ചിരന്തന സാംസ്കാരിക വേദി അഴീക്കോട് അനുസ്മരണം നടത്തി

February 5th, 2013

chiranthana-remembering-azheekkodu-ePathram
ദുബായ് : പാവപ്പെട്ട വരുടെയും നീതിക്ക് വേണ്ടി പോരുതുന്ന വരുടെയും നിലക്കാത്ത സാഗര ഗര്‌ജ്ജനമാണു പ്രൊ. സുകുമാര്‍ അഴീക്കോടിന്റെ വിയോഗം മൂലം കേരള ത്തിനു നഷ്ടമായത്. അതു കൊണ്ടു തന്നെ പല മുഖ്യധാരാ പ്രശ്നങ്ങളും സമൂഹ ത്തിനു മുന്നില്‍ എത്തിയില്ല എന്ന് ചിരന്തന സാംസ്കാരിക വേദി സംഘടിപ്പിച്ച അനുസ്മരണ യോഗം അഭിപ്രായപ്പെട്ടു.

അബ്ദുള്ളകുട്ടി ചേറ്റുവ യോഗം ഉദ്ഘാടനം ചെയ്തു. പുന്നക്കന്‍ മുഹമ്മദലി അദ്ധ്യക്ഷത വഹിച്ചു.

നാട്ടില്‍ നിന്നും എത്തിയ സാമൂഹ്യ പ്രവര്‍ത്തകന്‍ എ . കെ. വി. ഹമീദ്, സി. പി. ജലീല്‍, ഫിലിപ്പ്, ജിജോ ജേകബ്, എ. കെ. ജനാര്‍ദ്ദനന്‍, കെ. വി. ഫൈസല്‍, എസ്. കെ. പി. ഷംസുദ്ദീന്‍, സി. പി. മുസ്തഫ, സലാം കോഴിക്കോട്, നാസര്‍ പരദേശി, സി. വി. ശിഹാബുദ്ദീന്‍ എഴോം എന്നിവര്‍ സംസാരിച്ചു.

- കറസ്പോണ്ടന്റ്

വായിക്കുക: , , , ,

Comments Off on ചിരന്തന സാംസ്കാരിക വേദി അഴീക്കോട് അനുസ്മരണം നടത്തി

ഗാല സാഹിത്യ പുരസ്കാര ദാനവും സാംസ്‌കാരിക പരിപാടിയും വെള്ളിയാഴ്‌ച

February 5th, 2013

gala-literary-award-winners-ePathram
ദുബായ് : ഗള്‍ഫ്‌ ആര്‍ട്ട്‌ ആന്‍ഡ്‌ ലീഡര്‍ഷിപ്പ് അക്കാദമി (ഗാല) യുടെ ആഭിമുഖ്യ ത്തില്‍ നടക്കുന്ന സാഹിത്യ പുരസ്കാര ദാന വും സാംസ്‌കാരിക പരിപാടിയും ഫെബ്രുവരി എട്ട്‌ വെള്ളിയാഴ്ച ദുബായ് ഇന്ത്യന്‍ ഹൈസ്കൂളിലെ ഷെയ്ഖ്‌ റാഷിദ്‌ ഓഡിറ്റോറിയ ത്തില്‍ നടക്കും.

അറബ് മേഖല യിലെ പ്രശസ്ത സാഹിത്യകാരനായ ശിഹാബ് ഗാനിം, പ്രമുഖ മലയാള സാഹിത്യ കാരന്മാരായ പെരുമ്പടവം ശ്രീധരന്‍, സേതു, ചെമ്മനം ചാക്കോ, പ്രവാസി എഴുത്തുകാരന്‍ ഗഫൂര്‍ പട്ടാമ്പി എന്നിവര്‍ക്കാണ് പുരസ്‌കാരങ്ങള്‍.

ഉച്ചക്ക് 2.30 ന് “എഴുത്തുകാരന്റെ സാമൂഹിക ഇടപെടല്‍” എന്ന വിഷയ ത്തില്‍ സാഹിത്യ സംവാദം നടക്കും. പെരുമ്പടവം ശ്രീധരന്‍, സേതു, ചെമ്മനം ചാക്കോ, മാധ്യമ പ്രവര്‍ത്തകരായ ജോസ് പനച്ചിപ്പുറം, ജോണ്‍ സാമുവല്‍ എന്നിവര്‍ നേതൃത്വം നല്‍കും.

poster-gala-literary-award-cultural-fest-ePathram

സാഹിത്യ സംവാദ ത്തില്‍ സംബന്ധിക്കുവാന്‍ താല്‍പര്യമുളളവര്‍ വിളിക്കുക : 050 621 23 25 (അനില്‍ കുമാര്‍ സി. പി.)

വൈകുന്നേരം 7 മണിക്കാണ് പുരസ്കാര ദാനവും കലാപരിപാടിയും നടക്കുന്നത്. പ്രശസ്ത പിന്നണി ഗായകന്‍ ഉണ്ണി മേനോന്‍ നയിക്കുന്ന ഗാനമേള, പ്രശസ്ത നര്‍ത്തകി ഗോപിക വര്‍മ്മയുടെ ശാസ്ത്രീയ നൃത്തം എന്നിവയുണ്ടാകും.

- കറസ്പോണ്ടന്റ്

വായിക്കുക: , ,

Comments Off on ഗാല സാഹിത്യ പുരസ്കാര ദാനവും സാംസ്‌കാരിക പരിപാടിയും വെള്ളിയാഴ്‌ച

നോര്‍ക്ക – റൂട്ട്‌സ് പ്രവാസി പുരസ്‌കാരം : 2013 ഫെബ്രുവരി 28 വരെ അപേക്ഷിക്കാം

February 2nd, 2013

logo-norka-roots-ePathram
അബുദാബി : പ്രവാസി കള്‍ക്കായി നോര്‍ക്ക – റൂട്ട്സ് പ്രഖ്യാപിച്ച പ്രവാസി പുരസ്കാര ത്തിന് അപേക്ഷി ക്കാനുള്ള സമയം ദീര്‍ഘിപ്പിച്ചു.

പ്രവാസി സാഹിത്യ പുരസ്‌കാരം, പ്രവാസി മാധ്യമ പുരസ്‌കാരം, പ്രവാസി സാമൂഹിക പുരസ്‌കാരം എന്നീ വിഭാഗ ങ്ങളിലാണ് 2012-ലെ നോര്‍ക്ക – റൂട്ട്‌സ് പ്രവാസി പുരസ്‌കാര ങ്ങള്‍ നല്‍കുന്നത്.

വിദേശത്തും അന്യ സംസ്ഥാന ങ്ങളിലുമുള്ള പ്രവാസി മലയാളി കള്‍ 2010-ലും 2011-ലും 2012-ലും പ്രസിദ്ധീകരിച്ച നോവല്‍, കഥ എന്നിവ പ്രവാസി സാഹിത്യ പുരസ്‌കാര ങ്ങള്‍ക്കായി പരിഗണി ക്കുന്നതാണ്.

മാധ്യമ പുരസ്‌കാര ങ്ങള്‍ക്കായി പത്ര മാധ്യമം, ദൃശ്യ മാധ്യമം, ശ്രവ്യ മാധ്യമം എന്നീ വിഭാഗ ങ്ങളില്‍ അപേക്ഷകള്‍ നല്‍കാ വുന്നതാണ്.

2010 ജനവരി ഒന്ന് മുതല്‍ 2012 ഡിസംബര്‍ 31 വരെ മലയാള പത്ര മാധ്യമ ങ്ങളില്‍ പ്രസിദ്ധ പ്പെടുത്തിയിട്ടുള്ള പ്രവാസി മലയാളി കളെ സംബന്ധിക്കുന്ന ഏറ്റവും മികച്ച ന്യൂസ് ഫീച്ചറിനും മലയാള ദൃശ്യ- ശ്രവ്യ മാധ്യമ ങ്ങളില്‍ സംപ്രേക്ഷണം ചെയ്ത പ്രവാസി വിഷയ ങ്ങള്‍ സംബന്ധിച്ച് നിര്‍മിച്ച പരിപാടി കളും ആയിരിക്കും മാധ്യമ പുരസ്‌കാര ത്തിനായി പരിഗണിക്കുന്നത്.

വിദേശത്തെ പ്രവാസികള്‍ക്കിടയില്‍ നിന്നും തിരഞ്ഞെടുക്കപ്പെടുന്ന മികച്ച സാമൂഹിക പ്രവര്‍ത്തകര്‍ക്ക് (പരമാവധി അഞ്ച്‌പേര്‍ക്ക്) പതിനായിരം രൂപയും പ്രശസ്തിപത്രവും ശില്പവും അടങ്ങുന്ന പ്രവാസി സാമൂഹിക പുരസ്‌കാരം നല്‍കുന്നതാണ്. മറ്റ് വിഭാഗങ്ങളില്‍ ഓരോന്നിലും തിരഞ്ഞെടുക്കപ്പെടുന്ന ഒരു വ്യക്തിക്ക് അന്‍പതിനായിരം രൂപയും പ്രശസ്തിപത്രവും ശില്പവും നല്‍കുന്നതാണ്. അതതു മേഖലയിലെ പ്രഗത്ഭരുള്‍പ്പെടുന്ന ജൂറിയാവും അവാര്‍ഡുകള്‍ നിര്‍ണയിക്കുക.

കഥ, നോവല്‍ വിഭാഗ ങ്ങളില്‍ പുരസ്‌കാര ങ്ങള്‍ക്ക് അപേക്ഷി ക്കുന്നവര്‍ രചന കളുടെ മൂന്ന് പകര്‍പ്പുകളും പ്രവാസി പത്ര -ദൃശ്യ – ശ്രവ്യ മാധ്യമ പുരസ്‌കാര ങ്ങള്‍ക്ക് അപേക്ഷി ക്കുന്നവര്‍ നിര്‍മിച്ച പരിപാടി കളുടെ മൂന്ന് പകര്‍പ്പു കളും പ്രവാസി സാമൂഹിക പുരസ്‌കാര ങ്ങള്‍ക്ക് അപേക്ഷി ക്കുന്നവര്‍ നടത്തിയ പ്രവര്‍ത്ത നങ്ങള്‍ പ്രതിപാദിക്കുന്ന രേഖ കളുടെ മൂന്ന് പകര്‍പ്പുകളും അപേക്ഷ യോടൊപ്പം സമര്‍പ്പി ക്കേണ്ടതാണ്.

പൂരിപ്പിച്ച അപേക്ഷയും വിശദ മായ ബയോഡാറ്റയും മറ്റ് അനുബന്ധ രേഖ കളും ചീഫ് എക്‌സിക്യൂട്ടീവ് ഓഫീസര്‍, നോര്‍ക്ക – റൂട്ട്‌സ്, നോര്‍ക്ക സെന്റര്‍, തൈക്കാട്, തിരുവനന്തപുരം 695014 എന്ന വിലാസ ത്തില്‍ 2013 ഫിബ്രവരി 28 നകം സമര്‍പ്പി ക്കേണ്ടതാണ്.

അപേക്ഷാ ഫോറവും കൂടുതല്‍ വിവര ങ്ങളും നോര്‍ക്ക – റൂട്ട്‌സ് വെബ് സൈറ്റില്‍ ലഭ്യമാണ്.  അപേക്ഷയോടൊപ്പം സമര്‍പ്പി ക്കേണ്ട തായ  രേഖക ളെ കുറിച്ചു ഇവിടെ അറിയാം .

- കറസ്പോണ്ടന്റ്

വായിക്കുക: , , ,

Comments Off on നോര്‍ക്ക – റൂട്ട്‌സ് പ്രവാസി പുരസ്‌കാരം : 2013 ഫെബ്രുവരി 28 വരെ അപേക്ഷിക്കാം

സാഗര ഗര്‍ജ്ജനം നിലച്ചിട്ട് ഒരാണ്ട്

January 24th, 2013

sukumar-azhikode-epathram

അര നൂറ്റാണ്ടിലധികമായി കേരള സാംസ്കാരിക രംഗത്ത്‌ നിറഞ്ഞ ധൈഷണിക സാന്നിധ്യമായിരുന്നു അഴീക്കോട്‌ മാഷ്‌.  പ്രഭാഷണങ്ങളിലൂടെ മലയാള മനസുകളില്‍ ഇടം നേടിയ മാഷിനെ സാഹിത്യ വിമർശകനും വാഗ്മിയും വിദ്യാഭ്യാസ ചിന്തകനുമായാണ് ഇനി നാം ഓര്‍ക്കുക. തത്ത്വമസി എന്ന ഒരൊറ്റ ഗ്രന്ഥം മതി അദ്ദേഹത്തിന്റെ സാന്നിദ്ധ്യം അനശ്വരമാകാന്‍. ഭാരതീയ ദർശനത്തിലെ പ്രഖ്യാത രചനകളായ ഉപനിഷത്തുകളിലൂടെയുള്ള ഒരു തീർത്ഥ യാത്രയായിരുന്നു ആ തത്ത്വമസി.

ആരോടും വിധേയത്വം പുലർത്താതിരിക്കുകയും ധീരതയോടെ നിശിതമായി വിമർശിക്കുകയും ചെയ്യുന്നതിനാൽ കേരളത്തിന്റെ സഞ്ചരിക്കുന്ന മനഃസാക്ഷി എന്ന് ഇദ്ദേഹം വിശേഷിപ്പിക്കപ്പെട്ടിട്ടുണ്ട്. കാല്പനിക കവിതയുടെ ഭാവുകത്വം നിലപാടുതറയായി എഴുത്ത് തുടങ്ങിയ നിരൂപകനായിരുന്നു അഴീക്കോട്. കുമാരനാശാന്റെ ചിന്താവിഷ്ടയായ സീതയെ ആധാരമാക്കി എഴുതിയ ആശാന്റെ സീതാകാവ്യം ഏതെങ്കിലും ഒരു ഖണ്ഡ കാവ്യത്തെക്കുറിച്ച് മാത്രമായി പ്രസിദ്ധീകരിക്കപ്പെടുന്ന ആദ്യത്തെ സമഗ്ര പഠനമാണ്. കാവ്യ രചനയുടെ പിന്നിലെ ദാർശനികവും സൌന്ദര്യ ശാസ്ത്രപരവുമായ ചോദനകളെ പാശ്ചാത്യവും പൌരസ്ത്യവുമായ കാവ്യ ശാസ്ത്ര സിദ്ധാന്തങ്ങളുടെ വെളിച്ചത്തിൽ വിശകലനം ചെയ്യുന്ന ഈ നിരൂപണ ഗ്രന്ഥം ഒരു കൃതിയെക്കുറിച്ചുള്ള സമഗ്ര നിരൂപണത്തിന്റെ മലയാളത്തിലെ മികച്ച മാതൃകയാണ്. നിരൂപകന്റെ പാണ്ഡിത്യവും സഹൃദയത്വവും സമഞ്ജസമായി മേളിക്കുന്നത് ഊ പുസ്തകത്തിൽ കാണാം. അഴീക്കോടിന്റെ ഏറ്റവും പ്രശസ്തമായ രചനയും ഇതു തന്നെ.

സാഹിത്യം, തത്ത്വചിന്ത, സാമൂഹിക ജീവിതം, ദേശീയത എന്നിങ്ങനെയുള്ള വിഷയങ്ങളിലുള്ള നൈപുണ്യവും ഭാഷയുടെ ചടുലതയും അഴീക്കോടിന്റെ പ്രഭാഷണങ്ങളെ ശ്രദ്ധേയമാക്കി മാറ്റി. അതിനാല്‍ കേരളീയർ അഴീക്കോടിനെ ഒരു പക്ഷേ ഓർക്കുക മലയാളത്തിന്റെ പ്രിയങ്കരനായ വാഗ്മിയായിട്ടായിരിക്കും. എന്നാല്‍ ആ ശബ്ദം ഇനി കേള്‍ക്കാന്‍ നമുക്കാവില്ല. ആ ശബ്ദം എന്നേക്കുമായി നിലച്ചു. കേരളക്കരയില്‍ അങ്ങോളമിങ്ങോളം ഓടി നടന്നു വിവിധ വിഷയങ്ങളില്‍ തന്റെതായ അഭിപ്രായം തുറന്നു പറഞ്ഞതിനാല്‍ പല വിമര്‍ശനങ്ങളും ഏറ്റു വാങ്ങേണ്ടി വന്നു മാഷിന്.  അതു പോലെ എതിരാളികൾ അവസര വാദത്തിന്റെ അപ്പസ്തോലനായും അദ്ദേഹത്തെ വിശേഷിപ്പിച്ചു. ആ സാഗരം ഗര്‍ജ്ജനം നിലച്ചിട്ട് ഇന്നേക്ക് ഒരു വർഷം തികയുന്നു.

- ഫൈസല്‍ ബാവ

വായിക്കുക: , ,

Comments Off on സാഗര ഗര്‍ജ്ജനം നിലച്ചിട്ട് ഒരാണ്ട്

ഷെറിന്‍ – ജീവരാഗം സാഹിത്യ പുരസ്‌കാരം ഗള്‍ഫിലെ എഴുത്തുകാര്‍ക്ക്

January 18th, 2013

അബുദാബി : ഇന്‍ഡോ – ഗള്‍ഫ് പ്രസിദ്ധീകരണ മായ ജീവരാഗം മാസിക യുടെ അണിയറ ശില്പി യായിരുന്ന ഷെറിന്റെ സ്മരണാര്‍ഥം ഷെറിന്‍ ഫൗണ്ടേഷനും ജീവ രാഗം മാസികയും ചേര്‍ന്ന് ഏര്‍പ്പെടു ത്തിയിട്ടുള്ള സാഹിത്യ പുരസ്‌കാര ത്തിന് കൃതികള്‍ ക്ഷണിക്കുന്നു.

നോവല്‍, കവിത, ചെറുകഥ എന്നീ വിഭാഗ ങ്ങളിലുള്ള മികച്ച ഗ്രന്ഥ ത്തിന് ഇട വിട്ടുള്ള വര്‍ഷ ങ്ങളില്‍ പുരസ്‌കാരം നല്‍കും. 2013- ലെ പുരസ്‌കാരം ചെറുകഥാ സമാഹാര ത്തിനാണ് സമ്മാനി ക്കുക.

2012 ഡിസംബര്‍ 31-ന് അവസാനിക്കുന്ന തുടര്‍ച്ചയായ മൂന്ന് വര്‍ഷ ത്തിനുള്ളില്‍ ഒന്നാം പതിപ്പായി പ്രസിദ്ധ പ്പെടുത്തി യിട്ടുള്ള ചെറുകഥാ സമാഹാര ങ്ങളാണ് ഈ വര്‍ഷം പുരസ്‌കാര ത്തിനായി പരിഗണിക്കുക.

പതിനായിരത്തി ഒന്ന് രൂപയും പ്രശസ്തി പത്രവും പൊന്നാടയും അടങ്ങുന്ന താണ് പുരസ്‌കാരം. പുസ്തക ത്തിന്റെ നാലു കോപ്പികള്‍ ഫെബ്രുവരി 20 – ന് മുമ്പായി ലഭിക്കത്തക്ക വിധം :

ഇടവാ ഷുക്കൂര്‍, മാനേജിംഗ് എഡിറ്റര്‍, ജീവരാഗം മാസിക, ഗാര്‍ഡന്‍സിറ്റി, അയിരൂര്‍ പി. ഒ, വര്‍ക്കല, തിരുവനന്തപുരം എന്ന വിലാസത്തില്‍ അയയ്‌ക്കേണ്ടതാണ്.

വിവര ങ്ങള്‍ക്ക് വിളിക്കുക : 98 46 54 15 90.

- കറസ്പോണ്ടന്റ്

വായിക്കുക: , , ,

Comments Off on ഷെറിന്‍ – ജീവരാഗം സാഹിത്യ പുരസ്‌കാരം ഗള്‍ഫിലെ എഴുത്തുകാര്‍ക്ക്

Page 50 of 51« First...102030...4748495051

« Previous Page« Previous « കുട്ടികള്‍ക്കായി കളിവീട് യു. എ. ഇ. യില്‍
Next »Next Page » കുമ്മാട്ടി ‘സ്‌നേഹസ്പര്‍ശം’ തുക കൈമാറി »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha