കെ. എസ്. സി. കേരളോത്സവം : ഒന്നാം സമ്മാനം കാർ

September 13th, 2013

ksc-keralolsavam-2013-coupon-release-ePathram
അബുദാബി : കേരള സോഷ്യൽ സെന്ററിന്റെ ആഭിമുഖ്യ ത്തിൽ ഒക്ടോബർ 31, നവംബർ1, 2 തിയ്യതി കളിലായി കെ. എസ്. സി. അങ്കണ ത്തിൽ വെച്ച് നടക്കുന്ന കേരളോത്സവ ത്തിന്റെ സമ്മാന കൂപ്പണ്‍, പ്രശസ്ത നടൻമാരായ മുരളി മോഹനും കെ. കെ. മൊയ്തീൻ കോയയും ചേർന്ന് ശക്തി പ്രസിഡണ്ട്‌ ബീരാൻ കുട്ടിക്ക് നല്‍കി പ്രകാശനം നിർവഹിച്ചു.

നാടൻ രുചികൾ നല്കുന്ന ഭക്ഷണ ശാലകൾ, വിവിധ ഗെയിമുകൾ, ശാസ്ത്ര പ്രദര്‍സനം, സോളാർ എനർജി പ്രദര്‍ശനം, നാല് പതിറ്റാണ്ട് പിന്നിട്ട കെ എസ് സി യുടെ ചരിത്രം വിളിച്ചോതുന്ന ഫോട്ടോ പ്രദര്‍ശനം, മാജിക് ഷോ, വിവിധ കലാപരിപാടി കൾ തുടങ്ങി വിപുലമായ ആഘോഷ മാണ് കേരളോത്സവ ത്തിന്റെ ഭാഗമായി ഒരുക്കിയിരിക്കുന്നത്. നവംബര്‍ രണ്ടിനു നടക്കുന്ന നറുക്കെടുപ്പിലൂടെ ഒന്നാം സമ്മാനമായി കാറും വൈവിധ്യ മാർന്ന മറ്റു അമ്പത് സമ്മാന ങ്ങളും നല്‍കും.

- കറസ്പോണ്ടന്റ്

വായിക്കുക: ,

Comments Off on കെ. എസ്. സി. കേരളോത്സവം : ഒന്നാം സമ്മാനം കാർ

കെ. എസ്. സി. ‘വേനൽ തുമ്പികൾ’ ശ്രദ്ധേയമാവുന്നു

August 30th, 2013

ksc-summer-camp-2013-sunil-kunneru-ePathram
അബുദാബി : കേരള സോഷ്യൽ സെന്റർ ‘വേനൽ തുമ്പികൾ’ എന്ന പേരില്‍ സംഘടിപ്പിച്ച സമ്മർ ക്യാമ്പ്‌, കളിയും ചിരിയും നേരമ്പോക്കു കളുമായി കുട്ടികളിലെ കലാപരമായ സർഗ്ഗ വാസനകളെ ഉണർത്തിയും മുന്നേറുന്നു. ക്യാമ്പില്‍ കുട്ടികള്‍ ആഹ്ലാദ ച്ചുവടുകള്‍ തീര്‍ത്ത് ആവേശ ത്തിലാണ്.

പഠിക്കേണ്ട കാര്യങ്ങള്‍ വിനോദ ങ്ങളിലൂടെ കുട്ടികളി ലേക്ക് എത്തിക്കുവാനും മലയാള ഭാഷയിലൂടെയും നാടന്‍കഥ കളിലൂടെയും നാടക ങ്ങളിലൂടെയും അവരുടെ സര്‍ഗാത്മക മായ കഴിവുകള്‍ ഉണര്‍ത്തുവാനും നാടിന്റെ മണവും സംസ്കാരവും അനുഭവ ഭേദ്യമാക്കുവാനും ഈ വേനല്‍ തുമ്പികള്‍ക്ക് കഴിയുന്നുണ്ട്.

പ്രമുഖ നാടക പ്രവര്‍ത്തകനും അധ്യാപകനുമായ സുനില്‍ കുന്നരു, ക്യാമ്പിനു നേതൃത്വം കൊടുക്കുന്നു. 3 വയസ്സ് മുതല്‍ 15 വയസ്സ് വരെ പ്രായമുള്ള തൊണ്ണൂറോളം കുട്ടികള്‍ മൂന്നു ഗ്രൂപ്പുകളിലായി പാട്ടും കളികളും കഥ പറച്ചിലും നാടക അഭിനയവുമായി കേരളാ സോഷ്യല്‍ സെന്റര്‍ അങ്കണത്തില്‍ സജീവമാകുന്നു.

അബുദാബി കമ്മ്യൂണിറ്റി പോലീസിന്റെ സുരക്ഷാ ക്ലാസ്സുകള്‍, ചിത്ര രചന, മാജിക്‌, കരകൌശല വസ്തുക്കളുടെ നിര്‍മ്മാണം ദൈനംദിന വാര്‍ത്തകളുമായി കുട്ടികളെ ബന്ധ പ്പെടുത്തുന്ന ‘കുട്ടികളുടെ ചിറകുകള്‍’ എന്ന പത്രം, K S C കുട്ടി ടി. വി. എന്നിവയും വേനൽ തുമ്പികൾ എന്ന സമ്മര്‍ക്യാമ്പിലെ വിശേഷങ്ങളാണ്.

- കറസ്പോണ്ടന്റ്

വായിക്കുക: , ,

Comments Off on കെ. എസ്. സി. ‘വേനൽ തുമ്പികൾ’ ശ്രദ്ധേയമാവുന്നു

എയര്‍ ഇന്ത്യാ എക്സ്പ്രസ് : നിവേദക സംഘം പ്രധാനമന്ത്രിയെ കാണും

August 17th, 2013

protest-of-gulf-nri-against-decision-of-air-india-express-ePathram
അബുദാബി : ഗൾഫ് രാജ്യ ങ്ങളിൽ നിന്ന് ഇന്ത്യ യിലേക്കുള്ള ബാഗേജ് അലവൻസ് എയർ ഇന്ത്യാ എക്‌സ്പ്രസ് 30 കിലോയിൽ നിന്ന് 20 കിലോയായി വെട്ടി ക്കുറക്കുന്ന തിനെതിരെ ഇന്ത്യൻ മീഡിയ അബുദാബി (ഇമ) യുടെ ആഭിമുഖ്യ ത്തിൽ കേരള സോഷ്യൽ സെന്ററിൽ സംഘടിപ്പിച്ച ബഹു ജനാഭിപ്രായ രൂപീകരണ ചർച്ച യിൽ ശക്തമായ പ്രതിഷേധം.

20 കിലോ ബാഗേജിനു പുറമെ വരുന്ന 10 കിലോ ഗ്രാമിനു 50 ദിർഹം അധിക നിരക്ക് എന്ന എയർ ഇന്ത്യാ എക്‌സ്പ്രസ് തീരുമാനം പ്രായോഗികമല്ല എന്നും ബാഗേജ് പരിധി 30 കിലോ എന്നത് തുടരണം എന്നും പ്രവാസി ഇന്ത്യ ക്കാരുടെ വിവിധ സാമൂഹിക സാംസ്‌കാരിക സംഘടനാ പ്രതിനിധി കളുടെ യോഗം ആവശ്യപ്പെട്ടു.

ഈ മാസം 22 മുതൽ നടപ്പാക്കാനിരിക്കുന്ന തീരുമാനം ഉടൻ പുനഃപരിശോധിച്ച് പഴയ സ്ഥിതി തുടരണം എന്ന ആവശ്യവുമായി വിവിധ സംഘടനകൾ ഡൽഹി യിൽ പോയി പ്രധാന മന്ത്രി മൻമോഹൻ സിംഗ്, കേന്ദ്ര വ്യോമയാന മന്ത്രി അജിത് സിംഗ്, സഹ മന്ത്രി കെ. സി. വേണു ഗോപാൽ, പ്രവാസി കാര്യ മന്ത്രി വയലാർ രവി തുടങ്ങിയവർക്കും നിവേദനം സമർപ്പിക്കും.

ima-air-india-express-luggage-issue-discussion-ePathram

ഇന്ത്യ യിലെ സാധാരണ ക്കാരായ യാത്ര ക്കാർക്ക് ഏറ്റവു മധികം അമിത ദുരിത ഭാരം സമ്മാനിക്കുന്ന എയർ ഇന്ത്യാ എക്‌സപ്രസ് തീരുമാനം പിൻവലിക്കണം എന്ന ആവശ്യ ത്തിൽ ഗള്‍ഫ്‌ പ്രവാസി കൾ ഏറ്റവും കൂടുതലുള്ള കേരള ത്തിലെ കേന്ദ്ര മന്ത്രി മാരുടെയും എം. പി. മാരുടെയും സഹകരണ ത്തോടെ യാണ് പ്രധാന മന്ത്രിക്ക് നിവേദനം സമർപ്പിക്കുക.

ima-audiance-at-ksc-express-luggage-issue-ePathram

ബാഗേജ് കുറച്ച് കൂടുതൽ യാത്രക്കാരെ കൊണ്ടു പോകും എന്ന എയർ ഇന്ത്യാ എക്‌സപ്രസിന്റെ പ്രഖ്യാപനം അധിക 10കിലോ ബാഗേജിന് 50 ദിർഹം എന്ന പ്രഖ്യാപന ത്തോടെ നടപ്പാക്കാൻ സാധിക്കില്ല എന്നുറപ്പാണ്. പ്രവാസി ഇന്ത്യക്കാരെ വഞ്ചിക്കാനുള്ള നീക്കത്തി നെതിരെ കേന്ദ്ര വ്യോമയാന സഹ മന്ത്രി യുടെ സഹായ ത്തോടെ എയർ ഇന്ത്യാ എക്പ്രസ് അധികൃതർക്കും നിവേദനവും പ്രവാസി ഇന്ത്യക്കാരുടെ പ്രതിഷേധവും അറിയിക്കും.

ഇന്ത്യാ സോഷ്യൽ ആൻഡ് കൾചറൽ സെന്റർ പ്രസിഡന്റ് ജോയ്‌ തോമസ് ജോൺ, മലയാളി സമാജം പ്രസിഡന്റ് മനോജ് പുഷ്‌ക്കർ, കേരള സോഷ്യൽ സെന്റർ പ്രസിഡന്റ് എം. യു. വാസു, ഇന്ത്യൻ ഇസ്ലാമിക് സെന്റർ പ്രസിഡന്റ് പി. ബാവ ഹാജി എന്നിവരുടെ നേതൃത്വ ത്തിലാണ് നിവേദക സംഘം ഡൽഹിക്കു പോവുക.

ഇന്ത്യൻ മീഡിയ അബുദാബി യുടെ ആഭിമുഖ്യ ത്തിൽ ഇതു സംബന്ധിച്ച ആഗസ്റ്റ്‌ 18 ഞായര്‍ രാത്രി 8 മണിക്ക് ഇന്ത്യാ സോഷ്യൽ ആൻഡ് കൾചറൽ സെന്ററിൽ നടക്കുന്ന ഔദ്യോഗിക സംഘടന കളുടെ നേതൃ യോഗത്തിൽ അന്തിമ തീരുമാനം കൈക്കൊള്ളും.

ഇന്ത്യൻ മീഡിയ അബുദാബി യുടെ പ്രസിഡന്റ് ടി. എ. അബ്ദുൽ സമദ് ചർച്ച യിൽ മോഡറേറ്റര്‍ ആയിരുന്നു. കേരള സോഷ്യൽ സെന്റർ പ്രസിഡന്റ് എം. യു. വാസു ചര്‍ച്ച ഉദ്ഘാടനം ചെയ്തു. ഇന്ത്യൻ മീഡിയ പ്രസ് സെക്രട്ടറി പി. എം. അബ്ദുൽ റഹ്മാൻ സ്വാഗതം ആശംസിച്ചു.

ഇന്ത്യാ സോഷ്യൽ ആൻഡ് കൾചറൽ സെന്റർ പ്രസിഡന്റ് ജോയ്‌ തോമസ് ജോൺ, മലയാളി സമാജം പ്രസിഡന്റ് മനോജ് പുഷ്‌ക്കർ, സമാജം ജനറൽ സെക്രട്ടറി ഷിബു വർഗീസ്, ജെയിംസ് മുരിക്കൻ എന്നിവർ പ്രസംഗിച്ചു. കേരള സോഷ്യൽ സെന്റർ ജനറൽ സെക്രട്ടറി ബി. ജയകുമാർ ആമുഖ പ്രസംഗവും മീഡിയ കോർഡിനേറ്റർ ഫൈസൽ ബാവ നന്ദിയും പറഞ്ഞു.

വിവിധ സാമൂഹിക സാംസ്കാരിക സംഘടനാ പ്രതിനിധി കളായ ബീരാൻകുട്ടി, യേശുശീലൻ, എ. എം. ഇബ്രാഹിം, സഫറുല്ല പാലപ്പെട്ടി, വി. ടി. വി. ദാമോദരൻ, സലിം ചോലമുഖത്ത്, ജയചന്ദ്രൻ നായർ, അബ്ദുൽ ഖാദർ ഡിം ബ്രൈറ്റ്, ഖാസിം പുറത്തിൽ, സിദ്ദീഖ് പൊന്നാട്, നാസറുദ്ദീൻ, ഷെറീഫ് കാളച്ചാൽ, സക്കീർ ഹുസൈൻ, ജസ്റ്റിൻ തോമസ് തുടങ്ങിയവർ ചർച്ചയിൽ പങ്കെടുത്തു.

ഇന്ത്യൻ മീഡിയ അബുദാബി വൈസ് പ്രസിഡന്റ് ആഗിൻ കീപ്പുറം, എക്‌സിക്യൂട്ടീവ് മെമ്പർമാരായ അബ്ദുൽ റഹ്മാൻ മണ്ടായപ്പുറത്ത്, മനു കല്ലറ, ജോണി ഫൈൻ ആർട്‌സ്, ഹഫ്‌സൽ അഹ്മദ്, മീര ഗംഗാധരൻ എന്നിവർ നേതൃത്വം നൽകി.

- കറസ്പോണ്ടന്റ്

വായിക്കുക: , , , ,

Comments Off on എയര്‍ ഇന്ത്യാ എക്സ്പ്രസ് : നിവേദക സംഘം പ്രധാനമന്ത്രിയെ കാണും

വേനല്‍തുമ്പികള്‍ ക്യാമ്പ് തുടങ്ങി

August 14th, 2013

ksc-summer-camp-2013-sunil-kunneru-ePathram
അബുദാബി : കേരള സോഷ്യല്‍ സെന്റര്‍ കുട്ടികള്‍ക്കു വേണ്ടി ഒരുക്കിയ ‘വേനല്‍തുമ്പികള്‍’ സമ്മര്‍ ക്യാമ്പിന് തുടക്കമായി. കുട്ടികള്‍ക്ക് അവധി ക്കാലത്ത് വിനോദ ത്തോടൊപ്പം അറിവും പകരുക എന്ന ലക്ഷ്യ ത്തോടെ സംഘടിപ്പിച്ച ‘വേനല്‍തുമ്പികള്‍’ പിന്നണി ഗായകന്‍ ഒ യു ബഷീര്‍ ഉദ്ഘാടനം ചെയ്തു.

കെ. എസ്. സി. പ്രസിഡണ്ട് എം. യു. വാസു അധ്യക്ഷന്‍ ആയിരുന്നു. ക്യാമ്പ് അസ്സി: ഡയറക്ടര്‍ മധു പരവൂര്‍ ക്യാമ്പിനെ കുറിച്ച് വിവരിച്ചു. ക്യാമ്പ് നിയന്ത്രിക്കുന്ന അദ്ധ്യാപകന്‍ സുനില്‍ കുന്നരു  ഒരുക്കിയ വിവിധ കളികള്‍ പരിചയ പ്പെടുത്തി.

venal-thumbikal-ksc-summer-camp-2013-ePathram

ഇനിയുള്ള ദിവസ ങ്ങള്‍ കുട്ടികളുടെ അഹ്ലാദ ചുവടുകളാല്‍ ഈ അങ്കണം നിറയുമെന്നു പറഞ്ഞു കൊണ്ട് ഗായിക സീന രമേശ് ആശംസകള്‍ അര്‍പ്പിച്ചു.

കെ. എസ്. സി. സെക്രട്ടറി ബി. ജയകുമാര്‍ സ്വാഗതവും ഫൈസല്‍ ബാവ നന്ദിയും പറഞ്ഞു.

ആഗസ്റ്റ്‌ 12നു തുടങ്ങിയ ക്യാമ്പ് സെപ്റ്റംബർ 4 വരെ നീണ്ടു നില്ക്കും. വെള്ളിയാഴ്ച ഒഴികെ ദിവസം 6 മണി മുതൽ 9 മണി വരെ യാണ് ക്യാമ്പ്. നൂറോളം കുട്ടികളാണ് ക്യാമ്പില്‍ പങ്കെടുക്കുന്നത്.

- കറസ്പോണ്ടന്റ്

വായിക്കുക: ,

Comments Off on വേനല്‍തുമ്പികള്‍ ക്യാമ്പ് തുടങ്ങി

ബാഗേജ് പ്രശ്നം: അബുദാബി യില്‍ സംഘടന കളുടെ യോഗം 16ന്

August 13th, 2013

ima-ksc-against-air-india-express-ePathram അബുദാബി : എയര്‍ ഇന്ത്യ എക്സ്പ്രസ് വിമാന ങ്ങളില്‍ ഈ മാസം 22 മുതല്‍ ഗള്‍ഫ് യാത്രക്കാരുടെ ബാഗേജ് പരിധി വെട്ടി ക്കുറയ്ക്കാനുള്ള നീക്കത്തിന് എതിരെ അബുദാബി യിലെ ഇന്ത്യന്‍ മാധ്യമ പ്രവര്‍ത്തക രുടെ കൂട്ടായ്മ യായ ഇന്ത്യന്‍ മീഡിയ അബുദാബി (ഇമ) യുടെ ആഭിമുഖ്യ ത്തില്‍ കേരള സോഷ്യല്‍ സെന്ററില്‍ ആഗസ്റ്റ്‌ 16 വെള്ളിയാഴ്ച രാത്രി എട്ടര മണിക്ക് പ്രവാസി സംഘടനാ പ്രതിനിധി കളുടെ അഭിപ്രായ രൂപീകരണ യോഗം നടത്തും.

കേരള സോഷ്യല്‍ സെന്ററിന്റെ സഹകരണ ത്തോടെ നടക്കുന്ന യോഗ ത്തില്‍ എയര്‍ ഇന്ത്യാ തീരുമാന ത്തിന് എതിരെ ഗള്‍ഫ് വിമാന യാത്ര ക്കാരുടെ ശക്തമായ പ്രതിഷേധം അധികൃതര്‍ക്കു മുമ്പില്‍ എത്തി ക്കുന്നതിനും നടപടി പിന്‍വലിപ്പി ക്കാന്‍ കേന്ദ്ര സര്‍ക്കാരിലും എയര്‍ ഇന്ത്യയിലും സമ്മര്‍ദ്ദം ചെലുത്തുന്നതിനും ഉള്ള കര്‍മ പരിപാടി കള്‍ക്കു രൂപം നല്‍കും.

- കറസ്പോണ്ടന്റ്

വായിക്കുക: , , , , ,

Comments Off on ബാഗേജ് പ്രശ്നം: അബുദാബി യില്‍ സംഘടന കളുടെ യോഗം 16ന്

Page 55 of 57« First...102030...5354555657

« Previous Page« Previous « രാജിയില്ലാതെ രാജിയായി
Next »Next Page » ഇന്ത്യന്‍ എംബസ്സിയില്‍ സ്വാതന്ത്ര്യ ദിന ആഘോഷം »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha