കേരള സോഷ്യല്‍ സെന്റര്‍ « e പത്രം – ePathram.com

ഭരത് മുരളി നാടകോത്സവം : മികച്ച നാടകം : ഉവ്വാവ്, സംവിധായകന്‍ : തൃശ്ശൂര്‍ ഗോപാല്‍ജി

January 7th, 2013

ksc-drama-fest-logo-epathram
അബുദാബി : കേരള സോഷ്യല്‍ സെന്റര്‍ സംഘടിപ്പിച്ച നാലാമത് ഭരത് മുരളി സ്മാരക നാടകോത്സവ ത്തില്‍ അബുദാബി ശക്തി തിയ്യറ്റേഴ്സിന്റെ ‘ഉവ്വാവ്’ മികച്ച നാടക മായും അല്‍ ഐന്‍ മലയാളി സമാജ ത്തിന്റെ ‘പ്ലേ ബോയ്’ മികച്ച രണ്ടാമത്തെ നാടകമായും തെരഞ്ഞെടുത്തു.

മികച്ച സംവിധായകന്‍ തൃശ്ശൂര്‍ ഗോപാല്‍ജി (ഉവ്വാവ്). ‘പ്ലേ ബോയ്’ യിലെ അഭിനയ ത്തിന് ബൈജു പട്ടാല മികച്ച നടനായി തെരഞ്ഞെടുക്കപ്പെട്ടു.

നാടക സൌഹൃദ ത്തിന്റെ ‘പിരാന’ യിലെ മല്ലിക – സുമയ്യ എന്നീ കഥാപാത്ര ങ്ങള്‍ക്ക് ജീവന്‍ പകര്‍ന്ന ജീനാ രാജീവ് മികച്ച നടി യായി തെരഞ്ഞെടുക്കപ്പെട്ടു. മികച്ച ബാല താരം പ്രിയങ്കാ പ്രകാശ് (ഉവ്വാവ്).

മറ്റു അവാര്‍ഡുകള്‍ : മികച്ച രണ്ടാമത്തെ നടന്‍ : വിനോദ് പട്ടുവം (കൂട്ടുകൃഷി), രണ്ടാമത്തെ നടി : ഈദ് കമല്‍ (ആട് ജീവിത ങ്ങള്‍), പശ്ചാത്തല സംഗീതം (മുഹമ്മദലി കൊടുമുണ്ട), ചമയം : ക്ളിന്റ് പവിത്രന്‍ (പ്ളേബോയ്), പ്രകാശ വിതാനം : രവി (ആട് ജീവിത ങ്ങള്‍)

യു. എ. ഇ. യില്‍ നിന്നുള്ള നിന്നുള്ള മികച്ച സംവിധായകന്‍ ആയി ‘മീരാസാധു’ ഒരുക്കിയ ഒ. ടി. ഷാജഹാനെ തെരഞ്ഞെടുത്തു.

രണ്ടാഴ്ച നീണ്ടു നിന്ന നാടകോത്സവ ത്തില്‍ എട്ട് നാടക ങ്ങളാണ് മത്സര രംഗത്തുണ്ടായിരുന്നത്.

സമാപന ദിവസം ശ്രീജ ആറങ്ങോട്ടുകര രചിച്ച് ജലീല്‍ ടി. കുന്നത്ത് സംവിധാനം നിര്‍വ്വഹിച്ച ‘കല്ല്യാണ സാരി’ എന്ന നാടകം കെ. എസ്. സി. കലാവിഭാഗം അവതരിപ്പിച്ചു.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: ,

Comments Off on ഭരത് മുരളി നാടകോത്സവം : മികച്ച നാടകം : ഉവ്വാവ്, സംവിധായകന്‍ : തൃശ്ശൂര്‍ ഗോപാല്‍ജി

നാടകോത്സവ ത്തില്‍ ‘പിരാന’ വ്യാഴാഴ്ച അരങ്ങേറും

January 2nd, 2013

drama-pirana-manoj-kana-ePathram
അബുദാബി : കേരളാ സോഷ്യല്‍ സെന്റര്‍ സംഘടിപ്പിച്ച നാടകോത്സവ ത്തില്‍ അബുദാബി നാടക സൗഹൃദം അവതരിപ്പിക്കുന്ന ‘പിരാന’ എന്ന നാടകം 2013 ജനുവരി 3 വ്യാഴാഴ്ച രാത്രി 8 മണിക്ക് അരങ്ങേറും.

സമകാലിക ഇന്ത്യന്‍ സമൂഹത്തിന്റെ നേര്‍ക്കാഴ്ച കളുമായി അരങ്ങില്‍ എത്തുന്ന പിരാന,  നാടക പ്രേമി കള്‍ക്ക് നവ്യാനുഭവ മായി തീരും എന്ന് സംഘാടകര്‍ പ്രതീക്ഷിക്കുന്നു.

nataka-souhrudham-drama-pirana-ePathram

‘ചായില്യം’ എന്ന സിനിമ യിലൂടെ I F F K 2012 ലെ മികച്ച നവാഗത സംവിധായക നുള്ള അവാര്‍ഡ് കരസ്ഥമാക്കിയ പ്രമുഖ നാടക പ്രവര്‍ത്ത കനായ മനോജ്‌ കാന യാണ് പിരാന യുടെ രചനയും സംവിധാനവും നിര്‍വ്വഹി ച്ചിരിക്കുന്നത്.

കഴിഞ്ഞ വര്‍ഷത്തെ നാടകോത്സവ ത്തില്‍ മികച്ച  നാടകം അടക്കം അഞ്ചു അവാര്‍ഡുകള്‍ നേടിയ ആയുസ്സിന്റെ പുസ്തകം അവതരി പ്പിച്ചത് നാടക പ്രവര്‍ത്ത കരുടെ കൂട്ടായ്മ യായ നാടക സൌഹൃദം ആയിരുന്നു.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: ,

Comments Off on നാടകോത്സവ ത്തില്‍ ‘പിരാന’ വ്യാഴാഴ്ച അരങ്ങേറും

കടുത്ത പ്രതിഷേധവുമായി ‘സ്ത്രീ സുരക്ഷാ സംഗമം’

December 29th, 2012

devasena-prasakthi

അബുദാബി : പ്രസക്തി, അബുദാബി കേരള സോഷ്യൽ സെന്ററില്‍ സംഘടിപ്പിച്ച സ്ത്രീ സുരക്ഷാ സംഗമം, സ്ത്രീകള്‍ക്കു നേരെ ഇന്ത്യയില്‍ ഭയാനകമായ തോതില്‍ പെരുകി വരുന്ന അതിക്രമങ്ങള്‍ ക്കെതിരെയുള്ള പ്രവാസി സമൂഹത്തിന്റെ രോഷത്തിന്റെയും പ്രതിഷേധത്തിന്റെയും പ്രകടന വേദിയായി മാറി. സമൂഹത്തില്‍ ജീര്‍ണ്ണതകള്‍ ഇത്രമേല്‍ ശക്തമായിട്ടും കര്‍ക്കശമായ നടപെടികളെടുക്കാന്‍ മടിക്കുന്ന ഭരണാധികാരി കള്‍ക്കെതിരായ താക്കീതു കൂടിയായിരുന്നു വനിതകളും, പെണ്‍കുട്ടികളും, കവികളും, ചിത്രകാരന്മാരും, ബഹുജനങ്ങളും പങ്കെടുത്ത സ്ത്രീ സുരക്ഷാ സംഗമം.

സംഗമം പ്രമുഖ കവയത്രി ദേവസേന ഉദ്ഘാടനം ചെയ്തു. പ്രസക്തി വൈസ്‌ പ്രസിഡണ്ട്‌ ഫൈസല്‍ ബാവ അധ്യക്ഷനായിരുന്നു.

കെ. എസ്. സി. വനിതാ വിഭാഗം കണ്‍വീനര്‍ ഷൈലജ നിയാസ്, കവികളായ അസ്മോ പുത്തന്‍ചിറ, ടി. എ. ശശി, ആശാ സബീന, വിവിധ വനിതാ നേതാക്കളായ രമണി രാജന്‍, ഷക്കീല സുബൈര്‍, ഷാഹ്ദാനീ വാസു, റൂഷ് മെഹര്‍, കെ.എസ്. സി. ബാല സമിതി പ്രസിഡന്‍റ് ഐശ്വര്യ ഗൌരി നാരായണന്‍, അഷ്‌റഫ്‌ ചെമ്പാട്, ചിത്രകാരന്‍ രാജീവ്‌ മുളക്കുഴ, മുഹമ്മദ്‌ അസ്ലാം, അബ്ദുള്‍ നവാസ് എന്നിവര്‍ പ്രസംഗിച്ചു.

സുഹാന സുബൈര്‍, ഒ. എന്‍. വി. യുടെ കവിത ആലപിച്ചു. സ്കൂള്‍ വിദ്യാര്‍ത്ഥികളായ ഐശ്വര്യ ദേവി അനില്‍, മുഹമ്മദ്‌ രാസ്സി, സുഹാന സുബൈര്‍, ഐശ്വര്യ ഗൌരി നാരായണന്‍ എന്നിവര്‍ വരച്ച ചിത്രങ്ങള്‍ ഭാവി തലമുറയുടെ ആശങ്കകള്‍ പങ്കു വയ്ക്കുന്നതായി മാറി.

ഇസ്മയില്‍ കൊല്ലം, ബാബു തോമസ്‌ എന്നിവര്‍ പരിപാടികള്‍ക്ക് നേതൃത്വം നല്‍കി.

- ജെ.എസ്.

വായിക്കുക: , ,

Comments Off on കടുത്ത പ്രതിഷേധവുമായി ‘സ്ത്രീ സുരക്ഷാ സംഗമം’

ഭരത് മുരളി നാടകോത്സവം 2012 : വെള്ളിയാഴ്ച മുതല്‍

December 20th, 2012

ksc-drama-fest-logo-epathram
അബുദാബി : യു. എ. ഇ. യിലെ നാടകാസ്വദകര്‍ ആകാംക്ഷയോടെ കാത്തിരിക്കുന്ന അബുദാബി കേരളാ സോഷ്യല്‍ സെന്റര്‍ നാടകോല്സവ ത്തിനു 2012 ഡിസംബര്‍ 21 വെള്ളിയാഴ്ച രാത്രി 8 മണിക്ക് തിരശ്ശീല ഉയരും.

നാടക മത്സരത്തില്‍ ഇപ്രാവശ്യം എട്ടു നാടക ങ്ങള്‍ മാറ്റുരക്കും. അന്തരിച്ച നടന്‍ ഭരത് മുരളി യുടെ സ്മരണാര്‍ത്ഥം സംഘടി പ്പിക്കുന്ന നാടകോത്സവ ത്തില്‍ ക്ലാസീക് നാടകങ്ങളും ആധുനിക നാടക സങ്കേത ങ്ങളുടെ നൂതന ആവിഷ്കാരങ്ങളും അരങ്ങില്‍ എത്തും. ജനുവരി 5 വരെ നീളുന്ന മത്സര ത്തിന്റെ വിധി കര്‍ത്താക്കളായി എത്തുന്നത് പ്രശസ്തരായ നാടക പ്രവര്‍ത്തകരാണ്.

യു. എ. ഇ. യിലെ അമേച്വര്‍ സംഘടന കള്‍ക്കു വേണ്ടി കേരള ത്തിലെ പ്രഗല്‍ഭ നാടക സംവിധായകരും ഇവിടെ സജീവമായ കലാ പ്രവര്‍ത്തകരു മാണ് നാടക ങ്ങള്‍ ഒരുക്കുന്നത്.

മുന്‍ വര്‍ഷങ്ങളി ലേതു പോലെ പ്രശസ്തരായ എഴുത്തു കാരുടെ കൃതികള്‍ അവതരിപ്പിക്ക പ്പെടുന്ന ഒരു പ്രത്യേകത കൂടി നാടക മത്സര ത്തിനുണ്ട്. ആദ്യ ദിവസം കെ. ആര്‍. മീര യുടെ നോവലിന്റെ നാടകാവിഷ്കാരമാണ് തിയ്യേറ്റര്‍ ദുബായ് അരങ്ങില്‍ എത്തിക്കുക. ഓ. ടി. ഷാജഹാന്‍ രചനയും സംവിധാനവും നിര്‍വ്വഹിച്ച ”മീരാ സാധു”

രണ്ടാം ദിവസം ഡിസംബര്‍ 23 ഞായറാഴ്ച രാത്രി 8 മണിക്ക് ഇടശ്ശേരി യുടെ ”കൂട്ടുകൃഷി” കല അബുദാബി അരങ്ങില്‍ അവതരിപ്പിക്കും. സംവിധാനം സുനില്‍.

മൂന്നാം ദിവസം ഡിസംബര്‍ 25 ചൊവ്വ രാത്രി 8 മണിക്ക് ഗോപാല്‍ജി രചനയും സംവിധാനവും നിര്‍വ്വഹിച്ച “ഉവ്വാവ്” എന്ന നാടകം ശക്തി തിയ്യറ്റേഴ്സ് അവതരിപ്പിക്കും.

നാലാം ദിവസം ഡിസംബര്‍ 27 വ്യാഴം രാത്രി 8 നു അലൈന്‍ മലയാളീ സമാജം ഒരുക്കുന്ന ”പ്ലേബോയ്‌” അവതരിപ്പിക്കും. രചന ജെ. എം. സിംഞ്ച്. സംവിധാനം മഞ്ജുളന്‍

നൊബേല്‍ സമ്മാന ജേതാവും പ്രശസ്ത നോവലിസ്റ്റു മായ പോര്‍ച്ചുഗീസ് സാഹിത്യകാരന്‍ ഷൂസെ സരമാഗു വിന്റെ ‘അന്ധത’ എന്ന കൃതിയുടെ നാടകാവിഷ്കാരം ”വെളുത്ത കാഴ്ചക്കാര്‍” എന്ന പേരില്‍ ഡിസംബര്‍ 28 വെള്ളിയാഴ്ച സാജിദ് കൊടിഞ്ഞി സംവിധാനം ചെയ്തു അവതരിപ്പിക്കും.

ബെന്യാമിന്റെ ആടുജീവിതം (സംവിധാനം ഗോപി കുറ്റിക്കോല്‍), മനോജ്‌ കാന യുടെ പിരാന, ഉമേഷ്‌ കല്യാശ്ശേരി യുടെ പെണ്ണ്, എന്നിവ യാണ് തുടര്‍ന്നുള്ള ദിവസ ങ്ങളില്‍ അരങ്ങില്‍ എത്തുക.

ജനുവരി 5 ശനിയാഴ്ച സമാപന സമ്മേളന ത്തോട് അനുബന്ധിച്ച് ശ്രീജ ആറങ്ങോട്ടുകര രചിച്ച ലഘു നാടകം ”കല്യാണ സാരി ” കെ. എസ്.  സി. കലാ വിഭാഗം അവതരിപ്പിക്കും. തുടര്‍ന്ന് മത്സര നാടക ങ്ങളുടെ വിലയിരുത്തലും ഫല പ്രഖ്യാപനവും നടക്കും.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: ,

Comments Off on ഭരത് മുരളി നാടകോത്സവം 2012 : വെള്ളിയാഴ്ച മുതല്‍

Page 58 of 58« First...102030...5455565758

« Previous Page « യു. എ. ഇ. എക്‌സ്‌ചേഞ്ചിന്റെ ‘ഗോക്യാഷ്’ മള്‍ട്ടി കറന്‍സി ട്രാവല്‍ കാര്‍ഡ്
Next » ഗുജറാത്തില്‍ മൂന്നാമതും മോഡിക്ക് വിജയം »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha