ഒരു വോട്ട് മാത്രം എന്ന് ഉറപ്പു വരുത്തണം : ഹൈക്കോടതി

March 29th, 2021

election-ink-mark-epathram
കൊച്ചി : ഇരട്ട വോട്ടുള്ളവർ ഒരു വോട്ടു മാത്രം ചെയ്യുന്നു എന്ന് ഉറപ്പു വരുത്തണം എന്ന് സംസ്ഥാന തെരഞ്ഞെടുപ്പു കമ്മീഷനോട് ഹൈക്കോടതി. പൗരന്മാരുടെ അവകാശം സംബന്ധിച്ചതും ഏറെ ഗൗരവം ഉള്ളതുമായ വിഷയം ആണിത് എന്ന് ഹൈക്കോടതി നിരീക്ഷിച്ചു.

ഇരട്ട വോട്ടുകൾ മരവിപ്പിക്കണം എന്ന് ആവശ്യപ്പെട്ടു കൊണ്ട് പ്രതിപക്ഷ നേതാവ് രമേശ് ചെന്നിത്തല നല്‍കിയ ഹർജിയിലാണ് ഹൈക്കോടതി യുടെ ഇടക്കാല ഉത്തരവ്.

ഇരട്ട വോട്ട് തടയുന്നതിനുള്ള നിയമ നടപടികളുമായി മുന്നോട്ടു പോകുന്നതിനു മാർഗ്ഗ നിർദ്ദേശങ്ങൾ ഉണ്ട് എന്നും അതു സ്വീകരിക്കും എന്നും തെരഞ്ഞെടുപ്പ് കമ്മീഷൻ ഹൈക്കോടതിയെ അറിയിച്ചു.

വോട്ടർ പട്ടികയിലെ വ്യാജ പേരുകൾ നീക്കണം എന്ന് രമേശ് ചെന്നിത്തല ഹൈക്കോടതി യിൽ സമർപ്പിച്ച ഹരജിയില്‍ ആവശ്യപ്പെട്ടിരുന്നു. നാല് ലക്ഷത്തില്‍ അധികം വ്യാജ – ഇരട്ട വോട്ടുകൾ ഉണ്ട് എന്നും ഇത്തര ത്തിൽ വോട്ടുകൾ ചേർത്തതിന് പിന്നിൽ ഉദ്യോഗ തലത്തിൽ ഗൂഢാലോചന നടന്നിട്ടുണ്ട്. കുറ്റക്കാരായ ഉദ്യോഗസ്ഥർക്ക് എതിരെ നടപടി സ്വീകരിക്കണം എന്നും രമേശ് ചെന്നിത്തല ആവശ്യപ്പെട്ടിരുന്നു.

- pma

വായിക്കുക: , , , , , ,

Comments Off on ഒരു വോട്ട് മാത്രം എന്ന് ഉറപ്പു വരുത്തണം : ഹൈക്കോടതി

കേന്ദ്ര ബജറ്റ് : കേരളത്തിലെ ഗതാഗത മേഖലക്ക് വന്‍ പ്രഖ്യാപനം

February 1st, 2021

indian-defence-minister-nirmala-sitaraman-ePathram
ന്യൂഡല്‍ഹി : ധനമന്ത്രി നിര്‍മ്മല സീതാരാമന്‍ അവതരിപ്പിച്ച കേന്ദ്ര ബജറ്റില്‍ കേരളത്തിലെ ഗതാഗത മേഖലക്ക് പ്രതീക്ഷ. 1100 കിലോ മീറ്റര്‍ ദേശീയ പാത വികസന ത്തിന് 65,000 കോടി രൂപ അനു വദിച്ചു.

ഇതില്‍ 600 കിലോ മീറ്റര്‍ മുംബൈ – കന്യാ കുമാരി ഇട നാഴിയുടെ നിര്‍മ്മാണവും ഉള്‍പ്പെടും. കൊച്ചി മെട്രോ രണ്ടാം ഘട്ട വിക സന ത്തിന്റെ ഭാഗ മായി 11.5 കിലോ മീറ്റര്‍ നീട്ടും. ഇതിനു വേണ്ടി 1957 കോടി രൂപ അനുവദിച്ചു.

നിയമ സഭാ തെരഞ്ഞെടുപ്പ് മുന്നില്‍ കണ്ടു കൊണ്ട് കേരളം കൂടാതെ തമിഴ്നാട്, പശ്ചിമ ബംഗാള്‍, അസ്സം എന്നീ സംസ്ഥാനങ്ങളിലെ റോഡ് വികസനത്തിന് വന്‍ പദ്ധതികളും ഈ ബജറ്റില്‍ പ്രഖ്യാപിച്ചിട്ടുണ്ട്.  അതു പോലെ  ആരോഗ്യ മേഖലയെ ശക്തി പ്പെ ടുത്തുന്നതിന് ബജറ്റില്‍ പ്രാമുഖ്യം നല്‍കി.

കൊവിഡ് മഹാ മാരിക്ക് എതിരായ പോരാട്ടം തുടരും. കൊവിഡ് വാക്‌സിനു വേണ്ടി 35,000 കോടി രൂപ ബജറ്റില്‍ നീക്കി വെച്ചി ട്ടുണ്ട്.  നിലവിലെ രണ്ട് വാക്സി നുകള്‍ കൂടാതെ പുതിയ രണ്ട് വാക്സിനു കള്‍ കൂടെ രാജ്യത്ത് ലഭ്യമാക്കും.

ഇത്തവണ പേപ്പര്‍ രഹിത ബജറ്റ് ആയിരുന്നു. അംഗങ്ങള്‍ക്ക് ബജറ്റി ന്റെ സോഫ്റ്റ് കോപ്പി കള്‍ നല്‍കി. 2021 ല്‍ നടക്കാനിരിക്കുന്ന രാജ്യ ത്തെ ആദ്യ ഡിജിറ്റല്‍ ജന സംഖ്യാ കണക്ക് എടുപ്പിന്ന് വേണ്ടി 3,726 കോടി രൂപ അനു വദിച്ചു.

ആരോഗ്യം, അടിസ്ഥാന സൗകര്യം, സമഗ്ര വിക സനം, മാനവിക മൂലധന വികസനം, ഗവേഷ ണവും വികസന വും, മിനിമം ഗവണ്‍ മെന്റ് മാക്‌സിമം ഗവേര്‍ണന്‍സ് എന്നിവ മുന്‍ നിറുത്തിയാണ് ബജറ്റ് തയ്യാറാക്കിയത് എന്നും ധനമന്ത്രി അറിയിച്ചു.

- pma

വായിക്കുക: , , , , , , ,

Comments Off on കേന്ദ്ര ബജറ്റ് : കേരളത്തിലെ ഗതാഗത മേഖലക്ക് വന്‍ പ്രഖ്യാപനം

തദ്ദേശ തെരഞ്ഞെടുപ്പ് : വോട്ടര്‍മാര്‍ ആവേശ ത്തോടെ പോളിംഗ് ബൂത്തു കളിലേക്ക്

December 10th, 2020

election-ink-mark-epathram
കൊച്ചി : തദ്ദേശ സ്വയം ഭരണ സ്ഥാപനങ്ങളി ലേക്കുള്ള തെരഞ്ഞെടുപ്പിന്റെ രണ്ടാംഘട്ട വോട്ടെടുപ്പ് ഇന്ന് (വ്യാഴം) ആരംഭിച്ചപ്പോള്‍ വോട്ടര്‍മാര്‍ രാവിലെ ആറര മണി മുതല്‍ തന്നെ ആവേശ ത്തോടെ പോളിംഗ് ബൂത്തു കളിലേക്ക് എത്തുന്നു എന്നാണ് റിപ്പോര്‍ട്ട്.

കോട്ടയം, എറണാകുളം, തൃശ്ശൂര്‍, പാലക്കാട്, വയനാട് ജില്ലകളിലെ വോട്ടര്‍ മാരാണ് ഇന്ന് രണ്ടാം ഘട്ട ത്തില്‍ തങ്ങളുടെ സമ്മതിദാന അവകാശം വിനിയോഗി ക്കുന്നത്. കൊവിഡ് വൈറസ് വ്യാപനത്തിന്റെ പശ്ചാ ത്തല ത്തില്‍ കൊവിഡ് മാനദണ്ഡങ്ങള്‍ പാലിക്കുവാന്‍ കടുത്ത നിയന്ത്രണങ്ങള്‍ ഏര്‍പ്പെടുത്തിയാണ് കേരള ത്തില്‍ തെരഞ്ഞെടുപ്പ് നടക്കുന്നത്.

മൂന്നാം ഘട്ട വോട്ടെടുപ്പ് ഡിസംബർ 14 തിങ്കളാഴ്ച നടക്കും. മലപ്പുറം, കോഴിക്കോട്, കണ്ണൂർ, കാസർ ഗോഡ് ജില്ല കളിലെ വോട്ടര്‍മാരാണ് മൂന്നാം ഘട്ട ത്തില്‍ പോളിംഗ് ബൂത്തു കളിലേക്ക് എത്തുക.

ആദ്യഘട്ട തെരഞ്ഞെടുപ്പ് തിരുവനന്ത പുരം, കൊല്ലം, പത്തനം തിട്ട, ആലപ്പുഴ, ഇടുക്കി ജില്ലകളിൽ ഡിസംബർ 8 ചൊവ്വാഴ്ചയാണ് നടന്നത്. 73.12 ശതമാനം പോളിംഗ് നടന്നു എന്ന്സര്‍ക്കാര്‍ വൃത്തങ്ങള്‍  പബ്ലിക് റിലേഷന്‍ വകുപ്പിന്റെ പ്രസ്സ് റിലീസില്‍ അറിയിച്ചു. വോട്ടെണ്ണല്‍ ബുധനാഴ്ചയാണ്.

 

- pma

വായിക്കുക: , ,

Comments Off on തദ്ദേശ തെരഞ്ഞെടുപ്പ് : വോട്ടര്‍മാര്‍ ആവേശ ത്തോടെ പോളിംഗ് ബൂത്തു കളിലേക്ക്

തദ്ദേശ തെരഞ്ഞെടുപ്പ് : വോട്ടര്‍മാരുടെ തിരിച്ചറിയല്‍ രേഖകള്‍

December 6th, 2020

logo-election-commission-of-india-ePathram
ആലപ്പുഴ : സമ്മതിദായകൻ പോളിംഗ് സ്റ്റേഷനിലേക്ക് പ്രവേശിക്കുമ്പോള്‍ പ്രിസൈഡിംഗ് ഓഫീസറുടെയോ അദ്ദേഹം അധികാര പ്പെടുത്തിയ പോളിംഗ് ഓഫീസറു ടെയോ മുമ്പാകെ കേന്ദ്ര തെരഞ്ഞെടുപ്പ് കമ്മീഷൻ നൽകി യിട്ടുള്ള തിരിച്ചറിയൽ രേഖ അല്ലെങ്കിൽ സംസ്ഥാന തെരഞ്ഞെടുപ്പ് കമ്മീഷന്‍ നൽകി യിട്ടുള്ള വോട്ടർ സ്ലിപ്പ് ഹാജരാക്കണം.

സംസ്ഥാന തെരഞ്ഞെടുപ്പ് കമ്മീഷന്‍ ഇറക്കിയ ഉത്തരവു പ്രകാരം താഴെ പ്പറയുന്ന രേഖ കളിൽ ഏതെങ്കിലും ഒന്ന് വോട്ടര്‍മാര്‍ പോളിംഗ് സ്റ്റേഷനില്‍ ഹാജരാക്കണം.

1. കേന്ദ്ര തെരഞ്ഞെടുപ്പ് കമ്മീഷന്റെ തിരിച്ചറിയല്‍ കാര്‍ഡ്.
2. പാസ്സ് പോര്‍ട്ട്.
3. ഡ്രൈവിംഗ് ലൈസന്‍സ്.
4. പാന്‍ കാര്‍ഡ്.
5. ആധാര്‍ കാര്‍ഡ്.
6. ഫോട്ടോ പതിച്ചിട്ടുള്ള എസ്. എസ്. എല്‍. സി. ബുക്ക്.
7. സംസ്ഥാന തെരഞ്ഞെടുപ്പ് കമ്മീഷന്‍ നല്‍കി യിട്ടുള്ള തിരിച്ചറിയല്‍ കാര്‍ഡ്.
8. ഏതെങ്കിലും ദേശ സാല്‍കൃത ബാങ്കില്‍ നിന്നുള്ള പാസ്സ് ബുക്ക്. (തെരഞ്ഞെടുപ്പ് തീയ്യതിക്ക് ആറുമാസ കാലയള വിന് മുമ്പ് വരെ നല്‍കിയിട്ടുള്ള ഫോട്ടോ പതിച്ച പാസ്സ് ബുക്ക് ആയിരിക്കണം).

- pma

വായിക്കുക: , , ,

Comments Off on തദ്ദേശ തെരഞ്ഞെടുപ്പ് : വോട്ടര്‍മാരുടെ തിരിച്ചറിയല്‍ രേഖകള്‍

പരസ്യ പ്രചാരണം : കൊട്ടിക്കലാശം പാടില്ല

December 6th, 2020

panchayath-municipality-local-body-election-2020-ePathram
തിരുവനന്തപുരം : തദ്ദേശ തെരഞ്ഞെടുപ്പിന്റെ പരസ്യ പ്രചാരണം അവസാ നിക്കുന്ന ദിവസ ങ്ങളില്‍ കണ്ടു വരുന്ന ആവേശത്തോടെ യുള്ള കൊട്ടിക്കലാശം പാടില്ല എന്ന് സംസ്ഥാന തെരഞ്ഞെടുപ്പ് കമ്മീഷന്‍.

നിലവിലെ സാഹചര്യത്തില്‍ മുന്‍ കാലങ്ങളിലേതു പോലെ യുള്ള ആള്‍ ക്കൂട്ടവും ഒത്തു ചേരലും കൊവിഡ് വ്യാപനത്തിനു വഴിവെക്കും എന്നുള്ളതിനാലാണ് ഈ നിയന്ത്രണം. പൊതു ഇടങ്ങളില്‍ ആള്‍കൂട്ടമായി വന്നുള്ള പ്രകടനങ്ങളും അനുവദി ക്കുകയില്ല.

കൊവിഡ് മാനദണ്ഡങ്ങള്‍ പാലിച്ചു തന്നെയാണ് ഇതു വരെ പ്രചാരണ പ്രവര്‍ത്തനങ്ങള്‍ നടന്നത്. ചട്ട ലംഘന ങ്ങള്‍ സംബന്ധിച്ച പരാതികള്‍ ഒന്നും തന്നെ വന്നിട്ടില്ല. ചെറിയ ചില ലംഘനങ്ങള്‍ ഉണ്ടായത് ജില്ലാ കളക്ടര്‍ ഇടപെട്ട് പരിഹരിക്കും.

തെരഞ്ഞെടുപ്പിനായുള്ള ഒരുക്കങ്ങള്‍ എല്ലാം പൂര്‍ത്തി യായി. വോട്ടിംഗ് മെഷ്യനില്‍ സ്ഥാനാര്‍ത്ഥികളെ ക്രമം അനുസരിച്ച് രേഖപ്പെടുത്തുന്നത് പൂര്‍ത്തിയായി. ആദ്യഘട്ട തെരഞ്ഞെടുപ്പിനുള്ള പോളിംഗ് സാമഗ്രികള്‍ ഏഴാം തിയ്യതി വിതരണം ചെയ്യും.

ഇതിനോടൊപ്പം തന്നെ ബൂത്തുകളിലെ ഉദ്യോഗസ്ഥര്‍ക്ക് ഉപയോഗിക്കു വാനുള്ള മാസ്‌ക്, ഗ്ലൗസ്, ഫെയ്സ് ഷീല്‍ഡ്, സാനിറ്റൈസര്‍ എന്നിവയും വിതരണം ചെയ്യും.

വോട്ടര്‍മാര്‍ പോളിംഗ് സ്റ്റേഷനിലേക്ക് കയറുന്നതിന് മുമ്പ് കൈകളില്‍ സാനിറ്റൈസര്‍ ഉപ യോഗിക്കണം. വോട്ട് ചെയ്ത് പുറത്ത് ഇറങ്ങു മ്പോഴും സാനിറ്റൈസര്‍ ഉപയോഗിക്കണം. ബൂത്തുകളില്‍ സാനിറ്റൈസര്‍ നല്‍കാന്‍ ഒരാളെ നിയോഗിക്കും.

കൊവിഡ് പോസിറ്റീവ് ആയവര്‍, ക്വാറന്റൈ നില്‍ ഉള്ളവര്‍ എന്നിവരുടെ പേര്‍ വിവര ങ്ങള്‍ പോളിംഗിനു മുന്‍പത്തെ ദിവസം വൈകുന്നേരം മൂന്നു മണി വരെ തയ്യാറാക്കുന്ന ലിസ്റ്റില്‍ ഉള്‍പ്പെടുന്നവര്‍ക്ക് തപാല്‍ വോട്ട് അനുവദിക്കും എന്നും തെരഞ്ഞെടുപ്പ് കമ്മീഷണര്‍ വ്യക്തമാക്കി.

- pma

വായിക്കുക: , , ,

Comments Off on പരസ്യ പ്രചാരണം : കൊട്ടിക്കലാശം പാടില്ല

Page 6 of 41« First...45678...203040...Last »

« Previous Page« Previous « വെള്ളിയാഴ്ച ഖുത്തുബ വീണ്ടും
Next »Next Page » തദ്ദേശ തെരഞ്ഞെടുപ്പ് : വോട്ടര്‍മാരുടെ തിരിച്ചറിയല്‍ രേഖകള്‍ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha