ഭാരത് ടെക് ഫൗണ്ടേഷൻ യു. എ. ഇ. ചാപ്റ്റര്‍ രൂപീകരിച്ചു

May 30th, 2023

indian-engineers-community-bharat-tech-foundation-uae-chapter-ePathram
അബുദാബി : ഇന്ത്യൻ എഞ്ചിനീയർമാരുടെ ആഗോള കൂട്ടായ്മ ഭാരത് ടെക് ഫൗണ്ടേഷന്‍ (ബി. ടി. എഫ്.) യു. എ. ഇ. ചാപ്റ്റര്‍ രൂപീകരിച്ചു. വിഹാൻ 2023 എന്ന പേരില്‍ ദുബായിൽ നടന്ന ഉദ്ഘാടന ചടങ്ങില്‍ ഇന്ത്യൻ കോൺസൽ ജനറൽ ‍ഡോ. അമൻ പുരി മുഖ്യാതിഥി ആയിരുന്നു. ഡോ. അർഷി അയൂബ് മുഹമ്മദ് സവേരി, ഡയറക്ടർ നാരായൺ രാമ സ്വാമി, ഡോ. ശ്രീനിവാസ് തുടങ്ങി നിരവധി പ്രമുഖർ സംബന്ധിച്ചു.

വിദേശ കാര്യ വകുപ്പ് സഹ മന്ത്രി വി. മുരളീ ധരൻ ഓൺ ലൈനിൽ ആശംസ നേർന്നു. ഇന്ത്യയുടെ വികസനത്തിന് മികവുറ്റ സംഭാവനകള്‍ നല്‍കാന്‍ എഞ്ചിനീയർമാർക്ക് കഴിയും എന്ന് അദ്ദേഹം ഓര്‍മ്മിപ്പിച്ചു.

യു. എ. ഇ. ചാപ്റ്റർ ഭാരവാഹികൾ : സുധീർ ബാല കൃഷ്ണൻ (പ്രസിഡണ്ട്), സന്ധ്യ വിനോദ് (ജനറല്‍ സെക്രട്ടറി), ശരവൺ പാർത്ഥ സാരഥി (വൈസ് പ്രസിഡണ്ട്), രോഹിത് ശർമ്മ (ജോയിന്‍റ് സെക്രട്ടറി), എൻ. വിജയ കുമാർ (ട്രഷറര്‍), എ. പി. മുത്തുറാം, ശിവ മോഹന്‍, സുഭാഷ് രജ് പുത്, കെ. ആർ. ശ്രീകുമാർ, ഉമേഷ് കുമാർ, കെ. വിനോദ് കുമാർ, അനിൽ വി. കുമാർ, ദീപക് കുമാർ, പ്രദീപ് കുമാർ, ദീപേഷ് രാജീവ് (ഭരണ സമിതി അംഗങ്ങള്‍)

ലോക രാജ്യങ്ങളിൽ ജോലി ചെയ്യുന്ന ഇന്ത്യൻ എഞ്ചിനീയര്‍മാരുടെ അനുഭവ സമ്പത്തിലൂടെ ഭാരത ത്തിന്‍റെ കാർഷിക, വിദ്യാഭ്യാസ, സാങ്കേതിക മേഖല കളിൽ വിപ്ലകരമായ മാറ്റം കൊണ്ടു വരികയാണ് ഭാരത് ടെക് ഫൗണ്ടേഷന്‍ എന്ന കൂട്ടായ്മയുടെ ലക്‌ഷ്യം എന്ന് ബി. ടി. എഫിനെക്കുറിച്ച് വിശദീകരിക്കാൻ അബുദാബി ഇന്ത്യാ സോഷ്യല്‍ സെന്‍ററില്‍ വിളിച്ചു ചേർത്ത വാർത്താ സമ്മേളനത്തിൽ ഭാരവാഹികള്‍ അറിയിച്ചു.

ബി. ടി. എഫ്. യു. എ. ഇ. ചാപ്റ്റർ പ്രസിഡണ്ട് സുധീർ ബാലകൃഷ്ണൻ, ഗ്ലോബൽ കോഡിനേറ്റർ സിദ്ധാർത്ഥ് നാരായൺ, ഭാരവാഹികളായ സുഭാഷ് രജ് പുത്, അനിൽ വി. കുമാർ, ദീപക് കുമാർ എന്നിവർ പങ്കെടുത്തു.

- pma

വായിക്കുക: , , , , , , ,

Comments Off on ഭാരത് ടെക് ഫൗണ്ടേഷൻ യു. എ. ഇ. ചാപ്റ്റര്‍ രൂപീകരിച്ചു

വിദ്യാർത്ഥികൾക്കും അദ്ധ്യാപകർക്കും കാലാവസ്ഥ വ്യതിയാന ചാലഞ്ച്

May 26th, 2023

dr-shamsheer-vayalil-announce-the-climate-change-collaboration-oxford-saïd-ePathram
അബുദാബി : യു. എ. ഇ. യിൽ നടക്കുന്ന COP28 ആഗോള ഉച്ച കോടിക്ക് മുന്നോടിയായി, ലോകം എമ്പാടും ഉള്ള ഹൈസ്കൂൾ വിദ്യാർത്ഥികൾക്കായി പ്രത്യേക കാലാവസ്ഥ വ്യതിയാന ചാലഞ്ച് പ്രഖ്യാപിച്ചു. ഓക്സ് ഫോഡ് സർവ്വ കലാശാല യിലെ പ്രശസ്തമായ സെയ്ദ് ബിസിനസ്സ് സ്‌കൂളും മിഡിൽ ഈസ്റ്റിലെ ഏറ്റവും വലിയ ഹെൽത്ത് കെയര്‍ കമ്പനികളില്‍ ഒന്നായ ബുർജീൽ ഹോൾഡിംഗ്സും സംയുക്തമായാണ് ചാലഞ്ച് സംഘടിപ്പി ക്കുന്നത്.

‘ബുർജീൽ ഹോൾഡിംഗ്‌സ് ഓക്സ് ഫോഡ് സെയ്ദ് കാലാവസ്ഥാ വ്യതിയാന ചലഞ്ച്’ മത്സരത്തിലൂടെ കാലാവസ്ഥാ വ്യതിയാനത്തിന്‍റെ അപകട സാദ്ധ്യത കളെ ക്കുറിച്ച് ഹൈസ്‌കൂൾ വിദ്യാർത്ഥികൾക്ക് ഇടയില്‍ അവബോധം വളർത്തുകയാണ് ലക്ഷ്യം.

ചാലഞ്ചിന്‍റെ ഭാഗമായി കാലാവസ്ഥാ വ്യതിയാന വുമായി ബന്ധപ്പെട്ട പാഠ്യ പദ്ധതികൾ സമർപ്പിക്കാൻ അദ്ധ്യാപകർക്കും അവസരം ഉണ്ടാകും. ചാലഞ്ചിൽ വിജയിക്കുന്ന വിദ്യാർത്ഥികൾക്കും അദ്ധ്യാപകർക്കും ഈ വർഷം അവസാനം ദുബായിൽ നടക്കുന്ന COP28 ഉച്ചകോടിക്കിടെ പരിഹാര നിർദ്ദേശങ്ങൾ അവതരിപ്പിക്കാൻ അവസരം ലഭിക്കും.

ഓക്സ് ഫോഡില്‍ അടുത്ത വർഷം നടക്കുന്ന പ്രത്യേക കാലാവസ്ഥാ വ്യതിയാന പരിപാടിയിൽ പങ്കെടുക്കാനും വിജയികൾക്ക് അവസരം ലഭിക്കും.

cop-28-climate-change-collaboration-burjeel-delegation-s-visit-to-oxford-saïd-ePathram

കാലാവസ്ഥ വ്യതിയാനം സംബന്ധിച്ച പങ്കാളിത്തം ചർച്ച ചെയ്യാനായി ബുർജീൽ പ്രതിനിധി സംഘം കഴിഞ്ഞ ദിവസം സ്കൂൾ സന്ദർശിച്ചു. മത്സര ത്തിന്‍റെ കൂടുതൽ വിശാദാംശങ്ങൾ പിന്നീട് പ്രഖ്യാപിക്കും.

കാലാവസ്ഥാ വ്യതിയാനം മനുഷ്യ രാശി നേരിടുന്ന ഏറ്റവും സങ്കീർണ്ണമായ ഭീഷണി യാണ് എന്നും വിദ്യാർത്ഥികൾ അതിന്‍റെ പ്രത്യാഘാതത്തില്‍ ആണെന്നും ഓക്സ് ഫോഡ് സെയ്ദിലെ പീറ്റർ മൂർസ് ഡീൻ സൗമിത്ര ദത്ത പറഞ്ഞു. ഈ സാഹചര്യത്തിൽ ബുർജീലുമായുള്ള പങ്കാളിത്തത്തിന് ഏറെ പ്രാധാന്യം ഉണ്ട് എന്നും അദ്ദേഹം കൂട്ടി ച്ചേർത്തു.

കാലാവസ്ഥാ പ്രതിസന്ധിയും മറ്റ് വെല്ലു വിളികളും നേരിടാൻ ഓക്സ് ഫോഡിഡ് യൂണി വേഴ്‌സിറ്റി യിലെയും ലോകം എമ്പാടും ഉള്ള സംരംഭക നേതാക്കളെയും സജ്ജരാക്കുന്ന ഓക്സ് ഫോഡ് സെയ്‌ദിലെ ലോക പ്രശസ്ത സ്കോൾ സെന്‍റർ ഫോർ സോഷ്യൽ എന്‍റർ പ്രണർ ഷിപ്പാണ് കാലാവസ്ഥാ വ്യതിയാന ചാലഞ്ച് പരിപാടിക്ക് പിന്തുണ നൽകുക.

യു. എ. ഇ.യിൽ COP28 കാലാ വസ്ഥാ ഉച്ചകോടി നടക്കാന്‍ ഇരിക്കെ കാലാവസ്ഥാ വ്യതിയാന സംരംഭ ത്തിനായി ഓക്സ് ഫോഡിഡ് സെയ്‌ദു മായി സഹകരി ക്കുന്നതിൽ ഏറെ സന്തോഷം ഉണ്ട് എന്ന് ബുർജീൽ ഹോൾഡിംഗ്സ് സ്ഥാപ കനും ചെയർമാനുമായ ഡോ. ഷംഷീർ വയലിൽ പറഞ്ഞു.

സമൂഹത്തിന്‍റെ ക്ഷേമവും പരിസ്ഥിതി യുടെ ആരോഗ്യവും ആഴത്തിൽ ഇഴ ചേർന്നിരിക്കുന്നു എന്നാണ് ആരോഗ്യ സംരക്ഷണ ദാതാക്കള്‍ എന്ന നിലയിൽ ഞങ്ങളുടെ വിശ്വാസം. കാലാവസ്ഥാ പ്രതിസന്ധി നേരിടാൻ കൂട്ടായ ആഗോള പരിശ്രമം നിർണ്ണായകം തന്നെയാണ്. പുതു തലമുറ യിലെ വിദ്യാർത്ഥികളെയും അദ്ധ്യാപകരെയും അതിന് പരിപോഷി പ്പിക്കുക യാണ് ചാലഞ്ചിന്‍റെ ലക്ഷ്യം എന്നും അദ്ദേഹം പറഞ്ഞു.

മത്സരത്തെ ക്കുറിച്ച് വിശദമായി അറിയാൻ താൽപ്പര്യം ഉള്ളവർക്ക് competition @ sbs. ox. ac. uk എന്ന ഇ – മെയില്‍ വിലാസത്തിൽ ബന്ധപ്പെടാം. Twitter

- pma

വായിക്കുക: , , , , , ,

Comments Off on വിദ്യാർത്ഥികൾക്കും അദ്ധ്യാപകർക്കും കാലാവസ്ഥ വ്യതിയാന ചാലഞ്ച്

ശൈഖ് ഖലീഫ എക്സലന്‍സ് അവാർഡ് രോ​ഹി​ത് മു​ര​ളിയ ഏറ്റു വാങ്ങി

May 18th, 2023

rohith-muralya-of-india-palace-restaurant-receive-sheikh-khalifa-excellence-award-ePathram

അബുദാബി : യു. എ. ഇ. പ്രസിഡണ്ടും അബുദാബി ഭരണാധികാരിയുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ രക്ഷാ കര്‍തൃത്വത്തില്‍ ഏര്‍പ്പെടു ത്തിയ ശൈഖ് ഖലീഫ എക്സലന്‍സ് അവാർഡിന് മലയാളി യുവ വ്യവസായി‌യും ഇന്ത്യ പാലസ് റെസ്റ്റോറന്‍റ് ശൃംഖലയുടെ മേധാവിയുമായ രോഹിത് മുരളിയ അർഹനായി.

അബുദാബി എമിറേറ്റ്സ് പാലസിൽ നടന്ന ചടങ്ങിൽ അബുദാബി കിരീട അവകാശി ശൈഖ് ഖാലിദ് ബിന്‍ മുഹമ്മദ് അല്‍ നഹ്യാന്‍, രോഹിത് മുരളിയക്ക് ശൈഖ് ഖലീഫ എക്സലന്‍സ് അവാർഡ് സമ്മാനിച്ചു. വിവിധ വകുപ്പു മന്ത്രിമാര്‍, ഉന്നത ഉദ്യോഗസ്ഥര്‍, വ്യവസായ പ്രമുഖര്‍ മറ്റു അവാര്‍ഡ് ജേതാക്കളും ചടങ്ങില്‍ സംബന്ധിച്ചു.

 

- pma

വായിക്കുക: , , , , ,

Comments Off on ശൈഖ് ഖലീഫ എക്സലന്‍സ് അവാർഡ് രോ​ഹി​ത് മു​ര​ളിയ ഏറ്റു വാങ്ങി

നേഹ സുധീറിനു നോളജ് ചാമ്പ്യൻ ട്രോഫി

May 15th, 2023

neha-sudheer-knowledge-champion-2023-ePathram
ഷാർജ : നോളജ് ചാമ്പ്യൻ ക്വിസ് മത്സരത്തിൽ രണ്ടാം സ്ഥാനം സ്വന്തമാക്കി ഷാർജയിലെ മലയാളി വിദ്യാർത്ഥി നേഹ സുധീർ. യു. എ. ഇ., ഖത്തർ, ബഹ്റൈൻ എന്നീ രാജ്യങ്ങളിൽ നിന്നുള്ള വിദ്യാർത്ഥികളെ പങ്കെടുപ്പിച്ച് നടത്തിയ ക്വിസ് മത്സരത്തിലാണ് നേഹ സുധീർ രണ്ടാം സമ്മാനം കരസ്ഥമാക്കിയത്.

തൃശൂർ ജില്ലയിലെ എടമുട്ടം സ്വദേശി സുധീർ ഖാലിദ് – സെനീന സുധീർ ദമ്പതികളുടെ മകൾ നേഹ സുധീർ, ഷാർജ ന്യൂ ഇന്ത്യൻ മോഡൽ സ്കൂളിലെ ഒമ്പതാം ക്ലാസ്സ് വിദ്യാര്‍ത്ഥിനിയാണ്.

സീനിയർ വിഭാഗത്തിൽ യു. എ. ഇ. യിൽ നിന്നുള്ള ഏക മത്സരാർത്ഥി നേഹ സുധീർ ആയിരുന്നു. റണ്ണർ അപ്പ് പ്രൈസ് ലഭിച്ച നേഹ സുധീറിന് ജർമ്മനിയിൽ നിന്നും സംഘാടകർ അയച്ചു കൊടുത്ത ട്രോഫിയും സർട്ടിഫിക്കറ്റും സ്‌കൂൾ അധികൃതർ സമ്മാനിച്ചു.

നോളജ് ചാമ്പ്യൻ ഓൺ ലൈൻ ക്വിസ് മത്സരത്തിൽ വിവിധ ദേശക്കാരായ 450 വിദ്യാർത്ഥികൾ പങ്കെടുത്തു.

- pma

വായിക്കുക: , , , , , , ,

Comments Off on നേഹ സുധീറിനു നോളജ് ചാമ്പ്യൻ ട്രോഫി

ബുര്‍ജീല്‍ ഹോള്‍ഡിംഗ്സ് 2023 ആദ്യ പാദത്തിലെ സാമ്പത്തിക ഫലങ്ങൾ പ്രഖ്യാപിച്ചു

May 11th, 2023

burjeel-holdings-listed-on-abu-dhabi-securities-exchange-ePathram

അബുദാബി : മികച്ച വളർച്ചാ നിരക്കുമായി കുതിപ്പു തുടർന്ന് മിഡിൽ ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളില്‍ മുന്നില്‍ നില്‍ക്കുന്ന ബുര്‍ജീല്‍ ഹോള്‍ഡിംഗ്സ് 2023 ആദ്യ പാദത്തിലെ സാമ്പത്തിക ഫലങ്ങൾ പ്രഖ്യാപിച്ചു. മാർച്ച് 31 ന് അവസാനിച്ച ആദ്യ പാദത്തിൽ ഗ്രൂപ്പിന്‍റെ വരുമാനം 1.1 ബില്യൺ ആയി ഉയർന്നപ്പോൾ അറ്റാദായം 121.3 മില്യൺ ദിർഹമായി ഉയർന്നു.

ആശുപത്രികളുടെയും (10.9%) മെഡിക്കൽ സെന്‍ററു കളുടെയും (24.8%) വരുമാനത്തില്‍ ഉണ്ടായ ഗണ്യമായ അഭിവൃദ്ധിയിലൂടെയാണ് ഗ്രൂപ്പ് നേട്ടം കൊയ്തത്.

burjeel-holdings-reports-strong-in-first-quarter-of-2023-ePathram

ബുർജീൽ ഹോൾഡിംഗ്സിന്‍റെ മുൻ‌നിര ആശുപത്രിയായ ബുർ‌ജീൽ മെഡിക്കൽ സിറ്റിയുടെ വരുമാനത്തിൽ 32.6% വർദ്ധനവ് ഉണ്ടായി. 22.3 % എന്ന മികച്ച EBITDA മാർജിനും രേഖപ്പെടുത്തി.

പുതിയ സ്പെഷ്യാലിറ്റികളിലെ നിക്ഷേപവും ആസ്തി കളില്‍ ഉടനീളം ഉള്ള വിനിയോഗവും കാരണം ഔട്ട്പേഷ്യന്‍റ്, ഇൻപേഷ്യന്‍റ് എണ്ണത്തിൽ യഥാക്രമം 16.5%, 26.9% എന്നിങ്ങനെയാണ് വർദ്ധനവ്.

യു. എ. ഇ. യിൽ ഉടനീളം 120-തിലധികം പുതിയ ഇൻപേഷ്യന്‍റ് കിടക്കകളും അഞ്ച് പുതിയ മെഡിക്കൽ സെന്‍ററുകളും ഉൾപ്പെടുത്തി പ്രവർത്തനം വിപുലീ കരിക്കുവാന്‍ ഉള്ള പദ്ധതികളും മിഡിൽ ഈസ്റ്റി ലെയും ആഫ്രിക്കയിലെയും പുതിയ പങ്കാളിത്ത പദ്ധതികളുടെ അവലോകനവും പുരോഗമിച്ചു കൊണ്ടിരിക്കുകയാണ്.

ഡോക്ടര്‍.ഷംഷീർ വയലിൽ സ്ഥാപകനും ചെയർ മാനുമായ ബുർജീൽ ഹോൾഡിംഗ്സ് 2022 ൽ റെക്കോർഡ് അറ്റാദായത്തിലൂടെ 52 ശതമാനം വളർച്ചയാണ് കൈ വരിച്ചിരുന്നത്.

ഉയർന്ന വരുമാനം, വർദ്ധിച്ച പ്രവർത്തന ക്ഷമത, കുറഞ്ഞ സാമ്പത്തിക ചെലവുകൾ എന്നിവ ഗ്രൂപ്പിന്‍റെ തുടർ പ്രവർത്തനങ്ങൾക്ക് ശക്തമായ അടിത്തറ പാകുന്നു എന്നാണ് വിലയിരുത്തൽ.

- pma

വായിക്കുക: , , , , , ,

Comments Off on ബുര്‍ജീല്‍ ഹോള്‍ഡിംഗ്സ് 2023 ആദ്യ പാദത്തിലെ സാമ്പത്തിക ഫലങ്ങൾ പ്രഖ്യാപിച്ചു

Page 8 of 44« First...678910...203040...Last »

« Previous Page« Previous « കാളാവ് സൈതലവി മുസ്ലിയാര്‍ സ്മാരക പുസ്തക അവാര്‍ഡിനായി രചനകള്‍ ക്ഷണിച്ചു
Next »Next Page » പയ്യോളി പെരുമ ഫാമിലി ക്ലബ്ബ് രൂപീകരിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha