ഖുര്‍ ആന്‍ പാരായണ മത്സരം ഐ. എസ്. സി. യില്‍

April 11th, 2023

isc-holy-quraan-recitation-ePathram

അബുദാബി : ഇന്ത്യ സോഷ്യല്‍ സെന്‍റര്‍ (ഐ. എസ്. സി.) ഔഖാഫ് മന്ത്രാലയവുമായി (മത കാര്യ വകുപ്പ്) സഹകരിച്ചു സംഘടിപ്പിക്കുന്ന ഏഴാമത് ഖുര്‍ആന്‍ പാരായണ മത്സരം 2023 ഏപ്രില്‍ 11 ചൊവ്വാഴ്ച മുതല്‍ നാലു ദിവസങ്ങളിലായി ഐ. എസ്. സി.  യില്‍ വെച്ച് നടക്കും. വിധി കര്‍ത്താക്കളായി മത കാര്യ വകുപ്പ് അംഗീകരിച്ച ഖുര്‍ആന്‍ പണ്ഡിതര്‍ എത്തും.

യു. എ. ഇ. പൗരന്മാര്‍ക്കും താമസ വിസയുള്ള മറ്റു രാജ്യക്കാര്‍ക്കും മത്സരത്തില്‍ പങ്കെടുക്കാം. മത്സരത്തിന് മുന്നോടിയായി ചൊവ്വാഴ്ച രാത്രി ഒമ്പത് മണി മുതല്‍ തലീം-ഇസ്ലാമിക് ഫാമിലി ക്വിസ് മത്സരം സംഘടിപ്പിച്ചിട്ടുണ്ട്.

നാലു വിഭാഗങ്ങളില്‍ മത്സരം നടക്കും. ആദ്യ വിഭാഗം 25 വയസ്സു വരെ ഉള്ളവര്‍ക്ക്. പാരായണ ഭാഗം ഖുര്‍ആന്‍റെ 15 ഭാഗങ്ങളില്‍ നിന്നുള്ളതായിരിക്കും (ആദ്യത്തെ പതിനഞ്ച് ജുസ്ഹ്).

രണ്ടാം വിഭാഗം 20 വയസ്സു വരെ ഉള്ളവര്‍ക്ക്. ഖുര്‍ആന്‍റെ 10 ഭാഗങ്ങളില്‍ നിന്നുള്ളത് (പത്ത് ജുസ്ഹ്).

മൂന്നാം വിഭാഗ മത്സരത്തില്‍ 15 വയസ്സു വരെ ഉള്ളവര്‍ക്ക് പങ്കെടുക്കാം. ഖുര്‍ആന്‍റെ 5 ഭാഗങ്ങളില്‍ നിന്നുള്ള പാരായണം (അഞ്ച് ജുസ്ഹ്).

ഖുര്‍ ആന്‍ പാരായണം, തജ്വീദ് മത്സരമാണ് നാലാം വിഭാഗം. ഇത് എല്ലാ പ്രായക്കാര്‍ക്കും പങ്കെടുക്കാം. മത്സരത്തിലേക്ക് പ്രവേശനം സൗജന്യമാണ്.

ഓരോ വിഭാഗത്തിലെയും വിജയികള്‍ക്ക് മെമന്‍റൊ കളും ക്യാഷ് പ്രൈസുകളും സമ്മാനിക്കും. പങ്കെടുക്കുന്ന എല്ലാ മത്സരാര്‍ത്ഥികള്‍ക്കും സര്‍ട്ടിഫിക്കറ്റുകളും പ്രോത്സാഹന സമ്മാനങ്ങളും നല്‍കും. ഏപ്രില്‍ 15 ശനിയാഴ്ച രാത്രി 9.30 മുതല്‍ സമ്മാനങ്ങള്‍ വിതരണം ചെയ്യും.

സ്വദേശികളെയും പ്രവാസി സമൂഹത്തെയും വിശുദ്ധ ഖുര്‍ആന്‍ പാരായണം ചെയ്യുന്നതിനും അത് ഹൃദിസ്ഥം ആക്കുന്നതിനും  മത്സരാധിഷ്ഠിതമായ അന്തരീക്ഷ ത്തില്‍ പാരായണം ചെയ്യാനും പ്രോത്സാഹിപ്പിക്കുക എന്നതാണ് ഈ പരിപാടിയുടെ ഉദ്ദേശ ലക്ഷ്യം.

രാഷ്ട്ര പിതാവ് ശൈഖ് സായിദിനെ അനുസ്മരിച്ചു കൊണ്ട്, സാമൂഹിക പ്രതി ബദ്ധതയുടെ ഭാഗമായി ഏഴാം വര്‍ഷവും ഐ. എസ്. സി. യില്‍ ഖുര്‍ആന്‍ പാരായണ മത്സരം സംഘടിപ്പിക്കുന്നത് എന്ന് പ്രസിഡണ്ട് ഡി. നടരാജനും ജനറല്‍ സെക്രട്ടറി പി. സത്യ ബാബുയും പറഞ്ഞു.

- pma

വായിക്കുക: , , , , ,

Comments Off on ഖുര്‍ ആന്‍ പാരായണ മത്സരം ഐ. എസ്. സി. യില്‍

ഭാഷാ സമര അനുസ്മരണവും ഇഫ്താർ സംഗമവും

April 10th, 2023

malappuram-kmcc-remembering-majeed-rahman-kunjippa-ePathram

അബുദാബി : മലപ്പുറം ജില്ലാ കെ. എം. സി. സി. റമദാൻ പതിനേഴിന് അബുദാബി ഇന്ത്യൻ ഇസ്ലാമിക് സെന്‍ററിൽ ഭാഷാ സമര അനുസ്മര ണവും ഇഫ്താർ സംഗമവും സംഘടി പ്പിച്ചു. അബുദാബി കെ. എം. സി. സി. പ്രസിഡണ്ട് ഷുക്കൂറലി കല്ലുങ്ങൽ ഭാഷാ സമര അനുസ്മരണ പ്രഭാഷണം നടത്തി. യു. അബ്ദുള്ള ഫാറൂഖി ഇഫ്താര്‍ സംഗമം ഉത്ഘാടനം ചെയ്തു.

ഭാഷാ സമര അനുസ്മരണ ഭാഗമായി മലപ്പുറം ജില്ലാ കെ. എം. സി. സി. പുറത്തിറക്കിയ മജീദ് – റഹ്‌മാൻ – കുഞ്ഞിപ്പ ഭാഷാ സമര ഡോക്യുമെന്‍ററിയുടെ പ്രദർശനവും നടന്നു.

ജില്ലാ കമ്മിറ്റി പ്രിസിഡണ്ട് അസീസ് കാളിയാടൻ അദ്ധ്യക്ഷത വഹിച്ചു. ജനറൽ സെക്രട്ടറി ഹംസക്കോയ സ്വാഗതവും ട്രഷറർ അഷ്‌റഫലി നന്ദിയും പറഞ്ഞു. അബ്ദുള്ള ഫൈസി പ്രാർത്ഥനക്കു നേതൃത്വം നല്‍കി.

ജില്ലാ കമ്മിറ്റി ഭാരവാഹികളായ കുഞ്ഞിപ്പ മോങ്ങം, സി. കെ. ഹുസ്സൈൻ, ബഷീർ വറ്റല്ലൂർ, നൗഷാദ് തൃപ്പങ്ങോട്, ഷാഹിദ്, സിറാജ് ആതവനാട്, ഹസ്സൻ, ശംസുദ്ധീൻ പെരിന്തൽമണ്ണ, സമീർ പുറത്തൂർ, മുനീർ എടയൂർ, എന്‍. പി. നാസർ, സാൽമി പാട്ടശ്ശേരി, എ. വി. ഷാഹിർ, സൈയ്തു മുഹമ്മദ് വട്ടപ്പാറ എന്നിവർ നേതൃത്വം നൽകി. FB Page

- pma

വായിക്കുക: , , ,

Comments Off on ഭാഷാ സമര അനുസ്മരണവും ഇഫ്താർ സംഗമവും

ഇഫ്‌താർ സംഗമം സംഘടിപ്പിച്ചു.

April 6th, 2023

abudhabi-kmcc-logo-ePathram അബുദാബി : സൗത്ത് സോൺ ഏരിയ കെ. എം. സി. സി. കമ്മിറ്റികളുടെ നേതൃത്വ ത്തിൽ അബുദാബി ഇന്ത്യൻ ഇസ്ലാമിക് സെന്‍ററിൽ സംയുക്ത ഇഫ്താർ സംഗമം സംഘടിപ്പിച്ചു.

അബുദാബി സംസ്ഥാന കെ. എം. സി. സി. വൈസ് പ്രസിഡണ്ട് അഷറഫ് പൊന്നാനി ഉത്‌ഘാടനം ചെയ്തു. കെ. എം. സി. സി. സംസ്ഥാന കമ്മിറ്റി സെക്രട്ടറി ഷാനവാസ് പുളിക്കൽ അദ്ധ്യക്ഷത വഹിച്ചു.

റമദാനും ആരോഗ്യവും എന്ന വിഷയത്തിൽ ആദം & ഈവ് മെഡിക്കൽ സെന്‍ററിലെ ഡോക്ടര്‍. എം. എസ്. സഊദ് ക്ലാസ്സ് എടുത്തു. കോട്ടയം ജില്ലാ കെ. എം. സി. സി. കമ്മിറ്റി പ്രസിഡണ്ട് ഇസ്ഹാഖ് നദ്‌വി ദുആക്കും നസീഹത്തിനും നേതൃത്വം നൽകി.

കെ. എം. സി. സി. നേതാക്കളായ ഷുക്കൂർ അലി കല്ലുങ്ങൽ, കോയ തിരുവത്ര, റഷീദ് പട്ടാമ്പി, അനീസ് മാങ്ങാട്, ഹംസ ഹാജി പാറയിൽ, അബ്ദുൽ സലാം ഒഴൂർ, നിസാമുദ്ദീൻ പനവൂർ തുടങ്ങിയവർ സംബന്ധിച്ചു.

വിവിധ ജില്ലാ ഭാരവാഹികളായ അഹമ്മദ് കബീർ രിഫായി, സുധീർ കളമശ്ശേരി, അൻസാരി അബ്ദുൽ മജീദ്, റസ്സൽ മുഹമ്മദ്, ഫൈസൽ പി. ജെ., ഹാഷിം മേപ്പുറത്ത്, മുഹമ്മദ് ഫൈസൽ, മുഹമ്മദ് ഷബീർ, തുഫൈൽ ബക്കർ, ദാവൂദ് ഷെയ്ഖ്, വിഷ്ണു ദാസ്, സമീർ സുബൈർ കുട്ടി, റിയാസ് അഹ്മദ്, തുടങ്ങിയവർ സംഗമത്തിന് നേതൃത്വം നൽകി.

കൊല്ലം ജില്ലാ കമ്മിറ്റി പ്രസിഡണ്ട് അബ്ദുൽ സത്താർ സ്വാഗതവും ആലപ്പുഴ ജില്ലാ കമ്മിറ്റി പ്രസിഡണ്ട് ഷാനവാസ് ഖാൻ നന്ദിയും പറഞ്ഞു.

- pma

വായിക്കുക: , ,

Comments Off on ഇഫ്‌താർ സംഗമം സംഘടിപ്പിച്ചു.

വിവാഹ മോചനത്തിന് കുടുംബ കോടതിയെ സമീപിക്കണം : മദ്രാസ് ഹൈക്കോടതി

February 2nd, 2023

madras-high-court-in-chennai-ePathram
ചെന്നൈ : വിവാഹ മോചനത്തിനായി മുസ്ലീം സ്ത്രീകള്‍ കുടുംബ കോടതിയെ സമീപിക്കണം എന്ന് മദ്രാസ് ഹൈക്കോടതി. അതല്ലാതെ ശരീഅത്ത് കൗണ്‍സില്‍ പോലെയുള്ള സ്വകാര്യ സ്ഥാപനങ്ങളിലല്ല മുസ്ലീം വിവാഹ മോചന കേസുകള്‍ക്കായി സ്ത്രീകള്‍ സമീപിക്കേണ്ടത്. ശരീഅത്ത് കൗണ്‍സിലുകള്‍ കോടതികളും മധ്യസ്ഥരും അല്ല.

വിവാഹം അസാധുവാക്കുന്നത് സംബന്ധിച്ച് വിധി പറയാനുള്ള അധികാരം കോടതിക്ക് മാത്രമാണ് എന്നും മദ്രാസ് ഹൈക്കോടതി വ്യക്തമാക്കി.

ഭാര്യക്ക് വിവാഹ മോചനം നല്‍കിയ തമിഴ്നാട് തൗഹീദ് ജമാഅത്ത് ശരീഅത്ത് കൗണ്‍സില്‍ നടപടിയെ ചോദ്യം ചെയ്ത് മുഹമ്മദ് റാഫി എന്ന വ്യക്തിയാണ് മദ്രാസ് ഹൈക്കോടതിയെ സമീപിച്ചത്.

മുസ്‌ലിം വ്യക്തി നിയമ പ്രകാരം വിവാഹ ബന്ധം സ്വയം വേര്‍പ്പെടുത്തുവാന്‍(ഖുലാ) മുസ്‌ലിം സ്ത്രീക്ക് അവകാശങ്ങളുണ്ട്. എന്നാല്‍ ഇതില്‍ അന്തിമമായ തീരുമാനം എടുക്കാന്‍ കുടുംബ കോടതിയെ സമീപിക്കണം എന്നും ഹൈക്കോടതി ജസ്റ്റിസ് സി. ശരവണണ്‍ വ്യക്തമാക്കി. Twitter , WiKi : Khula

- pma

വായിക്കുക: , , , , , , ,

Comments Off on വിവാഹ മോചനത്തിന് കുടുംബ കോടതിയെ സമീപിക്കണം : മദ്രാസ് ഹൈക്കോടതി

ക്ഷേത്ര ഭരണം വിശ്വാസികള്‍ക്ക് വിട്ടു നല്‍കണം : സുപ്രീം കോടതി

January 27th, 2023

supremecourt-epathram
ന്യൂഡല്‍ഹി : ക്ഷേത്രങ്ങളുടെ ഭരണം വിശ്വാസികള്‍ക്ക് വിട്ടു നല്‍കണം എന്ന് സുപ്രീം കോടതി. ക്ഷേത്ര ഭരണ ത്തില്‍ സര്‍ക്കാര്‍ എന്തിനാണ് ഇട പെടുന്നത് എന്നും സുപ്രീം കോടതി ചോദിച്ചു. ആന്ധ്രയിലെ അഹോ ബിലം ക്ഷേത്രത്തില്‍ എക്‌സിക്യൂട്ടീവ് ഡയറക്ടറെ നിയമിച്ചതിന്ന് എതിരായ ഹൈക്കോടതി ഉത്തരവിന് എതിരെ ആന്ധ്രാ സര്‍ക്കാര്‍ നല്‍കിയ ഹര്‍ജി തള്ളി ക്കൊണ്ടാണ് സുപ്രീം കോടതിയുടെ സുപ്രധാന നിരീക്ഷണം.

അഹോബിലം ക്ഷേത്ര ഭരണത്തിന് എക്‌സിക്യുട്ടീവ് ഓഫീസറെ നിയമിച്ച ആന്ധ്ര സര്‍ക്കാരിന്‍റെ നടപടി അഹോബിലം മഠത്തിന്‍റെ അവകാശങ്ങളിലേക്കുള്ള കടന്നു കയറ്റം എന്നായിരുന്നു ആന്ധ്ര ഹൈക്കോടതി യുടെ വിധി. മഠത്തിന്‍റെ അവിഭാജ്യ ഘടകമാണ് ക്ഷേത്രം. മഠം തമിഴ്നാട്ടിലും ക്ഷേത്രം ആന്ധ്രയിലും ആയതിനാല്‍ ക്ഷേത്ര ഭരണത്തിനുള്ള മഠത്തിന്‍റെ അവകാശം നഷ്ടപ്പെടില്ല എന്നും ഹൈക്കോടതി വ്യക്തമാക്കിയിരുന്നു. ഈ വിധിക്ക് എതിരെയാണ് ആന്ധ്ര സര്‍ക്കാര്‍ സുപ്രീം കോടതിയെ സമീപിച്ചത്. Twitter

- pma

വായിക്കുക: , , , , ,

Comments Off on ക്ഷേത്ര ഭരണം വിശ്വാസികള്‍ക്ക് വിട്ടു നല്‍കണം : സുപ്രീം കോടതി

Page 7 of 74« First...56789...203040...Last »

« Previous Page« Previous « ഇ- നെസ്റ്റ് പുന:സ്സംഘടിപ്പിച്ചു
Next »Next Page » മഴയും ആലിപ്പഴ വർഷവും : അസ്ഥിര കാലാവസ്ഥ തുടരുന്നു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha