നാളുകള്‍ : സിറ്റി ചെക്ക് ഇൻ നിരക്കിൽ ഇളവ്

December 25th, 2022

abudhabi-air-port-city-terminal-by-morafik-aviation-ePathram
അബുദാബി : ക്രിസ്തുമസ്‌, പുതുവത്സര ആഘോഷങ്ങൾ പ്രമാണിച്ച് സിറ്റി ചെക്ക് ഇൻ സേവനം ഉപയോഗിക്കുന്ന യാത്രക്കാർക്ക് സേവന നിരക്കില്‍ 10 ദിര്‍ഹം ഇളവു പ്രപിഖ്യാച്ച് മൊറാഫിക് ഏവിയേഷൻ സർവ്വീസ്. ഒരു യാത്രക്കാരന് ഇനി മുതൽ സിറ്റി ടെർമിനലിൽ ചെക്ക് ഇൻ ചെയ്യുന്നതിന് 35 ദിർഹം നൽകിയാൽ മതി. മുൻപ് 45 ദിർഹം ആയിരുന്നു നിരക്ക്. ഡിസംബർ 21 മുതൽ പുതിയ നിരക്ക് പ്രാബല്ല്യത്തില്‍ വന്നു. കുട്ടികൾക്ക് 25 ദിർഹം നിരക്കിലും ചെക്ക് ഇന്‍‍ ചെയ്യാം.

രാവിലെ 9 മണി മുതൽ രാത്രി 9 മണി വരെയാണ് പ്രവര്‍ത്തി സമയം. യാത്രക്ക് 24 മണിക്കൂർ മുൻപ് മുതൽ 4 മണിക്കൂർ മുൻപ് വരെ ചെക്ക് ഇൻ നടപടികൾ പൂർത്തീകരിക്കാം. നിലവില്‍ ഇത്തിഹാദ്, വിസ് എയർ, ഈജിപ്റ്റ് എയർ യാത്രക്കാർക്ക് സിറ്റി ചെക്ക് ഇൻ സര്‍വ്വീസ് പ്രയോജനപ്പെടുത്താം.

wizz-air-budget-airlines-ePathram

മൂന്ന് ഇന്ത്യൻ വിമാന കമ്പനികൾ ഉൾപ്പെടെ ആറു വിമാന ക്കമ്പനികൾ കൂടി ഉടൻ സിറ്റി ടെർമിനലിന്‍റെ ഭാഗമാകും എന്ന് മൊറാഫിക് ഏവിയേഷൻ സർവ്വീസ് അറിയിച്ചു.

വിവരങ്ങൾക്ക് 02 – 58 33 345, 800 66 72 347 എന്നീ നമ്പറു കളില്‍ വിളിക്കാം.

- pma

വായിക്കുക: , ,

Comments Off on ആഘോഷ നാളുകള്‍ : സിറ്റി ചെക്ക് ഇൻ നിരക്കിൽ ഇളവ്

മദീനയിലേക്ക് 179 ദിര്‍ഹം നിരക്കില്‍ വിസ് എയര്‍ ഫെബ്രുവരി മുതല്‍

December 16th, 2022

wizz-air-budget-airlines-ePathram
അബുദാബി : സൗദി അറേബ്യയിലെ പുണ്യ നഗരമായ മദീനയിലേക്ക് വിസ്‌ എയർലൈൻ 179 ദിർഹം നിരക്കിൽ അബുദാബിയിൽ നിന്നും പുതിയ വിമാന സര്‍വ്വീസ് ആരംഭിക്കുന്നു. 2023 ഫെബ്രുവരിയിലാണ് സർവ്വീസ് തുടക്കമാവുക എന്ന് വിസ്‌ എയർ ലൈൻ വൃത്തങ്ങൾ അറിയിച്ചു.

വിസ്‌ എയർ വെബ് സൈറ്റ്, മൊബൈൽ ആപ്പ് എന്നിവ വഴി വൺവേ ടിക്കറ്റുകൾ 179 ദിർഹം നിരക്കിൽ ലഭ്യമാണ്. ദമ്മാമിനു ശേഷം സൗദി അറേബ്യ യിലേക്കുള്ള വിസ് എയറിന്‍റെ രണ്ടാമത് ഡെസ്റ്റിനേഷനാണ് മദീന.

Wizz Twitter

- pma

വായിക്കുക: , , , , , ,

Comments Off on മദീനയിലേക്ക് 179 ദിര്‍ഹം നിരക്കില്‍ വിസ് എയര്‍ ഫെബ്രുവരി മുതല്‍

അബുദാബി സിറ്റി ടെർമിനൽ ഔപചാരികമായി ഉദ്ഘാടനം ചെയ്തു

November 29th, 2022

abudhabi-air-port-city-terminal-by-morafik-aviation-ePathram
അബുദാബി : മിനായിലെ അബുദാബി ക്രൂയിസ് ടെർമിനലില്‍ മൊറാഫിക് സിറ്റി ടെർമിനൽ ചെക്ക് ഇന്‍ സർവ്വീസ് സഹിഷ്ണുത, സഹ വർത്തിത്വ മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ ഔപചാരികമായി ഉദ്ഘാടനം ചെയ്തു.

യാത്രയ്ക്കു 24 മണിക്കൂർ മുതൽ 4 മണിക്കൂർ മുൻപ് വരെ സിറ്റി ടെർമിനലിൽ ചെക്ക് ഇൻ ചെയ്യാനുള്ള സൗകര്യം ഒരുക്കിയിട്ടുണ്ട്. നിലവിൽ ഇത്തിഹാദ് എയർവേയ്സ്, വിസ് എയർ, ഈജിപ്ത് എയർ എന്നീ വിമാനങ്ങളിലെ യാത്രക്കാർക്ക് സിറ്റി ചെക്ക് ഇൻ സേവനം ലഭ്യമാണ്. സമീപ ഭാവിയിൽ തന്നെ മറ്റു വിമാന യാത്രക്കാർക്കും സിറ്റി ചെക്ക് ഇന്‍ സേവനം ലഭ്യമാക്കും.

രാവിലെ 9 മണി മുതൽ രാത്രി 9 മണി വരെ യാണ് പ്രവൃത്തി സമയം. ലഗ്ഗേജ് ഇവിടെ നൽകി ബോർഡിംഗ് പാസ്സുമായി വിമാന ത്താവളത്തിൽ എത്തിയാൽ മതി. മുതിർന്നവർക്കു 45 ദിർഹം, കുട്ടികൾക്ക് 25 ദിർഹം, 2 വയസ്സിൽ താഴെയുള്ള കുഞ്ഞുങ്ങള്‍ക്ക് 15 ദിർഹം എന്നിങ്ങനെയാണ് സേവന നിരക്ക് ഈടാക്കുന്നത്. നാലംഗ കുടുംബത്തിന് 120 ദിർഹം മതി. എയർ പോർട്ടിലെ തിരക്കിൽ നിന്നു രക്ഷപ്പെടാനും ആയാസ രഹിതമായി യാത്രാ നടപടികൾ പൂർത്തിയാക്കാനും സിറ്റി ചെക്ക് ഇൻ സേവനം പ്രയോജനപ്പെടും.

അബുദാബി പോർട്ട്, എ. ഡി. പോർട്ട് ഗ്രൂപ്പ്, കാപ്പിറ്റൽ ട്രാവൽ, ഇത്തിഹാദ് എയർ പോർട്ട് സർവ്വീസസ്, ഒയാസിസ് മിഡിൽ ഈസ്റ്റ്, ടൂറിസം 365 എന്നിവയുടെ സംയുക്ത സംരംഭമായ മൊറാഫിക് ഏവിയേഷൻ സർവ്വീസസ് ആണ് സിറ്റി ടെർമിനൽ ചെക്ക് ഇന്‍ സേവനത്തിനു ചുക്കാൻ പിടിക്കുന്നത്.

- pma

വായിക്കുക: , , , , ,

Comments Off on അബുദാബി സിറ്റി ടെർമിനൽ ഔപചാരികമായി ഉദ്ഘാടനം ചെയ്തു

എയർ പോർട്ട് സിറ്റി ടെർമിനൽ അബു ദാബിയിൽ വീണ്ടും തുറക്കുന്നു.

October 19th, 2022

abudhabi-air-port-city-terminal-by-morafik-aviation-ePathram
അബുദാബി : മൂന്നു വർഷം മുമ്പ് പ്രവർത്തനം നിർത്തിയ സിറ്റി ടെർമിനൽ സേവനം ബുധനാഴ്ച മുതല്‍ അബുദാബി യിൽ പുനരാരംഭിക്കുന്നു. മിനായിലെ അബുദാബി ക്രൂയിസ് ടെർമിനലില്‍ പ്രവര്‍ത്തനം ആരംഭിക്കുന്ന പുതിയ സിറ്റി ചെക്ക് ഇൻ കൗണ്ടര്‍ എല്ലാ ദിവസവും രാവിലെ 9 മണി മുതൽ രാത്രി 9 മണി വരെ പ്രവര്‍ത്തിക്കും. ഇത്തിഹാദ് എയർ വേയ്‌സ് അടക്കമുള്ള വിമാന കമ്പനികളുമായി സഹകരിച്ച് മൊറാഫിക്ക് ഏവിയേഷൻ സർവ്വീസസ് ആണ് സിറ്റി ടെര്‍മിനല്‍ ചെക്ക് ഇന്‍ സേവനം ഒരുക്കിയത്.

എന്നാല്‍ നിലവിൽ ഇത്തിഹാദ് വിമാനത്തിൽ യാത്ര ചെയ്യുന്നവർക്കു മാത്രമേ സിറ്റി ടെർമിനൽ സേവനം ലഭ്യമാവുകയുള്ളൂ. അടുത്ത മാസ ത്തോടെ കൂടുതൽ വിമാന കമ്പനികൾ സിറ്റി ടെർമിനലിൽ എത്തും. ഒരു യാത്രക്കാരന് 45 ദിർഹം ചാര്‍ജ്ജ് ചെയ്യും. കുട്ടികൾക്ക് 25 ദിർഹവും നാല് അംഗങ്ങൾ ഉൾപ്പെടുന്ന കുടുംബ ത്തിന് 120 ദിർഹം അടക്കണം.

യാത്രക്ക് 24 മണിക്കൂർ മുമ്പ് മുതൽ കുറഞ്ഞത് 4 മണിക്കൂർ മുമ്പ് വരെ മിനാ ക്രൂയിസ് സിറ്റി ടെർമിനലിൽ ചെക്ക് ഇൻ ചെയ്യാം. ഇവിടെ നിന്ന് ലഭിക്കുന്ന ബോർഡിംഗ് പാസ്സുമായി വിമാന സമയത്തിന്‍റെ ഒരു മണിക്കൂര്‍ മുന്‍പായി എയര്‍ പോര്‍ട്ടിലെ ഇമിഗ്രേഷൻ കൗണ്ടറിലേക്ക് എത്തിയാൽ മതി. മിന ക്രൂയിസ് ടെർമിനലിൽ ലഭിക്കുന്ന സൗജന്യ പാർക്കിംഗ് സൗകര്യവും യാത്രക്കാർക്ക് ഉപയോഗിക്കാം.

1999 ൽ അബുദാബി ടൂറിസ്റ്റ് ക്ലബ്ബ് ഏരിയയില്‍ ആരംഭിച്ച സിറ്റി ടെർമിനൽ ഏറെ ജനപ്രീതി നേടിയിരുന്നു. 2019 ഒക്ടോബറിൽ ടെർമിനലിന്‍റെ പ്രവർത്തനം താത്കാലികമായി നിർത്തി വെച്ചു. പുതിയ അബുദാബി ക്രൂയിസ് ടെർമിനലില്‍ അടുത്ത മാസത്തോടെ കൂടുതല്‍ വിമാന കമ്പനികളുടെ സര്‍വ്വീസ് ആരംഭിക്കുന്നതോടെ 24 മണിക്കൂറും ടെർമിനൽ പ്രവർത്തിക്കും.

- pma

വായിക്കുക: , , , , ,

Comments Off on എയർ പോർട്ട് സിറ്റി ടെർമിനൽ അബു ദാബിയിൽ വീണ്ടും തുറക്കുന്നു.

Page 3 of 1712345...10...Last »

« Previous Page« Previous « ടി. എസ്. എൽ. ഫുട്‍ ബോൾ ടൂർണ്ണ മെന്‍റ് : സോക്കർ എഫ്. സി. അജ്‌മാൻ ജേതാക്കള്‍
Next »Next Page » മല്ലികാര്‍ജുര്‍ ഖാര്‍ഗെ കോണ്‍ഗ്രസ്സ് പ്രസിഡണ്ട് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha