പ്രകൃതി യുമായി ഇണങ്ങി ചേര്‍ന്ന് സമ്മര്‍ ക്യാമ്പിലെ കുരുന്നുകള്‍

August 31st, 2013

samajam-tree-in-summer-camp-2013-ePathram
അബുദാബി : പുതിയ തലമുറയെ പ്രകൃതി യുമായി കൂടുതൽ അടുപ്പി ക്കുന്നതിനു വേണ്ടി അബുദാബി മലയാളി സമാജം നടത്തുന്ന ശ്രമം ശ്രദ്ധേയ മാകുന്നു. സമ്മർ അങ്കണ ത്തില്‍ കുട്ടികളുടെ സ്വന്തം പേരിൽ ത്തന്നെ അവരെ കൊണ്ട് വൃക്ഷ തൈകൾ നടീച്ച് വളർത്തുന്ന വ്യത്യസ്ത രീതിയാണ് ഇങ്ങിനെ ശ്രദ്ധേയമായത്.

കഴിഞ്ഞ വര്‍ഷം ക്യാമ്പില്‍ പങ്കെടുത്ത ഓരോ കുട്ടി യുടെയും പേരില്‍ നട്ട മരത്തൈകള്‍ ഒരു വര്‍ഷ ത്തിലധികം നട്ടു നനച്ചതോടെ കുട്ടികളേ ക്കാള്‍ ഉയരം വെച്ചു.

malayalee-samajam-summer-camp-tree-plantation-ePathram

മര ങ്ങള്‍ക്ക് വെള്ളവും വളവും പകര്‍ന്ന് നല്‍കി ഈ കുട്ടികള്‍ വളര്‍ത്തുക യാണ്. നാടിനെയും സംസ്കാരത്തെയും അറിയാനും കുട്ടികള്‍ക്ക് ക്യാമ്പിലൂടെ അവസരം ഒരുക്കിയിട്ടുണ്ട്.

നാടന്‍ പാട്ടുകള്‍, കവിതകള്‍, കഥ പറച്ചില്‍, നാടകം, ചിത്രരചന, ശില്‍പ നിര്‍മാണം തുടങ്ങിയവയില്‍ എല്ലാം പരിശീലനം നല്‍കുന്നുണ്ട്.

വേനലവധി ക്കാലത്ത് നാട്ടിലേക്ക് പോകാതെ ഫ്ലാറ്റു കളിലെ നാല് ചുമരു കള്‍ക്കുള്ളില്‍ കഴിയുന്ന കുഞ്ഞുങ്ങളുടെ വിവിധ കഴിവു കളെ വളര്‍ത്തി എടുക്കാനും കൂടിയാണ് സമ്മര്‍ ക്യാമ്പുകള്‍ സംഘടിപ്പി ക്കുന്നത്.

ഈ വര്‍ഷവും ക്യാമ്പിനു നേതൃത്വം കൊടുക്കുന്നത് നാട്ടില്‍ നിന്നും എത്തിയ ചിത്രകാരനും കാര്‍ട്ടൂണിസ്റ്റുമായ ഇബ്രാഹിം ബാദുഷയും അനിമേറ്റര്‍ ജിനേഷ്‌ കുമാറുമാണ്.

നാടന്‍ കളികളും നാടന്‍ പാട്ടുകളും കഥയും കവിതയുമായി നൂറോളം കുട്ടികള്‍ സെപ്തംബര്‍ 6 വരെ മുസ്സഫ യിലെ സമാജം അങ്കണം സജീവമാക്കും.

- കറസ്പോണ്ടന്റ്

വായിക്കുക: , , ,

Comments Off on പ്രകൃതി യുമായി ഇണങ്ങി ചേര്‍ന്ന് സമ്മര്‍ ക്യാമ്പിലെ കുരുന്നുകള്‍

കെ. എസ്. സി. ‘വേനൽ തുമ്പികൾ’ ശ്രദ്ധേയമാവുന്നു

August 30th, 2013

ksc-summer-camp-2013-sunil-kunneru-ePathram
അബുദാബി : കേരള സോഷ്യൽ സെന്റർ ‘വേനൽ തുമ്പികൾ’ എന്ന പേരില്‍ സംഘടിപ്പിച്ച സമ്മർ ക്യാമ്പ്‌, കളിയും ചിരിയും നേരമ്പോക്കു കളുമായി കുട്ടികളിലെ കലാപരമായ സർഗ്ഗ വാസനകളെ ഉണർത്തിയും മുന്നേറുന്നു. ക്യാമ്പില്‍ കുട്ടികള്‍ ആഹ്ലാദ ച്ചുവടുകള്‍ തീര്‍ത്ത് ആവേശ ത്തിലാണ്.

പഠിക്കേണ്ട കാര്യങ്ങള്‍ വിനോദ ങ്ങളിലൂടെ കുട്ടികളി ലേക്ക് എത്തിക്കുവാനും മലയാള ഭാഷയിലൂടെയും നാടന്‍കഥ കളിലൂടെയും നാടക ങ്ങളിലൂടെയും അവരുടെ സര്‍ഗാത്മക മായ കഴിവുകള്‍ ഉണര്‍ത്തുവാനും നാടിന്റെ മണവും സംസ്കാരവും അനുഭവ ഭേദ്യമാക്കുവാനും ഈ വേനല്‍ തുമ്പികള്‍ക്ക് കഴിയുന്നുണ്ട്.

പ്രമുഖ നാടക പ്രവര്‍ത്തകനും അധ്യാപകനുമായ സുനില്‍ കുന്നരു, ക്യാമ്പിനു നേതൃത്വം കൊടുക്കുന്നു. 3 വയസ്സ് മുതല്‍ 15 വയസ്സ് വരെ പ്രായമുള്ള തൊണ്ണൂറോളം കുട്ടികള്‍ മൂന്നു ഗ്രൂപ്പുകളിലായി പാട്ടും കളികളും കഥ പറച്ചിലും നാടക അഭിനയവുമായി കേരളാ സോഷ്യല്‍ സെന്റര്‍ അങ്കണത്തില്‍ സജീവമാകുന്നു.

അബുദാബി കമ്മ്യൂണിറ്റി പോലീസിന്റെ സുരക്ഷാ ക്ലാസ്സുകള്‍, ചിത്ര രചന, മാജിക്‌, കരകൌശല വസ്തുക്കളുടെ നിര്‍മ്മാണം ദൈനംദിന വാര്‍ത്തകളുമായി കുട്ടികളെ ബന്ധ പ്പെടുത്തുന്ന ‘കുട്ടികളുടെ ചിറകുകള്‍’ എന്ന പത്രം, K S C കുട്ടി ടി. വി. എന്നിവയും വേനൽ തുമ്പികൾ എന്ന സമ്മര്‍ക്യാമ്പിലെ വിശേഷങ്ങളാണ്.

- കറസ്പോണ്ടന്റ്

വായിക്കുക: , ,

Comments Off on കെ. എസ്. സി. ‘വേനൽ തുമ്പികൾ’ ശ്രദ്ധേയമാവുന്നു

ഇന്റര്‍നെറ്റ് സുരക്ഷ : ബോധവത്കരണ സമ്മേളനം

August 30th, 2013

logo-disk-foundation-ePathram അബുദാബി : ഇന്റര്‍നെറ്റിലെ അശ്ലീലവും സംസ്‌കാര ശൂന്യ വുമായ കാഴ്ചകളിലൂടെ വഴി തെറ്റിക്കുന്ന കുഞ്ഞുങ്ങളുടെ സുരക്ഷ ക്കായി പ്രത്യേക ബോധ വല്‍ക്കരണ സമ്മേളനം സെപ്തംബര്‍ 2, 3 തീയ്യതി കളില്‍ ഡല്‍ഹി യില്‍ നടക്കുമെന്ന് ‘ഡിസ്‌ക് ഫൗണ്ടേഷന്‍’ സ്ഥാപകനും സി. ഇ. ഓ. യുമായ മുഹമ്മദ് മുസ്തഫ അബുദാബി യില്‍ വാര്‍ത്താ സമ്മേളന ത്തില്‍ പറഞ്ഞു.

ലോകത്ത് ദിനം പ്രതി വര്‍ധിച്ചു കൊണ്ടിരിക്കുന്ന ഇന്റര്‍നെറ്റ് അശ്ലീലം പിഞ്ചു കുഞ്ഞുങ്ങളെ വഴി തെറ്റിക്കുകയും അതിലുപരി സമൂഹത്തെ നശിപ്പിച്ചു കൊണ്ടിരിക്കുക യുമാണ്. ഇത്തരം പ്രവണത വര്‍ധിച്ചു വരുന്നതിനു പിന്നില്‍ കോടി ക്കണക്കിന് രൂപ യുടെ വന്‍ വ്യവസായം തന്നെയാണ് നടക്കുന്നത്.

ലോകം ഇതു തിരിച്ചറിഞ്ഞു വിവിധ മാര്‍ഗ്ഗ ങ്ങളിലുടെ തടയാന്‍ ശ്രമിക്കുന്നു എങ്കിലും ഇന്ത്യയിലും വിശിഷ്യാ കേരള ത്തിലും ഇതു സംബന്ധിച്ചു കാര്യമായ പ്രവര്‍ത്തനങ്ങള്‍ ഒന്നും തന്നെ നടക്കുന്നില്ല. എന്നാല്‍ അബുദാബി പോലുള്ള നഗര ങ്ങളില്‍ ഇതിനെ ചെറുക്കുന്ന തിനായി പ്രത്യേക വിഭാഗം തന്നെ പ്രവര്‍ത്തിക്കുന്നുണ്ട്. പക്ഷെ നമ്മുടെ നാട് ഇതൊന്നും കണ്ടില്ല എന്ന് നടിക്കുകയാണ്.

ഇന്ത്യയില്‍ ഓരോ എട്ട് മിനുട്ടിലും ഓരോ കുട്ടിയെ കാണാതാകുന്നുണ്ട്. ഇതില്‍ 40 ശതമാനം കുട്ടികളെയും കണ്ടെത്താന്‍ കഴിയുന്നില്ല. അതിന്റെ കാര്യ കാരണങ്ങളെ ക്കുറിച്ച് ഭരണ കൂടവും സമൂഹവും വേണ്ടത്ര ബോധവാന്മാരല്ല.

സ്ത്രീകളും കുട്ടികളും ഇന്റര്‍നെറ്റ് അശ്ലീല ത്തിന് അടിമ കളായി മാറുമ്പോള്‍ അതു വഴി കോടികളുടെ വന്‍വ്യാപാരമാണ് ലോകത്ത് നടന്നു കൊണ്ടിരിക്കുന്നത്. ഇതിനെ ക്കുറിച്ച് അടുത്തറിയാനും വിദേശ ഏജന്‍സികള്‍ നടത്തുന്ന ശ്രമ ങ്ങളെ മനസ്സിലാക്കാന്‍ ഉതകുന്ന തര ത്തിലാണ് സമ്മേളനം സംഘടിപ്പിക്കുന്നത്.

ലോകമെമ്പാടും പടർന്നു പിടിക്കുന്ന, എന്നാൽ നാം ആരും തന്നെ അധികം ശ്രദ്ധിക്കാതെ പോകുന്ന അതി മാരകമായ ഒരു വിപത്തിനെ പറ്റി കൂടുതൽ അറിയുവാനും ആ അറിവ് മറ്റുള്ള വരിലേക്ക് പകർന്നു നല്കുവാനും ഈ വിപത്തിന് എതിരെ പടപൊരുതി സമൂഹത്തെ ഇതു മൂലമുണ്ടാകുന്ന പ്രശ്ന ങ്ങളിൽ നിന്നും സംരക്ഷിച്ചു നിർത്തുവാനും വേണ്ടി പ്രവർത്തി ക്കുന ഒരു പ്രസ്ഥാന മാണ് ഡിസ്ക് ഫൗണ്ടെഷൻ.

ഇന്റർനെറ്റ്‌ ഇന്ന് ഒഴിച്ചു കൂടാൻ പറ്റാത്ത അവസ്ഥ യിൽ നമ്മെ സ്വാധീനിച്ചിരിക്കുന്നു. ഇൻറർനെറ്റിൽ കുട്ടികൾക്കും സ്ത്രീകൾക്കും എതിരേ നടക്കുന്ന കുറ്റ കൃത്യങ്ങളെ തടയുവാൻ വേണ്ട കർമ പദ്ധതി ആസൂത്രണം ചെയ്തു നടപ്പിലാക്കുക യാണ് ഈ കൂട്ടായ്മയുടെ പ്രധാന ലക്‌ഷ്യം.

യുണൈറ്റഡ് നേഷന്‍സ്, ഇന്റര്‍പോള്‍ തുടങ്ങിയ അന്താ രാഷ്ട്ര തല ത്തിലെ വിവിധ ഏജന്‍സികളെ സംയോജിപ്പിച്ചു കൊണ്ട് സെപ്തംബര്‍ 2,3 തിയ്യതി കളില്‍ ഡല്‍ഹി യില്‍ സംഘടി പ്പിക്കുന്ന സമ്മേളന ത്തില്‍ ആഭ്യന്തര മന്ത്രാലയം, സാമൂഹ്യ ക്ഷേമ വകുപ്പ്, വിദ്യാഭ്യാസ വകുപ്പ് തുടങ്ങിയവരും പങ്കാളികളാകും.

- കറസ്പോണ്ടന്റ്

വായിക്കുക: , , , ,

Comments Off on ഇന്റര്‍നെറ്റ് സുരക്ഷ : ബോധവത്കരണ സമ്മേളനം

ഭക്ഷ്യ സുരക്ഷാ ബില്‍ പാസ്സായി

August 27th, 2013

food-ePathram
ന്യൂഡല്‍ഹി : നീണ്ട ചര്‍ച്ചകള്‍ക്കും സര്‍ക്കാറിനെ മുള്‍മുന യില്‍നിര്‍ത്തിയ പ്രതിപക്ഷ ഭേദഗതി വോട്ടുകള്‍ക്കും ശേഷം ഭക്ഷ്യ സുരക്ഷാ ബില്‍ ലോക്‌ സഭയില്‍ പാസ്സായി.

ദുര്‍ബല വിഭാഗ ങ്ങള്‍ക്ക് അരി മൂന്നു രൂപ ക്കും ഗോതമ്പ് രണ്ടു രൂപ ക്കും പയറു വര്‍ഗങ്ങള്‍ ഒരു രൂപക് കും നല്‍കാന്‍ വ്യവസ്ഥ ചെയ്യുന്നതാണ് ഭക്ഷ്യ സുരക്ഷാ നിയമം. രാജ്യത്തെ ജന സംഖ്യയില്‍ 70 ശതമാന ത്തിന് നിയമം മൂലം ഭക്ഷ്യ ധാന്യം ഉറപ്പാക്കുന്ന ഈ ബില്‍ യു. പി. എ. സര്‍ക്കാറിന്റെ സ്വപ്ന പദ്ധതി എന്ന വിശേഷണം ഉള്ളതാണ്.

ഭക്ഷ്യ സുരക്ഷാ പദ്ധതി നടപ്പാക്കി ക്കൊണ്ട് ജൂലായ് അഞ്ചിന് പുറപ്പെടു വിച്ച വിജ്ഞാപന ത്തിന് ബദല്‍ ആയിട്ടുള്ള ബില്ലാണ് പാസ്സാക്കിയത്. ഈ ആഴ്ച രാജ്യ സഭയും ബില്‍ പാസ്സാക്കുന്ന തോടെ പദ്ധതിക്ക് പാര്‍ലമെന്റിന്റെ അംഗീകാരമാവും. ഭക്ഷ്യ സുരക്ഷാ പദ്ധതി നടപ്പാക്കുമ്പോള്‍ കേരള വും തമിഴ്‌ നാടും ഉള്‍പ്പെടെ 18 സംസ്ഥാന ങ്ങളുടെ ഭക്ഷ്യ വിഹിതം കുറയും എന്ന ആശങ്ക പരിഹരി ക്കുന്നതിന് സര്‍ക്കാര്‍ തന്നെ ഭക്ഷ്യ സുരക്ഷാ ബില്ലില്‍ ഭേദഗതി വരുത്തി.

ഭക്ഷ്യ സുരക്ഷാ പദ്ധതിക്ക് അര്‍ഹരായവരും അല്ലാത്തവരും എന്ന രണ്ടു വിഭാഗമാണ് ഇനി ഉണ്ടാവുക. അന്ത്യോദയ അന്ന യോജന പദ്ധതി അതേ പടി നിലനിര്‍ത്തിയാണ് ഭക്ഷ്യ സുരക്ഷാ നിയമം പ്രാബല്യത്തില്‍ വരുന്നത്. ഈ പദ്ധതിക്കു കീഴില്‍ വരുന്ന ഏറ്റവും പിന്നാക്ക വിഭാഗത്തില്‍ പെടുന്ന കുടുംബ ങ്ങള്‍ക്ക് 35 കിലോ ഭക്ഷ്യ ധാന്യം നല്‍കണമെന്ന് നിയമ നിര്‍മാണം വ്യവസ്ഥ ചെയ്യുന്നു.

ബി. പി. എല്‍. വിഭാഗ ത്തിനും കുടുംബ ത്തില്‍ ഒരാള്‍ക്ക് പ്രതിമാസം അഞ്ചു കിലോ എന്ന കണക്കില്‍ മൂന്നു രൂപ നിരക്കില്‍ ധാന്യം ലഭിക്കും. പുതിയ സമ്പ്രദായത്തിലേക്ക് വരുന്ന തോടെ എ. പി. എല്‍. വിഭാഗം ഇല്ലാതാവും. ഗര്‍ഭിണി കള്‍ക്കും പാലൂട്ടുന്ന അമ്മമാര്‍ക്ക് പ്രസവ ത്തിനു ശേഷം ആറു മാസം വരേയും സമീപത്തെ അങ്കണ വാടിയിലൂടെ ഭക്ഷണം ഉറപ്പു വരുത്തും. 14 വയസ്സു വരെയുള്ള കുട്ടികള്‍ക്കും ഭക്ഷണത്തിന് അവകാശമുണ്ടാവും.

- കറസ്പോണ്ടന്റ്

വായിക്കുക: , , , ,

Comments Off on ഭക്ഷ്യ സുരക്ഷാ ബില്‍ പാസ്സായി

അബുദാബിയില്‍ പുതിയ സ്കൂളുകള്‍ വരുന്നു

August 23rd, 2013

അബുദാബി : എജുക്കേഷൻ കൗണ്‍സിൽ പുതിയ സ്കൂളുകൾ അനുവദിക്കാന്‍ ഒരുങ്ങുന്നു. നിലവിലുള്ള വിദ്യാര്‍ഥികളുടെ എണ്ണ ക്കൂടുതലും അടുത്ത മാസത്തോടെ സര്‍ക്കാര്‍ ജീവന ക്കാർ അബുദാബി യിലേക്ക് മാറി താമസി ക്കുമ്പോൾ ഉണ്ടാകുന്ന കുട്ടികളുടെ എണ്ണ ക്കൂടുതലും പരിഹരി ക്കുന്നതിന്റെ ഭാഗമായാണ് പുതിയ തിരുമാനം. നിലവിലുള്ള വിദ്യാഭ്യാസ സ്ഥാപന ങ്ങൾ തന്നെ മതിയാവാത്ത അവസ്ഥയാണുള്ളത്.

കൂടാതെ 2015 ഓടെ അമ്പതിനായിരത്തോളം കുട്ടികള്‍ അധികം ഉണ്ടാവുമെന്ന് പ്രതീക്ഷിക്കുന്നു. ഇത് മുന്നില്‍ കണ്ടു കൊണ്ടാണ് കൌണ്‍സിലിന്റെ തീരുമാനം എന്ന് അബുദാബി എജുക്കേഷൻ കൌണ്‍സില്‍ എക്സിക്യൂട്ടീവ്‌ ഡയരക്ടര്‍ ഹമദ്‌ അല്‍ ദാഹിരി അറിയിച്ചു.

അബുദാബി നഗര ത്തിലെ സ്ഥല പരിമിതി മൂലം മുസഫ, ഖലീഫാ സിറ്റി തുടങ്ങിയ നഗരങ്ങളാണ് പുതിയ സ്കൂളു കള്‍ക്കായി തെരഞ്ഞെടു ത്തിരിക്കുന്നത്. ഇന്ത്യന്‍, ബ്രിട്ടീഷ്‌, അമേരിക്കന്‍ കരിക്കുലമാണ് പുതിയ സ്കൂളുകള്‍ക്ക് അനുവദിച്ചിട്ടുള്ളത്.

- കറസ്പോണ്ടന്റ്

വായിക്കുക: , ,

Comments Off on അബുദാബിയില്‍ പുതിയ സ്കൂളുകള്‍ വരുന്നു

Page 83 of 85« First...102030...8182838485

« Previous Page« Previous « സമാജം സമ്മര്‍ ക്യാമ്പ്‌ വ്യാഴാഴ്ച തുടങ്ങും
Next »Next Page » 95 ടണ്‍ ഭക്ഷ്യ സാധനങ്ങള്‍ തിരിച്ചയച്ചു »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha