വോഡാഫോണ്‍ ഖത്തറിന്‍റെ പ്രവര്‍ത്തനം ഔദ്യോഗികമായി ആരംഭിച്ചു.

July 8th, 2009

ഖത്തറിലെ രണ്ടാമത്തെ ടെലികോം സര്‍വീസ് പ്രൊവൈഡറായ വോഡാഫോണ്‍ ഖത്തറിന്‍റെ പ്രവര്‍ത്തനം ഔദ്യോഗികമായി ആരംഭിച്ചു. വിവിധ പ്ലാനുകളും കോള്‍ നിരക്കുകളും കമ്പനി പ്രഖ്യാപിച്ചിട്ടുണ്ട്. ലോക്കല്‍ കോളിന് മിനിറ്റിന് 50 ദിര്‍ഹമും മും ഇന്‍റര്‍നാഷണല്‍ കോളിന് മിനിട്ടിന് 2.50 റിയാലുമായിരിക്കും നിരക്കെന്ന് അധികൃതര്‍ വാര്‍ത്താ സമ്മേളനത്തില്‍ അറിയിച്ചു. ലോക്കല്‍ എസ്.എം.എസിന് 40 ദിര്‍ഹമും ഇന്‍റര്‍നാഷണല്‍ എസ്.എം.എസിന് 50 ദിര്‍ഹവുമാണ് നിരക്ക്. വോഡാഫോണ്‍ സി.ഇ.ഒ ഗ്രഹാം മാഹിന്‍, ചീഫ് മാര്‍ക്കറ്റിംഗ് ഓഫീസര്‍ മൈക്കല്‍ പോര്‍ട്ട്സ് തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.

-

അഭിപ്രായം എഴുതുക »

റിയാദില്‍ അല്‍ ഫാനൂസ് ഇന്‍റര്‍നാഷണല്‍ സ്കൂള്‍ പ്രവര്‍ത്തനം ആരംഭിച്ചു.

July 8th, 2009

അല്‍ ഹുദ ഗ്രൂപ്പ് ഓഫ് സ്കൂളിന്‍റെ കീഴിലുള്ള ആറാമത്തെ സ്കൂള്‍ റിയാദില്‍ അല്‍ ഫാനൂസ് ഇന്‍റര്‍നാഷണല്‍ സ്കൂള്‍ എന്ന പേരില്‍ പ്രവര്‍ത്തനം ആരംഭിച്ചു. മൂല്യബോധമുള്ള ഉന്നതവിദ്യാഭ്യാസം കുറഞ്ഞ ഫീസ് നിരക്കില്‍ ഇന്ത്യന്‍ വിദ്യാര്‍ത്ഥികള്‍ക്ക് നല്‍കുക എന്നതാണ് തങ്ങളുടെ ഉദ്ദേശമെന്ന് മാനേജിംഗ് ഡയറക്ടര്‍ ടി.പി മുഹമ്മദ് പറഞ്ഞു. റിയാദില്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ അല്‍ ഫാനൂസ് ഡയറക്ടര്‍മാരായ ഫസലുദ്ദീന്‍, ഹുസൈന്‍, അല്‍ഡ ഹുദ സ്കൂള്‍ പ്രിന്‍സിപ്പല്‍ മുഹമ്മദ് മുസ്തഫ എന്നിവര്‍ പങ്കെടുത്തു.

-

അഭിപ്രായം എഴുതുക »

ബര്‍വ , ബാങ്കിംഗ് രംഗത്തേക്ക്

July 7th, 2009

ഖത്തറിലെ പ്രമുഖ റിയല്‍ എസ്റ്റേറ്റ് കമ്പനിയായ ബര്‍വ , ബാങ്കിംഗ് രംഗത്തേക്ക് കടക്കുന്നു. ബര്‍വ ബാങ്ക് എന്ന് പേരിട്ട സ്ഥാപനത്തിന്‍റെ പ്രവര്‍ത്തനോദ്ഘാടനം രണ്ടാഴ്ച്ചക്കകം തുടങ്ങും. സര്‍ക്കാറിന്‍റെ അനുമതി ലഭിക്കുന്നതോടെ ദോഹയിലെ ഗ്രാന്‍റ് ഹമദ് സ്ട്രീറ്റില്‍ ആദ്യ ശാഖ പ്രവര്‍ത്തനം ആരംഭിക്കുമെന്ന് കമ്പനി വൃത്തങ്ങള്‍ അറിയിച്ചു. ഒക്ടോബറോടെ രാജ്യത്തിന്‍റെ വിവിധ ഭാഗങ്ങളില്‍ കൂടുതല്‍ ശാഖകള്‍ ആരംഭിക്കും.

-

അഭിപ്രായം എഴുതുക »

ഷിഫാ ജിദ്ദാ പോളി ക്ലിനിക്കിന്‍റെ ആരോഗ്യ ബോധവത്ക്കരണ ക്ലാസ്

July 6th, 2009

ജിദ്ദയിലെ ഷിഫാ ജിദ്ദാ പോളി ക്ലിനിക്കിന്‍റെ ആഭിമുഖ്യത്തില്‍ ആരോഗ്യ ബോധവത്ക്കരണ ക്ലാസ് സംഘടിപ്പിച്ചു. ഹൃദ് രോഗം കാരണങ്ങളും പ്രതിവിധിയും എന്ന വിഷയത്തില്‍ നടന്ന പരിപാടിക്ക് ഡോ. അഷ്റഫ് അലി നേതൃത്വം നല്‍കി. മാര്‍ക്കറ്റിംഗ് മാനേജര്‍ ജോണ്‍സണ്‍ ജോണ്‍ അധ്യക്ഷനായിരുന്നു.

-

അഭിപ്രായം എഴുതുക »

ലാന്‍റ് സെല്‍ പ്രോപ്പര്‍ട്ടീസ്

July 5th, 2009

പ്രവാസികളുടെ സഹകരണത്തോട് കൂടി പാര്‍പ്പിട സമുച്ചയങ്ങളും കോമേഴ്സ്യല്‍ സെന്‍ററുകളും നിര്‍മ്മിക്കുമെന്ന് ലാന്‍റ് സെല്‍ പ്രോപ്പര്‍ട്ടീസ് പ്രതിനിധികള്‍ അറിയിച്ചു. പ്രവാസികളുടെ പങ്കാളിത്തത്തോടെ നടത്തുന്ന ഏറ്റവും പുതിയ പദ്ധതിയാണ് തൃശൂരിലെ കല്‍പകോദ്യാന്‍ ഭവന സമുച്ചയമെന്ന് ഡയറക്ടര്‍മാരായ കാപ്പന്‍ ജബ്ബാര്‍, മുഹമ്മദ് സഗീര്‍ എന്നിവര്‍ ജിദ്ദയില്‍ വാര്‍ത്താ സമ്മേളനത്തില്‍ പറഞ്ഞു.

-

അഭിപ്രായം എഴുതുക »

31 of 83« First...1020...303132...4050...Last »

« Previous Page« Previous « പാവപ്പെട്ട രോഗികള്‍ക്ക് സൗജന്യ ചികിത്സ
Next »Next Page » ഷിഫാ ജിദ്ദാ പോളി ക്ലിനിക്കിന്‍റെ ആരോഗ്യ ബോധവത്ക്കരണ ക്ലാസ് »



Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine