സമാധാന സംരക്ഷണം പ്രധാന ദൗത്യം : സാദിഖലി ശിഹാബ് തങ്ങള്‍

September 27th, 2022

sadik-ali-shihab-kmcc-ePathram

അബുദാബി : സമാധാന സംരംക്ഷണവും സൗഹൃദവുമാണ് പ്രവര്‍ത്തന വീഥിയിലെ പ്രധാന അജണ്ട എന്ന് മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍. അബുദാബി കെ. എം. സി. സി. സംസ്ഥാന കമ്മിറ്റി, ഇന്ത്യന്‍ ഇസ്ലാമിക് സെന്‍ററില്‍ സംഘടി പ്പിച്ച സൗഹൃദ സമ്മേളനത്തില്‍ മുഖ്യാഥിതിയായി പങ്കെടുത്തു സംസാരിക്കുകയായിരുന്നു അദ്ദേഹം.

വിദ്വേഷവും പരത്തുന്ന വിഷ വാക്കുകളല്ല, മറിച്ചു സ്‌നേഹവും സാഹോദര്യവും പരസ്പര വിശ്വാസ വുമുള്ള പ്രവര്‍ ത്തന രീതിയാണ് സമൂഹത്തിന് ആവശ്യം. കേരളത്തിലെ വിവിധ ജില്ലകളില്‍ നടത്തിയ സൗഹൃദ യാത്ര യില്‍നിന്നും ലഭിച്ച ആത്മ വിശ്വാസം വളരെ വലുതാണ്.

വിവിധ മത വിഭാഗങ്ങളില്‍ ഉള്ളവരും വ്യത്യസ്ഥ മേഖലകളില്‍ ഉള്ളവരും നല്‍കിയ പിന്തുണ കേരളം സമാധാന കാംക്ഷി കളുടെ നാടാണ് എന്ന യാഥാര്‍ത്ഥ്യമാണ് വ്യക്തമാക്കുന്നത്.

എന്നാല്‍ ഇതിനു ഭംഗം വരുത്തുന്നവരെ ഒറ്റ പ്പെടുത്തുകയും മത വിഭാഗ ങ്ങളുടെ ഐക്യം ശക്തി പ്പെടുത്തുകയും വേണം. മനുഷ്യത്വവും സ്‌നേഹ സമ്പന്നതയും ചിലര്‍ക്കങ്കിലും കൈമോശം വന്നതാണ് ഇന്നിന്‍റെ ദൗര്‍ഭാഗ്യം എന്നും അദ്ദേഹം കൂട്ടിച്ചേര്‍ത്തു.

pk-kunjali-kkutty-kmcc-s-thangal-at-abudhabi-ePathram

ആരൊക്കെ എന്തൊക്കെ പറഞ്ഞാലും സമാധാന ത്തിന്‍റെയും ശാന്തിയുടെയും പാത യില്‍ നിന്നും പിറകോട്ട് സഞ്ചരിക്കുന്ന സാഹ ചര്യം ഉണ്ടാവില്ല എന്നും സമാധാനത്തിന്‍റെ ഉറക്കു പാട്ട് തന്നെയാണ് മുസ്ലിം ലീഗ് പ്രസ്ഥാനം എന്നും ആലപിക്കുക എന്നും മുസ്ലിം ലീഗ് ദേശീയ സെക്രട്ടറി പി. കെ. കുഞ്ഞാലി ക്കുട്ടി വ്യക്തമാക്കി.

മുസ്ലിം സമൂഹം എക്കാലവും തീവ്ര വാദത്തിന് എതിരാണ്. അതിന്ന് എതിരെ പ്രവര്‍ത്തി ക്കുന്നവര്‍ സര്‍വ്വ രംഗ ങ്ങളിലും ഒളിച്ചോടേണ്ടി വരും എന്ന് കാലം തെളിയിച്ചു കഴിഞ്ഞു എന്നും അദ്ദേഹം പറഞ്ഞു. വിവിധ കാല ഘട്ടങ്ങളില്‍ വ്യത്യസ്ഥ വിഷയ ങ്ങളു മായി സമൂഹത്തില്‍ തീവ്രത പ്രചരിപ്പിക്കാന്‍ ശ്രമിക്കുന്നവര്‍ സമാധാന ജീവിത ത്തിന് എതിരെ പ്രവര്‍ത്തിക്കുന്നവര്‍ ആണെന്നും കുഞ്ഞാലി ക്കുട്ടി പറഞ്ഞു.

എത്ര തവണ പരാജയപ്പെട്ടാലും സമാധാന ത്തിന്‍റെ പാതയില്‍നിന്ന് വ്യതിചലിക്കുകയോ താല്‍ക്കാലിക നേട്ടത്തിനു വേണ്ടി തീവ്ര ചിന്താ ഗതിക്കാരുമായി മുസ്ലിം ലീഗ് സമരസപ്പെടുകയോ ചെയ്യുകയില്ല എന്ന് കഴിഞ്ഞ കാലങ്ങളിലൂടെ ഏവര്‍ക്കും ബോദ്ധ്യ പ്പെട്ടതാണ്. ആ നിലപാട് തന്നെയായിരിക്കും മുസ്ലിംലീഗ് തുടര്‍ന്നും സ്വീകരിക്കുക. എല്ലാ വിഭാഗം മതസ്ഥരെയും മതങ്ങള്‍ക്ക് ഉള്ളിലെ വ്യത്യസ്ഥ വീക്ഷണം ഉള്ളവരെയും ഒന്നിച്ചിരുത്താന്‍ മുസ്ലിം ലീഗ് പ്രസ്ഥാനത്തിന് മാത്രമാണ് കഴിയുകയുള്ളു എന്ന് ഡോ. എം. കെ. മുനീര്‍ എം. എല്‍. എ. പറഞ്ഞു.

ചടങ്ങില്‍ സംബന്ധിച്ച സ്വാമി ആത്മ ദാസ് യമി ധർമ്മ പക്ഷ, ഫാദര്‍ ജിജോ ജോസഫ്, ഫാദര്‍ എല്‍ദോ എം. പോള്‍,  പ്രൊഫ. ഗോപി നാഥ് മുതുകാട്, ഷാജഹാന്‍ മാടമ്പാട്ട്, അബ്ദുല്‍ ഹക്കീം ഫൈസി, ഹുസൈന്‍ സലഫി, സേവനം പ്രതിനിധി രാജന്‍ അമ്പലത്തറ, വിഗ്‌നേഷ് അങ്ങാടിപ്പുറം, കെ. എം. സി. സി. നേതാക്കളായ പുത്തൂര്‍ റഹ്‌മാന്‍, അന്‍വര്‍ നഹ, യു. അബ്ദുല്ല ഫാറൂഖി, എം. പി. എം. റഷീദ്, ടി. കെ. അബ്ദുല്‍ സലാം, സിംസാറുല്‍ ഹഖ് ഹുദവി തുടങ്ങിയവര്‍ സംസാരിച്ചു.

കെ. എം. സി. സി.പ്രസിഡണ്ട് ശുക്കൂറലി കല്ലുങ്ങല്‍ അദ്ധ്യക്ഷത വഹിച്ചു. ജനറല്‍ സെക്രട്ടറി അഡ്വ. കെ. വി. മുഹമ്മദ് കുഞ്ഞി സ്വാഗതം പറഞ്ഞു. ട്രഷറര്‍ പി. കെ. അഹമ്മദ് നന്ദി രേഖപ്പെടുത്തി. പാണക്കാട് സാദിഖലി തങ്ങളുടെ നേതൃത്വ ത്തില്‍ നടത്തുന്ന ഇത്തരം പരിപാടികള്‍ക്ക് സര്‍വ്വ പിന്തുണയും നല്‍കും എന്ന് പരിപാടി യില്‍ പങ്കെടുത്തു സംസാരിച്ച പ്രമുഖര്‍ അഭിപ്രായപ്പെട്ടു.

- pma

വായിക്കുക: , , , , ,

Comments Off on സമാധാന സംരക്ഷണം പ്രധാന ദൗത്യം : സാദിഖലി ശിഹാബ് തങ്ങള്‍

സൗഹൃദത്തിന്‍റെ ഒത്തു കൂടല്‍ : സാദിഖലി തങ്ങള്‍ 25 ന് അബുദാബി യില്‍

September 21st, 2022

thangal-at-abudhabi-ePathram
അബുദാബി : സൗഹൃദത്തിന്‍റെയും സാഹോദര്യ ത്തിന്‍റെയും സന്ദേശവുമായി അബുദാബി കെ. എം. സി. സി. സംസ്ഥാന കമ്മിറ്റി ഒരുക്കുന്ന ‘തങ്ങൾ @ അബുദാബി’ എന്ന പരിപാടി 2022 സെപ്റ്റംബര്‍ 25 ഞായറാഴ്ച അബുദാബി ഇന്ത്യന്‍ ഇസ്ലാമിക് സെന്‍ററില്‍ നടക്കും. മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍ മുഖ്യ അതിഥിയായി സംബന്ധിക്കുന്ന പരിപാടിയില്‍ മുസ്ലിം ലീഗ് ദേശീയ ജനറല്‍ സെക്രട്ടറി പി. കെ. കുഞ്ഞാലിക്കുട്ടി, വിവിധ മത നേതാക്കളും പ്രമുഖ വ്യക്തിത്വങ്ങളും സംബന്ധിക്കും.

state-kmcc-sadik-ali-thangal-at-abu-dhabi-press-meet-ePathram

സംസ്ഥാന കെ. എം. സി. സി. നേതാക്കള്‍ വാര്‍ത്താ സമ്മേളനത്തില്‍

സംസ്ഥാന മുസ്ലിം ലീഗ് പ്രസിഡണ്ട് പദവി ഏറ്റെടുത്ത ശേഷം ആദ്യമായി അബുദാബിയില്‍ എത്തുന്ന സാദിഖലി ശിഹാബ് തങ്ങളുടെ പരിപാടി തികച്ചും വ്യത്യസ്ഥവും മാതൃകാ പരവും ആയിരിക്കും എന്ന് സംസ്ഥാന കെ. എം. സി. സി. പ്രസിഡണ്ട് ശുക്കൂറലി കല്ലുങ്ങല്‍, ജനറല്‍ സെക്രട്ടറി അഡ്വ. കെ. വി. മുഹമ്മദ് കുഞ്ഞി, ട്രഷറര്‍ പി. കെ. അഹമ്മദ്, നാഷണല്‍ കമ്മിറ്റി വര്‍ക്കിംഗ് പ്രസിഡണ്ട് യു. അബ്ദുല്ലാ ഫാറൂഖി എന്നിവര്‍ വാര്‍ത്താ സമ്മേളന ത്തില്‍ അറിയിച്ചു.

കേരളത്തിന്‍റെ മത സാഹോദര്യം നില നിര്‍ത്തുന്നതില്‍ മുഖ്യ പങ്ക് വഹിക്കുന്ന പാണക്കാട് കുടുംബവും സയ്യിദ് സാദിഖലി ശിഹാബ് തങ്ങളും മതേതര സമൂഹത്തിന്‍റെ പ്രതീക്ഷയാണ്. ഓരോ കാല ഘട്ടങ്ങളിലും വിശിഷ്യാ കലുഷിതമായ സാഹചര്യങ്ങളില്‍ പോലും സമാധാന ത്തിന്‍റെ സന്ദേശവുമായി സയ്യിദ് കുടുംബം നടത്തിയ സേവനങ്ങളും പാണക്കാട് സയ്യിദ് കുടുംബം മേതേതര കേരളത്തിന് സമര്‍പ്പിച്ച സംഭാവനകളും ചരിത്രത്തില്‍ ഇടം നേടിയതാണ്.

അബുദാബിയില്‍ എത്തുന്ന സാദിഖലി തങ്ങളെ സ്വീകരിക്കുന്നതിനും പരിപാടിയുടെ വിജയത്തിനും വേണ്ടി 101 അംഗ സ്വാഗത സംഘം പ്രവര്‍ത്തിക്കുന്നു. വിവിധ ജില്ലാ – മണ്ഡലം – പഞ്ചായത്ത് കമ്മിറ്റികളുടെ നേതൃത്വത്തില്‍ കണ്‍വെന്‍ഷനുകളും പ്രചാരണ പരിപാടി കളും നടന്നു വരുന്നു.

ഇസ്‌ലാമിക് സെന്‍ററിൽ വിളിച്ചു ചേർത്ത വാര്‍ത്താ സമ്മേളനത്തില്‍ ഭാര വാഹികളായ മജീദ് അണ്ണാൻ തൊടി, റഷീദ് പട്ടാമ്പി എന്നിവരും സംബന്ധിച്ചു.

- pma

വായിക്കുക: , ,

Comments Off on സൗഹൃദത്തിന്‍റെ ഒത്തു കൂടല്‍ : സാദിഖലി തങ്ങള്‍ 25 ന് അബുദാബി യില്‍

ഇസ്ലാമിക് സെന്‍ററില്‍ സെമിനാര്‍ : ‘പാഠ്യ പദ്ധതിക്ക് പുറത്തുള്ള രക്ഷാ കര്‍തൃത്വം’

September 15th, 2022

islamic-center-parenting-class-ePathram
അബുദാബി : ഇന്ത്യൻ ഇസ്ലാമിക് സെന്‍റർ പബ്ലിക് റിലേഷൻ വിഭാഗം രക്ഷകർത്താക്കൾക്കായി ‘പാഠ്യ പദ്ധതിക്ക് പുറത്തുള്ള രക്ഷാ കര്‍തൃത്വം’ എന്ന പേരിൽ സെമിനാർ സംഘടിപ്പിക്കുന്നു. 2022 സെപ്റ്റംബർ 16 വെള്ളിയാഴ്ച വൈകുന്നേരം 7.30 നു ഇന്ത്യൻ ഇസ്ലാമിക് സെന്‍ററില്‍ നടക്കുന്ന പരിപാടിയിൽ പ്രമുഖ ശിശു രോഗ വിദഗ്ദ്ധ ഡോക്ടർ ഹസീന ജാസ്മിൻ (എല്‍. എല്‍. എച്ച്. ആശുപത്രി), എഴുത്തുകാരിയും പരിശീലക യുമായ അജിഷ മുഹമ്മദ് എന്നിവർ നേതൃത്വം നൽകും.

തിരക്കേറിയ പ്രവാസ ജീവിത സാഹചര്യങ്ങളിൽ രക്ഷിതാക്കളും കുട്ടികളും അനുഭവിക്കുന്ന ആരോഗ്യകരവും മാനസികവുമായ ബുദ്ധി മുട്ടുകളും അവക്കുള്ള പരിഹാരവും മുൻ നിർത്തിയാണ് സെമിനാർ സംഘടിപ്പിച്ചിട്ടുള്ളത്.

വിവരങ്ങൾക്ക് സെന്‍റര്‍ ഓഫീസുമായി ബന്ധപ്പെടുക : ഫോണ്‍ : 02 642 44 88

- pma

വായിക്കുക: , , , , , , ,

Comments Off on ഇസ്ലാമിക് സെന്‍ററില്‍ സെമിനാര്‍ : ‘പാഠ്യ പദ്ധതിക്ക് പുറത്തുള്ള രക്ഷാ കര്‍തൃത്വം’

കേക്ക് ചാലഞ്ച് സെപ്റ്റംബര്‍ 23 ന് ഇസ്ലാമിക് സെന്‍ററില്‍

September 13th, 2022

cake-challenge-islamic-center-charity-wing-ePathram
അബുദാബി : ജീവകാരുണ്യ പ്രവര്‍ത്തനങ്ങളുടെ ഭാഗമായി അബുദാബി ഇന്ത്യന്‍ ഇസ്ലാമിക് സെന്‍റര്‍ റിലീഫ് വിംഗ് സംഘടിപ്പിക്കുന്ന ‘കേക്ക് ചാലഞ്ച്’ സെപ്റ്റംബര്‍ 23 ന് സെന്‍ററില്‍ നടക്കും. വീടുകളില്‍ വെച്ച് സ്വന്തമായി നിര്‍മ്മിച്ച കേക്ക് പ്രദര്‍ശനത്തിന് സജ്ജമാക്കിയ ശേഷം ഇസ്ലാമിക് സെന്‍ററില്‍ ഒരുക്കുന്ന മത്സര വേദിയില്‍ എത്തിക്കുകയാണ് വേണ്ടത്.

മിനുക്കു പണികള്‍ സെന്‍ററില്‍ വെച്ച് നടത്താന്‍ അനുവദിക്കുന്നതാണ്. ഒരു മത്സരാര്‍ത്ഥിക്ക് രണ്ട് കേക്കുകള്‍ വരെ പ്രദര്‍ശിപ്പിക്കാം.

വിദഗ്ദ ജൂറികളുടെ നേതൃത്വത്തില്‍, വിവിധ മാനദണ്ഡങ്ങള്‍ അടിസ്ഥാനപ്പെടുത്തി മൂല്യ നിര്‍ണ്ണയം നടത്തി വിജയികളെ പ്രഖ്യാപിക്കും. ഏറ്റവും മികച്ച മൂന്ന് എന്‍ട്രികള്‍ക്ക് ആകര്‍ഷകമായ സമ്മാനങ്ങള്‍ നൽകും. തെരഞ്ഞെടുക്കപ്പെടുന്ന പത്ത് എന്‍ട്രികള്‍ക്ക് പ്രോത്സാഹന സമ്മാനവും നൽകും.

കേക്ക് ചാലഞ്ച് സംബന്ധിച്ച കൂടുതല്‍ വിവര ങ്ങള്‍ക്കും അന്വേഷണങ്ങള്‍ക്കും ഇസ്ലാമിക് സെന്‍റര്‍ ഓഫീസുമായി ബന്ധപ്പെടണം.

ഫോണ്‍ നമ്പര്‍ 02 642 44 88, 056 237 2506.
e-Mail : iic @ emirates. net. ae

- pma

വായിക്കുക: , , , ,

Comments Off on കേക്ക് ചാലഞ്ച് സെപ്റ്റംബര്‍ 23 ന് ഇസ്ലാമിക് സെന്‍ററില്‍

ഓണ നിലാവ് ഇസ്ലാമിക് സെന്‍ററില്‍

September 9th, 2022

shafeel-kannur-team-abudhabinz-first-anniversary-ePathram
അബുദാബി : ജീവകാരുണ്യ പ്രവര്‍ത്തന രംഗത്ത് സജീവ മായിട്ടുള്ള സാമൂഹിക സാംസ്‌കാരിക കൂട്ടായ്മ ‘ടീം അബുദബിൻസ്’ ഒന്നാം വാർഷിക ആഘോഷ ങ്ങളുടെ ഭാഗമായി ഒരുക്കുന്ന ‘ലുലു എക്സ് ചേഞ്ച് ഓണ നിലാവ്’ മെഗാ ഷോ സെപ്റ്റംബർ 9 വെള്ളിയാഴ്ച രാത്രി 7 മണിക്ക് അബുദാബി ഇന്ത്യൻ ഇസ്ലാമിക് സെന്‍ററിൽ നടക്കും.

ഷഫീൽ കണ്ണൂർ സംവിധാനം ചെയ്യുന്ന മെഗാ ഷോ യിൽ കണ്ണൂർ ഷരീഫ്, ഷാഫി കൊല്ലം, യൂസഫ് കാരക്കാട്, സജിലാ സലിം, അനഘ ശ്യാം തുടങ്ങിയ പ്രമുഖ ഗായകർ പങ്കെടുക്കും.

ടീം അബുദാബിൻസ് ഏർപ്പെടുത്തിയ പ്രഥമ മാധ്യമ പുരസ്‌കാരം മാധ്യമ പ്രവർത്തകരായ റാഷിദ് പൂമാടം, സമീർ കല്ലറ എന്നിവർക്കും സോഷ്യൽ എക്‌സലൻസ് അവാർഡ് ഡോക്ടർ ധന ലക്ഷ്മിക്കും സമ്മാനിക്കും. ഇന്ത്യൻ എംബസി കൗൺസിലർ ഡോക്ടർ ബാലാജി രാമ സ്വാമി പരിപാടിയിൽ മുഖ്യ അതിഥിയായി പങ്കെടുക്കും.

- pma

വായിക്കുക: , , ,

Comments Off on ഓണ നിലാവ് ഇസ്ലാമിക് സെന്‍ററില്‍

Page 7 of 20« First...56789...20...Last »

« Previous Page« Previous « എലിസബത്ത് രാജ്ഞി അന്തരിച്ചു
Next »Next Page » ‘ആരോഗ്യകരമായ വേനൽ ക്കാലം’ കൂൾ ഡൗൺ ബൂത്തിലെ സേവനങ്ങൾ 20,000 പേർ ഉപയോഗിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha