ആപ്പിള്‍ എ ഡേ പ്രോപ്പര്‍ട്ടീസിന്‍റെ നാനോ ഹോംസ് അപ്പാര്‍ട്ട്മെന്‍റ് പദ്ധതി ബുക്കിംഗ് ദുബായില്‍ നടന്നു. ദുബായ് ഷെറാട്ടന്‍ ക്രീക്കില്‍ നടന്ന പ്രദര്‍ശനത്തില്‍ സാംപിള്‍ ഫ്ലാറ്റും ഒരുക്കിയിരുന്നു. രണ്ട് ബെഡ് റൂം ഫ്ലാറ്റിന് 7.99 ലക്ഷം രൂപയാണ് വില. അരൂര്‍ ഹൈവേ ബൈപാസില്‍ നിന്നും 10 കിലോമീറ്റര്‍ അകലെ ന്യൂ കൊച്ചിനിലാണ് നാനോ ഹോംസ് നിര്‍മ്മിക്കുന്നത്. പ്രവാസികളില്‍ നിന്ന് മികച്ച പ്രതികരണമാണ് ലഭിക്കുന്നതെന്ന് ഡയറക്ടര്‍ രാജീവ് കുമാര്‍ ചെറുവര പറഞ്ഞു.

സാപ്പിള്‍ പെര്‍ഫ്യൂം പ്രമോഷന്‍ പദ്ധതിയിലെ വിജയി അന്‍വര്‍ ഹുസൈന് ഷാര്‍ജയില്‍ നടന്ന ചടങ്ങില്‍ മിസ്തുബിഷി ലാന്‍സര്‍ സമ്മാനിച്ചു. ഷാര്‍ജ റോളയിലെ കെ.എം ട്രേഡിംഗില്‍ നടന്ന ചടങ്ങില്‍ സ്വിസ് അറേബ്യന്‍ പെര്‍ഫ്യൂംസ് ഗ്രൂപ്പ് സെയില്‍സ് ജനറല്‍ മാനേജര്‍ ഷിബു ചെറിയാന്‍ സമ്മാനദാനം നിര്‍വഹിച്ചു. ബ്രാന്‍ഡ് മാനേജര്‍ സരോഷ് മോയിന്‍, സെയില്‍സ് മാനേജര്‍ ഇഗ്നേഷ്യസ്, ഡിവിഷന്‍ മാനേജര്‍ ശിവാനന്ദ് തുടങ്ങിയവര്‍ പങ്കെടുത്തു.

ഫാത്തിമാ ഗ്രൂപ്പ് സൂപ്പര്‍മാര്‍ക്കറ്റ് ചെയിന്‍ നടത്തുന്ന വിന്‍റര്‍ പ്രമോഷന്‍റെ നറുക്കെടുപ്പിലൂടെ ഒന്നേകാല്‍ ലക്ഷം ദിര്‍ഹത്തിന്‍രെ വൗച്ചര്‍ നല്‍കാന്‍ മാനേജ് മെന്‍റ് തീരുമാനിച്ചു. ജനുവരി 29 മുതല്‍ മാര്‍ച്ച് 29 വരെ വിന്‍റര്‍ പ്രമോഷന്‍ നീണ്ടു നില്‍ക്കും. യു.എ.ഇയിലെ ഏതെങ്കിലും ഫാത്തിമ ഔട്ട് ലറ്റില്‍ നിന്ന് 50 ദിര്‍ഹത്തിന് സാധനങ്ങള്‍ വാങ്ങിയാല്‍ നറുക്കെടുപ്പില്‍ പങ്കാളിയാകാം.

സ് കൈ ജ്വല്ലറിയുടെ ഏറ്റവും പുതിയ രണ്ട് ശാഖകള്‍ കുവൈറ്റില്‍ പ്രവര്‍ത്തനം ആരംഭിച്ചു. കുവൈറ്റിലെ ഫഹേലിയിലെ ആദ്യ ശാഖ ഇന്ത്യന്‍ ചാര്‍ജ് ഡി അഫയേഴ്സ് ദിനേശ് ഭാട്യ ഉദ്ഘാടനം ചെയ്തു. രണ്ടാമത്തെ ശാഖയുടെ ഉദ്ഘാടനം കെ.ജി.എ ഗ്രൂപ്പ് ചെയര്‍മാന്‍ കെ.ജി അബ്രഹാം നിര്‍വഹിച്ചു. ഉദ്ഘാടനത്തോട് അനുബന്ധിച്ച് വിവിധ ഓഫറുകള്‍ ഒരുക്കിയിട്ടുണ്ട്. സ് കൈ ജ്വല്ലറിയുടെ അടുത്ത രണ്ട് ഷോറൂമുകള്‍ ദോഹയിലും ഷാര്‍ജയിലും പ്രവര്‍ത്തനം ആരംഭിക്കുമെന്ന് മാനേജിംഗ് ഡയറക്ടര്‍ ബാബു ജോണ്‍ അറിയിച്ചു.