മുംബൈ: സദാചാര പോലീസിന്റെ നടപടികള്‍ക്ക് എതിരെ തെന്നിന്ത്യന്‍ നടി ഷമിത ശര്‍മ്മ നഗ്നത പ്രദര്‍ശിപ്പിച്ചു കൊണ്ട് പ്രതിഷേധിച്ചു. ആവര്‍ത്തിക്കുന്ന സദാചാര പോലീസിന്റെ ഇടപെടലു കള്‍ക്കെതിരെ ബോധവല്‍ക്കരണം നടത്തുവാന്‍ ദേശീയ പതാകയുടെ നിറത്തില്‍ ചെറിയ വസ്ത്രങ്ങള്‍ അണിഞ്ഞാണ് നടി പ്രത്യക്ഷപ്പെട്ടത്. ചില സംഘടനകളും പോലീസും ചേര്‍ന്ന് നടത്തുന്ന ഇടപെടലുകളോടുള്ള പ്രതിഷേധത്തോടെ നഗ്ന ചിത്രങ്ങള്‍ അധികൃതര്‍ക്കും അയച്ചു കൊടുത്തു. മുംബൈയില്‍ സ്വകാര്യ പാര്‍ട്ടികളില്‍ മയക്കുമരുന്നു വിതരണം ചെയ്യുന്നതും ഒപ്പം ഫ്രീസെക്സ് നടത്തുന്നതിനുമെതിരെ പോലീസ് കര്‍ശന നടപടികള്‍ എടുത്തു കൊണ്ടിരിക്കുകയാണ്. ഇത്തരം പാര്‍ട്ടികളില്‍ പങ്കെടുക്കുന്നവരെ പോലീസും സദാചാര പോലീസുമെല്ലാം ക്രൂരമായി മര്‍ദ്ദിക്കുന്നു എന്നാണ് നടിയുടെ ആരോപണം. റേവ് പാര്‍ട്ടികളോ സമാനമായ പാര്‍ട്ടികളോ അനുവദിക്കില്ലെന്നാണ് പോലീസ് നടപടികള്‍ സൂചിപ്പിക്കുന്നത്. എന്നാല്‍ ഇതിനെതിരെ ഒരു സംഘം യുവതീ യുവാക്കള്‍ ഇതിനോടകം പ്രകടനം നടത്തിക്കഴിഞ്ഞു.
ഷമിതയുടെ നഗ്നതാ പ്രതിഷേധം ഇതിനോടകം ബോളിവുഡില്‍ ഉള്‍പ്പെടെ ചൂടേറിയ ചര്‍ച്ചകള്‍ക്ക് ഇട നല്‍കിയിട്ടുണ്ട്. ഇതിനെ അനുകൂലിച്ചും പ്രതികൂലിച്ചും ഓണ്‍ലൈനിലും ധാരാളം പോസ്റ്റുകള്‍ പ്രത്യക്ഷപ്പെട്ടു കഴിഞ്ഞു. ഷമിത ചീപ്പ് പബ്ലിസിറ്റിക്ക് ശ്രമിക്കുകയാണെന്നും ഇത്തരം പാര്‍ട്ടികള്‍ സമൂഹത്തിനു ഗുണകരമല്ലെന്നുമാണ് എതിര്‍ക്കുന്നവര്‍ പറയുന്നത്.
- ജെ.എസ്.
അനുബന്ധ വാര്‍ത്തകള്‍
വായിക്കുക: actress, controversy, shamita-sharma
