രണ്ടാം പെരുന്നാളിന് ‘ഈദും ഇശലും’ സംഗീത വിരുന്ന്‌

August 6th, 2013

ksc-stage-show-2013-eidum-ishalum-ePathram
അബുദാബി : കേരള സോഷ്യല്‍ സെന്റര്‍ രണ്ടാം പെരുന്നാളിന് നടത്തുന്ന സംഗീത വിരുന്ന് ‘ഈദും ഇശലും’ വൈകീട്ട് 7 മണിക്ക് അബുദാബി നാഷണല്‍ തിയ്യറ്ററില്‍ അരങ്ങേറും.

കെ. എസ്. സി. യുടെ ധന ശേഖരണാര്‍ത്ഥം നടത്തുന്ന പരിപാടി യില്‍ സെല്ലുലോയിഡ് എന്ന ചിത്ര ത്തിലെ ഗാന ത്തിലൂടെ മികച്ച പിന്നണി ഗായികക്കുള്ള സംസ്ഥാന ചലച്ചിത്ര പുരസ്‌കാരം ലഭിച്ച സിതാര, പിന്നണി ഗായകന്‍ നജീം അര്‍ഷാദ്, മാപ്പിളപ്പാട്ട് ഗായകരായ ഒ. യു. ബഷീര്‍, സീന രമേശ് തുടങ്ങിയവര്‍ പങ്കെടുക്കും.

പരിപാടി യിലേക്കുള്ള പ്രവേശനം പാസ് മൂലം നിയന്ത്രിക്കും.

- കറസ്പോണ്ടന്റ്

വായിക്കുക: ,

Comments Off on രണ്ടാം പെരുന്നാളിന് ‘ഈദും ഇശലും’ സംഗീത വിരുന്ന്‌

വി. ദക്ഷിണാ മൂര്‍ത്തിയുടെ വേര്‍പ്പാടില്‍ ശക്തി തിയറ്റേഴ്സ് അനുശോചിച്ചു

August 3rd, 2013

music-director-v-dakshinamoorthy-ePathram
അബുദാബി : വിഖ്യാത സംഗീതജ്ഞന്‍ വി. ദക്ഷിണാ മൂര്‍ത്തി യുടെ വേര്‍പാടില്‍ അബുദാബി ശക്തി തിയറ്റേഴ്സ് അനുശോചിച്ചു.

മലയാള ചലച്ചിത്ര ലോക ത്തിനു എക്കാലവും ഓര്‍മ്മി ക്കാവുന്ന ഒരുപാട് നല്ല ഗാനങ്ങള്‍ നല്‍കിയ ദക്ഷിണാ മൂര്‍ത്തിയെ സംഗീത ലോകം നില നില്‍ക്കുന്ന കാലത്തോളം സ്മരിക്കുമെന്ന് അബുദാബി ശക്തി തിയറ്റേഴ്സ് പ്രസിഡന്റ് എ. കെ. ബീരാന്‍കുട്ടിയും ആക്ടിംഗ് ജനറല്‍ സെക്രട്ടറി അജീബ് പരവൂരും സംയുക്തമായി പുറപ്പെടുവിച്ച അനുശോചന സന്ദേശ ത്തില്‍ അറിയിച്ചു.

- കറസ്പോണ്ടന്റ്

വായിക്കുക: , ,

Comments Off on വി. ദക്ഷിണാ മൂര്‍ത്തിയുടെ വേര്‍പ്പാടില്‍ ശക്തി തിയറ്റേഴ്സ് അനുശോചിച്ചു

വി. ദക്ഷിണാ മൂര്‍ത്തി അന്തരിച്ചു

August 3rd, 2013

music-director-v-dakshinamoorthy-ePathram
ചെന്നൈ : പ്രമുഖ കര്‍ണാടക സംഗീതജ്ഞനും ചലച്ചിത്ര സംഗീത സംവിധായക നുമായ വി. ദക്ഷിണാ മൂര്‍ത്തി (94) അന്തരിച്ചു. ചെന്നൈ യില്‍ വെള്ളിയാഴ്ച വൈകിട്ട് ആറര മണിയോടെ ഉറക്ക ത്തിനിടയില്‍ ഹൃദയാഘാതം മൂലമാണ് മരണം സംഭവിച്ചത്.

1919 ഡിസംബര്‍ 22-ന് ഡി. വെങ്കടേശ്വര അയ്യരുടെയും പാര്‍വതി അമ്മാളു ടെയും മകനായി ആലപ്പുഴ യില്‍ ജനിച്ച ദക്ഷിണാമൂര്‍ത്തി 1950 ല്‍ കുഞ്ചാക്കോ നിര്‍മിച്ച ‘നല്ല തങ്ക’ യിലൂടെ യായിരുന്നു ചലച്ചിത്ര സംഗീത സംവിധാന രംഗത്ത്‌ സജീവ മായത്.

യേശുദാസിന്റെ പിതാവ് അഗസ്റ്റിന്‍ ജോസഫ് ആയിരുന്നു ‘നല്ല തങ്ക’ യിലെ നായകനും ഗായകനും. പിന്നീട് യേശുദാസും മകന്‍ വിജയും ദക്ഷിണാമൂര്‍ത്തി യുടെ കീഴില്‍ പാട്ടുകള്‍ പാടി.

1971-ല്‍ കേരള സംസ്ഥാന സര്‍ക്കാറിന്റെ മികച്ച സംഗീത സംവിധായക നുള്ള പുരസ്‌കാരം, 1998-ല്‍ സമഗ്ര സംഭാവന യ്ക്കുള്ള ജെ. സി. ഡാനിയല്‍ പുരസ്‌കാരം, 2013-ല്‍ സ്വാതി തിരുനാള്‍ പുരസ്‌കാരം എന്നിവ ദക്ഷിണാ മൂര്‍ത്തിയെ തേടിയെത്തി.

കല്യാണിയാണ് ഭാര്യ. മക്കള്‍: വെങ്കടേശ്വരന്‍, ഗോമതിശ്രീ, വിജയ. മരുമക്കള്‍: ലളിത, രാമ സുബ്രഹ്മണ്യന്‍, ആനന്ദ്. ശവസംസ്‌കാരം ശനിയാഴ്ച ഉച്ച കഴിഞ്ഞ് 3 മണിക്ക് ചെന്നൈയില്‍ നടക്കും.

- കറസ്പോണ്ടന്റ്

വായിക്കുക: ,

Comments Off on വി. ദക്ഷിണാ മൂര്‍ത്തി അന്തരിച്ചു

ഈദ് മെഹ്ഫില്‍ ബ്രോഷര്‍ പ്രകാശനം ചെയ്തു

July 21st, 2013

ishal-emirates-eid-mehfil-brochure-release-2013-ePathram
അബുദാബി : പെരുന്നാള്‍ ആഘോഷ ങ്ങളുടെ ഭാഗമായി ഇശല്‍ എമിറേറ്റ്സ് അബുദാബി ഒരുക്കുന്ന ‘റജബ് എക്സ്പ്രസ് ഈദ് മെഹ്ഫില്‍ ‘ ദൃശ്യ ആവിഷ്കാരം ഒന്നാം പെരുന്നാളിന് മലയാള ത്തിലെ പ്രമുഖ ചാനലില്‍ സംപ്രേഷണം ചെയ്യും. ഈദ് മെഹ്ഫില്‍ ബ്രോഷര്‍ പ്രകാശനം അബുദാബി യില്‍ നടന്നു. ഗള്‍ഫ് എയര്‍ മാര്‍ക്കറ്റിംഗ് എക്സിക്യൂട്ടീവ് പ്രശാന്ത് നായര്‍ക്കു നല്‍കി റജബ് കാര്‍ഗോ എം.ഡി. ഫൈസല്‍ കാരാട്ട് നിര്‍വ്വഹിച്ചു.

യു.എ.ഇ.എക്സ്ചേഞ്ച് മീഡിയ മാനേജര്‍ കെ. കെ. മൊയ്തീന്‍ കോയ, പ്രവാസി ഗായകനും ഇശല്‍ എമിറേറ്റ്സ് കലാ വിഭാഗം സെക്രട്ടറി ബഷീര്‍ തിക്കൊടി, ബ്ലൂ സ്റ്റാര്‍ എം. ഡി. മുഹമ്മദാലി തളിപ്പറമ്പ് തുടങ്ങിയവര്‍ സംബന്ധിച്ചു.

പ്രശസ്ത പിന്നണി ഗായിക സുജാത, മാപ്പിളപ്പാട്ട് ഗായകരായ എരഞ്ഞോളി മൂസ, രഹന, അഷ്‌റഫ്‌ പയ്യന്നൂര്‍,കൊല്ലം ഷാഫി, താജുദ്ദീന്‍ വടകര, ബഷീര്‍ തിക്കൊടി, ആസിഫ് കാപ്പാട് എന്നിവരുടെ പാട്ടുകള്‍ക്ക് ദൃശ്യാ വിഷ്കാരം നല്‍കിയാണ്‌ ഈദ് മെഹ്ഫില്‍ ഒരുക്കിയിരിക്കുന്നത്.

കഴിഞ്ഞ പതിനാലു വര്‍ഷമായി മാപ്പിളപ്പാട്ടു ഗാനാസ്വാദകരുടെ മനസ്സറിഞ്ഞു ടെലിവിഷന്‍ പ്രോഗ്രാമുകളും സ്റ്റേജ് ഷോ കളും അവതരിപ്പിച്ചു വരുന്ന ഇശല്‍ എമിറേറ്റ്സ് അബുദാബി യുടെ ഈ സംരംഭം കേരള ത്തിലും ഗള്‍ഫിലു മായി ചിത്രീകരിച്ചിരി ക്കുന്നത്.

- കറസ്പോണ്ടന്റ്

വായിക്കുക: ,

Comments Off on ഈദ് മെഹ്ഫില്‍ ബ്രോഷര്‍ പ്രകാശനം ചെയ്തു

Page 47 of 47« First...102030...4344454647

« Previous Page « ഇമ യുടെ ശൈഖ് സായിദ് അനുസ്മരണവും ചിത്ര പ്രദര്‍ശനവും
Next » രാജേന്ദ്രന്റെ റമദാന്‍ വ്രതാനുഷ്ടാനം മാതൃകയാവുന്നു »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha