ഇന്ത്യയിലെ , പ്രമുഖ കെട്ടിട നിര്‍മ്മാതാക്കളെ പങ്കെടുപ്പിച്ച്‌ കുവൈത്തില്‍ ബില്ഡേഴ്സ് എക്സ്പോ-08 സംഘടിപ്പിക്കുന്നു.
രമദ ഹോട്ടലില്‍ മെയ്‌ 9, 10 തീയതികളിലായാണ്‌ എക്സ്പോ നടത്തുന്നതെന്ന്‌ സംഘാടകരായ പാക്‌സ്‌ ഈവന്റ്‌ പ്രൊമോട്ടേഴ്‌സ്‌ ചീഫ്‌ എക്‌സിക്യൂട്ടീവ്‌ സുനില്‍ ജോസഫ്‌ കൊച്ചിയില്‍ പത്രസമ്മേളനത്തില്‍ പറഞ്ഞു.
കുവൈത്ത്‌ മലയാളികള്‍ക്ക്‌ നാട്ടില്‍ പാര്‍പ്പിടങ്ങള്‍ വാങ്ങാന്‍ സൗകര്യമൊരുക്കുന്നതിനായാണ്‌ പ്രദര്‍ശനം സംഘടിപ്പിക്കുന്നത്‌.
കുവൈത്തിലെ ഏഷ്യ ലിങ്ക്‌ കമ്പനിയുമായി ചേര്‍ന്നാണ്‌ പ്രദര്‍ശനം ഒരുക്കുന്നത്‌. 500 ഓളം സ്റ്റാളുകള്‍ എക്‌സ്‌പോയിലുണ്ടാകുമെന്നാണ്‌ പ്രതീക്ഷ.
കെട്ടിടനിര്‍മ്മാണ അനുബന്ധമേഖലയില്‍ പ്രവര്‍ത്തിക്കുന്നവരും വായ്‌പാസ്ഥാപനങ്ങളും പ്രദര്‍ശനത്തില്‍ പങ്കെടുക്കുമെന്ന്‌ പാക്‌സ്‌ ഈവന്റ്‌സ്‌ മാനേജ്‌മെന്റ്‌ കമ്പനി പ്രതിനിധി തോംസണ്‍ അറിയിച്ചു.
- ജെ.എസ്.
