അബുദാബിയിലെ ഇന്ത്യന്‍ ഇസ്‌ലാഹി സ്‌കൂള്‍ അടച്ചു പൂട്ടുന്നു

September 18th, 2013

abudabi-indian-islahi-islamic-school-closing-ePathram
അബുദാബി : തലസ്ഥാന നഗരിയില്‍ പ്രവര്‍ത്തിച്ചു വരുന്ന ഇന്ത്യന്‍ ഇസ്‌ലാഹി ഇസ്‌ലാമിക് സ്‌കൂള്‍ അടച്ചു പൂട്ടാന്‍ അബുദാബി എജുക്കേഷന്‍ കൗണ്‍സില്‍ ഉത്തരവിട്ടു. ഇതോടെ ആയിരത്തി നാനൂറോളം വിദ്യാര്‍ത്ഥികളുടെ ഭാവി അനിശ്ചിതത്വത്തിലായി.

നഗരത്തിലെ വില്ലകളില്‍ പ്രവര്‍ത്തിക്കുന്ന സ്കൂളുകള്‍ ഇവിടെ നിന്നും മുസ്സഫ യിലെ സ്കൂള്‍ സോണി ലേക്ക് മാറ്റി സ്ഥാപിക്കണം എന്ന് അബൂദാബി എജുക്കേഷന്‍ കൗണ്‍സില്‍ (ADEC) രണ്ടു വര്‍ഷം മുമ്പു തന്നെ നഗര ത്തിലെ സ്‌കൂളുകള്‍ക്ക് നിര്‍ദ്ദേശം നല്‍കി യിരുന്നു.

ഇതിന്റെ അടിസ്ഥാന ത്തില്‍ പല സ്‌കൂളുകളും മുസഫയിലേക്ക് മാറ്റി സ്ഥാപിച്ചിരുന്നു. നഴ്സറി ക്ലാസ്സ് മുതല്‍ പ്ലസ്സ് ടു വരെയുള്ള ഇന്ത്യന്‍ ഇസ്ലാഹി ഇസ്ലാമിക്‌ സ്കൂളില്‍ മാത്രം മലയാളികള്‍ അടക്കം 1400 ഓളം കുട്ടികള്‍ പഠിക്കുന്നുണ്ട്. സ്കൂളിന് മുന്നില്‍ അടച്ചു പൂട്ടല്‍ നോട്ടിസും അഡെക് പതിച്ചിട്ടുണ്ട്. രക്ഷിതാ ക്കള്‍ക്കും കഴിഞ്ഞ ദിവസം ഇതു സംബന്ധിച്ച മുന്നറിയിപ്പ് കിട്ടിയിരുന്നു.

ഇതോടെ എല്ലാവരും ആശങ്ക യിലാണ്. 2014 ഏപ്രില്‍ ഒന്നു വരെ മാത്രമേ സ്‌കൂളിന് അബുദാബി നഗര ത്തില്‍ പ്രവര്‍ത്തിക്കാന്‍ കൗണ്‍സി ലിന്റെ അനുമതി യുള്ളൂ. ഏപ്രില്‍ മാസ ത്തിനുള്ളില്‍ പുതിയ കെട്ടിടം തയ്യാറാവുമെന്നു പ്രതീക്ഷയുമില്ല. ഏപ്രില്‍ ആദ്യ വാരം തന്നെയാണ് അബുദാബി യില്‍ പുതിയ അധ്യയന വര്‍ഷം ആരംഭിക്കുക. ഈ അവസ്ഥ യില്‍ 9, 11 ക്ലാസ്സുകാരുടെയും തുടര്‍ പഠനം അവതാളത്തിലാവും. അടുത്ത വര്‍ഷം പത്താം ക്ലാസ്സിലും പന്ത്രണ്ടാം ക്ലാസ്സിലും അബുദാബി യിലെ മറ്റു സ്‌കൂളുകളില്‍ അഡ്മിഷന്‍ ലഭിക്കുമെന്ന് രക്ഷിതാക്കള്‍ക്ക് യാതൊരു പ്രതീക്ഷയുമില്ല.

ഏത് ക്ലാസ്സിലായാലും ഇപ്പോള്‍ത്തന്നെ അഡ്മിഷന്‍ ദുഷ്‌കരമാണ്. സ്കൂള്‍ പൂട്ടാന്‍ നോട്ടിസ് ലഭിച്ചതോടെ പ്രശ്ന പരിഹാര ത്തിനായി എജുക്കേഷന്‍ കൗണ്‍സിലുമായി ബന്ധപ്പെട്ടിട്ടുണ്ട് എന്നും ഇന്ത്യന്‍ അംബാസഡര്‍ എം. കെ. ലോകേഷു മായി അടുത്ത ദിവസം തന്നെ ഈ വിഷയം ചര്‍ച്ച ചെയ്യാന്‍ കൂടിക്കാഴ്ച നടത്തും എന്നും കുട്ടികളുടെ കാര്യ ത്തില്‍ രക്ഷിതാക്കളെ പോലെ തന്നെ തങ്ങളും ഉത്കണ്ഠാ കുലരാണെന്നും ഇന്ത്യന്‍ ഇസ്ലാഹി ഇസ്ലാമിക് സ്കൂള്‍ മാനേജ്മെന്‍റ് പറയുന്നു.

- കറസ്പോണ്ടന്റ്

വായിക്കുക: , , ,

Comments Off on അബുദാബിയിലെ ഇന്ത്യന്‍ ഇസ്‌ലാഹി സ്‌കൂള്‍ അടച്ചു പൂട്ടുന്നു

വേനല്‍ത്തുമ്പികള്‍ സമാപിച്ചു

September 14th, 2013

ksc-summer-camp-2013-closing-ceremony-ePathram
അബുദാബി : കേരള സോഷ്യല്‍ സെന്ററിന്റെ ആഭിമുഖ്യ ത്തില്‍ കുട്ടികള്‍ക്കായി നടത്തിയ വേനല്‍ത്തുമ്പികള്‍ സമ്മര്‍ ക്യാമ്പ് സമാപിച്ചു.

ഈ ക്യാമ്പിന്റെ തുടര്‍ച്ച എന്നോണം എല്ലാ മാസവും ഹ്രസ്വ ക്യാമ്പുകള്‍ നടത്തും എന്ന് സമാപന ചടങ്ങില്‍ അധ്യക്ഷത വഹിച്ച കെ. എസ്. സി. പ്രസിഡന്റ് എം. യു. വാസു അറിയിച്ചു. ക്യാമ്പ് അധ്യാപകന്‍ സുനില്‍ കുന്നരുവിനുള്ള ഉപഹാരം കെ. എസ്. സി. ട്രഷറര്‍ ഫസലുദ്ദീന്‍ നല്കി. കുട്ടികള്‍ തയാറാക്കിയ ചിറകുകള്‍ എന്ന പത്ര ത്തിന്റെ പ്രകാശനവും ചടങ്ങില്‍ നടന്നു.

കുട്ടികള്‍ ചിട്ട പ്പെടുത്തിയ സംഘ ഗാനങ്ങളും അവര്‍ എഴുതി സംവിധാനം ചെയ്ത നാടക ങ്ങളും മറ്റു കലാ പരിപാടി കളും അരങ്ങേറി. ക്യാമ്പ് ഡയറക്ടര്‍മാരായ മധു പറവൂര്‍, ശൈലജ നിയാസ്, കലാ വിഭാഗം സെക്രട്ടറി രമേശ് രവി, വനിതാ വിഭാഗം കണ്‍വീനര്‍ സിന്ധു ഗോവിന്ദന്‍, ബാലവേദി പ്രസിഡന്റ് അറഫ താജുദ്ദീന്‍ എന്നിവര്‍ സംബന്ധിച്ചു.

സോണി ടി. വി. നടത്തിയ മ്യൂസിക് റിയാലിറ്റി ഷോയിലെ വിജയിയും ക്യാമ്പ് അംഗവുമായ ശാലിനി ശശികുമാറിനും ഏഷ്യാനെറ്റ് റേഡിയോ മാപ്പിളപ്പാട്ട് മത്സര ത്തില്‍ വിജയി യായ ആദില ഹിന്ദ് എന്നിവര്‍ക്കുള്ള കെ. എസ്. സി. യുടെ ഉപഹാരം സുനില്‍ കുന്നരു നല്കി. ബിജിത്ത് കുമാര്‍ സ്വാഗതവും ഫൈസല്‍ ബാവ നന്ദിയും പറഞ്ഞു .

- കറസ്പോണ്ടന്റ്

വായിക്കുക: ,

Comments Off on വേനല്‍ത്തുമ്പികള്‍ സമാപിച്ചു

പരിഷത്ത് ബാലവേദി വെള്ളിയാഴ്ച ഷാര്‍ജയില്‍

September 13th, 2013

sharjah-kssp-balavedhi-2013-ePathram ഷാര്‍ജ : ഫ്രണ്ട്‌സ് ഓഫ് കേരള ശാസ്ത്ര സാഹിത്യ പരിഷത്ത് ഷാര്‍ജ ചാപ്റ്റര്‍ ബാല വേദി യുടെ ഈ വര്‍ഷത്തെ പ്രവര്‍ത്തന ങ്ങള്‍ക്ക് സപ്തംബര്‍ 13 ന് വെള്ളിയാഴ്ച്ച ഷാര്‍ജ എമിറേറ്റ്‌സ് നാഷ്ണല്‍ സ്‌കൂളില്‍ വൈകുന്നേരം 3 മണിക്ക് തുടക്കം കുറിക്കും.

ഔപചാരിക വിദ്യാഭ്യാസ ത്തിന്റെ ചട്ടക്കൂടിനു പുറത്തു നിന്നു കൊണ്ട് വിനോദ ങ്ങളിലൂടെയും ഹൃദ്യമായ പഠന പ്രവര്‍ത്തന ങ്ങളിലൂടെയും ശാസ്ത്ര ബോധവും സാമൂഹ്യ ബോധവു മുള്ള ഒരു തലമുറ യെ വാര്‍ത്തെടുക്കുക എന്നതാണ് ബാല വേദി പ്രവര്‍ത്തന ങ്ങളിലൂടെ ശാസ്ത്ര സാഹിത്യ പരിഷത് ലക്ഷ്യ മിടുന്നത്.

പങ്കെടുക്കുവാന്‍ ആഗ്രഹിക്കുന്ന കൂട്ടുകാര്‍ വിളിക്കുക : ശ്രീകുമാരി ആന്റണി 06 57 25 810, 056 14 24 900

- കറസ്പോണ്ടന്റ്

വായിക്കുക: , , ,

Comments Off on പരിഷത്ത് ബാലവേദി വെള്ളിയാഴ്ച ഷാര്‍ജയില്‍

സമാജം സമ്മര്‍ ക്യാമ്പ് : ജൂപ്പിറ്റര്‍ ടീമിന് ട്രോഫി

September 8th, 2013

അബുദാബി : മലയാളി സമാജം സംഘടിപ്പിച്ച അനുരാഗ് മെമ്മോറിയല്‍ സമ്മര്‍ ക്യാമ്പ് സമാപിച്ചു. ഏറ്റവും നല്ല ഷോര്‍ട്ട് ഫിലിം, നാടകം എന്നിവയില്‍ ജൂപ്പിറ്റര്‍ ഒന്നാംസ്ഥാനം നേടി. അനുരാഗ് മെമ്മോറിയല്‍ റോളിംഗ് ട്രോഫി, സമാജം പ്രസിഡന്‍റ് അനുരാഗിന്റെ പിതാവ് സുബ്രഹ്മണ്യം എന്നിവരില്‍നിന്ന് ജൂപ്പിറ്റര്‍ ടീം ക്യാപ്റ്റന്‍ അനുഗ്രഹാ അനിലും ടീം അംഗങ്ങളും ഏറ്റുവാങ്ങി.

ഏറ്റവും നല്ല നടനായി രാഹുല്‍ സുരേഷ്, നടിയായി രേവതി രവി എന്നിരെയും ക്യാമ്പില്‍ വ്യക്തി ഗത മികവുപുലര്‍ത്തിയ ആണ്‍കുട്ടി കളില്‍ നിന്ന് കാര്‍ത്തിക് ബാനര്‍ജി യെയും പെണ്‍കുട്ടി കളില്‍ നിന്ന് മീനാക്ഷി ജയ കുമാറിനെയും ബെസ്റ്റ് ക്യാമ്പര്‍ മാരായും തെരഞ്ഞെടുത്തു.

സമാപന സമ്മേളനത്തില്‍ സമാജം പ്രസിഡന്‍റ് മനോജ് പുഷ്‌കര്‍ അധ്യക്ഷത വഹിച്ചു. സമാജം ജനറല്‍ സെക്രട്ടറി ഷിബു വര്‍ഗീസ് സ്വാഗതം ആശംസിച്ചു, ക്യാമ്പ് അഡൈ്വസര്‍ രവിമേനോന്‍ ചടങ്ങ് ഉദ്ഘാടനം ചെയ്തു. ക്യാമ്പ് ഡയറക്ടര്‍ ഇബ്രാഹിം ബാദുഷ, കലാ വിഭാഗം കണ്‍വീനര്‍ സുനില്‍ വി. വി., വനിതാ വിഭാഗം കണ്‍വീനര്‍ തനു താരിക്, ബാലവേദി പ്രസിഡന്‍റ് ദേവികാ ലാല്‍, ഷാനവാസ് കടക്കല്‍, സുബ്രഹ്മണ്യം എന്നിവര്‍ സംസാരിച്ചു. ട്രഷറര്‍ എം. യു. ഇര്‍ഷാദ് നന്ദി പ്രകാശിപ്പിച്ചു.

- കറസ്പോണ്ടന്റ്

വായിക്കുക: ,

Comments Off on സമാജം സമ്മര്‍ ക്യാമ്പ് : ജൂപ്പിറ്റര്‍ ടീമിന് ട്രോഫി

വിവാദ അറബിക്കല്ല്യാണം; യത്തീംഖാന ഭാരവാഹികള്‍ രാജി വെച്ചു

September 1st, 2013

child-marriage-epathram

കോഴിക്കോട്: യത്തീംഖാന അന്തേവാസിയായ പതിനേഴുകാരിയെ അറബിക്ക് വിവാഹം കഴിച്ച് ആഴ്ചകള്‍ക്കകം ഉപേക്ഷിച്ച കേസില്‍ പ്രതി ചേര്‍ക്കപ്പെട്ട സിയസ്കോ യത്തീംഖാന ഭാരവാഹികള്‍ ധാര്‍മ്മിക ഉത്തരവാദിത്വം ഏറ്റെടുത്ത് രാജി വെച്ചു. യത്തീം ഖാന ചെയര്‍മാന്‍ പി. എൻ. ഹംസക്കോയ, സെക്രട്ടറി പി. ടി. മുഹമ്മദലി, കോ-ഓര്‍ഡിനേറ്റര്‍ ബി. വി. മാമുക്കോയ എന്നിവരാണ് രാജി വെച്ചത്. അടിയന്തിരമായി ചേര്‍ന്ന സിയെസ്കോ യോഗത്തില്‍ സത്യം തെളിയുന്നത് വരെ മാറി നില്‍ക്കുന്നതാണ് നല്ലത് എന്ന അഭിപ്രായം ഉയര്‍ന്നതിനെ തുടര്‍ന്ന് ഇവരുടെ രാജി അംഗീകരിക്കുകയായിരുന്നു.

ജുണ്‍ 13 നാണ് യു. എ. ഈ. പൌരത്വമുള്ള ജാസി മുഹമ്മദ് അബ്ദുള്‍ കരീം എന്ന അറബി യത്തീംഖാനയിലെ അന്തേവാസിയായ പ്രായപൂര്‍ത്തിയാകാത്ത പെണ്‍കുട്ടിയെ വിവാഹം കഴിച്ചത്. രേഖകളില്‍ അറബിയാണെന്ന കാര്യം മറച്ചു വെച്ചായിരുന്നു വിവാഹം നടത്തിയത്. വിവാഹ ശേഷം ഏതാനും ആഴ്ചകള്‍ക്ക് ശേഷം ഇയാള്‍ സ്വദേശമായ യു. എ. ഈ. യിലേക്ക് മടങ്ങിപ്പോയി. പെണ്‍കുട്ടിയെ താന്‍ മൊഴി ചൊല്ലിയതായി മധ്യസ്ഥന്‍ വഴി അറിയിക്കുകയായിരുന്നു. ഇതിനെ തുടര്‍ന്ന് പെണ്‍കുട്ടിയുടെ ഭാഗത്തു നിന്നും പരാതി നല്‍കുകയായിരുന്നു. കേരളത്തിലെ പല റിസോര്‍ട്ടുകളിലും മറ്റും താമസിപ്പിച്ച് ഏതാനും ദിവസം ലൈംഗികമായി പീഡിപ്പിച്ച ശേഷം മൊഴി ചൊല്ലുകയായിരുന്നു എന്നാണ് പരാതി. പരാതിയെ തുടര്‍ന്ന് അറബി, അറബിയുടെ മാതാവ്, രണ്ടാനച്ഛന്‍ മറ്റൊരു ബന്ധു എന്നിവരെയും ഓര്‍ഫനേജ് അധികൃതരേയും പ്രതിയാക്കി പോലീസ് കേസെടുത്തു.

- എസ്. കുമാര്‍

വായിക്കുക: , , ,

Comments Off on വിവാദ അറബിക്കല്ല്യാണം; യത്തീംഖാന ഭാരവാഹികള്‍ രാജി വെച്ചു

Page 72 of 83« First...102030...7071727374...80...Last »

« Previous Page« Previous « മുഹമ്മദ് റഫി അനുസ്മരണം : ‘ഫിര്‍ റഫി’ യുടെ ബ്രോഷര്‍ പ്രകാശനം ചെയ്തു
Next »Next Page » മഞ്ജുവാര്യര്‍ സിനിമയില്‍ തിരിച്ചെത്തുന്നു »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha