ഖത്തര്‍ എംബസ്സി സാക്ഷ്യപ്പെടുത്തല്‍ : നോര്‍ക്ക – റൂട്ട്സ് വഴി സൗകര്യം

October 4th, 2022

logo-norka-roots-ePathram
തിരുവനന്തപുരം : ഖത്തറില്‍ ജോലി ചെയ്യുന്ന പ്രവാസികള്‍ക്കും ഉദ്യോഗാര്‍ത്ഥികള്‍ക്കും തങ്ങളുടെ വിദ്യാഭ്യാസ സര്‍ട്ടിഫിക്കറ്റുകളും മറ്റു സര്‍ട്ടിഫിക്ക റ്റുകളും നോര്‍ക്ക – റൂട്ട്സ് തിരുവനന്തപുരം, എറണാകുളം, കോഴിക്കോട് ഓഫീസുകള്‍ മുഖാന്തരം ഖത്തര്‍ എംബസ്സി അറ്റസ്റ്റേഷനു വേണ്ടി സമര്‍പ്പിക്കാം. വിദ്യാഭ്യാസ യോഗ്യതാ സര്‍ട്ടിഫിക്കറ്റുകളില്‍ ഖത്തര്‍ എംബസ്സി സാക്ഷ്യപ്പെടുത്തുന്നതിന് മുന്നോടിയായി എച്ച്. ആര്‍. ഡി., വിദേശ കാര്യ മന്ത്രാലയം എന്നിവ യുടെ അറ്റസ്റ്റേഷന്‍ സേവനങ്ങളും നോര്‍ക്ക – റൂട്ട്സ് മേഖലാ കേന്ദ്രങ്ങളില്‍ നിന്നും ലഭിക്കും.

നോര്‍ക്ക റൂട്ട്സിന്‍റെ വെബ് സൈറ്റില്‍ രജിസ്റ്റര്‍ ചെയ്ത് അറ്റസ്റ്റേഷന്‍ സേവനങ്ങള്‍ക്ക് അപേക്ഷിക്കാം. കൂടുതല്‍ വിവരങ്ങള്‍ക്ക് 1800 425 3939 എന്ന നമ്പറിലോ norkacertificates @ gmail. com എന്ന ഇ-മെയില്‍ വിലാസ ത്തിലോ ബന്ധപ്പെടാം.

- pma

വായിക്കുക: , , ,

Comments Off on ഖത്തര്‍ എംബസ്സി സാക്ഷ്യപ്പെടുത്തല്‍ : നോര്‍ക്ക – റൂട്ട്സ് വഴി സൗകര്യം

കേന്ദ്ര സര്‍ക്കാര്‍ ജീവനക്കാരുടെ ക്ഷാമ ബത്ത വര്‍ദ്ധിപ്പിച്ചു

September 29th, 2022

new-indian-rupee-2000-bank-note-ePathram
ന്യൂഡല്‍ഹി: കേന്ദ്ര സര്‍ക്കാര്‍ ജീവനക്കാരുടേയും പെന്‍ഷന്‍കാരുടേയും ക്ഷാമ ബത്ത (D. A.) നാലു ശതമാനം വര്‍ദ്ധിപ്പിക്കുവാന്‍ കേന്ദ്ര മന്ത്രിസഭാ യോഗം തീരുമാനിച്ചു. ഇതോടെ ക്ഷാമ ബത്ത 38 ശതമാനം ആകും.

50 ലക്ഷത്തോളം ജീവനക്കാര്‍ക്കും 65 ലക്ഷത്തോളം പെന്‍ഷന്‍കാര്‍ക്കും ഇതു ഗുണം ചെയ്യും എന്നാണ് റിപ്പോര്‍ട്ട്. പണപ്പെരുപ്പം കണക്കിലെടുത്ത് കൊണ്ടാണ് ക്ഷാമ ബത്ത കൂട്ടുവാനുള്ള തീരുമാനം എടുത്തത്. നിലവില്‍ കേന്ദ്ര ജീവനക്കാര്‍ക്കും പെന്‍ഷന്‍കാര്‍ക്കും 34 % ആയിരുന്നു ഡി. എ. നല്‍കിയിരുന്നത്.

- pma

വായിക്കുക: , , , ,

Comments Off on കേന്ദ്ര സര്‍ക്കാര്‍ ജീവനക്കാരുടെ ക്ഷാമ ബത്ത വര്‍ദ്ധിപ്പിച്ചു

ഉച്ച വിശ്രമം : 99 % സ്ഥാപനങ്ങളും നിയമം പാലിച്ചു

September 16th, 2022

dubai-rain-in-summer-ePathram
അബുദാബി : മൂന്നു മാസങ്ങളായി യു. എ. ഇ. യിൽ നടപ്പാക്കിയ ഉച്ച വിശ്രമ നിയമം അവസാനിച്ചു. കഠിന വെയിലും ഉയർന്ന താപനിലയും കാരണം ഉണ്ടാകുന്ന അപകടങ്ങളില്‍ നിന്ന് പുറം ജോലികള്‍ ചെയ്യുന്ന തൊഴിലാളികളെ സംരക്ഷിക്കുക എന്നതാണ് ഈ നിർബ്ബന്ധിത നിയമം വഴി ലക്ഷ്യം വെച്ചത്. ഈ മൂന്നു മാസത്തിനിടെ വിവിധ തൊഴിൽ ഇടങ്ങളിലായി 55,192 പരിശോധനകൾ നടത്തി. അതിൽ 99 ശതമാനം സ്ഥാപനങ്ങളും നിയമാനുസൃതമായി പ്രവർത്തിച്ചു എന്നും മന്ത്രാലയം അറിയിച്ചു.

കടുത്ത വേനല്‍ ദിനങ്ങളായ ജൂൺ 15 മുതല്‍ സെപ്റ്റംബര്‍ 15 വരെ ഉച്ചക്ക് 12.30 മുതൽ മൂന്നു മണി വരെ ആയിരുന്നു ഉച്ച വിശ്രമ നിയമം. നിയമ ലംഘനം നടത്തുന്ന തൊഴില്‍ ഉടമകൾക്കും സ്ഥാപങ്ങൾക്കും അര ലക്ഷം ദിർഹം വരെ പിഴ ഈടാക്കും എന്ന് മന്ത്രാലയം മുന്നറിയിപ്പ് നല്‍കിയിരുന്നു.

https://twitter.com/MOHRE_UAE/status/1570421563467436033

സ്വകാര്യ മേഖലയില്‍ ആശുപത്രികള്‍ അടക്കം നിരവധി സ്ഥാപനങ്ങളുമായി സഹകരിച്ച് തൊഴിലാളികള്‍ക്കുള്ള ബോധവത്കരണ പ്രചാരണ ങ്ങളും മറ്റു പരിപാടികളും വിവിധ ഇടങ്ങളില്‍ സംഘടിപ്പിച്ചിരുന്നു. കഠിന വെയിലിൽ പുറം ജോലി ചെയ്യുന്ന തൊഴിലാളികളുടെ ആരോഗ്യ സുരക്ഷ ഉറപ്പു വരുത്തുന്നതിന് തുടര്‍ച്ചയായി പതിനെട്ടാം വര്‍ഷമാണ് യു. എ. ഇ. മാനവ വിഭവ ശേഷി – സ്വദേശി വത്കരണ മന്ത്രാലയം ഈ നിര്‍ബ്ബന്ധിത നിയമം നടപ്പിലാക്കിയത്.

- pma

വായിക്കുക: , , , , , ,

Comments Off on ഉച്ച വിശ്രമം : 99 % സ്ഥാപനങ്ങളും നിയമം പാലിച്ചു

വിസ സ്റ്റാമ്പിംഗ് ഇനി നിര്‍ബ്ബന്ധമില്ല : റോയൽ ഒമാൻ പൊലീസ്

September 16th, 2022

sultanate-of-oman-flag-ePathram
മസ്‌കറ്റ് : ഒമാനില്‍ വിസ പുതുക്കുമ്പോൾ ഇനി പാസ്സ് പോര്‍ട്ടില്‍ വിസ സ്റ്റാമ്പിംഗ് നിര്‍ബ്ബന്ധമില്ല. റസിഡന്‍റ്സ് കാര്‍ഡിലും സിസ്റ്റത്തിലും മാത്രം വിസ പുതുക്കിയാല്‍ മതിയാകും എന്ന് പൊലീസ് അറിയിച്ചു.

താമസക്കാരുടെ പുതുക്കുന്ന വിസ പാസ്സ് പോര്‍ട്ടില്‍ സ്റ്റാമ്പ് ചെയ്യുന്നത് നിർത്തുവാനാണ് തീരുമാനം. വിവിധ ഗവർണറേറ്റുകളില്‍ എതാനും ആഴ്ചകള്‍ക്കു മുന്‍പേ ഈ സമ്പ്രദായം നിലവില്‍ വന്നിരുന്നു എന്നും റോയൽ ഒമാൻ പോലീസിനെ ഉദ്ധരിച്ച് പ്രാദേശിക മാധ്യമങ്ങൾ റിപ്പോർട്ട് ചെയ്തു.

– വാർത്ത അയച്ചത് : ഇല്യാസ്, മസ്കറ്റ്.

- pma

വായിക്കുക: , , ,

Comments Off on വിസ സ്റ്റാമ്പിംഗ് ഇനി നിര്‍ബ്ബന്ധമില്ല : റോയൽ ഒമാൻ പൊലീസ്

ഓണാഘോഷം : 700 കിലോ പൂക്കൾ കൊണ്ടൊരു കൂറ്റൻ പൂക്കളം

September 12th, 2022

biggest-pookkalam-in-burjeel-and-thiruvathirakkali-ePathram
അബുദാബി : ഓണാഘോഷത്തിന് അകമ്പടിയായി അബുദാബിയിൽ ഒരുങ്ങിയത് പടുകൂറ്റൻ പൂക്കളം. ആഗോള നഗരമായുള്ള അബുദാബി യുടെ വളർച്ച അടയാളപ്പെടുത്തി അബുദാബി മുഹമ്മദ് ബിൻ സായിദ് സിറ്റിയിലുള്ള ബുർജീൽ മെഡിക്കൽ സിറ്റിയിലാണ് നഗര വളർച്ചയുടെ നാൾവഴികൾ അടയാളപ്പെടുത്തുന്ന പൂക്കളം ഒരുങ്ങിയത്.

700 കിലോ പൂക്കൾ കൊണ്ടാണ് നഗര ചരിത്രം പ്രമേയമാക്കിയ പൂക്കളം എന്ന ആശയം യാഥാർത്ഥ്യമായത്.

രണ്ടര നൂറ്റാണ്ടു മുമ്പ് കല്ലിൽ കെട്ടി ഉയർത്തിയ പൗരാണിക കൊട്ടാരം ‘ഖസ്ർ അൽ ഹൊസൻ’ മുതൽ വൃത്താകൃതി യില്‍ ഉയർത്തിയ അൽദാർ ആസ്ഥാന നിലയവും (Coin Building) സഞ്ചാരികളുടെ ആകർഷണ കേന്ദ്രമായ ശൈഖ് സായിദ് ഗ്രാന്‍ഡ് മസ്ജിദ് എന്നിവയും പൂക്കളത്തില്‍ ചിത്രീകരിച്ചു.

ആഗോള നഗരം എന്ന പ്രൗഢിക്ക് ഇണങ്ങും വിധം ഇരുപതിലേറെ രാജ്യങ്ങളിൽ നിന്നുള്ള അബുദാബി യിലെ നാനൂറില്‍ അധികം ആരോഗ്യ പ്രവർത്തകർ പൂക്കളം ഒരുക്കുവാനായി ഒത്തു ചേർന്നു. ഇവരുടെ 16 മണിക്കൂർ നീണ്ട പ്രയത്ന ഫലമാണ് 250 ചതുരശ്ര മീറ്റർ വലുപ്പത്തിലുള്ള പൂക്കളം.

burjeel-pookkalam-emirati-staff- arranging-onam-floral carpet-ePathram

പൂക്കളം ഒരുക്കാന്‍ ഇമാറാത്തി വനിതകളും

അബുദാബി സ്‌കൈലൈൻ കാഴ്ചയുടെ ഭാഗമായ അൽ ബഹാർ ടവർ, എത്തിഹാദ് ടവർ, ക്യാപിറ്റൽ ഗേറ്റ് ബിൽഡിംഗ്, എൻ. ബി. എ. ഡി. ആസ്ഥാനം എന്നീ കെട്ടിടങ്ങളും പൂക്കളത്തില്‍ ഉണ്ട്. പ്രത്യേക ഓർഡർ നൽകിയാണ് തമിഴ്‌ നാട്ടിൽ നിന്നും പൂക്കൾ എത്തിച്ചത്.

burjeel-arab-staff-arranging-floral-carpet-pookalam-ePathram

പൂക്കളത്തിന്‍റെ ഭാഗമായി അറബ് പൗരനായ ബുര്‍ജീല്‍ സ്റ്റാഫ്

പൂക്കളത്തിനു ചുറ്റും ഒരുക്കിയ തിരുവാതിര ആയിരുന്നു ആഘോഷത്തിലെ മറ്റൊരു ആകർഷണം. നാല്പത്തി നാല് ആരോഗ്യ പ്രവർത്തകരാണ് തിരുവാതിരയിൽ ചുവടു വച്ചത്.

burjeel-onam-2022-staff-thiruvathira-ePathram

വിവിധ രാജ്യക്കാരായ സ്റ്റാഫുകള്‍ ഒരുക്കിയ
തിരുവാതിരക്കളി

വ്യത്യസ്‍തമായ ഓണാഘോഷത്തിൽ പങ്കെടുക്കാന്‍ കഴിഞ്ഞതിൽ ഏറെ സന്തോഷം ഉണ്ടെന്നും അബുദാബി യുടെ നേട്ടങ്ങൾ കൂടി ആഘോഷിക്കുക എന്ന ലക്ഷ്യത്തോടെയാണ് നഗരം പ്രമേയമായ പൂക്കളം ഒരുക്കിയത് എന്നും പൂക്കളത്തിനു നേതൃത്വം നൽകിയ ബുർജീൽ മെഡിക്കൽ സിറ്റിയിലെ ആരോഗ്യ പ്രവർത്തകർ പറഞ്ഞു.

ഇന്ത്യ, യു. എ. ഇ., സൗദി അറേബ്യ, സിറിയ, ഈജിപ്റ്റ്, ഒമാൻ, നേപ്പാൾ, ഫിലിപ്പീൻസ് തുടങ്ങിയ രാജ്യങ്ങളിൽ നിന്നുള്ള നഴ്‌സുമാരും ഡോക്ടർമാരും അടക്കമുള്ള ബുര്‍ജീല്‍ ജീവനക്കാര്‍ ആഘോഷങ്ങളിൽ പങ്കെടുത്തു. ആശുപത്രി യിൽ ചികിത്സയിൽ കഴിയുകയായിരുന്ന രോഗികളും കുടുംബാംഗങ്ങളും ആഘോഷങ്ങളുടെ ഭാഗമായി.

- pma

വായിക്കുക: , , , , , , , ,

Comments Off on ഓണാഘോഷം : 700 കിലോ പൂക്കൾ കൊണ്ടൊരു കൂറ്റൻ പൂക്കളം

Page 8 of 43« First...678910...203040...Last »

« Previous Page« Previous « സമൂഹത്തിലേക്ക് ഇറങ്ങി ആശയ വിനിമയം ശക്തമാക്കും
Next »Next Page » ടീം അബുദബിൻസ് ഓണ നിലാവ് നിറഞ്ഞ സദസ്സില്‍ അരങ്ങേറി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha