കവിയച്ഛന്‍ : പി. യുടെ ജീവിതം അരങ്ങില്‍

December 28th, 2013

അബുദാബി : ഭരത് മുരളി നാടകോത്സവം അഞ്ചാം ദിവസം അബുദാബി ശക്തി തിയറ്റേഴ്സ് അവതരിപ്പിച്ച കവിയച്ഛൻ പ്രേക്ഷകരെ ഒന്നടങ്കം കവി പി. കുഞ്ഞിരാമന്‍ നായരുടെ ജീവിത ത്തിലേക്ക് എത്തിച്ചു.

രചയിതാവ് സുരേഷ് ബാബു ശ്രീസ്തയും സംവിധായകന്‍ സാംകുട്ടി പട്ടങ്കരിയും കവിയുടെ കാവ്യ ജീവിത ത്തിനു പുറമെ യഥാര്‍ത്ഥ ജീവിതത്തെ പരിചയ പ്പെടു ത്തുവാനും ശ്രമിച്ചതില്‍ വിജയം കണ്ടെത്തി.

പി കുഞ്ഞിരാമന്‍ നായരായി അഭിനയിച്ച പ്രകാശന്‍ തച്ചങ്ങാട്ട്, പി. യുടെ അച്ഛന്റെ വേഷമായ കുഞ്ഞമ്പു നായരായി അഭിനയിച്ച കൃഷ്ണന്‍ വെട്ടാമ്പള്ളിയു ടേയും അസാമാന്യ അഭിനയ പാടവം നാടക ത്തെ ഏറെ ശ്രദ്ധേയ മാക്കി.

അവതരണത്തിലും പ്രമേയത്തിലും ഏറെ വ്യത്യസ്ഥത പുലര്‍ത്തിയ ഈ നാടകം കാണാന്‍ കെ എസ് സി അങ്കണം നിറഞ്ഞു കവിഞ്ഞിരുന്നു.

ഭരത് മുരളി നാടകോല്‍സവ ത്തിന്റെ ആറാം ദിവസമായ ശനിയാഴ്ച തൃശ്ശൂര്‍ ഗോപാല്‍ജി സംവിധാനം ചെയ്ത തീയറ്റര്‍ ദുബൈയുടെ തിരസ്കരണി അരങ്ങില്‍ എത്തും.

- കറസ്പോണ്ടന്റ്

വായിക്കുക: , ,

Comments Off on കവിയച്ഛന്‍ : പി. യുടെ ജീവിതം അരങ്ങില്‍

നാടകോല്‍സവം : ‘പന്തയം’ ശ്രദ്ധേയമായി

December 25th, 2013

അബുദാബി : കേരള സോഷ്യല്‍ സെന്‍റര്‍ ഭരത് മുരളി സ്മാരക നാടകോല്‍സവ ത്തില്‍ രാജീവ് മുളക്കുഴ സംവിധാനം ചെയ്ത പന്തയം എന്ന നാടകം, വിഷയ ത്തിലെ പ്രത്യേകത കൊണ്ടും അവതരണ ത്തിലെ പുതുമ കൊണ്ടും ശ്രദ്ധേയ മായി. ആന്റണ്‍ ചെക്കോവിന്റെ ദി ബെറ്റ് എന്ന കഥ യുടെ നാടകാ വിഷ്കാര മായിരുന്നു പന്തയം.

അധികാര ത്തിനു വേണ്ടി പണവും പണ ത്തിനു വേണ്ടി അധികാരവും ദുർവ്യയം ചെയ്യ പ്പെടുന്ന കച്ചവട സംസ്കാര ത്തിൽ, ദാരിദ്ര്യം കൊടും പാപമായി ചുമത്തി മനുഷ്യനെ പാർശ്വ വൽക്കരി ക്കുന്ന ജീർണ്ണ വ്യവസ്ഥിതിക്ക് എതിരെ തിരിച്ചറിവിന്റെ തീപ്പന്തവു മായി ഒരൊറ്റ യാനായി ജീവിതം തന്നെ പണയം വെക്കുന്ന ഇവാൻ. പണമാണ് ലോകത്തില്‍ എല്ലാം എന്നു കരുതി പന്തയ ത്തില്‍ മുഴുകുന്ന അലക്സാണ്ടര്‍ ബലനോവ്, ഭാര്യ ആഡ്രിയ എന്നിവരുടെ ജീവിത മായിരുന്നു പന്തയം. അലക്സാണ്ടര്‍ ബലനോവ് ആയി ഷംഹാസും ഇവാനായി അന്‍വര്‍ ബാബുവും ആഡ്രിയ യായി ശീതളും അരങ്ങിലെത്തി.

പ്രമുഖ രായ സംവിധായ കരുടെ നാടക ങ്ങള്‍ മത്സരിക്കുന്ന നാടകോത്സവ ത്തില്‍ ഈ രംഗത്തെ പുതുമുഖ മായ രാജീവ് മുളക്കുഴ രചനയും സംവിധാനവും ചെയ്ത നാടകം ഏറെ ശ്രദ്ധിക്ക പ്പെട്ടു.

നാടകോല്‍സവ ത്തിന്റെ അഞ്ചാം ദിവസ മായ വ്യാഴാഴ്ച രാത്രി 8.30 ന് മഹാകവി പി. കുഞ്ഞിരാമന്‍ നായരുടെ ജീവിതം, സംവിധായകന്‍ സാംകുട്ടി പട്ടങ്കരി ചിത്രീകരിച്ച് ‘കവിയച്ഛന്‍’ അരങ്ങിലെത്തും.

- കറസ്പോണ്ടന്റ്

വായിക്കുക: ,

Comments Off on നാടകോല്‍സവം : ‘പന്തയം’ ശ്രദ്ധേയമായി

വിഹ്വലതകള്‍ നിറഞ്ഞ കുടുംബ ങ്ങള്‍ക്കിട യിലെ മധ്യധരണ്യാഴി

December 23rd, 2013

അബുദാബി : കേരള സോഷ്യല്‍ സെന്‍റര്‍ ഭരത് മുരളി സ്മാരക നാടകോല്‍സവ ത്തിന്റെ മൂന്നാം ദിവസം യുവ കലാ സാഹിതി അവതരി പ്പിച്ച ‘മധ്യധരണ്യാഴി’ എന്ന നാടകം അരങ്ങില്‍ എത്തി.

ഇടത്തരം കുടുംബ ങ്ങള്‍ക്കിട യില്‍ ഉണ്ടാകുന്ന സങ്കട ങ്ങളും ആകുലത കളും ആശ്വാസങ്ങളും പെട്ടെന്നു വഴി തിരിച്ചു വിടുന്ന സംഭവ ങ്ങളിലൂടെ കടന്നു പോകുന്ന മധ്യ ധരണ്യാഴി യില്‍, വഴിയില്‍ നിന്നും ലഭിച്ച പൊതിക്കുള്ളില്‍ പണമോ സ്വര്‍ണ്ണമോ അടങ്ങുന്ന എന്തെങ്കിലും സമ്മാനം ആയിരിക്കും എന്ന വിശ്വാസ ത്തില്‍ ജീവിത ത്തിന്റെ നല്ല നാളുകള്‍ സ്വപ്നം കാണുന്ന ദമ്പതി മാരുടെ കഥയാണ് പറഞ്ഞത്‌.

ജോയ് മാത്യൂവിന്‍റെ സാഹിത്യ അക്കാദമി പുരസ്കാരം ലഭിച്ച ഈ നാടകം സംവിധാനം ചെയ്തത് എ. രത്നാകരന്‍.

നാടകോല്‍സവ ത്തിന്റെ നാലാം ദിവസ മായ ചൊവ്വാഴ്ച, രാജീവ് മുളക്കുഴ രചനയും സംവിധാനവും ചെയ്യുന്ന ‘പന്തയം’ അരങ്ങിലെത്തും. വിഖ്യാത റഷ്യന്‍ കഥാകൃത്ത് ആന്‍റണ്‍ ചെക്കോവിന്‍റെ ‘ദി ബെറ്റ്’ എന്ന കഥ യുടെ നാടകാവിഷ്കാര മാണ് പന്തയം.

- കറസ്പോണ്ടന്റ്

വായിക്കുക: , ,

Comments Off on വിഹ്വലതകള്‍ നിറഞ്ഞ കുടുംബ ങ്ങള്‍ക്കിട യിലെ മധ്യധരണ്യാഴി

മഴപ്പാട്ട് അരങ്ങിലെത്തി

December 22nd, 2013

അബുദാബി : ഭരത് മുരളി നാടകോല്‍സവ ത്തില്‍ രണ്ടാമത്തെ നാടക മായ മഴപ്പാട്ട്, പുള്ളുവൻപാട്ടിന്റെ ഈണ ത്തിൽ നായക നായ കാന്തനും ഭാര്യയും തമ്മിലുള്ള ബന്ധ ത്തിന്റെ തീവ്രത വരച്ചു കാട്ടുന്നു. ജയപ്രകാശ് കുളൂരിന്റെ രചന യായ ‘ചോരുന്ന കൂര‘ യുടെ രംഗാ വിഷ്കാര മായിരുന്നു മഴപ്പാട്ട്.

അല്‍ഐന്‍ മലയാളി സമാജം അവതരിപ്പിച്ച മഴപ്പാട്ട് മഞ്ജുളനാണ് സംവിധാനം ചെയ്തത്. കാന്തനായി അഭിനയിച്ച സഹീഷും കാന്തന്റെ ഭാര്യയായി അഭിനയിച്ച രേഷ്മയും മികച്ച പ്രകടന മാണ് കാഴ്ച വെച്ചത്.

നാ‍ടകോത്സവ ത്തിന്റെ മൂന്നാം ദിവസ മായ ഞായറാഴ്ച രാത്രി എട്ടര യ്ക്കു എം. രത്നാകരന്‍ സംവിധാനം ചെയ്ത യുവ കലാ സാഹിതിയുടെ ‘മധ്യ ധരണ്യാഴി‘ എന്ന നാടകം അരങ്ങി ലെത്തും.

- കറസ്പോണ്ടന്റ്

വായിക്കുക: , , ,

Comments Off on മഴപ്പാട്ട് അരങ്ങിലെത്തി

അബുദാബി നാടകോത്സവം : വ്യാഴാഴ്ച തിരശ്ശീല ഉയരും

December 18th, 2013

ksc-drama-fest-logo-epathram
അബുദാബി : അന്തരിച്ച നടന്‍ മുരളിയുടെ സ്മരണാര്‍ത്ഥം അബുദാബി കേരളാ സോഷ്യല്‍ സെന്‍റര്‍ യു. എ. ഇ. തലത്തില്‍ സംഘടിപ്പിക്കുന്ന അഞ്ചാമത് ഭരത് മുരളി നാടകോത്സവ ത്തിന് ഡിസംബര്‍ 19 വ്യാഴാഴ്ച രാത്രി എട്ടര മണിക്ക് തിരശ്ശീല ഉയരും.

ജനുവരി മൂന്നു വരെ നീളുന്ന നാടകോത്സവ ത്തില്‍ കേരള ത്തിലെ പ്രമുഖ സംവിധായകര്‍ അടക്കം ഒന്‍പത് പേരുടെ സൃഷ്ടികള്‍ മാറ്റുരക്കും.

press-meet-drama-fest-2013-ePathram

ഏറ്റവും നല്ല നാടകം, മികച്ച രണ്ടാമത്തെ നാടകം, ഏറ്റവും മികച്ച സംവിധായകന്‍, മികച്ച നടന്‍, നടി, രണ്ടാമത്തെ നടന്‍, രണ്ടാമത്തെ നടി, ബാല താരം, ദീപവിതാനം, രംഗ വിതാനം, ചമയം, പശ്ചാത്തല സംഗീതം തുടങ്ങീ വിവിധ മേഖല കളിലായി പന്ത്രണ്ടു പുരസ്കാര ങ്ങളും യു. എ. ഇ. യില്‍ നിന്നുള്ള മികച്ച രചനക്കും സംവിധായ കനുമുള്ള പ്രത്യേക പ്രോത്സാഹന സമ്മാനവും നല്‍കും എന്നു സംഘാടകര്‍ വാര്‍ത്താ സമ്മേളന ത്തില്‍ അറിയിച്ചു.

ആദ്യ ദിവസ മായ ഡിസംബര്‍ 19ന് കല അബുദാബി അവതരി പ്പിക്കുന്ന ‘മത്തി’ (സംവിധാനം ജിനോ ജോസഫ്), രണ്ടാം ദിവസ മായ ഡിസംബര്‍ 20 വെള്ളിയാഴ്ച അല്‍ ഐന്‍ മലയാളി സമാജം അവതരി പ്പിക്കുന്ന ‘മഴപ്പാട്ട്’ (സംവിധാനം മഞ്ജുളന്‍), ഡിസംബര്‍ 23 ന് യുവ കലാ സാഹിതി യുടെ ‘മധ്യ ധരണ്യാഴി’ (സംവിധാനം എ. രത്‌നാ കരന്‍), ഡിസംബര്‍ 24 ന് അബുദാബി ക്ലാപ്‌സ് ക്രിയേഷന്‍സിന്റെ ‘പന്തയം'(സംവിധാനം രാജീവ് മുഴക്കുള), ഡിസംബര്‍ 26ന് അബുദാബി ശക്തി തിയറ്റേഴ്‌സിന്റെ ‘കവിയച്ഛന്‍'( സംവിധാനം സാംകുട്ടി പട്ടങ്കരി), ഡിസംബര്‍ 26 ന് തിയറ്റര്‍ ദുബായ് അവതരി പ്പിക്കുന്ന ‘തിരസ്‌കരണി‘ (സംവിധാനം തൃശ്ശൂര്‍ ഗോപാല്‍ജി), ഡിസംബര്‍ 30ന് നാടക സൗഹൃദം അബുദാബി യുടെ ‘നാഗ മണ്ഡലം’ (സംവിധാനം സുവീരന്‍), ജനുവരി രണ്ട് വ്യാഴാഴ്ച മുസ്സഫ എന്‍. പി. സി. സി. കൈരളി കള്‍ച്ചറല്‍ ഫോറം അവതരി പ്പിക്കുന്ന ‘കിഴവനും കടലും’ (സംവിധാനം ശശിധരന്‍ നടുവില), ജനുവരി 3 വെള്ളിയാഴ്ച തനിമ കലാ സാംസ്‌കാരിക വേദി അവതരിപ്പിക്കുന്ന ‘മാസ്റ്റര്‍പീസ്'(സംവിധാനം സാജിദ് കൊടിഞ്ഞി). എന്നിവ അരങ്ങിലെത്തും.

നാടകോത്സവ ത്തിന് വിധി കര്‍ത്താക്കളായി കെ. കെ. നമ്പ്യാരും സന്ധ്യാ രാജേന്ദ്രനും സംബന്ധിക്കും.

നാടകോത്സവ ത്തോട് അനുബന്ധിച്ച്, അര മണിക്കൂറില്‍ അവതരി പ്പിക്കാവുന്ന ഏകാങ്ക നാടക ങ്ങളുടെ രചനാ മത്സരവും സംഘടിപ്പി ക്കുന്നതായി ഭാരവാഹികള്‍ പറഞ്ഞു.

കെ. എസ്. സി. പ്രസിഡന്റ് എം. യു. വാസു, സെക്രട്ടറി ബി. ജയകുമാര്‍, മുഖ്യ പ്രായോജകരായ അഹല്യ ഗ്രൂപ്പിന്റെ പ്രതിനിധി സനീഷ്, കലാ വിഭാഗം സെക്രട്ടറി രമേഷ് രവി തുടങ്ങിയവര്‍ സംബന്ധിച്ചു.

- കറസ്പോണ്ടന്റ്

വായിക്കുക: , ,

Comments Off on അബുദാബി നാടകോത്സവം : വ്യാഴാഴ്ച തിരശ്ശീല ഉയരും

Page 53 of 57« First...102030...5152535455...Last »

« Previous Page« Previous « കോഴിക്കോട് സ്വദേശി ദുബായില്‍ മരിച്ചു
Next »Next Page » മുലയൂട്ടല്‍ യു. എ. ഇ. യില്‍ നിര്‍ബന്ധമാക്കുന്നു »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha