 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ടെലികോം ഡിജിറ്റൽ റെഗുലേറ്ററി അഥോറിറ്റി യുടെ നിയന്ത്രണങ്ങള്‍ പാലിക്കാതെ വി. പി. എൻ. ഉപയോഗിക്കുന്നത് സൈബർ കുറ്റകൃത്യം എന്ന് അധികൃതര്‍. ബാങ്കുകൾ ഉൾപ്പെടെയുള്ള സ്ഥാപനങ്ങളുടെ ആഭ്യന്തര കാര്യങ്ങള്‍ക്കായി വി. പി. എൻ. ഉപയോഗിക്കുവാന്‍ മാത്രമേ യു. എ. ഇ. യിൽ അനുമതിയുള്ളൂ. സർക്കാർ നിരോധിച്ച വെബ് സൈറ്റു കള്‍ വി. പി. എൻ. വഴി പ്രവേശിക്കുന്നതും ക്രിമിനൽ നടപടികൾക്കു വേണ്ടി വി. പി. എൻ. ഡൗണ്‍ ലോഡ് ചെയ്യുന്നതും കുറ്റകരം എന്നും അധികൃതര്‍ ഓര്‍മ്മിപ്പിച്ചു.
- pma
വായിക്കുക: social-media, ഇന്റര്നെറ്റ്, കുറ്റകൃത്യം, നിയമം
ബംഗളൂരു : ഹിജാബ് നിരോധനം ചോദ്യം ചെയ്‌തുള്ള ഹര്‍ജി കര്‍ണ്ണാടക ഹൈക്കോടതി തള്ളി. ഇസ്ലാംമത വിശ്വാസ പ്രകാരം ഹിജാബ് അവിഭാജ്യ ഘടകമല്ല എന്നും ഹൈക്കോടതി. ഹിജാബ് ധരിച്ച് സ്കൂളില്‍ എത്താം എങ്കിലും ക്ലാസ്സില്‍ അത് പറ്റില്ല എന്നും കോടതി വ്യക്തമാക്കി. അതതു വിദ്യാഭ്യാസ സ്ഥാപന ങ്ങള്‍ നിഷ്കര്‍ശിക്കുന്ന യൂണിഫോം വിദ്യാര്‍ത്ഥികള്‍ ക്ലാസ്സില്‍ ധരിക്കണം എന്നും കോടതി.
ഹിജാബ് ധരിക്കുക എന്നത് മൗലിക അവകാശ ങ്ങളുടെ ഭാഗമാണ് എന്ന് ചൂണ്ടിക്കാണിച്ചും ക്ലാസ്സ് മുറികളില്‍ ഹിജാബ് ധരിക്കാന്‍ അനുവാദം നല്‍കണം എന്നും ആവശ്യപ്പെട്ട് ഉഡുപ്പിയിലെ ഗവണ്മെന്‍റ് വനിതാ പ്രീ-യൂണി വേഴ്‌സിറ്റി കോളേജ് വിദ്യാര്‍ത്ഥിനികള്‍ നല്‍കിയ ഹര്‍ജികള്‍ തള്ളി ക്കൊണ്ടാണ് കോടതി യുടെ ഉത്തരവ്.
ഈ വര്‍ഷം ജനുവരിയിലാണ് ഹിജാബ് വിവാദം രൂക്ഷ മായത്. ഉഡുപ്പി ഗവണ്മെന്‍റ് വനിതാ പ്രീ-യൂണി വേഴ്‌സിറ്റി കോളേജിലാണ് ഹിജാബ് വിവാദം തുടങ്ങിയത്. ഹിജാബ് ധരിക്കാന്‍ നിര്‍ബന്ധം പിടിച്ച ആറു വിദ്യാര്‍ത്ഥിനികളെ ക്ലാസ്സില്‍ നിന്നും പുറത്താക്കി. ഇതോടെ വിഷയം ചൂടു പിടിച്ചു. വിദ്യാര്‍ത്ഥിനി കള്‍ക്ക് കൂടെ കേസില്‍ വിവിധ സംഘടനകളും കക്ഷി ചേര്‍ന്നിരുന്നു.
- pma
വായിക്കുക: കര്‍ണ്ണാടക, കുട്ടികള്‍, നിയമം, വിദ്യാഭ്യാസം, വിവാദം, സ്ത്രീ
അബുദാബി : യു. എ. ഇ. യില്‍ പൊതു സ്ഥലങ്ങളില്‍ വെച്ച് സ്ത്രീകളെ ശല്യം ചെയ്യുന്നവര്‍ക്കും പരസ്യമായി അപമാനിക്കുന്നവര്‍ക്കും 10,000 ദിർഹം പിഴയും ഒരു വർഷം തടവു ശിക്ഷയും ലഭിക്കും എന്ന് യു. എ. ഇ. പബ്ലിക് പ്രോസിക്യൂഷന്‍റെ മുന്നറിയിപ്പ്. 2021 ലെ ഫെഡറൽ ഉത്തരവ്, നിയമ നമ്പർ 31 ആർട്ടിക്കിൾ 412 അനുസരിച്ച് വാക്കു കൊണ്ടും പ്രവർത്തി കൊണ്ടും സ്ത്രീകളോട് മോശമായി പെരുമാറുന്നവര്‍ക്കും ഇതേ ശിക്ഷ ലഭിക്കും.
സ്ത്രീകൾക്ക് മാത്രം പ്രവേശനമുള്ള സ്ഥലത്ത് സ്ത്രീ വേഷം ധരിച്ച് കടക്കുന്ന പുരുഷന്മാര്‍ക്കും എതിരെ കടുത്ത നടപടി എടുക്കും എന്നും പബ്ലിക് പ്രോസിക്യൂ ഷന്‍ ഓര്‍മ്മിപ്പിച്ചു.
- pma
വായിക്കുക: public-prosecution, നിയമം, പ്രവാസി, യു.എ.ഇ.
അബുദാബി : 2022 ഏപ്രില്‍ 2 നു തുടക്കം കുറിക്കുന്ന ഈ വര്‍ഷത്തെ റമദാൻ മാസത്തിൽ യു. എ. ഇ. യിലെ സര്‍ക്കാര്‍ സ്ഥാപനങ്ങ ളുടെ പ്രവൃത്തി സമയം തിങ്കൾ മുതൽ വ്യാഴം വരെ രാവിലെ 9 മണി മുതൽ ഉച്ചക്ക് 2 മണി വരെയും വെള്ളിയാഴ്ച കളിൽ രാവിലെ 9 മണി മുതൽ ഉച്ചക്ക് 12 മണി വരെയും ആയിരിക്കും എന്ന് അധികൃതര്‍.
വെള്ളിയാഴ്ച ഉച്ചക്കു ശേഷവും ശനിയും ഞായറും പൊതു മേഖലാ സ്ഥാപനങ്ങള്‍ക്ക് അവധിയാണ്. വാരാന്ത്യ അവധി ഞായറാഴ്ച ആയി മാറിയ ശേഷമുള്ള യു. എ. ഇ. യിലെ ആദ്യ റമദാനും വെള്ളിയാഴ്ചകൾ തൊഴിൽ ദിനം ആകുന്ന ആദ്യ റമദാനും കൂടിയാണിത്.
- pma
അബുദാബി : രാജ്യത്ത് കൊവിഡ് കേസുകളിൽ ഗണ്യമായി കുറവ് വന്ന സാഹചര്യത്തിൽ കൊവിഡ് മാനദണ്ഡ ങ്ങളില്‍ സമഗ്ര മാറ്റങ്ങളുമായി യു. എ. ഇ.
പുതിയ അറിയിപ്പ് അനുസരിച്ച് ഇനി മുതൽ തുറസ്സായ സ്ഥലത്ത് മാസ്ക് ധരിക്കേണ്ടതില്ല. എന്നാൽ അടച്ചിട്ട സ്ഥലങ്ങളിൽ മാസ്ക് ധരിക്കല്‍ നിര്‍ബ്ബന്ധം തന്നെയാണ്.പുതുക്കിയ കൊവിഡ് പ്രൊട്ടോക്കോള്‍ 2022 മാർച്ച് 1 മുതൽ നിലവില്‍ വന്നു.
മറ്റു രാജ്യങ്ങളില്‍ നിന്നും യു. എ. ഇ. യിലേക്ക് വരുന്ന വാക്സിനേഷൻ എടുത്ത യാത്രക്കാർ ക്യൂ-ആർ കോഡ് ഉള്ള അംഗീകൃത വാക്സിനേഷൻ സർട്ടിഫിക്കറ്റ് കരുതണം. വാക്സിനേഷൻ ഇല്ലാത്തവര്‍ യാത്ര പുറപ്പെടുന്നതിന്റെ 48 മണിക്കൂറിനുള്ളിൽ നടത്തിയ പി. സി. ആർ. കൊവിഡ് നെഗറ്റീവ് റിപ്പോർട്ട് കരുതണം. കൊവിഡ് ബാധിതരുമായി സമ്പര്‍ക്കം ഉള്ളവര്‍ക്ക് ക്വാറന്‍റൈന്‍ ഇല്ല. എന്നാല്‍ അവര്‍ 5 ദിവസത്തിനിടെ 2 പി. സി. ആര്‍ പരിശോധന നടത്തി നെഗറ്റീവ് റിപ്പോർട്ട് ഉറപ്പു വരുത്തണം.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
