മാപ്പിളപ്പാട്ട് അന്താക്ഷരി അബുദാബിയില്‍

October 31st, 2012

kmcc-mappila-song-anthakshari-ePathram അബുദാബി : കുറ്റ്യാടി മണ്ഡലം കെ. എം. സി. സി കമ്മിറ്റി സംഘടിപ്പിക്കുന്ന യു. എ. ഇ. തല മാപ്പിളപ്പാട്ട് അന്താക്ഷരി നവംബര്‍ ഒന്ന് വ്യാഴാഴ്ച ഏഴു മണിക്ക് അബുദാബി ഇന്ത്യന്‍ ഇസ്ലാമിക്‌ സെന്‍ററില്‍ നടക്കും .

24 ഗായികാ ഗായകന്മാര്‍ 12 ടീമുകളായി സംഗീത ഉപകരണങ്ങളുടെ അകമ്പടി യോടു കൂടി മാറ്റുരക്കുന്ന റിയാലിറ്റി ഷോ ആയിട്ടാണു നടത്തുന്നത് എന്ന്‍ പ്രോഗ്രാം കോഡിനേറ്റര്‍ അറിയിച്ചു

- കറസ്പോണ്ടന്‍റ്

വായിക്കുക: ,

Comments Off on മാപ്പിളപ്പാട്ട് അന്താക്ഷരി അബുദാബിയില്‍

ശ്രേയ ഘോഷല്‍ ലൈവ് ഇന്‍ ഖത്തര്‍ അല്‍ അഹ് ലി സ്റ്റേഡിയ ത്തില്‍ അരങ്ങേറി

October 29th, 2012

shreya-ghoshal-in-live-qatar-ePathram
ദോഹ : ഇന്ത്യന്‍ സംഗീത ത്തിലെ പാട്ടിന്റെ രാജകുമാരി ശ്രേയാ ഘോഷല്‍ അവതരിപ്പിച്ച സംഗീത നിശ ‘ ശ്രേയ ഘോഷല്‍ ലൈവ് ഇന്‍ ഖത്തര്‍ ‘ അല്‍ അഹ് ലി സ്റ്റേഡിയ ത്തില്‍ അരങ്ങേറി.

റാമി പ്രൊഡക്ഷന്സും ദോഹ വേവ്സുമായി ചേര്‍ന്ന് പ്ലാനറ്റ് ഫാഷന്‍ – റോയല്‍ മിറാജ് പെര്‍ഫ്യും അവതരിപ്പിച്ച മെഗാ സംഗീത പരിപാടി യിലേക്ക് വൈകീട്ട് 5 മണിക്ക് തന്നെ കാണികള്‍ അകത്ത് കയറി 8 മണിക്ക് പരിപാടി തുടങ്ങുന്നത് വരെ അക്ഷമ യോടെ കാത്തിരുന്നത് ദോഹയുടെ ചരിത്ര ത്തിലെ ആദ്യത്തെ സംഭവമായി.

പ്ലാനറ്റ് ഫാഷന്‍ എം. ഡി. ഹസ്സന്‍ കുഞ്ഞി ശ്രേയ ഘോഷലിനെയും ടീമിനെയും സ്വാഗതം ചെയ്തു. 8 മണിക്ക് ആരംഭിച്ച പരിപാടി യില്‍ ആദ്യത്തെ ഗാനത്തിന് തുടക്കം കുറിച്ചത് പിന്നണി ഗായകന്‍ പൃഥ്വി ആയിരുന്നെങ്കിലും നല്ല പിന്തുണ യോടെ ത്തന്നെ ആ ഗായകനെ കാണികള്‍ സ്വീകരിച്ചു.

ബോഡിഗാര്‍ഡിലെ തേരി മേരി മേരി മേരീ തേരി പ്രേം കഹാനി ഹേ മുഷ്കില്‍ എന്ന ഗാനം പാടി ക്കൊണ്ട് ശ്രേയ സ്റ്റേജിലേക്ക് കയറി വന്നപ്പോള്‍ ആരാധ കരുടെ നിലക്കാത്ത കയ്യടി ആയിരുന്നു.

shreya-qatar-show-2012-audiance-ePathram

കാണികളുടെ ഹൃദയത്തുടിപ്പുകള്‍ തൊട്ടറിഞ്ഞ ശ്രേയ, ഓരോ ഗാനവും തെരഞ്ഞെടുത്ത് പാടിപ്പാടി പോകുമ്പോള്‍ ആദ്യാവസാനം വരെ സ്റ്റേഡിയ ത്തില്‍ തിങ്ങി നിറഞ്ഞ കാണികള് ഓരോ ഗാനത്തെയും ‍കയ്യടിയോടെ മാത്രമാണ് സ്വീകരിച്ചത്.

ആസ്വാദകരുടെ ഇഷ്ടമറിഞ്ഞ് മലയാള ഗാനമായ ‘നിലാവേ… നിലാവേ നീ മയങ്ങല്ലേ’ എന്ന ഗാനത്തിന് തുടക്കമിട്ട് കൊണ്ട് പല്ലവി പാടി കഴിഞ്ഞപ്പോള്‍ നര്‍ത്തകരുടെ അകമ്പടി യോടെ കിഴക്കു പൂക്കും…. എന്ന ഗാന ത്തിലേക്ക് കടക്കുകയായിരുന്നു. പാട്ടിനൊത്തുള്ള നൃത്തവും കാണികളുടെ നിറഞ്ഞ പിന്തുണയും കൂടെ ആയപ്പോള്‍ ശ്രേയയും സ്വയം മറന്ന് ആടിപ്പോവുക യായിരുന്നു. മലയാള ത്തില്‍ നിന്നും പാട്ടില്‍ ഈ പാട്ടില്‍, അനുരാഗ വിലോചനനായി എന്നീ ഗാനങ്ങളടക്കം നാലു ഗാനങ്ങളാണ് പാടിയത്.

പ്രോഗ്രാം ഡയരക്ടര്‍ റഹീം ആതവനാടിനും ചീഫ് കോഡിനേറ്റര്‍ മുഹമ്മദ്‌ തൊയ്യിബിനും അഭിമാനിക്കാവുന്ന അവസരമായിരുന്നു ഈ ഷോയുടെ ആദ്യാവസാനം കിട്ടിയ കയ്യടി.

-കെ. വി. അബ്ദുല്‍ അസീസ്‌ ചാവക്കാട്- ദോഹ

- കറസ്പോണ്ടന്‍റ്

വായിക്കുക: ,

Comments Off on ശ്രേയ ഘോഷല്‍ ലൈവ് ഇന്‍ ഖത്തര്‍ അല്‍ അഹ് ലി സ്റ്റേഡിയ ത്തില്‍ അരങ്ങേറി

എരഞ്ഞോളി മൂസയുടെ ഈദ്‌ നിലാവ് അബുദാബിയിലും അലൈനിലും

October 26th, 2012

eid-nilav-music-2012-eid-stage-show-ePathram
അബുദാബി : പ്രശസ്ത ഗായകന്‍ എരഞ്ഞോളി മൂസയുടെ നേതൃത്വ ത്തില്‍ മാപ്പിളപ്പാട്ടു ഗാന രംഗത്തെ ശ്രദ്ധേയരായ പാട്ടുകാരെ അണിനിരത്തി ഷഫീഖ്‌ തളിപ്പറമ്പ്‌ സംവിധാനം ചെയ്തു യുവ അബുദാബി അവതരിപ്പിക്കുന്ന ‘ഈദ്‌ നിലാവ് എന്ന സ്റ്റേജ് ഷോ, രണ്ടാം പെരുന്നാള്‍ ദിവസം (ശനിയാഴ്ച) രാത്രി 8 മണിക്ക് അബുദാബി ഇന്ത്യന്‍ സോഷ്യല്‍ സെന്‍ററില്‍ അരങ്ങേറും.

പ്രശസ്ത സംഗീത സംവിധായകന്‍ കമറുദ്ധീന്‍ കീച്ചേരി ലൈവ് ഓര്‍ക്കസ്ട്ര നിയന്ത്രിക്കും. സിനിമാ സീരിയല്‍ നടിയും നര്‍ത്തകിയുമായ മയൂരിയുടെ സിനി മാറ്റിക് ഡാന്‍സും സിറാജ് പയ്യോളി യുടെ മിമിക്രിയും അവതരിപ്പിക്കും.

ഈദ്‌ നിലാവ് മൂന്നാം പെരുന്നാള്‍ ദിവസം (ഞായരാഴ്ച) രാത്രി 8 മണിക്ക് അലൈന്‍ ഇന്ത്യ സോഷ്യല്‍ സെന്‍ററിലും അവതരിപ്പിക്കും.

പ്രവേശനം പാസ്സുമൂലം നിയന്ത്രിക്കും : വിവരങ്ങള്‍ക്ക് : 055 690 40 37

- കറസ്പോണ്ടന്‍റ്

വായിക്കുക: , ,

Comments Off on എരഞ്ഞോളി മൂസയുടെ ഈദ്‌ നിലാവ് അബുദാബിയിലും അലൈനിലും

ഈണം ദോഹയുടെ ‘ഈണ നിലാവ് 2012’

October 25th, 2012

eena-nilav-2012-ePathram ദോഹ : വലിയ പെരുന്നാള്‍ ആഘോഷ ത്തിനായി ഈണം ദോഹ അവതരിപ്പിക്കുന്ന ഗുഡ് വില്‍ കാര്‍ഗോ ‘ഈണ നിലാവ് -2012’ ഒക്ടോബര്‍ 27 ശനിയാഴ്ച രാത്രി 7 മണിക്ക് സലത ജദീദിലുള്ള സ്കില്‍ ഡെവലപ്മെന്റ് സെന്ററില്‍ അരങ്ങേറുന്നു.

eenam-doha-eena-nilavu-2012-poster-ePathram

സൌജന്യ പ്രവേശനത്തോട് കൂടിയുള്ള ഈ സംഗീതസന്ധ്യ യില്‍ ദോഹയിലെ ഗായകരായ കണ്ണൂര്‍ സമീര്‍, ഹംസ പട്ടുവം, ഷക്കീര്‍ പാവറട്ടി, ആഷിക് മാഹി, ഫാസില്‍ കൊല്ലം, അനഘ രാജ ഗോപാല്‍, ഫാത്തിമ സമ എന്നിവര്‍ ഗാനങ്ങള്‍ ആലപിക്കുന്നു.

‘സംഗീത ത്തിലൂടെ സൗഹൃദം ; സൌഹൃദ ത്തിലൂടെ കാരുണ്യം’ എന്ന ആശയ വുമായി വന്ന ഈണം ദോഹ നിരവധി ഗായകരെ ദോഹയിലെ സംഗീതാ സ്വാദകര്‍ക്ക് പരിചയപ്പെടുത്തുകയും 6 വര്‍ഷ ത്തിനിടക്ക് കേരള ത്തിന്റെ പല ഭാഗങ്ങളി ലായി നിരവധി കാരുണ്യ പ്രവര്‍ത്തന ങ്ങളും നടത്തിയിട്ടുണ്ട്.

ഈ സംഗീത സന്ധ്യക്ക്‌ മാറ്റ് കൂട്ടാനായി ആകര്‍ഷകമായ നൃത്തങ്ങളും ഉള്‍പ്പെടുത്തിയിട്ടുണ്ടെന്ന് സംഘാടകര്‍ അറിയിച്ചു.

-കെ. വി.അബ്ദുല്‍ അസീസ്‌ ചാവക്കാട്‌ -ദോഹ, ഖത്തര്‍

- കറസ്പോണ്ടന്‍റ്

വായിക്കുക: , ,

Comments Off on ഈണം ദോഹയുടെ ‘ഈണ നിലാവ് 2012’

ഈദ്‌ ഇശല്‍ നൈറ്റ്‌ : മൂന്നാം പെരുന്നാളിന്

October 24th, 2012

ishal-emirates-eid-ishal -2012-poster-release-ePathram
അബുദാബി : ബലി പെരുന്നാള്‍ ആഘോഷങ്ങളുടെ ഭാഗമായി അബുദാബി ഇശല്‍ എമിറേറ്റ്സ് അവതരിപ്പിക്കുന്ന ‘ഈദ്‌ ഇശല്‍ നൈറ്റ്‌’ മൂന്നാം പെരുന്നാള്‍ ദിനമായ ഒക്ടോബര്‍ 28 ഞായറാഴ്ച ഇന്ത്യന്‍ ഇസ്ലാമിക്‌ സെന്ററില്‍ അരങ്ങേറും.

ഇശല്‍ മര്‍ഹബ എന്ന സ്റ്റേജ് ഷോ യുടെ വിജയ ത്തിന് ശേഷം ഇശല്‍ എമിറേറ്റ്സ് ഒരുക്കുന്ന ഈ പരിപാടി യില്‍ പ്രശസ്ത പിന്നണി ഗായകരായ അന്‍വര്‍ സാദത്ത്‌, ദുര്‍ഗ്ഗ വിശ്വനാഥ്, മാപ്പിളപ്പാട്ടു ഗായകരായ കണ്ണൂര്‍ സീനത്ത്‌, അഷ്‌റഫ്‌ പയ്യന്നൂര്‍, യുവ ഫെയിം മന്‍സൂര്‍ എന്നിവരും പ്രവാസി ഗായകനായ ബഷീര്‍ തിക്കോടിയും പങ്കെടുക്കും.

eid-ishal-night-2012-by-ishal-emirates-ePathram

വോഡാഫോണ്‍ കോമഡി ഷോ യിലൂടെ ശ്രദ്ധേയരായ ടീം ഫോര്‍ സ്റ്റാര്‍സ് കലാകാരന്‍മാര്‍ അവതരിപ്പിക്കുന്ന മിമിക്സ് പരേഡ്‌, നൃത്ത നൃത്ത്യങ്ങള്‍, സിനിമാറ്റിക് ഡാന്‍സ്‌, ഒപ്പന എന്നിവയും അരങ്ങിലെത്തും. പ്രവേശനം പാസ്സ് മൂലം നിയന്ത്രിക്കും.

വിവരങ്ങള്‍ക്ക് വിളിക്കുക : നവാസ്‌ കുറ്റ്യാടി : 055 561 88 44 – 050 268 79 57

- കറസ്പോണ്ടന്‍റ്

വായിക്കുക: ,

Comments Off on ഈദ്‌ ഇശല്‍ നൈറ്റ്‌ : മൂന്നാം പെരുന്നാളിന്

Page 43 of 44« First...102030...4041424344

« Previous Page« Previous « എയര്‍ ഇന്ത്യക്ക് എതിരെ ശക്തമായ പ്രക്ഷോഭം നടത്തും : പ്രവാസി സംഘടനകള്‍
Next »Next Page » ഗള്‍ഫ് സത്യധാര കാല ത്തിന്റെ ആവശ്യം : ഖാസി ത്വാഖ അഹ്മദ് മൌലവി അല്‍ അസ്ഹരി »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha