പഴകിയ നോട്ടുകൾ എല്ലാ ബാങ്കു കളിലും മാറാം

July 13th, 2020

writing-on-currency-rupee-note-rbi-ePathram

ന്യൂഡല്‍ഹി : പഴകിയതും ഉപയോഗ ശൂന്യവുമായ നോട്ടുകളും നാണയങ്ങളും ബാങ്കുകള്‍ സ്വീകരിച്ച് പുതിയത് മാറ്റി നല്‍കണം എന്ന് റിസർവ്വ് ബാങ്ക് ഓഫ് ഇന്ത്യ. ഷെഡ്യൂൾഡ് ബാങ്കുകളുടെ എല്ലാ ശാഖകളിലും ഉപയോഗ ശൂന്യമായ നോട്ടുകളും നാണയങ്ങളും മാറ്റി ക്കൊടുക്കണം എന്നാണ് ആര്‍. ബി. ഐ. ബാങ്കുകൾക്ക് നൽകിയ നിര്‍ദ്ദേശം.

രാജ്യത്ത് പ്രചാരത്തിലുള്ള എത്ര ചെറിയ മൂല്യമുള്ള രൂപ / നാണയം ആയാലും ബാങ്കു കൾ സ്വീകരിക്കണം. ബാങ്കുകളില്‍ എത്തുന്ന ഇത്തരം പഴയ നോട്ടുകളും നാണയങ്ങളും കറൻസി ചെസ്റ്റിൽ സൂക്ഷിക്കണം. പിന്നീട് ബാങ്കുകൾ നേരിട്ട് ആർ. ബി. ഐ. ഓഫീ സി ലേക്ക് എത്തിക്കണം.

ഒരു രൂപ, രണ്ടു രൂപ നാണയങ്ങൾ ബാങ്കില്‍ നല്‍കു മ്പോള്‍ പരമാവധി 100 നാണയ ങ്ങളുടെ പാക്കറ്റ് ആക്കി നൽകിയാൽ കാഷ്യർമാർക്ക് സൗകര്യം ആകും എന്നും ഈ സംവിധാനത്തെ കുറിച്ച് ബാങ്ക് ജീവനക്കാർ പൊതു ജന ങ്ങൾക്ക് വിവരം നൽകണം എന്നും ആർ. ബി. ഐ. അധികൃതർ അറിയിച്ചു.

മഷികൊണ്ട് എഴുതിയ നോട്ടുകള്‍ സ്വീകരിക്കണം : റിസര്‍വ്വ് ബാങ്ക് 

- pma

വായിക്കുക: , , ,

Comments Off on പഴകിയ നോട്ടുകൾ എല്ലാ ബാങ്കു കളിലും മാറാം

ആപ്പുകൾ നിരോധിച്ചത് ഇന്ത്യ യുടെ ‘ഡിജിറ്റൽ സ്ട്രൈക്ക്’ എന്നു കേന്ദ്ര മന്ത്രി

July 2nd, 2020

chinese-app-tiktok-banned-in-india-ePathram
ന്യൂഡല്‍ഹി : ടിക് ടോക് അടക്കം 59 ചൈനീസ് ആപ്പു കൾക്ക് ഇന്ത്യയില്‍ നിരോധനം ഏര്‍പ്പെടുത്തിയത് രാജ്യ ത്തിന്റെ ‘ഡിജിറ്റൽ സ്ട്രൈക്ക്’ എന്ന് കേന്ദ്ര മന്ത്രി രവി ശങ്കർ പ്രസാദ്.

ബംഗാളിൽ നടന്ന ബി. ജെ. പി. റാലി യിൽ സംസാരിക്കു മ്പോഴാണ് മന്ത്രി ഇക്കാര്യം സൂചിപ്പിച്ചത്. പൗരന്മാരുടെ സ്വകാര്യതയുടെ സംരക്ഷണ ത്തിന് വേണ്ടി യാണ് നാം ചൈനീസ് ആപ്പു കൾക്ക് നിരോധനം ഏർപ്പെടുത്തിയത്. അതൊരു ‘ഡിജിറ്റൽ സ്ട്രൈക്ക്’ ആയിരുന്നു.

ഇന്ത്യ – ചൈന അതിർത്തിയില്‍ അരങ്ങേറുന്ന സംഘർഷ ത്തിന്റെ പശ്ചാത്തല ത്തിലാണ് ടിക്ക് ടോക്, യു. സി. ബ്രൗസർ, വി- ചാറ്റ് തുടങ്ങി 59 ചൈനീസ് ആപ്പു കൾക്ക് ഇന്ത്യ നിരോധനം ഏർപ്പെടുത്തിയത്.

സമാധാനം എന്നതിലാണ് നമ്മള്‍ വിശ്വസി ക്കുന്നത്. രാജ്യങ്ങള്‍ തമ്മി ലുള്ള പ്രശ്‌നങ്ങള്‍ ചര്‍ച്ച യിലൂടെ പരിഹരി ക്കാവുന്നതാണ്. പക്ഷെ, ആര്‍ക്കെങ്കിലും ഇന്ത്യയോട് ദുഷ്ടലാക്ക് ഉണ്ടെങ്കില്‍ നമ്മള്‍ അവരെ പാഠം പഠിപ്പിക്കും.

നമ്മുടെ 20 സൈനികര്‍ ജീവന്‍ നല്‍കി എങ്കില്‍ ചൈന യുടെ ഭാഗത്ത് ഇതിന്റെ ഇരട്ടി നഷ്ടമുണ്ട്. മരിച്ചവരുടെ കണക്കുമായി അവര്‍ ഇതു വരെ വന്നിട്ടില്ല എന്ന് ഓര്‍ക്കുക എന്നും കേന്ദ്ര മന്ത്രി ബി. ജെ. പി. റാലി യില്‍ പറഞ്ഞു.

- pma

വായിക്കുക: , , , , , , , , ,

Comments Off on ആപ്പുകൾ നിരോധിച്ചത് ഇന്ത്യ യുടെ ‘ഡിജിറ്റൽ സ്ട്രൈക്ക്’ എന്നു കേന്ദ്ര മന്ത്രി

മണവും രുചിയും തിരിച്ചറിയാത്തത് കൊവിഡ് ലക്ഷണം

June 14th, 2020

logo-ministry-of-health-government-of-india-ePathram
ന്യൂഡല്‍ഹി : മണവും രുചിയും തിരിച്ചറിയു വാന്‍ കഴിയാത്തത് കൊവിഡ് ലക്ഷണ ങ്ങളുടെ പട്ടിക യില്‍ ഉള്‍പ്പെടുത്തി ക്കൊണ്ട് ആരോഗ്യ മന്ത്രാലയ ത്തിന്റെ മാര്‍ഗ്ഗ രേഖ.

പനി, ചുമ, തളര്‍ച്ച, ശ്വാസ തടസ്സം, കഫക്കെട്ട്, കടുത്ത ജലദോഷം, തൊണ്ട വേദന, പേശി വേദന, വയറിളക്കം തുടങ്ങിയ രോഗ ലക്ഷണങ്ങള്‍ ആയിരുന്നു ക്ലിനിക്കല്‍ മാനേജ്‌ മെന്റ് പ്രൊട്ടോക്കോള്‍ എന്ന മാര്‍ഗ്ഗ രേഖ യില്‍ ഉള്‍പ്പെടു ത്തി യിരുന്നത്.

മണവും രുചിയും തിരിച്ചറിയു വാന്‍ കഴിയാത്തവരും ഇനി കൊവിഡ് പരിശോധനക്കു വിധേയരാകും. ശ്വാസ സംബന്ധമായ അസുഖ ങ്ങളുടെ ആരംഭം എന്നു കണക്കിലെടുത്ത് കൊണ്ടാണ് മണവും രുചിയും തിരിച്ച റിയാൻ കഴിയാത്തവരെ പരിശോധിക്കുന്നത്.

മേൽപ്പറഞ്ഞ ലക്ഷണങ്ങൾക്കു പുറമേ, പ്രായം കൂടിയ വരിലും  പ്രതിരോധ ശേഷി കുറഞ്ഞ വരിലും കടുത്ത ക്ഷീണം, അർദ്ധ അബോധാവസ്ഥ, ശരീര വേദന, വയറിളക്കം, ശ്രദ്ധ ക്കുറവ്, വിശപ്പില്ലായ്മ, ദേഹം അനക്കാൻ കഴിയാത്ത സ്ഥിതി കണ്ടാല്‍ ശ്രദ്ധിക്കണം.

കുട്ടികളില്‍ പനിയോ ചുമയോ മറ്റു ലക്ഷണങ്ങളോ കണ്ടില്ല എന്നും വരാം. കൊവിഡ്-19 ഗുരുതരമായി ബാധിക്കുന്നത് 60 വയസ്സു കഴിഞ്ഞവരെ യാണ്. മാത്രമല്ല പ്രമേഹം, രക്ത സമ്മര്‍ദ്ദം, ഹൃദയ സംബന്ധമായ അസുഖ ങ്ങള്‍ ഉള്ളവര്‍ എന്നിവര്‍ക്കും അപകട സാദ്ധ്യത കൂടുതലാണ്.

കൊവിഡ് വൈറസ് ബാധിച്ച ആരോഗ്യ മുള്ള വരില്‍ കാര്യമായ ചികില്‍സ ഇല്ലാതെ തന്നെ രോഗം മാറി എന്നും കൊറോണയെ ഭയക്കാതെ, വൈറസ് നമ്മളില്‍ എത്താതെ നോക്കു വാനുള്ള ജാഗ്രതയാണു വേണ്ടത് എന്നും ആരോഗ്യ മന്ത്രാലയം ഓര്‍മ്മിപ്പിച്ചു.

- pma

വായിക്കുക: , , , ,

Comments Off on മണവും രുചിയും തിരിച്ചറിയാത്തത് കൊവിഡ് ലക്ഷണം

സർക്കാർ ജോലിക്ക് ഇനി ആധാർ നിർബ്ബന്ധം

June 14th, 2020

logo-psc-kerala-public-service-commission-ePathram
തിരുവനന്തപുരം : സര്‍ക്കാര്‍ ജോലിയിലേക്കുള്ള നിയമന പരിശോധന (സര്‍വ്വീസ് വെരിഫിക്കേഷന്‍) സുരക്ഷിതമാക്കി മാറ്റുവാനും ആള്‍മാറാട്ട ത്തിലൂടെ യുള്ള തൊഴിൽ തട്ടിപ്പ് തടയുവാനും ലക്ഷ്യം വെച്ച് പുതിയ നിബന്ധനകള്‍.

സര്‍ക്കാര്‍ ജോലിയിൽ പ്രവേശിക്കുന്നവർ അവരുടെ പി. എസ്. സി. ഒറ്റ ത്തവണ രജിസ്‌ട്രേഷൻ പ്രൊഫൈലിൽ ആധാർ ബന്ധിപ്പിക്കണം. ഇത് നിയമന അധികാരി കള്‍ ഉറപ്പു വരു ത്തണം.

നിലവില്‍ ജോലിയിൽ പ്രവേശിച്ചവരും നിയമന പരിശോധന പൂർത്തി യാക്കാത്തവരും പി. എസ്. സി. യിലെ അവരുടെ പ്രൊഫൈലിൽ ആധാർ ലിങ്ക് ചെയ്യണം. ആധാര്‍ കാര്‍ഡ് തിരിച്ചറിയൽ രേഖയായി പി. എസ്. സി. അംഗീ കരി ക്കുകയും പ്രൊഫൈലിൽ ആധാർ നമ്പർ ലിങ്ക് ചെയ്യുന്ന രീതിയും ഒരു വര്‍ഷം മുന്‍പേ തുടങ്ങി യിരുന്നു.

എന്നാല്‍, ആള്‍ മാറാട്ട ത്തിലൂടെയുള്ള തൊഴിൽ തട്ടിപ്പ് തടയുവാന്‍ വേണ്ടി ഏതാനും മാസ ങ്ങള്‍ക്കു മുന്‍പാണ് പി. എസ്. സി. ഈ സംവിധാനത്തിനു തുടക്കമിട്ടത്.

നിയമന ശുപാർശ നേരിട്ട് കൈ മാറുന്ന രീതിയും പി. എസ്. സി. ആരംഭിച്ചിരുന്നു. അതും ആധാറുമായി ബന്ധിപ്പിച്ചാണ് വിരല്‍ അടയാളം ഉൾപ്പെടെ തിരിച്ചറിയൽ നടത്തിയിരുന്നത്. എന്നാല്‍ കൊവിഡ് വൈറസ് വ്യാപന ഭീഷണിയെ ത്തുടർന്ന് തല്‍ക്കാലം നിറുത്തി വെച്ചിരി ക്കുകയാണ്.

പി. എസ്. സി. യുടെ ഒറ്റത്തവണ പരിശോധന, നിയമന പരിശോധന, ഓൺ ലൈൻ പരീക്ഷ കൾ, അഭിമുഖം എന്നിവ നടത്തുവാന്‍ ആധാറുമായി ബന്ധപ്പെടുത്തി ബയോ മെട്രിക് തിരിച്ചറി യൽ നടത്തുന്നുണ്ട്. പി. എസ്. സി. യിൽ പുതിയതായി രജിസ്റ്റർ ചെയ്യു വാനും ആധാർ നിർബബ്ബന്ധം തന്നെയാണ്.

Image Credit : P S C 

- pma

വായിക്കുക: , , ,

Comments Off on സർക്കാർ ജോലിക്ക് ഇനി ആധാർ നിർബ്ബന്ധം

വാഹന രേഖകളുടെ കാലാവധി സെപ്റ്റംബര്‍ 30 വരെ നീട്ടി

June 10th, 2020

logo-government-of-india-ePathram
ന്യൂഡല്‍ഹി : മോട്ടോര്‍ വാഹന ചട്ടങ്ങളുടെ പരിധിയില്‍ വരുന്ന രേഖകള്‍ പുതുക്കു വാനുള്ള കാലാവധി 2020 സെപ്റ്റംബര്‍ 30 വരെ നീട്ടി എന്ന് കേന്ദ്ര ഗതാഗത വകുപ്പു മന്ത്രി നിതിന്‍ ഗഡ്കരി.

ഇതു സംബന്ധിച്ച നിര്‍ദ്ദേശം സംസ്ഥാന ങ്ങള്‍ക്കും കേന്ദ്ര ഭരണ പ്രദേശ ങ്ങള്‍ ക്കും അയച്ചു കഴിഞ്ഞു എന്ന് കേന്ദ്ര റോഡ് – ഗതാഗത, ദേശീയ പാത മന്ത്രാലയം വാര്‍ത്താ ക്കുറിപ്പില്‍ അറിയിച്ചു.

കൊവിഡ് വൈറസ് വ്യാപനത്തിന്റെ പശ്ചാത്തലത്തില്‍ രാജ്യത്ത് ലോക്ക് ഡൗണ്‍ പ്രഖ്യാപിച്ചപ്പോള്‍ മോട്ടോര്‍ വാഹന ചട്ടങ്ങളുടെ പരിധിയില്‍ വരുന്ന ഡ്രൈവിംഗ് ലൈസന്‍സു കള്‍, വാഹന രജിസ്‌ട്രേഷന്‍, ഫിറ്റ്നസ്, പെര്‍മിറ്റുകള്‍ എന്നിവ ഉള്‍പ്പെടെ യുള്ള രേഖ കളുടെ കാലാവധി 2020 ജൂണ്‍ 30 വരെ നീട്ടി നല്‍കുവാന്‍ ആവശ്യപ്പെട്ടു കൊണ്ട് 2020 മാര്‍ച്ച് 30 ന് മന്ത്രാലയം സംസ്ഥാന ങ്ങള്‍ക്ക് മാർഗ്ഗ നിർദ്ദേശം നൽകിയിരുന്നു.

ലോക്ക് ഡൗണ്‍ കാലയളവ് വീണ്ടും ദീര്‍ഘിപ്പിച്ച സാഹ ചര്യത്തിലാണ് കാലാവധി സെപ്റ്റംബര്‍ 30 വരെ നീട്ടി  എന്നുള്ള പുതിയ അറിയിപ്പു വന്നത്.

- pma

വായിക്കുക: , , ,

Comments Off on വാഹന രേഖകളുടെ കാലാവധി സെപ്റ്റംബര്‍ 30 വരെ നീട്ടി

Page 28 of 70« First...1020...2627282930...405060...Last »

« Previous Page« Previous « വീട്ടില്‍ സൗകര്യം ഉള്ളവര്‍ക്ക് ഹോം ക്വാറന്റൈന്‍ അനുവദിക്കും
Next »Next Page » അതിരപ്പിള്ളി പദ്ധതിക്ക് സർക്കാർ അനുമതി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha