e പത്രം - ബിസിനസ്സ്: കോര്‍പ്പറേഷന്‍ ബാങ്കിന്‍റെ ഓഫീസ് ദുബായില്‍

24 September 2008

കോര്‍പ്പറേഷന്‍ ബാങ്കിന്‍റെ ഓഫീസ് ദുബായില്‍

കോര്‍പ്പറേഷന്‍ ബാങ്കിന്‍റെ ഇന്ത്യക്കു പുറത്തുള്ള ആദ്യ പ്രതിനിധി ഓഫീസ് ദുബായില്‍ പ്രവര്‍ത്തനം ആരംഭിച്ചു. ഇന്നലെ ദുബായ് ഗ്രാന്‍റ് ഹയാത്തില്‍ നടന്ന ചടങ്ങില്‍ യുഎഇ സെന്‍ട്രല്‍ ബാങ്ക് പ്രതിനിധി സയീദ് അബ്ദുള്ള അല്‍ ഹമീസും ദുബായ് ഇന്ത്യന്‍ കോണ്‍സുല്‍ ജനറല്‍ വേണു രാജാമണിയും ചേര്‍ന്ന് ഉദ്ഘാടനം നിര്‍വഹിച്ചു. കോര്‍പ്പറേഷന്‍ ബാങ്ക് ചെയര്‍മാനും എംഡിയുമായ ബി. സമ്പമൂര്‍ത്തി അധ്യക്ഷനായിരുന്നു. ബര്‍ദുബായിലെ ടൊറൊന്‍റോ ബില്‍ഡിംഗിലാണ് ബാങ്കിന്‍റെ ഓഫീസ് പ്രവര്‍ത്തിക്കുക.

ഒരു ലക്ഷം കോടി രൂപയുടെ ബിസിനസ്സ് എന്ന ലക്ഷ്യം കോര്‍പ്പറേഷന്‍ ബാങ്ക് കൈവരിച്ചതായി ചെയര്‍മാനും എംഡിയുമായ സമ്പമൂര്‍ത്തി പറഞ്ഞു. വിദേശത്തെ ആദ്യ പ്രതിനിധി ഓഫീസ് പുതിയ ഒരു തുടക്കമാണെന്നും അദേഹം പറഞ്ഞു.

0അഭിപ്രായങ്ങള്‍ (+/-)
Links to this post