ജിമ്മി ജോര്‍ജ് സ്മാരക വോളിബോള്‍ ടൂര്‍ണമെന്റ് കെ. എസ്. സി. യില്‍

November 29th, 2014

ksc-uae-exchange-jimmy-george-voly-ball-2014-ePathram
അബുദാബി : കേരള സോഷ്യല്‍ സെന്റര്‍ സംഘടി പ്പിക്കുന്ന യു എ ഇ എക്സ്ചേഞ്ച് – ജിമ്മി ജോര്‍ജ് സ്മാരക വോളിബോള്‍ ടൂര്‍ണമെന്റ് ഡിസംബര്‍ 6 ശനിയാഴ്ച മുതല്‍ കെ. എസ്. സി. അങ്കണ ത്തില്‍ നടക്കും

ശനിയാഴ്ച വൈകുന്നേരം എട്ടു മണിക്ക് വിവിധ കലാ പരിപാടി കളോടെ ടൂര്‍ണ മെന്റിന്റെ ഉദ്ഘാടനം നടക്കും. ദിവസവും രണ്ടു കളി കള്‍ ഉണ്ടായിരിക്കും. കേരള സോഷ്യല്‍ സെന്റര്‍ അങ്കണ ത്തില്‍ പ്രത്യേകം തയ്യാറാക്കുന്ന കോര്‍ട്ടി ലാണ് വോളീ ബോള്‍ ടൂര്‍ണമെന്റ് നടക്കുക. ഡിസംബര്‍ 10 വരെ നീണ്ടു നില്‍ക്കുന്ന ടൂര്‍ണമെന്റ് ദിവസവും രാത്രി എട്ടു മണി മുതലാണ് ആരംഭിക്കുക. കാണികള്‍ക്ക് ഗ്യാലറി യിലേ ക്കുള്ള പ്രവേശനം സൌജന്യം ആയിരിക്കും.

യു. എ. ഇ, ഇന്ത്യ, റഷ്യ, ഇറാന്‍, ലബനന്‍, ഈജിപ്റ്റ്‌ എന്നീ രാജ്യ ങ്ങളിലെയും ഗള്‍ഫ് രാജ്യ ങ്ങളിലെയും ദേശീയ – അന്തര്‍ ദേശീയ വോളീ ബോള്‍ താരങ്ങളും ടൂര്‍ണമെന്റില്‍ കളിക്കും.

ഇന്ത്യന്‍ അന്തര്‍ ദേശീയ വോളീബോള്‍ താരങ്ങളായ കപില്‍ദേവ്, ടോം ജോസഫ്, വിപിന്‍ ജോര്‍ജ്, ജയലാല്‍, അഖില്‍, ദേശീയ താര ങ്ങളായ നാദിര്‍ഷ, സുലൈമാന്‍ റാസി തുടങ്ങി യവര്‍ വിവിധ ടീമുകള്‍ക്ക് വേണ്ടി മത്സരിക്കും.

യു. എ. ഇ. അന്തര്‍ ദേശീയ വോളീബോള്‍ താര ങ്ങളായ ഹസ്സന്‍ മാജിദ്, ഹാനി അബ്ദുല്ല, ഹസന്‍ അത്താസ്, സെയ്ദ് അല്‍ മാസ്, ഉമര്‍ അല്‍ തനീജി എന്നിവരും ഉക്രെയ്ന്‍ താരങ്ങളായ ഡിമിട്രോ വ്ഡോവിന്‍, ലെവ്ജെന്‍ സൊറോവ് എന്നിവരു മാണ് ടൂര്‍ണമെന്റില്‍ പങ്കെടുക്കുക.

എന്‍. എം. സി.ആശുപത്രി, എല്‍. എല്‍. എച്ച്. ആശുപത്രി, ദുബായ് ഡ്യൂട്ടി ഫ്രീ, ദുബായ് വിഷന്‍ സേഫ്റ്റി, അബുദാബി നാഷണല്‍ ഒായില്‍ കമ്പനി (അഡ്നോക്), നാഷണല്‍ ഡ്രില്ലിംഗ്കമ്പനി (എന്‍. ഡി. സി.) എന്നീ ടീമു കളാണ് കളത്തില്‍ ഇറങ്ങുക.

വിജയി കള്‍ക്ക് യു. എ. ഇ. എക്സ്ചേഞ്ചും റണ്ണര്‍അപ് ട്രോഫി മടവൂര്‍ അയൂബിന്റെ പേരില്‍ കേരള സോഷ്യല്‍ സെന്ററും സമ്മാനിക്കും. ഒന്നാം സ്ഥാനക്കാര്‍ക്ക് 20,000 ദിര്‍ഹവും രണ്ടാം സ്ഥാന ക്കാര്‍ക്ക് 15,000 ദിര്‍ഹ വുമാണ് ക്യാഷ് അവാര്‍ഡ് നല്‍കുക.

പരിപാടിയെ കുറിച്ചു വിശദീകരിക്കാന്‍ വിളിച്ചു ചേര്‍ത്ത വാര്‍ത്താ സമ്മേളന ത്തില്‍ മുഖ്യ പ്രായോജകരായ യു. എ. ഇ. എക്സ്ചേഞ്ച് സി. ഒ. ഒ. സുധീര്‍ കുമാര്‍ ഷെട്ടി, കേരള സോഷ്യല്‍ സെന്റര്‍ പ്രസിഡന്റ് എം. യു. വാസു, ജനറല്‍ സെക്രട്ടറി സഫറുള്ള പാലപ്പെട്ടി, കായിക വിഭാഗം സെക്രട്ടറി പി.രജീദ്, ടീം കോഡിനേറ്റര്‍ ജോഷി തുടങ്ങിയവര്‍ സംബന്ധിച്ചു.

- pma

വായിക്കുക: , ,

Comments Off on ജിമ്മി ജോര്‍ജ് സ്മാരക വോളിബോള്‍ ടൂര്‍ണമെന്റ് കെ. എസ്. സി. യില്‍

എ. കെ. ജി. സ്മാരക ഫുട്‌ബോള്‍ ടൂര്‍ണമെന്റ് അബുദാബിയിൽ

November 26th, 2014

അബുദാബി : യു. എ. ഇ. ദേശീയ ദിന ആഘോഷ ങ്ങളുടെ ഭാഗ മായി കേരളാ സോഷ്യല്‍ സെന്റര്‍ സംഘടിപ്പിക്കുന്ന ഏഴാമത് എ. കെ. ജി. സ്മാരക ഫുട്‌ബോള്‍ ടൂര്‍ണമെന്റ്, നവംബര്‍ 27, 28, 29 തീയതി കളില്‍ (വ്യാഴം, വെള്ളി, ശനി) സെന്റര്‍ അങ്കണത്തിൽ നടക്കും.

ഒരു ടീമില്‍ നാല് കളിക്കാരാണ് ഉണ്ടാവുക. 76 ടീമുകള്‍ മത്സര ത്തില്‍ പങ്കെടുക്കും. ജൂനിയര്‍ വിഭാഗ ത്തില്‍ 56 ടീമുകളും സീനിയര്‍ വിഭാഗ ത്തില്‍ 20 ടീമു കളുമാണ് എ. കെ. ജി. സ്മാരക ട്രോഫിക്കു വേണ്ടി ഏറ്റുമുട്ടുക.

പത്തൊന്‍ പതാമത് ജിമ്മി ജോര്‍ജ് സ്മാരക വോളി ബോള്‍ ടൂര്‍ണ മെന്റിന്റെ മുന്നോടി യായി സംഘടി പ്പിക്കുന്ന ഈ ടൂര്‍ണമെന്റില്‍ യു. എ. ഇ. യുടെ വിവിധ ഭാഗ ങ്ങളില്‍ നിന്നുള്ള ടീമുകള്‍ അണിനിരക്കും. ആദ്യ മായാണ് അബുദാബി യില്‍ ഇത്രയധികം ടീമുകളെ പങ്കെടു പ്പിച്ച് കൊണ്ട് ഫുട്‌ബോള്‍ ടൂര്‍ണമെന്റ് സംഘടിപ്പിക്കുന്നത്.

- pma

വായിക്കുക: , , ,

Comments Off on എ. കെ. ജി. സ്മാരക ഫുട്‌ബോള്‍ ടൂര്‍ണമെന്റ് അബുദാബിയിൽ

ഓണാഘോഷം ശ്രദ്ധേയമായി

September 23rd, 2014

ksc-onam-celebration-2014-ePathram
അബുദാബി : നാടന്‍ കലകള്‍ ഉള്‍പ്പെടുത്തി കേരള സോഷ്യല്‍ സെന്‍റര്‍ ഒരുക്കിയ ഓണാഘോഷം ശ്രദ്ധേയ മായി. കാസര്‍ കോട് മുതല്‍ തിരുവനന്ത പുരം വരെ ഓണവു മായി ബന്ധപ്പെട്ട ആചാര ങ്ങളും അനുഷ്ഠാന ങ്ങളും നാടന്‍ കല കളും ഒരുക്കി വ്യത്യസ്തമായ രീതി യില്‍ ഒരുക്കിയ ആഘോഷം പ്രവാസി കള്‍ക്ക് വേറിട്ട അനുഭവമായി മാറി.

പൂക്കള മത്സര ത്തോടെ ആരംഭിച്ച പരിപാടികള്‍ ഡോ. കെ. പി. മോഹനന്‍ ഉദ്ഘാടനം ചെയ്തു. സെന്‍റര്‍ പ്രസിഡന്‍റ് എം. യു. വാസു വിന്‍െറ അധ്യക്ഷത യില്‍ ചേര്‍ന്ന സാംസ്കാരിക സമ്മേളന ത്തില്‍ ജനറല്‍ സെക്രട്ടറി സഫറുല്ല പാലപ്പെട്ടി, യു. എ. ഇ. എക്സ്ചേഞ്ച് സോണല്‍ മേധാവി അലക്സ് കരുവേലില്‍ എന്നിവര്‍ സംസാരിച്ചു.

തുടര്‍ന്ന് ശക്തി തിയറ്റേഴ്സിലെ 25ഓളം പേര്‍ അണിനിരന്ന ചെണ്ട മേള ത്തോടെ പൂത്താലമേന്തിയ കുട്ടികളും സ്ത്രീകളും ചേര്‍ന്ന് മാവേലിയെ വരവേറ്റു.

കാര്‍ഷിക വൃത്തി യുമായി ബന്ധപ്പെട്ട കാള കളി, സെന്‍റര്‍ വനിതാ വിഭാഗം അവതരിപ്പിച്ച കൈകൊട്ടിക്കളി, സുകുമാരന്‍ കണ്ണൂരും സംഘവും ഒരുക്കിയ കോതാമൂരി, അഭിലാഷും സംഘവും അവതരിപ്പിച്ച കുമ്മാട്ടി ക്കളി, പുലിക്കളി, ഓണപ്പാട്ടുകള്‍, ആറന്‍മുള വള്ളം കളി യിലെ തുഴക്കാരനായ പുരുഷോത്തമന്‍ നെടുമ്പ്രയാറും സംഘവും അവതരിപ്പിച്ച വഞ്ചിപ്പാട്ട്, കണ്ണിയാര്‍കളി, മധു പരവൂരും സംഘവും അവതരിപ്പിച്ച വട്ടം കളി, ഉറിയടി, കവുങ്ങ് കയറ്റം, തുമ്പിതുള്ളല്‍ എന്നിവയെല്ലാം ചേര്‍ന്ന് വൈവിധ്യ ങ്ങളുടെ ആഘോഷ മായിരുന്നു.

പൂക്കള മത്സര ത്തില്‍ വനിത കളുടെ വിഭാഗ ത്തില്‍ ആനുഷ്മ ബാല കൃഷ്ണന്‍, അനുപമ ബാല കൃഷ്ണന്‍, ദേവിക ലാല്‍ എന്നിവര്‍ പങ്കെടുത്ത ടീമും കുട്ടി കളുടെ വിഭാഗ ത്തില്‍ നൗറീന നൗഷാദ്, ഊര്‍മ്മിള ബാലചന്ദ്രന്‍, നിമ മനോജ് എന്നിവര്‍ പങ്കെടുത്ത ടീമും ഒന്നാം സമ്മാനാര്‍ഹ രായി.

ഇന്ത്യന്‍ അംബാസഡറുടെ പത്നി ദീപ സീതാറാം, രാജാ ബാലകൃഷ്ണന്‍, സദാനന്ദന്‍ എന്നിവരായിരുന്നു വിധി കര്‍ത്താക്കള്‍. കലാഭവന്‍ അമീറും സംഘവും നയിച്ച ഘോഷ യാത്രയോടു കൂടിയാണ് ആഘോഷ പരിപാടി കള്‍ക്ക് തിരശ്ശീല വീണത്.

- pma

വായിക്കുക: , ,

Comments Off on ഓണാഘോഷം ശ്രദ്ധേയമായി

കേരള സോഷ്യല്‍ സെന്ററില്‍ ഓണാഘോഷം

September 19th, 2014

al-wahda-lulu-onam-2012-pookkalam-ePathram
അബുദാബി : കേരള സോഷ്യല്‍ സെന്റര്‍ സംഘടി പ്പിക്കുന്ന ഓണാഘോഷം സെപ്തംബര്‍ 19 വെള്ളിയാഴ്ച വൈകുന്നേരം 3 മണിക്ക് തുടക്കമാവും.

എട്ടു ദിവസ ങ്ങളിലായി നടക്കുന്ന ആഘോഷ പരിപാടി കളില്‍ കുട്ടികള്‍ക്കും വനിത കള്‍ക്കു മായി പൂക്കള മല്‍സരം, പുരുഷന്‍ മാര്‍ക്കു പുലിക്കളി മത്സരവും മാവേലി മത്സരവും നടക്കും.

ശിങ്കാരി മേളം, മാവേലി വരവേല്‍പ്, ഉറിയടി, കാളകളി, കമുകു കയറ്റം, കൈകൊട്ടിക്കളി, കോദാമൂരി, പുലിക്കളി, കുമ്മാട്ടി ക്കളി, ചീതകളി, കണിയാര്‍ കളി, വഞ്ചിപ്പാട്ട്, വടം വലി, ഊഞ്ഞാലാട്ടം, ഘോഷ യാത്ര തുടങ്ങി ഒാണവു മായി ബന്ധപ്പെട്ടു കേരള ത്തിലെ വിവിധ പ്രദേശ ങ്ങളില്‍ അവതരിപ്പിക്കുന്ന ഒട്ടേറെ പരിപാടി കള്‍ ഒരു വേദി യില്‍ അരങ്ങേറു ന്നത് അബുദാബി യില്‍ ഇത് ആദ്യമായാണ്.

വെള്ളിയാഴ്ച രാത്രി എട്ടു മണിക്ക് നടക്കുന്ന സാംസ്കാരിക സമ്മേളന ത്തില്‍ ഇന്ത്യന്‍ സ്ഥാനപതി യുടെ പത്നി ദീപ സീതാറാം, മാധ്യമ പ്രവര്‍ത്തകന്‍ ഡോ. കെ. പി. മോഹനന്‍, പുരോഗമന കലാ സാഹിത്യ സംഘം സംസ്ഥാന കമ്മിറ്റി അംഗം എ. പി. അഹമ്മദ്, സാംസ്കാരിക സംഘടനാ പ്രതിനിധി കളും പങ്കെടുക്കും.

സെപ്തംബര്‍ 26 വെള്ളിയാഴ്ച സെന്റര്‍ അങ്കണ ത്തില്‍ പ്രത്യേകം സജ്ജമാക്കിയ പന്തലില്‍ മൂവായിരത്തോളം പേര്‍ക്ക് ഒാണസദ്യ ഒരു ക്കും. മത്സ രങ്ങളില്‍ പങ്കെടുക്കാന്‍ താല്പര്യമുള്ളവര്‍ കെ. എസ്. സി. യില്‍ ബന്ധപ്പെടുകയോ വെബ്സൈറ്റ് സന്ദര്‍ശിക്കു കയോ ചെയ്യാം.

നമ്പര്‍ : 02 – 631 44 55/ 02 – 631 44 56

- pma

വായിക്കുക: , , , ,

Comments Off on കേരള സോഷ്യല്‍ സെന്ററില്‍ ഓണാഘോഷം

വേനല്‍ തുമ്പികള്‍ക്ക് വര്‍ണാഭമായ പരിസമാപ്തി

August 31st, 2014

ksc-summer-camp-2014-closing-ePathram
അബുദാബി : കേരള സോഷ്യല്‍ സെന്‍ററില്‍ കുട്ടികൾക്കായി സംഘടിപ്പിച്ച ‘വേനല്‍ തുമ്പികള്‍’ വേനൽ അവധി ക്യാമ്പ് വൈവിധ്യമാര്‍ പരിപാടി കളോടെ സമാപിച്ചു.

venal-thumbikal-of-ksc-summer-camp-2014-ePahram

ആടിയും പാടിയും കളിച്ചും ചിരിച്ചും വിനോദവും വിജ്ഞാനവും പങ്കു വെച്ചു കൊണ്ട് വേനൽ അവധിയെ ആഹ്ളാദ ഭരിതമാക്കി കൊണ്ടാണ് കെ. എസ് . സി. അങ്കണ ത്തിൽ വേനൽ തുമ്പികൾ സമാപന സമ്മേള നവും ആഘോഷ പരിപാടി കളും അരങ്ങേറിയത്.

ksc-summer-camp-2014-venalthumbikal-ePathram

ഒരു മാസക്കാലം നീണ്ടു നിന്ന ക്യാമ്പ് തങ്ങൾക്കു നല്ല അനുഭവം ആയിരുന്നു എന്ന് കുട്ടികൾ തന്നെ സാക്ഷ്യപ്പെടുത്തി. ക്യാമ്പിൽ പങ്കെടുത്ത നൂറ്റി അൻപ തോളം കുട്ടികൾ പങ്കെടുത്ത പുതുമ നിറഞ്ഞ കലാ പരിപാടികൾ സമാപന സമ്മേളന ത്തിൽ അവതരി പ്പിച്ചു.

ക്യാമ്പ് ഡയരക്ടർ നിർമ്മൽ കുമാർ പരിപാടി കൾക്ക് നേതൃത്വം നല്കി. കുട്ടികളെ തല്ലിയും ശാസിച്ചുമല്ല വളര്‍ത്തേണ്ടതെന്നും അവര്‍ക്ക് സ്നേഹം പകര്‍ന്ന് വളര്‍ത്തുക യാണെ ങ്കില്‍ നമ്മുടെ പ്രതീക്ഷ കള്‍ക്കും അപ്പുറ ത്തേക്ക് അവര്‍ വളരുമെന്നും ക്യാമ്പ് അനുഭവ ങ്ങള്‍ പങ്കു വെച്ച് നിർമ്മൽ കുമാർ അഭിപ്രായ പ്പെട്ടു. കുട്ടികളെ പഠിക്കാന്‍ പ്രോത്സാഹിപ്പിക്കുന്ന തോടൊപ്പം ദിവസവും കുറച്ചു സമയം അവരെ സ്വതന്ത്ര രായി വിടാന്‍ അനുവദി ക്കുക യാണെങ്കില്‍ സര്‍ഗാത്മക കഴിവു കള്‍ പ്രകട മാക്കാന്‍ അവര്‍ക്ക് കഴിയുമെന്ന് നിർമ്മൽ കുമാർ പറഞ്ഞു.

കെ. എസ്. സി. പ്രസിഡന്റ് എം. യു. വാസു, ജനറൽ സെക്രട്ടറി സഫറുള്ള പാലപ്പെട്ടി, മധു പരവൂര്‍, വനജ വിമൽ, ബിന്ദു ഷോബി, ബാലവേദി സെക്രട്ടറി റെയ്ന റഫീഖ്, കലാ വിഭാഗം സെക്രട്ടറി രമേശ് രവി എന്നിവർ പങ്കെടുത്തു സംസാരിച്ചു.

ക്യാമ്പ് അസി. ഡയറക്ടര്‍മാരായ പി. കെ. നിയാസ്, വനജ വിമല്‍ എന്നിവരുടെ നേതൃത്വ ത്തില്‍ കുട്ടികള്‍ക്കുള്ള ബഹുമതി പത്രം വിതരണം ചെയ്തു.

- pma

വായിക്കുക: , , ,

Comments Off on വേനല്‍ തുമ്പികള്‍ക്ക് വര്‍ണാഭമായ പരിസമാപ്തി

Page 49 of 54« First...102030...4748495051...Last »

« Previous Page« Previous « സ്കൂള്‍ പരിസരങ്ങളില്‍ പോലീസ് പട്രോളിംഗ് ശക്തമാക്കി
Next »Next Page » രാജീവ്‌നാഥ് ചലച്ചിത്ര അക്കാദമി ചെയര്‍മാന്‍ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha