സിനിമാ ചര്‍ച്ചയും സൗജന്യ പ്രദർശനവും

March 12th, 2014

അബുദാബി : കേരളാ സോഷ്യല്‍ സെന്റര്‍ സംഘടി പ്പിക്കുന്ന ജനകീയ സിനിമാ ചര്‍ച്ചയും സൗജന്യ സിനിമാ പ്രദര്‍ശനവും മാര്‍ച്ച് 12 ബുധനാഴ്ച രാത്രി 8 മണിക്ക് കെ. എസ്. സി. അങ്കണത്തില്‍ നടക്കും.

ജനകീയ സിനിമാ പ്രവര്‍ത്തന ങ്ങളെ പ്രോത്സാഹി പ്പിക്കുന്നതിന്റെ ഭാഗമായി സിദ്ദിഖ് പറവൂരിന്റെ ‘നിലാവുറങ്ങുമ്പോള്‍’ എന്ന സിനിമ പ്രദര്‍ശിപ്പിക്കും

- കറസ്പോണ്ടന്റ്

വായിക്കുക: , , ,

Comments Off on സിനിമാ ചര്‍ച്ചയും സൗജന്യ പ്രദർശനവും

കെ.എസ്.സി. ഹ്രസ്വ ചലച്ചിത്ര മേള : പ്രൈസ് ലെസ്സ്’ മികച്ച ചിത്രം

March 9th, 2014

അബുദാബി : വിത്യസ്തമായ പ്രമേയ ങ്ങളും മികച്ച അവതരണ രീതി കൊണ്ടും ഏറെ ശ്രദ്ധേയ മായ ചിത്രങ്ങള്‍ പ്രദര്‍ശിപ്പിച്ച നാലാമത് കെ. എസ്. സി. ഹ്രസ്വ ചലച്ചിത്ര മേള സമാപിച്ചു. ഈ മേള യില്‍ ‘പ്രൈസ് ലെസ്സ്’ മികച്ച ഹ്രസ്വ സിനിമ യായി തെരെഞ്ഞെടുത്തു.

പ്രൈസ് ലെസ് എന്ന ചിത്രം സംവിധാനം ചെയ്ത സനല്‍ തൊണ്ടില്‍ മികച്ച സംവിധായ കനായും പ്രൈസ് ലെസിലെ തന്നെ പ്രകടന ത്തിലൂടെ അഫ്താഫ് ഖാലിദ് മികച്ച നടനായും കെ. വി. സജ്ജാദ് സംവിധാനം ചെയ്ത ‘പ്രണയ കാലം’ എന്ന ചിത്ര ത്തിലെ അഭിനയ ത്തിന് മെറിന്‍ മേരി ഫിലിപ്പ് മികച്ച നടിയായും തെരെഞ്ഞെടുത്തു.

മികച്ച തിരക്കഥ ക്കുള്ള പുരസ്കാരം നേടിയ രൂപേഷ് തിക്കോടി സംവിധാനം ചെയ്ത ‘ഇസം’ മികച്ച രണ്ടാമത്തെ ചിത്രമായും തെരഞ്ഞെടുത്തു.

മാധ്യമ പ്രവര്‍ത്ത കനായ ആഗിന്‍ കീപ്പുറം തിരക്കഥ എഴുതി സംവിധാനം ചെയ്ത ‘പൂമ്പാറ്റ’ എന്ന സിനിമ യിലെ പ്രകടന ത്തിന് മികച്ച ബാല നടന്‍ ആയി ആദിത്യ ഷാജി യെ തെരഞ്ഞെ ടുത്തു.

യു എ ഇ യില്‍ നിര്‍മ്മിച്ച 19 ചിത്ര ങ്ങള്‍ മാറ്റുരച്ച ഈ മേള യില്‍ വിഷയ ത്തിന്റെ പ്രാധാന്യം കൊണ്ടും ആവിഷ്കരണ രീതി കൊണ്ടും ഏറെ ചര്‍ച്ച ചെയ്യപ്പെട്ട ആഗിന്‍ കീപ്പുറത്തിന്റെ പൂമ്പാറ്റ എന്ന ചിത്ര ത്തിന്റെ എഡിറ്റിംഗ് നിര്‍വ്വഹിച്ച ജിസ് ജോസഫ് മികച്ച എഡിറ്റര്‍ ക്കുള്ള പുരസ്കാരം കരസ്ഥമാക്കി. ഛായാഗ്രഹണം സുദീപ് (പ്രൈസ് ലെസ്സ്) പശ്ചാതല സംഗീതം സാജന്‍ റാം (ഇസം),

മേതില്‍ കോമളന്‍ കുട്ടി സംവിധാനം ചെയ്ത ‘പടവുകള്‍’, മുഹമ്മദ് അസ്ലം (അഭിനവ പര്‍വ്വം) ബ്രിട്ടോ രാഗേഷ് (മവാഖിഫ്) എന്നിവര്‍ക്ക് പ്രത്യേക ജൂറി പുരസ്കാര ങ്ങള്‍ പ്രഖ്യാപി ച്ചിട്ടുണ്ട്.

പ്രശസ്ത സിനിമാ നിരൂപകന്‍ വി. കെ. ജോസഫ്, ഛായാഗ്രാഹകന്‍ എ ആര്‍ സദാനന്ദന്‍ എന്നിവരടങ്ങിയ ജൂറിയാണ് വിജയി കളെ തെരഞ്ഞെടുത്തത്.

അന്താരാഷ്ട്ര തല ത്തില്‍ ശ്രദ്ധേയ മായ ചിത്രങ്ങള്‍ ഉള്‍പ്പെടുത്തി നടത്തിയ ഷോര്‍ട്ട് ഫിലിം ഫെസ്റ്റും ‘സമാന്തര സിനിമ കളുടെ പ്രസക്തി’ എന്ന വിഷയ ത്തില്‍ നടന്ന ഓപ്പണ്‍ ഫോറവും ഇതോട് അനുബന്ധിച്ച് നടന്നു.

ന്യൂട്ടന്‍ മുതല്‍ ലൂമിയര്‍ വരെ യുള്ള ചരിത ഗാഥ വിവരി ക്കുന്ന ‘ചലച്ചിത്ര ത്തിലെക്കൊരു നട പ്പാത’ എന്ന പോസ്റ്റര്‍ പ്രദര്‍ശനവും ജെ സി ഡാനിയല്‍ മുതല്‍ മോഹന്‍ രാഘവന്‍ വരെയുള്ള ‘മണ്‍ മറഞ്ഞ നമ്മുടെ സംവിധായകര്‍’ എന്ന ചിത്ര പ്രദര്‍ശനവും ഏറെ ശ്രദ്ധേയമായി.

വിജയി കള്‍ക്കുള്ള പുരസ്കാര ങ്ങള്‍ അടുത്ത ആഴ്ച നടക്കുന്ന പൊതു പരിപാടി യില്‍ വെച്ച് സമ്മാനിക്കും എന്ന്‍ സംഘാടകര്‍ അറിയിച്ചു.

- കറസ്പോണ്ടന്റ്

വായിക്കുക: , , ,

Comments Off on കെ.എസ്.സി. ഹ്രസ്വ ചലച്ചിത്ര മേള : പ്രൈസ് ലെസ്സ്’ മികച്ച ചിത്രം

ഹ്രസ്വ ചലചിത്ര മല്‍സരം വെള്ളിയാഴ്ച

March 6th, 2014

short-film-competition-epathram
അബുദാബി : കേരളാ സോഷ്യല്‍ സെന്ററിന്റെ ഷോര്‍ട്ട് ഫിലിം ഫെസ്റ്റിവല്‍ മാര്‍ച്ച് 7 വെള്ളിയാഴ്ച നടക്കും.

ഉച്ചക്കു 2 മണി മുതല്‍ സെന്ററില്‍ വച്ച് നടത്തുന്ന ഷോര്‍ട്ട് ഫിലിം ഫെസ്റ്റിവലി നോട് അനുബന്ധിച്ച് ലോക ഭാഷക ളിലെ തെഞ്ഞെടുത്ത മികച്ച ഹ്രസ്വ ചലച്ചിത്ര ങ്ങളുടെ പ്രദര്‍ശനവും സംഘടിപ്പിക്കും.

വൈകുന്നേരം ഏഴു മണി മുതല്‍ ഷോര്‍ട്ട് ഫിലിം മല്‍സരം നടക്കും. യു. എ. ഇ. യില്‍ നിര്‍മ്മിച്ച ഇരുപതോളം ഹ്രസ്വ സിനിമ കളാണ് മല്‍സര വിഭാഗത്തില്‍ പ്രദര്‍ശിപ്പിക്കുക.

നല്ല ചിത്രം, സംവിധായകന്‍, തിരക്കഥ, നല്ല നടന്‍, നടി, ബാല താരം, ചായാഗ്രഹണം, സംഗീതം, എഡിറ്റിംഗ് തുടങ്ങിയ വിവിധ വിഭാഗ ങ്ങള്‍ക്ക് പുരസ്കാരം സമ്മാനിക്കും.

- കറസ്പോണ്ടന്റ്

വായിക്കുക: , ,

Comments Off on ഹ്രസ്വ ചലചിത്ര മല്‍സരം വെള്ളിയാഴ്ച

പാചക മല്‍സരം : പങ്കാളികളുടെ ബാഹുല്യം കൊണ്ട് ശ്രദ്ധേയമായി

March 2nd, 2014

അബുദാബി : കേരള സോഷ്യല്‍ സെന്റര്‍ വനിതാ വിഭാഗം സംഘടി പ്പിച്ച പാചക മത്സര ത്തില്‍ വിവിധ വിഭാഗ ങ്ങളിലായി നിരവധി പേര്‍ പങ്കെടുത്തു.

41 പേര്‍ മല്‍സരിച്ച വെജിറ്റബിള്‍ വിഭാഗ ത്തില്‍ ബിന്നി ടോമിയും ദീന മുഹമ്മദ് അഫ്‌സലും ഒന്നാം സ്ഥാനം കരസ്ഥ മാക്കി. നിഷ ഫൈസല്‍ രണ്ടാം സമ്മാന ത്തിന് അര്‍ഹ യായി. മൂന്നാം സ്ഥാനം റെജി മധു, നര്‍ത്ത അശ്വിന്‍ പൈ എന്നിവര്‍ പങ്കിട്ടു.

46 പേര്‍ പങ്കെടുത്ത നോണ്‍ വെജിറ്റബിള്‍ പാചക മത്സര ത്തില്‍ രൂപാലു ബറുഡെ ഒന്നാം സമ്മാനം നേടി. നജ്‌ല റഷീദും റഷീദ ഹസ്സനും രണ്ടാം സ്ഥാനങ്ങള്‍ പങ്കിട്ടെ ടുത്തു. നസ്‌റീന്‍ ഹമീസ് യാസിന്‍ മൂന്നാം സ്ഥാനം കരസ്ഥ മാക്കി.

പുഡ്ഡിംഗ് വിഭാഗ ത്തില്‍ കെ. മമത, ഹസീബ അബ്ദുള്ള, ജാസ്മിന്‍ അബ്ദുള്ള എന്നിവര്‍ ആദ്യ മൂന്ന് സ്ഥാനങ്ങള്‍ സ്വന്തമാക്കി. 46 പേര്‍ മത്സര ത്തില്‍ പങ്കെടുത്തു. പാചക വിദഗ്ദ രായ രാഗേഷ്, സ്വപ്ന, ഗഫൂര്‍, നാദി എന്നിവര്‍ ആയിരുന്നു വിധി കര്‍ത്താക്കള്‍.

വര്‍ഷ ങ്ങളായി സെന്റര്‍ മിനി ഹാളില്‍ വെച്ച് നടത്താറുള്ള പാചക മത്സരം, ഇത്തവണ പങ്കാളി കളുടെ ബാഹുല്യം കാരണം കെ. എസ്. സി. പ്രധാന ഓഡിറ്റോറിയ ത്തിലേയ്ക്ക് മാറ്റി.

കെ. എസ്. സി. വനിതാ വിഭാഗം കണ്‍വീനര്‍ സിന്ധു ഗോവിന്ദന്‍ നമ്പൂതിരി യുടെ നേതൃത്വ ത്തില്‍ വനിതാ വിഭാഗവും സെന്റര്‍ മാനേജിംഗ് കമ്മിറ്റി അംഗ ങ്ങളും പാചക മത്സര ത്തിന് നേതൃത്വം നല്‍കി.

- കറസ്പോണ്ടന്റ്

വായിക്കുക: , ,

Comments Off on പാചക മല്‍സരം : പങ്കാളികളുടെ ബാഹുല്യം കൊണ്ട് ശ്രദ്ധേയമായി

കൌമാരവും പരീക്ഷയും : സെമിനാര്‍

February 21st, 2014

അബുദാബി : കൌമാര ത്തിലെ പരീക്ഷ ​ ​പേടിയെ എങ്ങിനെ മറികടക്കാം, കുട്ടികളിലെ വ്യക്തിത്വ വികാസം എന്നീ വിഷയ​ ​ങ്ങളില്‍ പ്രവാസി വിദ്യാർഥി കൾക്കും രക്ഷിതാക്കള്‍ക്കു മായി ‘കൌമാരവും പരീക്ഷയും’ എന്ന ബോധ വല്‍ക്കരണ – പരിശീലന സെമിനാര്‍ കേരള സോഷ്യല്‍ സെന്‍റർ സംഘടിപ്പിക്കുന്നു.

അഭിഷാദ് നയിക്കുന്ന സെമിനാര്‍ ഫെബ്രുവരി 22 ശനിയാഴ്ച വൈകീട്ട് 7 മണി മുതല്‍ 9 മണി വരെ കെ എസ് സി അങ്കണ ത്തില്‍ വെച്ച് നടക്കും​.

​പങ്കെടുക്കാന്‍ ആഗ്രഹിക്കുന്നവര്‍ കെ എസ് സി ഓഫീസുമായി ബന്ധപ്പെടുക. ഫോണ്‍ :02 631 44 56

പ്രവേശനം സൌജന്യം

- കറസ്പോണ്ടന്റ്

വായിക്കുക: , ,

Comments Off on കൌമാരവും പരീക്ഷയും : സെമിനാര്‍

Page 51 of 57« First...102030...4950515253...Last »

« Previous Page« Previous « സമാജം കേരളോത്സവം വ്യാഴാഴ്ച തുടക്കമാവും
Next »Next Page » ഐ എസ് സി കമ്മിറ്റി തെരഞ്ഞെടുപ്പ് ഈ മാസം 27 ന് »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha