അസ്ഹരി തങ്ങള്‍ നിര്യാതനായി

November 23rd, 2015

sayyid-abdul-rahiman-azhari-thangal-ePathram മലപ്പുറം : പ്രമുഖ ഇസ്‌ലാമിക പണ്ഡിതന്‍ സയ്യിദ് അബ്ദുല്‍ റഹിമാന്‍ ഇമ്പിച്ചി ക്കോയ തങ്ങള്‍ ഹൈദറൂസ് അല്‍ അസ്ഹരി (അസ്ഹരി തങ്ങള്‍ – 95 ) നിര്യാതനായി. പ്രമുഖ ബഹു ഭാഷാ പണ്ഡിതനും ഗ്രന്ഥ കര്‍ത്താവും സമസ്ത കേരള ജംഇയ്യത്തുല്‍ ഉലമാ (ഇ. കെ. വിഭാഗം) പ്രസിഡണ്ടു മായിരുന്നു അസ്സയ്യിദ് ഹൈദറൂസ് അല്‍ അസ്ഹരി തങ്ങള്‍

വളാഞ്ചേരി കുള മംഗലം വലിയ ജാറ ത്തിലെ സ്വവസതി യില്‍ നവംബര്‍ 21 ശനിയാഴ്ച രാത്രി യോടെ യായിരുന്നു അന്ത്യം. വാര്‍ദ്ധക്യ സഹജ മായ അസുഖ ത്തെ തുടര്‍ന്ന് ഏറെ ക്കാല മായി തങ്ങള്‍ വിശ്രമ ജീവിതം നയിച്ചു വരിക യായി രുന്നു.

azhari-thangal-samastha-leader-ePathram

അസ്ഹരി തങ്ങള്‍

സമസ്ത പ്രസിഡണ്ടായിരുന്ന കണ്ണിയത്ത് അഹമ്മദ മുസ്ലിയാരുടെ മരണത്തെ തുടന്ന് ഒഴിവ് വന്ന പ്രസിഡണ്ട് സ്ഥാനത്തേക്ക് തങ്ങളെ നിയമി ക്കുക യായി രുന്നു. അസ്ഹരി തങ്ങള്‍ എന്ന പേരില്‍ അറിയ പ്പെട്ടി രുന്ന അദ്ദേഹം പരിശുദ്ധ മക്ക യില്‍ ദീര്‍ഘ കാലം മുദര്‍രിസായി സേവനം അനുഷ്ടിച്ചിരുന്നു. ഗ്രന്ഥ കര്‍ത്താവ്, ബഹു ഭാഷാ പണ്ഡിതന്‍, പ്രഭാ ഷക ന്‍, തുടങ്ങിയ നില കളിലും തങ്ങള്‍ പ്രശോഭിച്ചു.

മക്കള്‍ : സയ്യിദ് ഫഖ്‌റുദ്ദീന്‍ ആറ്റ ക്കോയ തങ്ങള്‍ (ജിദ്ദ), സയ്യിദ് ഹുസൈന്‍ കോയ തങ്ങള്‍, സയ്യിദ് ഹബീബ് കോയ തങ്ങള്‍, സയ്യിദ് ജാഫര്‍ സ്വാദിഖ്, സയ്യിദ് മുഹമ്മദ് മുസ്തഫ, സയ്യിദത്ത് ആശിയ മുത്തു ബീവി, സയ്യിദത്ത് സുഹറ ബീവി, ഫാത്തിമത്ത് സുഫറ, സയ്യിദത്ത് നഫീസ ബീവി, പരേത യായ സയ്യിദത്ത് മൈമുന ബീവി. മരുമക്കള്‍ നൂറാ ബീവി തളിപ്പറമ്പ്, ഹാജറ ബീവി കല്‍പകഞ്ചേരി, മഹിജബിന്‍ മുനിയൂര്‍, ഹംസ ബീവി പരപ്പനങ്ങാടി, ആരിഫ ബീവി കൊടു വള്ളി.

- കറസ്പോണ്ടന്റ്

വായിക്കുക:

Comments Off on അസ്ഹരി തങ്ങള്‍ നിര്യാതനായി

പി. വി. അബ്ദുട്ടി ഹാജി ഒരുമനയൂര്‍

November 19th, 2015

orumanayoor-pv-abdutty-haji-ePathram അബുദാബി : ഇന്ത്യന്‍ ഇസ്ലാമിക് സെന്റര്‍, സുന്നി സെന്റര്‍ എന്നിവ​ ​യുടെ സജീവ പ്രവര്‍ത്തകനും ആദ്യ​ ​കാല പ്രവാസി​ ​യുമായ ഒരുമനയൂര്‍ സ്വദേശി പി. വി. അബ്ദുട്ടി ഹാജി (​79​)​ നവംബര്‍ 19 വ്യാഴാഴ്ച രാത്രി ​​ ​മരണപ്പെട്ടു. ഖബറടക്കം ഒരുമനയൂര്‍ തെക്കേ തലക്കല്‍ ജുമാ മസ്ജിദ് ഖബര്‍ സ്ഥാനില്‍.

1958​ ല്‍ അബുദാബി​ ​യില്‍ എത്തിയ അബ്ദുട്ടി ഹാജി, 45 കൊല്ലം അബുദാബി യില്‍ ജോലി ചെയ്തി​ ​രുന്നു. രാഷ്ട്ര പിതാവ് ശൈഖ് സായിദിന്റെ ഗസ്റ്റ് ഹൗസ് ആന്‍ഡ് പ്രൊട്ടൊ ക്കോള്‍ വിഭാഗ​ ​ത്തിലെ ജീവന​ ​ക്കാരനായിരുന്നു (ഇന്നത്തെ മിനിസ്റ്റ്രി ഓഫ് പ്രസിഡന്‍ഷ്യല്‍ അഫ്ഫ യേഴ്സ്).

abdutty-haji-parattu-veettil-orumanayoor-ePathram

ഇന്ത്യന്‍ ഇസ്ലാമിക് സെന്ററുമായി ബന്ധ പ്പെട്ട് പ്രവാസ ലോകത്തെ ​മത സാമൂഹ്യ – ജീവ കാരുണ്യ മേഖല യില്‍ പ്രവര്‍ത്തിച്ചു കൊണ്ടി​ ​രിക്കുമ്പോഴാണ് ജോലി യില്‍ നിന്നും വിരമിച്ച് നാട്ടില്‍ സ്ഥിര​ ​മാക്കിയത്. തുടര്‍ന്ന് നാട്ടിലെ മത – സാമൂഹ്യ പ്രവര്‍ത്തന ങ്ങളില്‍ സജീവ മായിരുന്നു.

ഭാര്യ എ. കെ. ഹഫ്സത്ത്. മക്കള്‍ : സബീന മുഹമ്മദാലി, തനൂജ ജലീല്‍, ഷെമി മുഹമ്മദുണ്ണി, നൂര്‍ മുഹമ്മദ്‌ (അബുദാബി), നജീബ് (ദുബായ്), ഷറിന്‍ നവാസ്, റഹീമ ആശിഫ് എന്നിവര്‍.

- കറസ്പോണ്ടന്റ്

വായിക്കുക:

Comments Off on പി. വി. അബ്ദുട്ടി ഹാജി ഒരുമനയൂര്‍

ഈദ് ഒഴിവു ദിനാഘോഷം : യു.എ. ഇ. യില്‍ അപകട ങ്ങളില്‍ മരിച്ചത് 11 പേര്‍

September 29th, 2015

accident-epathram
അബുദാബി : വലിയ പെരുന്നാള്‍ ഒഴിവു ദിവസ ങ്ങളില്‍ യു.എ. ഇ. യില്‍ വിവിധ ഇട ങ്ങളി ലുണ്ടായ വാഹന അപകട ങ്ങളില്‍ 11 പേര്‍ മരിക്കു കയും 84 പേര്‍ക്കു പരിക്കേല്‍ക്കു കയും ചെയ്ത തായി ആഭ്യന്തര മന്ത്രാലയം ട്രാഫിക് കോഡിനേഷന്‍ ഡയറക്ടര്‍ ജനറല്‍ ബ്രിഗേഡിയര്‍ ഗെയ്‌ത്ത് ഹസന്‍ അല്‍ സാബി അറിയിച്ചു. ചട്ടങ്ങളും റോഡ് സുരക്ഷാ നിയമ ങ്ങളും പാലിക്കാത്ത താണ് അപകട ങ്ങള്‍ക്കു കാരണ മായത് എന്നും അദ്ദേഹം കൂട്ടിച്ചേര്‍ത്തു.

ഈദ് അവധി ദിന ങ്ങളായ സെപ്റ്റംബര്‍ 23നും 26നും ഇടയില്‍ 38 റോഡ് അപകട ങ്ങളാണ് നടന്നത്.

റോഡ് സുരക്ഷാ മാര്‍ഗ്ഗ നിര്‍ദ്ദേശ ങ്ങള്‍ പാലിക്കുകയും വളരെ ശ്രദ്ധ യോടെ ഡ്രൈവ് ചെയ്യു കയും അതോടൊപ്പം ഡ്രൈവിംഗിനിടെ സെല്‍ ഫോണില്‍ സംസാരി ക്കാതിരി ക്കുകയും റോഡിലെ ശ്രദ്ധ തിരിയുന്ന പ്രവൃ ത്തി കളില്‍ ഏര്‍പ്പെടാ തിരി ക്കുകയും മുമ്പി ലുള്ള വാഹന വു മായി എപ്പോഴും നിശ്‌ചിത അകലം പാലി ക്കുകയും ചെയ്‌താല്‍ അപകട സാദ്ധ്യത കുറയും എന്നും വാഹനം ഓടിക്കു ന്നവര്‍ ഗതാഗത നിയമ ങ്ങള്‍ പാലിക്കുന്ന തില്‍ വീഴ്ച വരുത്തരുത് എന്നും അദ്ദേഹം ഒര്‍മ്മിപ്പിച്ചു.

- കറസ്പോണ്ടന്റ്

വായിക്കുക: , , ,

Comments Off on ഈദ് ഒഴിവു ദിനാഘോഷം : യു.എ. ഇ. യില്‍ അപകട ങ്ങളില്‍ മരിച്ചത് 11 പേര്‍

കല്ലേൻ പൊക്കുടൻ അന്തരിച്ചു

September 28th, 2015

kallen-pokkudan-epathram

കണ്ണൂർ: കേരളത്തിന്റെ തീരദേശത്ത് ഒരു ലക്ഷത്തോളം കണ്ടൽ ചെടികൾ നട്ടു പിടിപ്പിച്ചു കൊണ്ട് കണ്ടൽ സംരക്ഷണത്തിന് ഒരു പുതിയ മാനം നൽകിയ പ്രമുഖ പരിസ്ഥിതി പ്രവർത്തകനും എഴുത്തുകാരനുമായ കണ്ടൽ പൊക്കുടൻ എന്ന കല്ലേൻ പൊക്കുടൻ അന്തരിച്ചു. 78 വയസ്സായിരുന്നു. വാർദ്ധക്യ സഹജമായ കാരണങ്ങളാലാണ് അന്ത്യം. പഴയങ്ങാടിയിലെ സ്വവസതിയിലാണ് സംസ്ക്കാരം നടന്നത്.

കമ്മ്യൂണിസ്റ്റ് പാർട്ടിയിലെ തീവ്ര വിഭാഗത്തോട് ആഭിമുഖ്യം പുലർത്തിയിരുന്ന പൊക്കുടൻ പാർട്ടി പിളർന്നതിനെ തുടർന്ന് സി. പി. ഐ. എം. ൽ പ്രവർത്തിച്ചു വന്നു. പിന്നീട് പാർട്ടി പ്രവർത്തനത്തിൽ നിന്നും മാറി നിന്ന പൊക്കുടൻ പരിസ്ഥിതി പ്രവർത്തന രംഗത്ത് സജീവമായി. കേരളത്തിലെ കണ്ടൽ കാടുകളെ സംരക്ഷിക്കുന്നത് തന്റെ ജീവിത ദൗത്യമായി ഏറ്റെടുത്ത അദ്ദേഹം തീരദേശത്ത് അങ്ങോളമിങ്ങോളം ഒരു ലക്ഷം കണ്ടൽ തൈകളാണ് നട്ടു പിടിപ്പിച്ചത്. “കണ്ടൽ വിദ്യാലയം” സ്ഥാപിച്ച് കണ്ടൽ കാടുകളുടെ പാരിസ്ഥിതിക പ്രാധാന്യത്തെ കുറിച്ച് അഞ്ഞൂറിലേറെ സ്റ്റഡി ക്ലാസുകൾ സംഘടിപ്പിക്കുകയുണ്ടായി. പൊക്കുടൻ അവസാനമായി എഴുതിയ “കണ്ടൽ ഇനങ്ങൾ” കേരളത്തിൽ കണ്ടു വരുന്ന വിവിധ തരം കണ്ടൽ ഇനങ്ങളെ കുറിച്ച് സവിസ്തരം പ്രതിപാദിക്കുന്ന ഒരു പഠനമാണ്.

2102ൽ ഇറങ്ങിയ ”സ്ഥലം” പൊക്കുടന്റെ ജീവിതത്തെ ആസ്പദമാക്കി എടുത്ത ചിത്രമാണ്. പാപ്പിലിയോ ബുദ്ധയിലും പൊക്കുടൻ ഒരു പ്രധാന കഥാപാത്രമാണ്.

അടിസ്ഥാന വിദ്യഭ്യാസം മാത്രം സിദ്ധിച്ച പൊക്കുടൻ നിരവധി പുസ്തകങ്ങൾ എഴുതി. ഇതിൽ ആത്മകഥാപരമായ “എന്റെ ജീവിതം”, “കണ്ടൽ കാടുകൾക്കിടയിൽ എന്റെ ജീവിതം” എന്നിവയ്ക്ക് പുറമെ “കണ്ടൽ ഇനങ്ങൾ”, “ചുട്ടച്ചി” എന്നിവ ഏറെ ശ്രദ്ധേയമാണ്.

2001ൽ പി. വി. തമ്പി സ്മാരക പുരസ്കാരം, 2003ൽ ഭൂമിമിത്ര പുരസ്കാരം, 2006ൽ വനമിത്ര പുരസ്കാരം എന്നിവ ലഭിച്ചു. 2010ൽ കേരള സർക്കാർ അദ്ദേഹത്തെ “ഹരിത വ്യക്തി” പുരസ്ക്കാരം നൽകി ആദരിച്ചു. പി. എസ്. ഗോപിനാഥൻ നായർ പരിസ്ഥിതി പുരസ്ക്കാരം, എ. വി. അബ്ദുൾ റഹ്മാൻ ഹാജി പുരസ്ക്കാരം, കണ്ണൂർ സർവകലാശാലയുടെ ആചാര്യ പുരസ്ക്കാരം, ബാല സാഹിത്യ ഇൻസ്റ്റിട്യൂട്ട് പുരസ്ക്കാരം എന്നിവയും കല്ലൻ പൊക്കുടനെ തേടിയെത്തി.

ചിത്രം കടപ്പാട്: പൊക്കുടൻ Kallen Pokkudan 2″ by Seena Viovin (സീന വയോവിന്‍)

- ജെ.എസ്.

വായിക്കുക: , ,

Comments Off on കല്ലേൻ പൊക്കുടൻ അന്തരിച്ചു

ഞാന്‍ അറിഞ്ഞ സി. എച്ച്. : അനുസ്‌മരണ പരിപാടി അബുദാബിയില്‍

September 25th, 2015

ch-muhammed-koya-ePathramഅബുദാബി : കെ. എം. സി. സി. യുടെ ആഭിമുഖ്യ ത്തില്‍ ‘ഞാന്‍ അറിഞ്ഞ സി. എച്ച്’ എന്ന ശീര്‍ഷ ക ത്തില്‍ അനുസ്‌മരണ പരിപാടി സംഘടിപ്പിക്കുന്നു. സി.എച്ച്. മുഹമ്മദ് കോയയുടെ ചരമ വാര്‍ഷിക ദിന മായ സെപ്റ്റംബര്‍ 27 ഞായറാഴ്‌ച രാത്രി എട്ടരയ്ക്ക് അബുദാബി ഇന്ത്യന്‍ ഇസ്‌ലാമിക് സെന്ററില്‍ സംഘടിപ്പിക്കുന്ന പരിപാടി യില്‍ മുന്‍ മുഖ്യ മന്ത്രിയും മുസ്ലീം ലീഗ് നേതാവു മായിരുന്ന സി. എച്ച്. മുഹമ്മദ്‌ കോയ യെ നേരിട്ട് അറിഞ്ഞവരും സമകാലി കരുമായ നിരവധി പേര്‍ ഒത്തു ചേരും. അദ്ദേഹത്തെ കുറിച്ചുള്ള ഡോക്യുമെന്ററി പ്രദര്‍ശനവും ഉണ്ടാവും

- കറസ്പോണ്ടന്റ്

വായിക്കുക: , ,

Comments Off on ഞാന്‍ അറിഞ്ഞ സി. എച്ച്. : അനുസ്‌മരണ പരിപാടി അബുദാബിയില്‍

Page 19 of 52« First...10...1718192021...304050...Last »

« Previous Page« Previous « സ്വീകരണം നല്‍കി
Next »Next Page » ധനികരായ ഇന്ത്യക്കാര്‍ : മലയാളികളില്‍ എം. എ. യൂസഫലി ഒന്നാമത് »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha