നഗ്രോട്ട സൈനിക താവളത്തിൽ ഭീകരാക്രമണം: 3 സൈനികർ കൊല്ലപ്പെട്ടു

November 29th, 2016

attack_epathram

ശ്രീനഗർ : നഗ്രോട്ട സൈനിക താവളത്തിൽ ഭീകരാക്രമണത്തെ തുടർന്ന് 3 സൈനികർ കൊല്ലപ്പെട്ടു. ഭീകരരും സൈനികരും തമ്മിലുള്ള ഏറ്റുമുട്ടൽ തുടരുന്നു. കാശ്മീർ അതിർത്തി സംരക്ഷിക്കുകയും ഭീകരറുടെ നുഴഞ്ഞുകയറ്റം തടയുകയും ചെയ്യുന്ന വിഭാഗത്തിലുള്ള സൈനികരാണ് നഗ്രോട്ടയിലുള്ളത്.

പുലർച്ചെ 5 മണിയോടെയാണ് ഭീകരർ ആക്രമണം ആരംഭിച്ചത്. മെസ്സിനു സമീപം ഒളിച്ചിരിക്കുകയായിരുന്നു ഇവർ. കൊല്ലപ്പെട്ട സൈനികരിൽ ഒരാൾ മേജർ റാങ്കിൽ ഉള്ളയാളാണ്. ഏറ്റുമുട്ടലിനെ തുടർന്ന് സമീപവാസികളെ ഒഴിപ്പിക്കുകയും സ്കൂളുകൾക്ക് അവധി നൽകുകയും ചെയ്തു.

- അവ്നി

വായിക്കുക: ,

Comments Off on നഗ്രോട്ട സൈനിക താവളത്തിൽ ഭീകരാക്രമണം: 3 സൈനികർ കൊല്ലപ്പെട്ടു

ഡൽഹിയിൽ സ്ഫോടനം : ഒരാൾ കൊല്ലപ്പെട്ടു

October 25th, 2016

Chandni-Chowk-v12_epathram

ഡൽഹി ചാന്ദ്നി ചൗക്കിൽ നടന്ന സ്ഫോടനത്തിൽ ഒരാൾ കൊല്ലപ്പെടുകയും 5 പേർക്ക് പരിക്കേൽക്കുകയും ചെയ്തു. കടകമ്പോളങ്ങൾക്ക് നാശനഷ്ടം രേഖപ്പെടുത്തിയിട്ടുണ്ട്.

ഒരാളുടെ കയ്യിലെ ബാഗിലുണ്ടായ പടക്കങ്ങളിലേക്ക് വലിച്ചിരുന്ന ബീഡിയിലൂടെ തീ പടർന്നാണ് അപകടം സംഭവിച്ചതെന്നാണ് റിപ്പോർട്ട്. ഭീകരാക്രമണമോ സിലിണ്ടർ സ്ഫോടനമോ ആകാനുള്ള സാധ്യതയും പോലീസ് തള്ളിക്കളയുന്നില്ല. ഫോറൻസിക് വിദഗ്ധരും ഭീകര വിരുദ്ധ സേനയും സ്ഥലം സന്ദർശിച്ചു.

- അവ്നി

വായിക്കുക: , ,

Comments Off on ഡൽഹിയിൽ സ്ഫോടനം : ഒരാൾ കൊല്ലപ്പെട്ടു

കാശ്മീർ ഭീകരാക്രമണത്തിൽ 17 സൈനികർ കൊല്ലപ്പെട്ടു, 4 ഭീകരരെ വധിച്ചു

September 18th, 2016

kashmir-epathram

കാശ്മീരിൽ സൈനിക ബ്രിഗേഡ് ആസ്ഥാനത്തിന് നേരെയുണ്ടായ ആക്രമണത്തിൽ 17 സൈനികർ കൊല്ലപ്പെട്ടു. 4 ഭീകരരെ വധിച്ചെങ്കിലും ഇനിയും ഭീകരർ ഉണ്ടാകാൻ സാധ്യതയുണ്ടെന്ന് സുരക്ഷാസേന അറിയിച്ചു. ഞായറാഴ്ച്ച പുലർച്ചെ 4 മണിയോടെയാണ് സംഭവം. വൻ സ്ഫോടനത്തോടെയാണ് ആക്രമണം ആരംഭിച്ചത്. പത്താൻ കോട്ടയിൽ നടന്നതിനേക്കാൾ വലിയ ആക്രമണമാണ് ഇതെന്നാണ് വിലയിരുത്തൽ.

ഭീകരാക്രമണത്തോടനുബന്ധിച്ച് ആഭ്യന്തര മന്ത്രാലയം ഉന്നത തല യോഗം വിളിച്ചിട്ടിണ്ട്. കാശ്മീരീലെ സുരക്ഷയുമായി ബന്ധപ്പെട്ട് മുഖ്യമന്ത്രിയോടും ഗവർണറോടും സംസാരിച്ചതായും ആഭ്യന്തരമന്ത്രി അറിയിച്ചു.

- അവ്നി

വായിക്കുക: ,

Comments Off on കാശ്മീർ ഭീകരാക്രമണത്തിൽ 17 സൈനികർ കൊല്ലപ്പെട്ടു, 4 ഭീകരരെ വധിച്ചു

പാക്കിസ്ഥാൻ ഭീകരതയെ പിന്തുണക്കുന്ന രാഷ്ട്രം – യു.എസ് സെനറ്റ്

September 10th, 2016

u.s-epathram

പാക്കിസ്ഥാൻ ഒരു ഭീകരരാഷ്ട്രമാണെന്ന ഇന്ത്യയുടെ വാദത്തെ ശരി വെച്ചുകൊണ്ട് യു.എസ് സെനറ്റ്. ഭീകരരെ ഉപയോഗിച്ച് പാക്കിസ്ഥാൻ അഫ്ഗാനിസ്താനിലുള്ള അമേരിക്കൻ സൈനികരെ കൊന്നൊടുക്കുകയാണെന്ന് സെനറ്റ് അംഗങ്ങൾ ആരോപിച്ചു.ഭീകരരുടെ സുരക്ഷിതമായ വാസ കേന്ദ്രങ്ങളായി പാക്കിസ്ഥാൻ നഗരങ്ങൾ മാറിക്കഴിഞ്ഞുവെന്നും സെനറ്റ് അംഗങ്ങൾ പറയുന്നു.

പാക്കിസ്ഥാൻ താവളം നൽകിയിരിക്കുന്ന ഹഖാനി ഭീകരരാണ് അഫ്ഗാനിസ്ഥാനിലെ അമേരിക്കൻ സൈനികരെ കൊലപ്പെടുത്തുന്നതിൽ മുന്നിൽ നിൽക്കുന്നതെന്നും യു.എസ്.സെനറ്റ് പറഞ്ഞു.

- അവ്നി

വായിക്കുക: , ,

Comments Off on പാക്കിസ്ഥാൻ ഭീകരതയെ പിന്തുണക്കുന്ന രാഷ്ട്രം – യു.എസ് സെനറ്റ്

പ്രശസ്ത സംഗീതജ്ഞൻ അംജദ് അലി ഖാന് ബ്രിട്ടൻ വിസ നിഷേധിച്ചു

August 13th, 2016

amjad ali khan_epathram

ലണ്ടനിലെ സൗത്ത് ബാങ്ക് സെന്ററിലുള്ള റോയൽ ഫെസ്റ്റിവൽ ഹാളിൽ സെപ്റ്റംബർ 17 ന് നടക്കാനിരിക്കുന്ന ദർബാർ ഫെസ്റ്റിവലിൽ പങ്കെടുക്കാനായി ബ്രിട്ടീഷ് വിസക്ക് അപേക്ഷിച്ച സരോദ് മാന്ത്രികനും പ്രശസ്ത സംഗീതജ്ഞനുമായ ഉസ്താദ് അംജദ് അലി ഖാന് ബ്രിട്ടൺ വിസ നിഷേധിച്ചു.

പലതവണ ബ്രിട്ടണിൽ സംഗീത പരിപാടി അവതരിപ്പിച്ച തനിക്ക് ഇത് ആദ്യത്തെ അനുഭവമാണെന്ന് അംജദ് അലി ഖാൻ ട്വിറ്ററിൽ കുറിച്ചു. വിസ റദ്ദാക്കിയതിനുള്ള കാരണം ഇത് വരെ വ്യക്തമാക്കിയിട്ടില്ല. ഡൽഹിയിലെ ബ്രിട്ടീഷ് ഹൈ കമ്മീഷനാണ് വിസ അപേക്ഷ നിരസിച്ചത്.

- അവ്നി

വായിക്കുക: , , ,

Comments Off on പ്രശസ്ത സംഗീതജ്ഞൻ അംജദ് അലി ഖാന് ബ്രിട്ടൻ വിസ നിഷേധിച്ചു

Page 5 of 26« First...34567...1020...Last »

« Previous Page« Previous « വിപുല മായ പരിപാടി കളോടെ അബു ദാബി യില്‍ സ്വാതന്ത്ര്യ ദിന ആഘോഷം
Next »Next Page » രിസാല സ്റ്റഡി സര്‍ക്കിള്‍ സാഹിത്യോത്സവ് 2016 ഒക്‌ടോബര്‍ 28ന് അല്‍ ഐനില്‍ »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha