ഷം‌ന കാസിം നായികയാകുന്ന പുതിയ ചട്ടക്കാരിക്ക് തീയേറ്റര്‍ ഉടമകള്‍ ഏര്‍പ്പെടുത്തിയ വിലക്ക് പിന്‍‌വലിച്ചു. കൊച്ചിയില്‍ ചേര്‍ന്ന യോഗത്തിലാണ് ചലച്ചിത്ര രംഗത്തെ വിവിധ സംഘടനകള്‍ ധാരണയില്‍ എത്തിയത്. ഇതേ തുടര്‍ന്ന് ചിത്രം ഈ മാസം റിലീസ് ചെയ്യുവാന്‍ സാധ്യതയുണ്ട്. ചലച്ചിത്ര രംഗത്ത് പ്രവര്‍ത്തിക്കുന്നവരുടെ ക്ഷേമ നിധിയിലേക്ക് മൂന്നു രൂപ വച്ച് പിരിക്കുവാനുള്ള തീരുമാനത്തില്‍ പ്രതിഷേധിച്ചായിരുന്നു വിലക്ക് ഏര്‍പ്പെടുത്തിയത്. ചിത്രത്തിന്റെ നിര്‍മ്മാതാവ് സുരേഷ് കുമാറാണ് ക്ഷേമനിധി സമിതിയുടെ ചെയര്‍മാൻ .
ആംഗ്ലോ ഇന്ത്യന്‍ പശ്ചാത്തലത്തില്‍ പമ്മന്‍ രചിച്ച നോവലായ ചട്ടക്കാരി 1974ല്‍ ആണ് സേതുമാധവന്റെ സംവിധാനത്തില്‍ സിനിമയായത്. നടി ലക്ഷ്മിയായിരുന്നു നായികയായ ജൂലിയെ അവതരിപ്പിച്ചത്. ഈ ചിത്രം അക്കാലത്തെ വന്‍ ഹിറ്റായിരുന്നു.
സേതുമാധവന്റെ മകന്‍ സന്തോഷ് സേതുമാധവന്‍ സംവിധാനം ചെയ്യുന്ന ചട്ടക്കാരിയുടെ റീമേക്കില്‍ ഷം‌നയാണ് ജൂലിയെ അവതരിപ്പിക്കുന്നത്. ഹേമന്ദാണ് നായകൻ. ഇന്നസെന്റ്, സുകുമാരി തുടങ്ങിയവര്‍ അഭിനയിക്കുന്ന ചിത്രത്തിന്റെ സംഗീത സംവിധായകന്‍ എം. ജയചന്ദ്രന്‍ ആണ്.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: actress, shamna-kasim
